الكليات الشرعيه
 

ياجماعه ايه اسهل الكليات الشرعيه دراسه
انا مجموعى 94 واكيد مش هحصل كليه علميه
فانا قررت انى ادخل كليه شرعيه سهله واجتهد فيها وربنا يوفقنى ان شاء الله ويوفق كل الطلبه

اكيد مفيش ادامك غير دراسات اسلاميه انت تبقى تختارى اى قسم حديث تفسير كده بس انت ممكن تدخولى علوم بمجموعك ده او هندسه لو التنسيق نزل

ربنا يسهل بس انا مستبعده علوم وربنا يسهل لو جت هندسه بس ده بعيد اوى
وان شاء الله ادخل دراسات اسلاميه وربنا يوفقنا وممكن ابقا معيده او اى حاجه فى الجامعه ربنا يسر

هو فى ا لعاشرفى كليه ( كليه البنات الازهريه بالعشر من رمضان شعبه الشريعه الاسلاميه)

دى مختلفه عن درسات اسلاميه ولا ايه الفرق

بتهيالى هى اسمها شريعه وقانون وباين بتكون خمس سنين انا معرفش انا برده 3ثانوى بس انا ادبى وجايبه 91 ونص واحتمال ادخل لغات وترجمه انت برده ممكن تدخوليها وبيقولو فى فرع فى العاشر ليها

كلية الدراسات كليه قيمه
حتى الانسان يتعلم دينه
اتمنى لكم التوفبق الدائم

انا لو مجبتش هندسه ودى بعيده انى احصل هندسه
هدخل شرعى بس عايزه حد يساعدنى ياجماعه انى اختار الكليه الشرعيه الكويسه وتكون فى القاهره

للا سف مهقدرش افيدك اتمنى اى حد يكون عارف ويفيدك

يارب يوفقنا كلنا ربنا معاكى وكل سنه وانت طيبه

وانت طيبه بس من وجهة نظرى روحى اى كليه غير شرعى لانك هتتساوى باللى جايب 50% ده راى والناس كل نظارها للى فى كلية دراسات اسلاميه انه مش شاطر ميعرفوش انها صعبه والله فى بنات اصحابى فيها مش قادرين لها وبيقولو مش سهله خالص بس تعملى ايه فى تفكير الناس

طيب ايه رايك لو دراسات اسلاميه قسم صحافه واعلام

هى مش تبع الدراسات الاسلاميه تبع الانسانيه بس كله قال ملهاش مستقبل و بشتغلو بيها مدرسين بالحصه فى المعاهد مش عارفه ازاى

اه انا نسيت صح تبع دراسات انسانيه
طيب قسم اللغات الاوربيه

اه خاليكى بقى معانا انا وراجيه بنستفر عن الكليه وطبعا انت شايفه المواضيع موجوده فى القسم هنا بس كله بيقول مستقبلها حلو وتعتبر تبع كليات القمه

اه يعنى مفيش كليه اسمها لغات وترجمه
هى دى اللى تقصديها

لا فى بالنسبه للولاد مش لينا احا تبع دراسات انسانيه فى بنات زمايلى فى علمى وجيبين 91 ناوين يدخولوها بس مش عارفه مجموعهم يدخلهم ولا لا

ولسوف يعطيك ربك فترضي
 

لؤلؤة ان شاء الله هندسه ان شاء الله اسمعي الكلام
ولا قدر الله ملحقتيش هندسه فيه كليه جديدة اسمها هندسة زراعية فرصها جيدة جدا الدراسة فيها اربع سنوات وشغلها مضمون والدراسه فيها معظمها بالعربي واسئلي برده اي حد دخل هذه الكلية:022yb4:

ممكن لو لا قدر الله لو مدخلتيش هندسه
خليكى اعلام جميله اوى
بس ان شاء الله تلحقى

الله المستعان ربنا يييسر
جزاكم الله خير
ان شاء الله اسال على الهندسه الزراعيه شكرا جزيلا يادكتور
واشوف اعلام برضو بارك الله فيكم

بس يادكتور اسلام هى هندسه زراعيه للبنات ولا للاولاد بس

انا شوفت فى دليل الكليات لقيت هندسه زراعيه ده قسم فى كليه زراعه فى البنين

ان شاء الله يالؤلؤه وناس زمايلى ناويين يقدموا فيها

لا الهندسه الزراعيه كانت فرع في كلية الزراعة يمكن الالتحاق به بعد السنة الثالثه لكن الان هي كليه منفصله ولها تنسيق مستقل
وبرده بقولك ان شاء الله هندسه

السنه اللى فاتت كانت هندسه وخده من 94 فانتظرى التنسيق ويمكن ربنا يكرمك ومتفكريش فى دراسات دى الوقتى خالص خساره مجموعك ده

انا بتفق مع بنت مصر بلاش التشائم ضعي املك في الله يا لؤلؤه ومره تانية
ولسوف يعطيك ربك فترضي

بصي يا لؤلؤه انا هقولك راي وبراحتك
اولا مفيش حاجه اسمها كليه حلوه وكليه وحشه وكليه ليها مستقبل وتانيه ملهاش
انت مجموعك كويس والله وجميل جدا لاني انا كمان السنه اللي فاتت كنت علمي وجبت 94 وفي البدايه زعلت بس بعد كده عرفت ان ده خير من ربنا واحسن بكتير من اي حاجه تانيه لان ده رزقي
ثانيا انت قدامك فرصه لدخول كليات كتير جدا كل اللي فاتك بس طب وهندسه وصيدله في لغات فوريه تبع دراسات لنسانيه واللغات دي انجليزي طبعا بس متهيألي ليه شروط والماني واسباني وعبري وتركي وفارسي واوردي وفرنساوي لو لغتك الاولي فرنساوي مش انجليش
ثانيا عندك اعلام ودي انا دخلتها والله كليه جميله وهي كانت قسم تبع اسلامي بس احنا السنه دي عملنا اعتصام علشان تبقي كليه مستقله ووفقوا لينا وان شاء الله السنه الجايه هندخلها كليه مش قسم وسيبك من كلمة ملهاش مستبقل زي ما قلت لك لان دي ارزاق وربنا بيوزعها وهي كليه مش سهله علي فكره عايزه شغل كتير وتدريبات وعملي بس هتحبيها اوي ولكل مجتهد نصيب يعني اللي هيتعب هيلاقي له مكان ومش معني اعلام ان انت لازم تبقي مزيعه او صحفيه لا ده مليون حاجه ممكن تشتغليها لانك بعد تانيه بتتخصصي يا اما صحافه ونشر او اذاعه وتلفزيون او علاقات عامه وفي النهايه التلات اقسام مهمين ومرتبطين ببعض
اما عن الدراسات الاسلاميه فهي كليه فيها اقسام كتير
زي شريعه اسلاميه واصول دين وشريعه وقانون واصول متفرعه لشعب بس مهمه اوي الاقسام دي ومش سهله
وفي كليات كتير اوي انا ممكن اقولك عنها من واقع البنات اللي قابلتهم في المدينه ويا رب اكون افدتك ويا رب التنسيق ينزل وتدخلي هندسه يا ستي ودي كمان ممكن اخدمك فيها
وربنا يوفقك ويرزقك كل خير وادعيلي بقي ربنا يسترها معاي واجيب التقدير اللي في بالي لان نتيجتي لسه مش ظهرت

وعلي فكره هندسه السنه اللي فاتت مش اخدت من 94 زي ما اختنا قالت دي اخدت من95.6

معلش ياجماعه اتاخرت فى الرد كنت مسافره اعمل تظلم
ان شاء الله خير
وشكرا على اهتمامكو
وان شاء الله يالؤلؤه هتجيبى التقدير اللى انتى عايزاه باذن الله
ادعولى