|
ناجحو الثانوية العامة يحاولون اقتحام وزارة التعليم العالى ( اغلقوا مواضيع التظاهر )
حاصر نحو 50 طالبا من الناجحين بالثانوية العامة، وحاولوا اقتحام مقر وزارة التعليم العالى وكسر الباب الحديدى لها، مطالبين بتخفيض الحد الأدنى للقبول للمرحلة الأولى للتنسيق إلى 90%.
وخاطب الموظفون طلاب الثانوية مطالبين إياهم بعدم التخريب وعدم اقتحام مقر الوزارة، وأكدوا أنهم سيدافعون عن المبنى ضد أى هجوم. وكانت وزارة التعليم العالى قد أعلنت عن قبول 120 ألف طالب وطالبة بالمرحلة الأولى للثانوية العامة بحد أدنى 93.9 لطلاب العلمى، و79.2 لطلاب الأدبى. المصدر : اليوم السابع ########################## هو ده اخريتها ..... اقتحام وتكسير ...... شكرا يا شباب يا متعلم ...... :040vk0: شارك معانا في حملة لغلق المواضيع التي دعت لمثل هذه التظاهرة |
50 بس امال ايه مظاهرات و اعتصامات شدوا حيلكم واحنا معاكم
|
مش مهم العدد كان كام المهم الخسائر الي عملوها
|
كلوا بيدور على مصلحته مش اكتر وحسبى الله ونعم الوكيل
|
ربنا يسطر على البلد وقال ايه هما فاهمين بيعملوا ايه اصلهم كلهم عباقره وعاوزين يدخلو طب
|
اقتباس:
|
ربنا يسطر ...
|
اللعنة على هؤلاء
|
اقتباس:
|
اللى ايده ف الماية مش زى اللى ايدوا ف النار فيه ناس لاتفقه شيئا بردوا وبتدخل كليات القمة ... وهما اللى بيعملوه فينا مش حرام .. كل اللى مش عايز مظاهرات هوا اللى عايز يدخل كليات القم لوحده .. مبتحبوش الخير لغيركم أبدا !! مع ان ممكن يكون غير تعب وذاكر أكتر منكم
|
اقتباس:
ومش من الصعب علية انه يدينى الدرجات ديه وعلشان كدة انا ليه عند حضرتك سؤال ايه راى حضرتك فى اللى حصل؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ |
اقتباس:
|
بجد حرااام انا جايب 96.7 ومش هدخل صيدله ليه يعني احنا بنطالب بعدم التخريب ولكن حقنا اننا نعترض على التنسيق العالي ده مش في الاخر ادخل كليه تاني بتاخد من 90% يبقى تعب سنتين راح كده وكفايه اني الواحد اتظلم السنه اللي فاتت في 3 درجات في الرياضه ومشفتش منهم حاجه والسنادي كمان اتظلمت في الاحياء وبرضو متأكد مش هاخد حاجه وفي الاخر عايزين الواحد يسكت ازاااااااااااااااااااااااااااااااااااااااااااااااا اااااي
|
اقتباس:
ماشى وصلت بس مين قالك انها بتفرق فى علمى عن ادبى وبعدين برده مين قالك انى مكنتش هاموت على كلية وادخلها بس انا مهما قولتلك مش هتفهمينى غير لما تكونى مؤمنة لابعد الحدود ان اللى ربنا بيكتبه بيكون الاحسن وده مش كلام وخلاص بالله ده عن تجارب كتير سواء ليه او لحد اعرفه ومع كده احنا وصلنا لنفس النقطة ان مافيش تخريب بس زى ماانتى بتقولى انهم بيتظاهروا علشان حقهم ومن حقهم بردوا انهم يخربوا ؟ وبعدين فى اختلاف كبيييييييييييييييييييييييييييييييير بين ثورة 25 وثورة التنسيق |
هل هذا سلوك طلاب محترمين يحاولون اقتحام المبني و يقوموا بالتخريب !!!!!!!!!!!!
شعار الثورة المصرية سلمية سلمية |
في طلبة عندها كمية غضب مش تكسر وزارة دي تولع في بلد كاملة
الظلم وحش يا جماعة |
لا تصدقوا رجالة بجد هو ده اللى احنا اتعلمناه فى المدرسة خد حقك بدراعك
|
اقتباس:
نفهم من كدة ايه؟ ان حضرتك مع التخريب:( ولا ايهههههههههههههههههههههههههههه؟:excl: يا ريت توضح |
اقتباس:
وحضرتك بتتقرري بالنيابة عني ليه ؟ لاطبعا مش مع التخريب بس مش مع الظلم كمان : التعليق بتاعي مجرد تعليق واضح ومفيهوش اي كلمة زيادة : |
لا دي مش بلطجه عشان كل وزير بييجي يعمل ال هو عاوزه ويمشي والوزير الجديد ما شاء الله تاني يوم ما مسك الوزاره قدم طلب اجازه عشان يروح يصيف!! ومش كده وبس لأ كمان لغي كل القرارات ال قررها الوزير ال قبله عشان الثانويه والتنسيق ومعاليه لسه راجع امبارح م المصيف بيقولهم ايه عملتوا ايه ؟؟ وبعدين متلوموش علينا احنا اتبهدلنا ف الامتحانات دي ف حين ان كان فيه ناس شبعانه غش ف غش وبعدين من امتي الحد الادنى بيبقى 94% كانوا بيجيبوا 101% والحد الادنى بيبقى 90 او 91 % وبعدين حرام في ناس كتير اتظلمت انا السنه ال فاتت قدمت تظلم عشان الكمياء والجبر لقيت 14 درجه مخدتش ولا نص درجه حلال ده ولا حرام كانوا هيرفعوني 7% يعني من الارض للسما والسنه دي مرضيتش اقدم مع اني مدمره ف درجات كتير بس قولت قدر الله وما شاء فعل بجد انتوا لو حاسين بقهرة الطالب واهله لما يبقى حاسس انه ضايع مش هتقولوا كده وبعدين هما مغلطوش وبالعكس عملوا ال مقدرناش احنا نعمله ! بس ف النهايه يا ريت اتسمع لكلامهم والناس اللي ف الوزاره هاممهم ايه ما هو اي واحد فيهم عنده ابن بيجيب 200% وبيدخل الكليه ال هو عاوزها الدور والباقي ع الغلابه ال زينا ومعلش لو خدتوا بالكوا كاتبين ف اليافطه ال هما ماسكينها انا مش لاقي مكاني ما هما عندهم حق لما النهارده ف الجرنال كاتبين ان طلاب المرحله الاولى احتلوا جميع الاماكن طيب واحنا هنروح على فين نرمي نفسنا ف البحر ان شاء الله انا جايبه 85% وع التنسيق ده يبقى انا ولا مرحله تالته بقى!!! بس ف النهايه ممكن اسأل سؤال .... لما الحد الادنى للمرحله الاولى واخد من 94% طب المرحله التانيه والتالته هتبقى من كام ؟؟ ومعلش طولت عليكم بس بجد اسم الموضوع استفزني اوووووي؟؟ |
اقتباس:
على كلام حضرتك كل واحد عاوز يدخل كلية يعمل مظاهرة عشان يدخلها....!!!.! دى اسمها فوضى.. كلنا قبلك كان عندنا آمال ندخل كليات وما دخلناها وعادى رضينا بقضاء الله وعرفنا ان ربنا قسمه هو الخير دايما... (وعسى ان تكرهوا شيئا وهو خير لكم وعسى ان تحبوا شيئا وهو شرا لكم) وبعدين ايه كليات القمة..؟؟؟؟ مش عارفة ليه التسمية دى؟؟؟ كل انسان فى مكانه ممكن يكون قمة بتفوقة وإخلاصه وحبه لما يقوم به |
اقتباس:
ومين اللى قال او فهم حضرتك انى قررت بالنيابة عنك لو تفتكر ده كان مجردسؤال؟ مش اكتر وبعدين انا طلبت من حضرتك توضح برده لوتفتكر علشان نبقى فاهمين صح وميحصلش سوء فهم بس من الواضح ان حضرتك مصمم انك تفهم غلط لمجرد اننا مختلفين فى وجهات النظر |
اللى قالك 50 دول كدابين لان كان هناك عدد كبير جدا ومستعد اوريكوا الصور والوزير قابل 7 من الطلاب وبمعنى اصح يعتبر طردهم والناس اتعصبت بعد اللى حصل وحط نفسك مكان اى اب او اى ام لما تلاقى مستقبل ابنها او بنتها بيروح بجرة قلم من الوزير بجد موقف صعب جدا
|
دول عيال فشلة ولا تفقه شي ولا ياخذ علي الفاشل شي
وهيخبطو راسهم في الحيطة |
اقتباس:
|
اقتباس:
ياجماعة ياريت نهدى شوية وبعدين مش لازم الغلط علشان نرد ياعم انا كمان مش مع فكرة المظاهرات بس اللى احنا عاوزينة اننا نناقش الموضوع بهدوء من غير غلط فلو سمحت علشان انت غلط من واجبك انك تعتذر على الاقل وتوضح وجهة نظرك بهدوء لانك بكدة بتتبع نفس الطريقة اللى انت رافضها وبالله مش قصدى غير الخير :d |
اقتباس:
حسبي الله ونعم الوكيل ., حضرتك دلوقتي اخدت ذنب كل واحد فيهم ., يعني سيئه لكل واحد فيهم ., ************** انا شبه متاكده انهم مش فشله ولا حاجه ., في وجهه نظري الشخصيه اعتقد انهم عندهم شحنه غضب كبيره جدا وده بسبب احسساسهم بالظلم ., احسساسهم بالظلم في بلادهم ., احسساسهم انهم مش عارفين يحققوا امالهم ولا مال والديهم . |
يا جماعة بجدلازم نحس بيهم وبعدين لما واحد يكون جايب 98 وخايف لاميحصلش كلية الطب اللي نفسه فيها مش يبقى ظلم امال احنا نعمل ايه ونعم بالله وكيلا ولكن ده مستقبل وكل انسان بيتعب بيبقى عايز يشوف ثمرة التعب هو في تنسيق حصل اقبل كده ياخد من 94 ليه ولم هما عارفين ان احنا كتير ما يبنوا كليات ولا خساره في التعليم
|
أكيد مش فى نيتهم بلطجه أو تخريب
بس الإحساس بالظلم يخلى الواحد يعمل اكتر من كده إزاى مرحلة اولى تبقى 94 % عمرها ماحصلت وإزاى واحد جايب 97 % وميعرفش يدخل صيدلة كل تصريحات وزارة التعليم العالى متناقضه قالو أعداد القبول هيزيد والتنسيق هينزل 3 % وبعدين هينزل 1 % |
اليوم السابع تدافع عن اعلانات الكليات الخاصة
يايوم ياسابع المفروض تدافعى عن الحق لاننا فعلا مظلومين وتعبنا طول السنة ودة >نبنا انا جايبة مجموع 388 يعنى .4 ومش هلحق هندسةيعنى دة يرضى ربنا ان شاء اللة سنكمل مسيرتنا وننز ل مرة اخرى الى وزارة التعليم العالى وكل اللى يقرا الخبر دة ويوصلها لزميلة ودة مش بلطجة دة تمسك بالحق
|
اقتباس:
lلفشلة دول ممكن يكون فيهم ناس احسن منك وتعبت اكترمنك :excl: |
دي شباب سيس من الاخر
|
حسبي الله و نعم الوكيل في اللي جاب الامتحانات بهذه التفاهة و سمح بالغش الفج و خلي ناس مكنتش تحلم تعدي ال 90 تفتح بقها
و هتلاقي هما دول هما هماهم اللي كانوا طالعين قبل الامتحانات بيطالبوا بامتحانات سهلة و هما برضه اللي كانوا بيفتحوا بقهم مترين بعد كل امتحان تافه و الكلام مش موجه لشخص بعينه كل واحد شايف الكلام ينطبق عليه يحترم نفسه و خلاص الحكاية مش مستهلة يعني |
ياريت ياشباب تحترموا اداب الحوار
|
ممكن الرابط لو سمحتم .... علشان نتأكد
|
|
ع فكرة مش طلبة الثانوية اللي كسرت البااااااااااااااااااااااااااااااااااااااااااااااا ب
|
انا بشوف التعلبيقات اللي في الجروب ده علشان اشوف بس مستوي التفكير
يعني فحسيت انهم فرحانين بانهم بيعملوا مظاهرات و كده يعني بس شوفت تعليق عن واحد اسمه عبد الحميد سلامة و انا مشوفتش بعيني كلام الراجل ده علشان مظلموش لكن كان المفروض اكلام المستفز ده يتسجل مع ان الكلام ده طبعا غلط مش محتاجه تفكير يعني لكن هذا الاسلوب المتدني من قبل هذا الرجل مستفز جدا و انا من الآخر لو الراجل ده قدامي و قالي الكلام ده انا من الآخر هتف في وشه علي الرغم من اعتراضي علي هذا السلوك و علي الاعتصام ايضا لكن هذا التفكير حقير فعلا |
ع فكرة اه فعلا كان مستفز اووووووووي واستخف بالناس بمنتهي العجرفة
|
السلام عليكم ورحمة الله وبركاته ... انا عندى وجهة نظر مختلفة شوية يا جماعة اكيد الطلبة ماكانوش يقصدوا انهم يعملوا حاجة غلط لانهم دايما كانوا بيقولوا احنا عايزين نطالب بشئ معين بطريقة متحضرة فخلينا محايدين شوية وما نجيش على اخواتنا برغم ان اللى حصل ده فعلا حاجة تسئ لهدفهم السامى يعنى فى كل مواضيعهم فى المنتدى كانوا بيقولوا احنا عايزين حاجات محددة وماكانوش بيحرضوا على حاجات غلط الواحد لما بيغضب او يتم استفزازه من اى حد ممكن يعمل مصيبة وكمان الظلم وحش لكن ده بردو مش مبرر ان يتم دفعهم لحاجة هم مش قاصدينها بالمرة ده رأييى على الرغم من اختلاقى مع اصحاب الاعتصامات لخفض التنسيق كدة لانهم اولا واخيرا اخواتنا ومنهم اللى احسن مننا ودى حاجة اكيدة وكون ناس جابت درجات اعلى منهم ده مش معناه انهم احسن او ذاكروا اكتر لا والله فى منهم ما كانوش بيناموا وكانوا بيعملوا المستحيل بس المسألة هى قضاء وقدر وانا والله تم مهاجمتى فى موضوع معين بس اختلافى مع الطلبة اللى عايزين يعتصموا لان ليا زمايل جايبين 91.5 ولو التنسيق نزل لـ 92 فيبقى بردو من حقهم انهم يطالبوا ان التنسيق ينزل لدرجتهم وبكدة يا بنات ويا شباب مش هنخلص لكن كلمة الحق واجبة :) سامحونى على الاطالة |
اقتباس:
يا روك الحصول علي مجموع اعلي من 90% بدون غش ف مصر اسهل من ازأزه اللب "اسئل مجرب" مناهجنا هايفه وعبيطه وامتحاناتنا حتي2008 كانت هبله |
اقتباس:
غضب اييييييييييههههههه يعني واحد جايبلي 96 عايز يخش بيها بشري :039uw8: لازم يعرف ان فيه ناس جابت اعلي منه ليها اماكن اكيد محفوظه ف الكليات دي وليهم احقيه مش بالغش لان زي ما قلت آنفاً الي جايب 98.5"الحد الادني للطب السنادي" علي الاقل جايب 98 السنه الي فاتت الي مكانش فيها غش + امتحانات صعبه يبقي فين حقوقهم المهدره |
اقتباس:
وهو مجموع الثانويه بالمذاكره ! اول مره اعرفها دي انا كل الي اعرفهم ف طب وبترول كانوا علي طول ف السايبر بدوووووووووون غش وسأل اي حد ف بنها عن لجان المدرسه الاعداديه |
اقتباس:
بس فعلا هو ده الكلام الصح سيادتك زاكرت وجبت 96 في ناس كتير ذاكرت وجابت اعلي منك ودول لازم يلاقو مكانهم في الكليات الاول والمظاهرات دلوقتي ملهاش اي لازمه ومش هتعمل حاجه لان لو الوزير استجاب ونزل التنسيق ناس تانيه هتعمل مظاهرات علشان يترفع وما يكونش في زحمه بلكليات وهنقضيها مظاهرات السنادي:p |
اقتباس:
لغه عربيه بقي:d |
إعتذار أولا شكرا لكل من شارك في هذا الموضوع بالسلب أو بالايجاب .... وشكرا لكل من دافع عن رأيه ..... ولكني بعدما شاهدت ردود البعض عقدت العزم علي تقديم مثل هذا الاعتذار ليس عن الخبر ولكن عن بعض الردود التي لم تكن تراعي الاخرين والذوق العام وإن كنت اعلم ان ذلك الخبر سيؤدي لمثل هذا التناحر لما اقدمت علي نقل الخبر ... أرجوا تقبل اعتذاري ... وشكرا |
اقتباس:
وبعدين لا اعتقد ان اللي 92 او 93 حتى 98 يعتبر فاشل بالعكس ده احسن بكتير من ناس كتير وكل اللي كانوا بيعترضوا دي ناس فوق ال 90 تعبة وخايفى تعبها يروح ع الفاضي فلا يصح هذا القول |
طيب ماشى اتظاهروا واطلبوا اللى انتوا عايزينوا
بس مينفعش تكسروا وتخربوا بالطريقة دى مفيش حاجة بتيجى كدة |
السلام عليكم
اولا لازم نعرف كلنا ان افضل خطه لحياتك هي الي ربنا قدرهالك فلا تتعب نفسك في رسم خطه لحياتك واعلم ان رزقك لن ياخذه غيرك لذا فليطمئن قلبك . ثانيا : انا عايزة اضرب مثل انا ليها واحدة صديقتي كانت جايبه 98.3 في تانية وكانت الاولى على المدرسة وسبحان الله نزلت في تالتة وجابت المجموع الكلي 97.1 ومظلومة في العربي والفيزيا ومع ذلك هي راضية وحمدت ربنا ولا عملت مظاهرة ولا حاجة يا ريت كلنا نرضى بالي ربنا قسمه لينا والي بيقول اتظلم يروح يعمل تظلم احنا في مرحلة صعبة كل الناس لم تعد تثق في بعضها فاذا كنت بطالب بحاجة فيها مصلحه لنفسك وهتضع بلدك في حرج فدعها لله ومن ترك شيئا لله عوضه الله خيرا منه سامحوني على الاطالة |
لو كانوا فشلة يااستاذ على انت ماكانوش راحوا عشان يدوروا على حقهم كانوا قالوا يلا اهو كدا حقنا ضاع وخلاص وقعدوا فى بيوتهم وايه رايك؟؟؟؟؟؟
|
| جميع الأوقات بتوقيت GMT +2. الساعة الآن 12:26 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.