|
حصريا.....التوقعات التقريبية لتنسيق كليات الهندسة 2011
بترول وتعدين السويس ج قناة السويس 409.5 هندسة القاهره 396 هندسة المنصوره 395.5 هندسة سوهاج 395 هندسة طنطا 394.5 هندسة عين شمس 394.5 هندسة كفر الشيخ 394 هندسة الاسكندريه 393.5 هندسة قنا 392.5 هندسة الزقازيق 392 هندسة الفيوم 391.5 هندسة شبين الكوم جامعة المنوفية 391.5 هندسة اسوان ج جنوب الوادى 391 هندسة شبرا بنها 391 هندسة حلوان 390.5 هندسة بور سعيد ج قناة السويس 389 هندسة المطريه جامعة حلوان 388.5 هندسة اسيوط 387.5 هندسة المنيا 386.5 يا جماعة دي توقعات رجوعا لفروق نسب الدرجات بين السنين و الله أعلم |
ههههههههههه انا جايبه 388 ومن البحيره شكلى هعيد فيلم المنيا تانى اصل اختى كانت فى صيدله المنيا ههههههههه
|
اقتباس:
ههههههههه لا ان شاء الله حاجة أقرب بس ينزلوا التنسيق شوية |
اقتباس:
غريبة شوية ان بترول وتعدين توصل لـ 409.5 ! :o انا الحمد لله اقدر ادخل القاهرة لكنى هدخل عين شمس خير بارك الله فى حضرتك :078111rg3::078111rg3: |
التنسيق عالى اووووى كده ليه انا مسمعتش كده خالص اناسمعت ان هندسه القاهره بتاخد من 94 % مش 96% ربنا معاكم كل اللى خلصوا ثالثه دلوقتى وداخلين هندسه ويوفق كل اللى داخل كليات ثانيه ويوفق كل اللى لسه هيدخل
|
اقتباس:
دي توقعات بس مظنش حتبقى أقل من كده بأكتر من درجة اقتباس:
حنعمل ايه بقى اعلى مجاميع السنة دي و الشرايح كلها مليانة |
اقتباس:
بجد ربنا يستر على المراحل اللى بعد المرحلة الاولى على كدة هيبقى تنسيقهم ان شاء الله مش مناسب لشرايح المجاميع انا زميلتى جابت 93.7 وفرقت معاها على 2 من عشرة علشان تلحق المرحلة الاولى ! :o بس لو هندسة قبلت من 94 هيبقى عدد المقبولين متوسط مش كتير ومش قليل لكن لو زادت هتبقى مشكلة كبيرة جدااا ولو قلت عن 93 ونص هتبقى مشكلة كبيرة بردو بارك الله فيك |
طيب ايه توقعاتك لكليات الطب يا ريت حد يرد عليا
|
اقتباس:
معرفش و الله بس الي اعرفه انها مش حتقل عن 403 أقل كلية |
اقتباس:
اهلا بيك فى عروس الصعيد ........ وان شاء الله نتقابل فى هندسة المنيا:039uw8: |
مش هعلق غير بكلمه واحده
ربنا يستر :giljotiiniug3: |
هو التنسيق التوقعي ده في اسوأ الظرُوف و لا ممكن يزيد عن كده ؟
|
تصدق انا جايب 388 من سوهاج و كنت عايز اخلع من هندسة سوهاج و روح اسيوط وربنا عالم انا تعبت قد ايه على العموم شكرا لمجهودك و ان شاء الله التنسيق مايزيدش عن كده
|
فين هندسة بني سويف
|
بس الدرجات اللى انت جايبها دى عاااااااااالية اوى عن 2009 وهما قالوا هى قريبة من 2009 ازاى ؟؟؟؟ ربنااااااااااا يستر :049gc0: ولو سمحت انت جايب الكلام دة منين * انا قصدى المصدر يعنى * والله الموفق ضــــــــــــــى الفجر |
طب كلية العلوم ايه الاخبار عنها
|
اقتباس:
اولا : انا عرفت انى اول سنة يهتموا اوى بالتوزيع الجغرافى يعنى ممكن ده يسهل الموضوع شوية ثانيا : حضرتك زودت 4 درجات على كل كلية عن 2009 على اى اساس ؟ ثالثا : انا اتمنى انى التوقع ده يقل نصف درجة فقط رابعا : هو طلب انا عاوز اعرف اعداد اللى بتقبلهم كل كلية من الكليات ده |
والله يبقى حرام لو كدة يارب استرها معايا
|
اقتباس:
أنا بهدى الأغنية دى ليا و لكل الطلبة و طريقك يا ولدى مسدود مسدود مسدود |
تسمحلي اقولك حاجة
انت بتهرج عالاخر مزودلي كل كلية 4 درجات عن اعلى نسبه جت ليها و تقولي متوقع طب متوقع ازاي يعني و لا حضرتك جايبها من الكنترول بطلوا بقى الفتي ده |
اقتباس:
ربنا يستر علينا كلنا اقتباس:
ممكن يزيد او يقل بمقدار درجة اقتباس:
ربنا يوفقك و يوفق الكل للي عايزه اقتباس:
هندسة بني سويف ما لقيتهاش موجودة في التنسيقات قبل كده علشان كده قللت من درجات اللي حواليها في التوقعات لانها حتقلل الاعداد اللي طالباهم بس مقدرتش اتوقع حتبقى كام اقتباس:
لو قارنت شرايح كل درجة ب 2009 حتلاقيها عالية جدا علشان كده لازم تكون اعلى و الكلام ده مجرد توقعاتي اقتباس:
أولا : لا مش اول سنة ثانيا : لو لاحظت مش اربع درجات و فيه اختلاف في كل كلية على حساب الكليات المقاربة و لو لاحظت تنسيق مرحلة اولى زاد الحد الادنى بتاعه 5 درجات عن 2009 ثالثا : احتمال كبير لان دي توقعات بس رابعا : الي اعرفه ان متوسط القبول 1.5 ألف طالب طبعا فيه كليات كبيرة زي القاهرة و عين شمس و الاسكندرية بتزيد عن كده اقتباس:
سؤالك جاوبته في سؤال ( الأول أنا ) و التوقعات دي انا بانيها على 3 حاجات : 1-أعداد كل شريحة درجات اللي نشرت في الجمهورية و مقارنتها بالسنوات السابقة 2-زيادة الحد الأدنى للمرحلة الاولى 5 درجات 3- التوزيع بالمناطق الجغرافية و شكرا على ذوقك لأن أنا كاتب ان دي مجرد توقعات يعني ما فتتش و ما قولتش جايبها من الكونترول و اللي مش عاجباه التوقعات يقنع نفسه انها لا يمكن تكون كده و ميقوليش بطلوا فتي |
ربنا يستر بجد حسبى الله ونعم الوكيل
|
طيب انا عندى فكرة
هنستنا نتيجة التنسيق على الجمعة او السبت الجاى ايه رأيك فى الفكرة ده ؟؟!! |
أولا : لا مش اول سنة
ثانيا : لو لاحظت مش اربع درجات و فيه اختلاف في كل كلية على حساب الكليات المقاربة و لو لاحظت تنسيق مرحلة اولى زاد الحد الادنى بتاعه 5 درجات عن 2009 ثالثا : احتمال كبير لان دي توقعات بس رابعا : الي اعرفه ان متوسط القبول 1.5 ألف طالب طبعا فيه كليات كبيرة زي القاهرة و عين شمس و الاسكندرية بتزيد عن كده [/center] معلش عندى سؤال ثانى فى لربع كليات موجودة فى التنسيق حضرتك محطتهمش فى التوقع بتاعك هم 1 - هندسة بنها 2 - الاسماعيلية 3 - هندسة بنى سويف هم تقريبا اول سنة ينزلوا التنسيق ممكن تجاوبنى ملحوظة : اسلوب حضرتك لزيز بتعتمد على الادلة شكرا لحضرتك . |
اقتباس:
|
طيب انا جايب 392.5 كده صعب اجيب عين شمس او القاهره صح؟
طيب لو جبت كليه تانيه ينفع اقدم ورقى و بعد كده احول ولا ايه؟ |
انا جايب 393 هل ممكن الحق هندسه قنا.................................؟
ارجو الرد والافاده |
يا شباب ده مجرد توقعات احنا بنسلى نفسنا مش علشان نشد اعصابنا و كلها يومين و نعرف اللى احنا هندخله و يارب كل واحد يدخل اللى هو عوزه
|
انا جايب 384 ألحق هندسة انا ياعم الصريح ولا لا
|
ان شاء الله تلحق بس اعمل حسابك انك من المحتمل متلحقش و ده الاحتمال الاكبر طول ما الوزير فى مارينا
و ربنا معاك |
توقعااااااات زى الفل وكلام منطقى وفى اعتقادى المتواضع انها مش هتنزل عن كده لان تنسيقنا هيبقى قريب من تنسيق 2007 يعنى هيزيد حاجه صغنتوته جدا شكرا يا جميل |
اقتباس:
و مش عارف ازاي قارنتها بالسنوات السابقه , يعنيجيت المجاميع و عدد اللي جابوها ازاي في السنين اللي فاتت و قارنتهم التاني زيادة الحد الادنى 5 درجات مش معناه رفع الكليات 4 درجات الحكاية متتحسبش كده حط في الاعتبار ان في نسبة مش هتدخل هندسة هتبقى عايزه حاجة تانيه ثم ان في 3 كليات هندسة جديده , بجانب زيادة اعداد المقبولين التالت مش عارف موضوع المناطق الجغرافيه ازاي توقعت بيه و تقسيمات الطلبة عرفتها ازاي , ياريت تشرحلي لأني مش فاهم و بعدين انت جاي في مرحلة حساسه جداً و تتوقع و المفروض انك عارف ان المواضيع ملبشه في البيوت و محدش مستحمل اي قلق يعني قل خيراً او تصمت يكون احسن |
ح
هو يا جمااااعة انا كنت عايزة اسأل سؤال : هو ممكن لو جتلى مثلا هندسة المطرية وانا عايزة هندسة عين شمس ممكن احول بعد التنسيق علطول ولآ لا؟؟؟؟ * مع العلم ان هما الاتنين واقعين فى نفس المنطقة بتاعتى يعنى تبع التوزيع الجغرافى * ياااااااريت اللى يعرف يجاوبنى بسرعة :slap1qk6: والله الموفق :049gc0: ضى الفجر |
اقتباس:
اها ينفع ............ينفع التحويل من جامعه لجامعه فى نفس القطاع بشرط ان تكون للاقرب بتعملى التحويل عالنت بعد النتيجه |
اقتباس:
كلنا مستنيينه بس التوقعات مفيدة في تحديد الطريق و تقليل الصدمة في حالة زي حالتنا اقتباس:
أنا مجاوب السؤال ده و قولت اني معرفتش احددهم لأني ما شفتهمش في تنسيق قبل كده فمقدرش أتوقعهم لكن قللت اللي قريبين منهم او اللي كان بيعتمد عليها طلاب المدن دي في التنسيق و بعدين بلاش حضرتك دي يا راجل احنا من سن بعض اقتباس:
ربنا يسهلك و يسهلنا و بالنسبة للتحويل ممكن بعد المرحلة التانية بس بنسبة معينة بيحددها المجلس الاعلى للجامعات و فيه بعد كده تحويل بس بعد ما تكون قدمت في اللي قبلت فيها اقتباس:
أكيد بأذن الله لو انت خايف غيرك يعمل ايه اقتباس:
يا رب اقتباس:
ما ظنش هندسة تنزل مرحلة تانية حاول تفكر في حاسبات و معلومات اقتباس:
يا ريت لكن شكلها كده حيبقى التنسيق اللي بيخوفوا بيه العيال |
اقتباس:
هندسة على طول بتنزل مرحلة تانيه حتى في اعلى سنة في التنسيق بتاعت 2007 المطرية و في كليتين كمان بينزلوا مرحلة تانيه على طول يا نجم انا عايز اقولك حاجة احنا مجاميعنا مش المهولة اللي مخوفين بيها نفسنا دي مجاميعنا عاليه لكن عادية مش خرافيه عشان التنسيق تعليه كده و كمان هندسة متنزلش مرحلة تانيه |
اقتباس:
اقتباس:
مع احترامى الشديد نتائج السنادى عاليه جدا اعلى من اى سنه سابقه موكد مفيش هندسه هتنزل مرحله تانيه السنادى هتزيد عن سنه 2007 بنسبه طفيفه لكن مش هتقل ولا هتبقى زيها تحياتى وبالتوفيق |
اقتباس:
مستعد مدخلش المنتدى ده تاني من بعدها و اكتب رد ان انا مبفهمش يا سيدي لو طلع الكلام غلط و لو نزلت مرحلة تانيه و طلع كلامكم كله هلس هتقولوا ايه , ولا هتسكتوا و كأن شيئاً لم يكن |
اقتباس:
الأجابة في الاقتباس اقتباس:
أجابة محمد وافية و صحيحة |
اقتباس:
ماشي يا عم المعارض انا بقول مظنش تنزل مش مظنش بتنزل يعني قصدي السنة دي مش السنين اللي قبل كده و بقية كلامك انا تقريبا قاعد ارد عليه من الصبح |
اقتباس:
بمناسبة شبكة الاستاذ الشبكة مبتجبش الترتيب على المحافظة بالمستوى , او ترتيبك على شعبتك في المحافظة على فكرة عشان تقدر توزع توزيع جغرافي صح ثم انا قلتلك اشرحلي عرفت ازاي تقسم التوزيع الجغرافي يعني اديني مثال القاهرة مثلا , زيادة اقتناع يا كابتن ؟؟ التوقعات مفيده لتقليل الصدمه ! و الله ! صدمة ايه يا كابتن ده انت هتعيشني في قلق لحد ما نتيجة التنسيق تطلع الحدود و الامكانيات دي لو انا شايف ان مجموعي ده مش بيدخل الكلية المعينه انما لما الاقيه كل سنة بيدخل الكلية و تيجي سعادتك و بكل استخفاف تعلي كل كلية 4 درجات و تقولي انا ماشي على اساس و احصائيات و تكتب التوقعات التقريبيه للكليات لأ انت تكتب توقعاتي التقريبيه لأن انت مش مصدر قوي و مالكش الحكم على شيئ ,على فكره انا مش بعارض لمجرد المعارضه او عشان اثبت اني صح بالغصب بس اصل كلامك غير طبيعي بالمرة و بتقول انك معتمد على دلائل بالرغم انك مضربتش مثال واحد لكيفية التقييم ده " يعني قصدي السنه دي مش السنين اللي فاتت " مانا عارف و الله انك قاصد السنه دي و السنه دي مش هتختلف كتير عن 2007 و 2009 اللي نزلت فيها الهندسه مرحلة تانيه |
اقتباس:
الأجابة في الأقتباس |
اقتباس:
و الرد في الاقتباس ^^ |
يا شباب لو سمحتم اهدوا شوية احنا كلنا متوترين لكن فكرة التوقع مقبولة و نصيحة الاخ omar-st انه ينزل التوقع الخاص بيه لو سمحت بدل ما نتعب بعض كدة ايه رايكم يا شباب مش ده حل وسط
|
الاول انا
احنا مش بنتخانق انا بتكلم عادي و الله ازاي انزل توقع و انا اساساً رافض لفكرة التوقعات لأن احنا اولاً معندناش المعلومات الكافية عشان نقيم و نقول درجات بالظبط و ثانياً الحكاية نسبة و تناسب و بتعتمد على تقديم الطلبة نفسهم و ثالثاً ان في حاجات كتير بتحصل في الكواليس زي ما بيقولوا احنا منعرفش عنها و رابعاً ان مش هييجي من التوقعات دي غير القلق بس |
اقتباس:
اقتباس:
لو هندسه نزلت مرحله تانيه معتش هدخل المنتدى هنا نهائى |
omar-st : شكلنا كده ممكن نتجادل للأبد بلا نهاية و مش حيفصل بينا غير التنسيق فكلها تلات أو اربع ايام و نعرف مين صح و مين غلط و بالنسبة للتوقعات اللي بتقلق و بتزعل و كده شوف اللي بيكتبوا دراجتهم عالمنتدى معظمهم 400 و شوية ( انا شايف 20 واحد كده من 25 شفت دراجاتهم عالمنتدى ) و لما الواحد يكون جايب 384.5 و مش داخل مرحلة اولى و لما تمشي في الشارع بتاعك تلاقي كذا واحد جايب فوق ال 405 ( على غير العادة من السنين اللي قبل كده ) كل ده ما يقلقش و التوقعات هي اللي تقلق يعني ؟! |
خلاص بما انك مردتش على ردي اللي فات و بما انك معتبره جدال يبقى نوقف الكلام بيننا لحد كده
و لما التنسيق يطلع هبقى ارجعلك تاني في الموضوع ده سلام |
اقتباس:
احب اقولك ان هندسة بنى سويف فعلا منزلتش تنسيق 2009 بالرغم من انها فتحت وكان فيها دفعة بس هى قبلت تحويلات اهالى المحافظة فقط بس لو حضرتك بصيت على تنسيق سنة الفراغ هتلاقى هندسة بنى سويف وتقريبا كانت واخد 92.5 % وانا اعتقد انها هتكون من اعلى 4 كليات هندسة فى المجموع |
فعلاً التنسيق هيعلى جامد ويارب توقعاتك تبقى صح لأنى جايب 99.4 - 407.5 ومش عايز ادخل بترول وتعدين وابويا مصر ادخلها
بس على فكرة فى المجاميع من 100 وأكثر / 99 % النسبة قليلة لا تزيد عن 1000 طالب لكن بقى 98 / 97 / 96 / 95 النسبة عالية أوى أوى لذلك أعتقد كليات بترول وتعدين و طب أسيوط مش هتفرق أوى لكن كليات الطب العباقية والهندسة هتعلى جامد جداً ولو عايزين تقدروا صح حط فوق كل كليه 3 درجات من تنسيق 2009 وبكده تبقى فى الأمان لأن التنسق عمره ما هيزيد 3 درجات لكن المؤكد انه هيزيد عن 2009 واكيد هيزيد عن 2007 بكتير |
| جميع الأوقات بتوقيت GMT +2. الساعة الآن 12:26 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.