كلية التجارة ليها شغل ولا عايزة واسطة
 

يا جماعة أنا روحت كلية الاداب و سألت على قسم الأثار اللى فى الكلية طلع إن لازم اكون جايب مش اقل من 42 فى الإنجليزى و أنا جايب 41.5 فكدة خلاص القسم دة مش هينفع ادخلة.
كنت عايز اخد رأيكوا فى كلية التجارة أنا لو دخلتها إن شاء اللة لما اتخرج ممكن اشتغل ولا لأ دة بالنسبة لكلية التجارة العادية مش تجارة إنجلش و شكرا .

يا ريت يا جماعة حد يرد عليا و يقولى اعمل عشان لو فى كورسات مهمة ممكن اخدها عشان المهم الواحد لما يتخرج يلاقى شغل و شكرا .

يا ريت يا جماعة حد يرد عليا .

يا أخى الرزق بالله .......... خلليك فى دراستك وكليتك وإعمل اللى عليك ......... مافيش حد يعرف رزقه إيه ةلا فين ........ فى ناس مليونيرات ومعهاش شهادات ........ وفى ناس شهادات ومش عارفة تعيش والعكس صحيح ......... إنت لسة قدامك أربع سنين دراسة .......... وإحنا بعد الثورة ...... والله أعلم الوضع هيكون إزاى بعد أربع سنين ده لو عشنا يعنى. ربنا يوفقك.

معلش
ثورة مش ثورة
البلد دي مش هاتتصلح الا شهر 16 يوم 37 الساعة 28

مش ده اليوم اللي هيتقابل فيه العيد الصغير مع العيد الكبير ؟

انتو بتهزروا ولا اية يا جماعة عيدين اية اللى هيتقابلو مع بعض!!!!!!!!!!!!!!!!!!!1

كلامك جميل يا اخ عادل بس أنا سألت كدة عشان فى ناس كانت بتخوفنى منها و تقولى عايزة واسطة بس شكرا جدا على ردك و ربنا يوفق الجميع .

شكرا لذوقك يا أبانوب ........ وإن شاء الله عشمنا كبير فى البلد بعد الثورة ...... وميكونش فى لا وسايط ولا محسوبيات وكل واحد يا خد حقه ......... إنت منين يا أبانوب ؟ من وجه قبلى ؟

شكرا ليك يا اخ عادل بس أنت بجد اللى كلك زوق و يا رب بجد البلد تتغير و تنتهى الواسطة و الكلام اللى جايبنا وراء دة .
بالنسبة لية أنا من القاهرة من منطقة إسمها الأميرية لو تعرفها . ... و أنت بقى منين ؟

شكر يا أبانوب وأنا أسمع عن الأميرية بس طبعا مارحتهاش ...... أنا من بورسعيد والحمد لله ربنا وفقنى وجيبت 98.5 علمى رياضة وكان عندى أمل أدخل بترول وتعدين ......... بس عشان ظروف عائلية إن شاء الله هيكون هندسة بورسعيد ..... وإن شاء الله نكون أصدقاء ......... إن شاء الله هتبقى محاسب أد الدنيا ... وهتنسى أن ليك صديق من بورسعيد ......... إوعى !!!!

إنت فين يا عادل؟ أنا بعتلك رسالتين على الخاص؟ إنت زعلان منى فى حاجة؟ الرسايل وصلتك ولا لأ

أهلا وليد ... أيوة وصلتنى وهرد عليك صدقنى ......... وأنا آسف على التأخير بس كنت مشغول شوية ... آسف مرة تانية

لأ مافيش أسف ولا حاجة وأنا هتصل بيك النهاردة بعد التدريب بس إبقى رد عليا

أوكى ياوليد ... يعنى أنا هخلص على الساعة 7 إلا عشرة ....... يعنى ممكن الساعة 7

بجد واللهى أنت شكلك عسل اوى و دمك خفيف جدا ......... بس بجد أنا اكيــــــــد اتمنى إن يكون لية صاحب زيك و ربنا معاك و تدخل الكلية اللى نفسك فيها و على فكرة أنا لية اصحاب من بور سعيد او بمعنى اصح هو صاحب فمش معقولة هتعرفوة :d...

شكرا على ذوقك يا أبانوب ......... وأنا اللى أتشرف بصداقتك .......... ربنا يوفقك يارب ويوفقنا جميعا

يابنى المستقبل بإيد ربنا

بصى حضرتك بالنسبة لأداب اعلام أنا روحت كلية الأداب و عرفت الشروط بتاعة كل قسم .
فبالنسبة لقسم الاعلام الشرط بتاعة إن مجموع اللغات (عربى + إنجليزى + لغة اجنبية تانية ) = 142 عشان تقبلى فى القسم .
و بالنسبة لى أنا سألت كويس جدا على أداب اعلام و كل الأساتذة قالتلى إن القسم دة = كلية الاعلام بس الفرق إن كلية الاعلام هتلاقى فيها كذا قسم إنما أداب اعلام هتلاقى فيها تقريبا 3 اقسام .
فأنا كنت مستغرب يعنى معقولة اللى طالع من اداب اعلام هيبقى زية زى اللى طالع من كلية اعلام فسألت الأساتذة.... كلهم قالولى إن القسم دة بيبقى عالى جدا و لما تدخلة هتلاقى كل الناس اللى فية جايبة مجاميع عالية بس مدخلش كلية الاعلام على حاجة بسيطة .
فلو حضرتك مجموعك فى اللغات 142 أنا رأيى اكيـــــــــد تدخلية و انتى مغمضة و لو محصلش نصيب و مقبلوكيش تقدرى تسحبى ورقك و تدخلى تجارة .... يا رب اكون قدرت افيدك .... ربنا يوفقك و يوفق الجميع ..

برافو يا أبانوب ........ معلومات قيمة جدا والناس اللى فى نفس الظروف دى هتستفيد منها .... ياريت بقى تعمل موضوع منفصل بالكلام ده وإعطيله عنواب مناسب من برة عشان الطلبة تشوفه لأنها تجربة كويس منك .. ربنا معاك

اوك يا عادل فكرة جميلة جدا إن اعمل موضوع عن الكلام دة .

طب انا عندي سؤال بعد اذنكم انا معفية من اللغة الثانية يعني مجموع اللغات لو جايبة الدرجات النهائية استحاله اجيب من 142 دا العربي من 60 والانجليزي من 50 علي كدا بقي الوضع يبقي ايه ؟؟؟؟؟؟؟؟؟؟؟؟؟؟؟؟؟

بصراحة أنا رأيى إنك تروحى الجامعة و تسألى هناك فى شئون الطلبة و إن شاء اللة هيفيدوكى و يقلولك تعملى اية .

شكرا لك اخي الكريم

مش شرط الشغل يكون بواسطة والكفاءة هى العامل الأساسى

ليها شغل بس بالواسطة