|
فنون عمارة هتاخد من كام
انا جايب 91.3 تفتكروا ممكن الحق فنون عمارة انا شفت التنسيق بتاعها لقيته 93 وقبل كده 92 |
اقتباس:
السلام عليكم هو حضرتك جايب 91.3 يعنى مرحلة تانية بأذن الله هو المجاميع السنة دى عاليه ونسبة كبيرة عايزين كليات قمة يبقى الفنون هتنزل مرحلة تانية ان شاء الله بالنسبة لامتحان الفنون انا لو كنت مكان حضرتك كنت روحت الامتحان وربحت نفسى ولو فى مدة بين الامتحان وظهور نتيجة تنسيق المرحلة الاولى انتظر لحد ما اشوف ايه نظام التنسيق ولو حضرتك عايز تدخل حاجة فى دراسة العمارة وكدة فى كلية اسمها تخطيط عمرانى انا بصراحة ما اعرفش عنها حاجة غير ان تنسيقها الطف بكتير من هندسة معلش معلوماتى بسيطة جدااا وحضرتك الافضل تسال لحد امتى الامتحانات بتاعة القدرات خصوصا انهم بيخلوا الواحد يدفع 150 جنية نظير الامتحان ربنا يوفق حضرتك با باش مهندس |
هى الاختبارات هتكون لغاية يوم 6 اغسطس
|
اقتباس:
كدة الحمد لله كويس الواحد منها يعرف تنسيق كليات الهندسة ونعمل معايرة على كل سنة وناخد المتوسط ونعرف بتفرق كام سنة الهندسة عن فنون عمارة ونقيس عليها بس ده ما يمنعش ان حضرتك تبدأ دروس القدرات وهى كدة كدة مفيدة حضرتك خدها مع واحد فى مراكز او كدة لان اللى فى الكليه بتبقى غالية شوية يعنى 150 حنية للكورس 3 حصص يعنى حضرتك انتظر يوم الجمعة او الخميس بالليل ويتم التحديد على اساسه ان شاءالله وفى طلبة هنا فى المنتدى مرحلة تانية ومنتظرين نتيجة المرحلة الاولى علشان يقيسوا عليها بردو بارك الله فى حضرتك وان شاء الله تدخل الكلية اللى حضرتك نفسك فيها وكل الطلبة يااااارب |
فنون عمارة بتبقي مرحلة اولي سنتي 2009 كانت واخدة اقل واحدة المنيا 92.7 380 و ده كان الحد الادني للمرحلة الاولي و كانت اقل هندسة 382 بنسبة 93.2 فتأجيل القدرات للأسف هيفيد الكليات المتبقية للمرحلة الثانية غالبا هتبفي فنون جميلة فنون و تربية رياضية و فنية و موسيقية .... الخ
بالتوفيق |
اقتباس:
بس ده يا باش مهندس زاكو كان للمرحلة الاولى ! يعنى المرحلة التانية ممكن يبقى فيها السنة دى؟؟ يعنى اللى اقصده مش متهيالى لما هندسة تبقى 93 ونص ممكن عمارة توصل 91 ونص مثلا او كدة |
ممكن حد يقلوى على كلية او مركز بيدى القدرات
الامتحان بيكون له رسوم |
انا من بنها او ممكن اسافر مصر
|
اقتباس:
فى الكليات الفنون بيقى فى كورس لتعليم القدرات وفى المراكز كمان حضرتك اسأل اساتذة الرياضيات اللى كانوا بيدوا حضرتك وكمان زمايلك هيدلوك ان شاء الله رسوم امتحان القدرات 150 جنية وكمان الباش مهندس زاكو يقدر يفيد حضرتك اكتر منى بخصوص الكلية وكدة ربنا يوفق حضرتك وتدخلها وكل الطلبة اهم حاجة حضرتك استخير وربنا هيقدم اللى فيه الخير آآآآمين |
وكورس الكلية مجانا
|
لو فى القاهر ه اسحب استماره من مكتب التنسيق الرئيسى عند جامعه القاهره للعماره وبعدين روح كليه فنون فى الزمالك وقدم ليهم الاستماره وهيقولو ليك على المعاد اللى تمتحن فيه وان شاء الله خير و بالتوفيق
|
اقتباس:
معلش اصل انا من القاهرة مش هقدر افيدك لكن انا عايزه اقول لحضرتك لو هتيجى القاهرة فى مراكز كتيييييييير فى القاهرة بتدى كورسات الفنون ممكن حضرتك تروح الجامعة هتلاقى اكيد طلبة هناك اسألهم اخدوا مع مين قى المراكز يعنى فى القاهرة مثلا فى معيد فى كلية فنون بيدى فى مراكز فى مناطق زى الزيتون وكمان جسر السويس والقاهرة الجديدة وكدة بس حضرتك اهم حاجة ضع اولوياتك امامك ولو حضرتك عايز كليه ليها موضوعالفنون والرسم وكدة ومن غير ما تتعب نفسك فى كلية فنون جميلة قسم ديكور واقسام تانية كويسة بردو هتعرفها لما تروح الجامعة وتسال هناك هيبقى عندك خلفية اكتر وكمان كلية التخطيط العمرانى اسال عليها بردو وعندى اقتراح بسيط بردو قبل ما تبدا اى خطوة روح اسال الناس اللى فى الجامعة والطلبة كمان هيدلوك اكتر . اقتباس:
الكورس له رسوم بردو زميلتى قدمت بـ 150 جنية بردو ربنا يهديهم ويبطلوا استغلال فى الطلبة ربنا يوفق حضرتك |
اقتباس:
احنا كان علي ايامنا رسوم امتحان القدرات 5 جنيه علي الاستمارة و كان مع اختبارات الثانوية العامة دلوقتي ب 150 جنيه و الاختبار بالكلية المهم نصيحة خد قدرات فنون كمان لا قدر الله مجتش عمارة في فرصة تدخل فنون جميلة فنون و بما انك علمي رياضة هتدخل فيها قسم ديكور و ده قسم كويس جدا |
بصراحه اللى قولته ده زى ما عملت انا عشان انا فى القاهره معرفش حضرتك ممكن تختلف عنى ولا
|
اقتباس:
معلش يا باش مهندس زاكو انا زميلتى دفعت 150 جنية نظير كورس العمارة فقط مش 450 جنية ممكن تكون اتغيرت عن اللى حضرتك كنت فيه وزمايلى اخدوا كورس العمارة براا بــ 20 جنية الحصة وغالبا بتبقى 3 حصص وفعلا فنون قسم ديكور جميل جدااا يعنى كلام البائ مهندس زاكو اكتر واقعية لان الواحد بيحاول على قد مايقدر يكلبش فى كلية كويسة :d حضرتك تقدر تحدد ان شاء الله اكتر بعد ما تشوف نتيجة تنسيق المرحلة الاولى وايه اللى هينزل مرحلة تانية وكدة باذن الله |
هى 150 للمصرين المقمين فى مصر لكن المصريين الوافدين 450 والاستماره بخمسه وعشرون جنيه ورسوم الامتحان بتدفع فى كليه برضو حسب فنون ولا عماره
|
اقتباس:
كلمة الواافدين دى على ما اعلم انها تعنى اللى عايشين خارج جمهورية مصر العربية لكن اللى فى محافظات غير العاصمة بيدفعوا 150 جنية مظبوط اللى ان فاهماه يا اسماء ولا غلط ؟ ارجوكى فهمينى ! علشان لو كدة الداعى الى الله يعرف هو هيدفع كام ويقارن :) |
اها الوافدين يعنى اللى عايشين خارج مصر وبقيت كلام صح كل المحافظات زى بعضها
|
اقتباس:
و انا لا اعتقد لسبب 385 الحد الادني للمرحلة الاولي رياضة عددهم 21 الف وشوية و هندسات هتاخد 17 الف و 600 لذا فصعب تنزل فنون عمارة مرحلة تانية الا المنيا و لا حاجة و تقفل 384 او 384.5 لانها بتاخد اعلي من حاسبات و عدد المقبولين توتال ف ( حلوان و الاسكندرية و المنيا ) بيبقوا ف حدود 300 - 320 طالب ع مستوي الجمهورية فمن الصعب ان تنزل مرحلة تانية و ان نزلت هتكون المنيا و تقفل زي ما قولت ... لكني ارشحلو انوا ياخد قدرات فنون و فرصته كبيرة و هيدخل قسم ديكور و ده قسم لذيذ جدا و شغلو حلو اوي و في شعبتين عمارة داخلية و فنون تعبيريه عمارة داخلية بيشتغل مهندس ديكور في تصميم ديكور الفلل و المباني و كده اما فنون تعبيرية بيشتغل مهندس ديكور في السينما و المسرح و التلفزيون فنصيحة خد كورس قدرات فنون من بكرة و قدم ف الامتحان و ان شاء الله ربنا يكرمك و يهديك للي فيه الخير ليك |
اقتباس:
اها الحمد لله علشان كدة هتبقى المصاريف كتيرة قوى لو كانت 450 جنية يعنى هيبقى مصاريف سفر واغتراب كدة ربنا يوفق الجميع شكرا لرد حضرتك :078111rg3: |
ياجامعة انا اتلغبط يعنى ادفع 150 جنيه رسوم الامتحان وتشمل الاستمارة دى والكورس هنصرف فيه
|
الشكر لله واحده
|
انا اسف انى ببعد عن الموضوع الاصلى ... لكن عاوز رأيكم
ايه الافضل بين هاتين الكليتين ..... فنون جميلة عمارة ام حاسبات ومعلومات ... مع العلم اننى قمت باداء امتحان قدرات العمارة ارجو يا جماعة حد يرد عليا عشان اخر يوم فى التعديل بكرة ... انا جايب 385 يعنى 93.9 % ... وشكرا |
الكورس 150والاستماره 25 جنيه والرسوم فى كليه عماره مش عارفه عشان انا امتحنت فنون بس ورسوم امتحان فنون 125 غير الاستماره غير الكورس
|
اقتباس:
اها كلام حضرتك اكتر دقة من كلامى بس لو زاد عدد المقبولين فى الهندسة لــ 20 الف اظن ممكن تنزل مرحلة تانية بس هتبقى الاعداد بردو قليلة وفعلا فنون جميلة قسم عمارة لطيف جداا وكمان شغله حلو ولو بقى شاطر فيه وبين للدكاترة انه فعلا بيشتغل كويس ممكن يخلوا يشتغل فى ورش كبيرة تبع مصانع كبيرة جدااا وانا اعرف ناس كدة بيجيبوا طلبة الفنون وهم لسه بيدرسوا ويسبوهم يصمموا وكدة وتصميماتهم تحففة بارك الله فى حضرتك يا باش مهندس زاكو على الرد فالافضل والاكثر واقعية ان حضرتك تاخد فنون افضل واستخير ربنا بردو بارك الله في حضرتك |
اقتباس:
ما فيش داعى للاسف هو حضرتك الاول كنت عايز كلية ايه بغض النظر عنا المجموع ؟ عمارة شغلها حلو فى المكاتب وكمان مرتباتها كويسة حاسبات ومعلومات انا اختى كانت فيها وكانت ممكن تدخل هندسة الا انها فضلت حاسبات . حاسبات الواحد بيتخرج منها بيعرف لغة كويس جدااا وفى كل شركة محترمة هتلاقى فى قسم اسمه الـ i t ده اللى بيشتغلوا فيه متخصصين فى الكمبيوتر زى طلبة الكمبيوتر ساينس وكدة بالتالى هى مطلوبة معلش ما قدرتش افيد حضرتك قوى كمان حضرتكتقدر تسال فى قسم الحاسبات وتشوف رأيهم عن الجامعة وكدة |
اقتباس:
اولا و اخيرا حسب ميولك لان ده مجال و ده مجال بس انا هقولك الفروق اولا حاسبات اربع سنين و مش تبع نقابة المهندسين و فيه مشروع لسة انشاء نقابة مهندسي البرمجيات لحد دلوقتي المسمي الوظيفي مبرمج حاسب الي او اخصائي حاسب ألي :040vk0: ثانيا فنون جميلة عمارة خمس سنوات تخصص معماري تبع نقابة المهندسين و المسمي الوظيفي طبعا مهندس معماري ثالثا : تنسيق فنون عمارة بيبقي اعلي من حاسبات -- 2009 الحد الادني لفنون عمارة 92.7 و الحد الادني لحاسبات 92.3 .. و الهندسة 93.2 اولا و اخيرا حضرتك اللي هتقرر حسب رغبتك و ميولك و تبعا العوامل زي الغربة و كده علي حسب انهو كلية اقرب يا ريت تحسبها انهو انسبلك و الاتنين كويسين و مستقبلهم حلو و ربنا يوفقك للي فيه الخير |
اقتباس:
و كان رسوم الامتحان لوحدها 150 جنيه و انا علي ايامي 2009 كانت القدرات ف المدرسة و كان رسومها حوالي5 جنيه تقريبا علي استمارة الثانوية العامة :d |
اولا انا بشكر ENG.HAGAR و eng--zako على اهتمامهم
ثانيا انا افضل فنون عمارة لكن انا مش عارف سوق العمل بيطلب خريج هندسة عمارة اكتر والا ايه الموضوع ... هو ده اساس الموضوع كله اذا كنتم تعرفوا حاجة عن الموضوع ده ارجو الا تبخلوا على بها ... شكرا مرة اخرى |
اقتباس:
لكن رسوم اختبار القدرات سواء فنون او عمارة حوالي 150 جنيه لكن كان قصدي ب 450 جنيه سعر الكورس المكثف في الكلية ... الكلام ده في فنون اسكندرية معرفش ايه الكلام ف حلوان و المنيا |
اقتباس:
اها ممكن المصاريف تختلف محافظة عن محافظة ! فعلا اكيد فى فرق بين الزمالك والاسكندرية !!!! مع ان المفروض هم بلد واحدة بس نقول ايه لك الله يا مصر يعنى ايه القدرات فى المدرسة ؟ يعنى كان الامتحان فى المدرسة والصاريف بتدفع لها ؟؟ ولا الامتحان كان فى الجامعة ؟ معلش انا والله ما اقصدش اى حاجة بكلمة ايام حضرتك او كدة :) |
اقتباس:
ثانيا لو دورت هتلاقي انو بيفضل خريج فنون عمارة لتميزه باللمسة الجمالية في التصميم ثالثا و دي النقطة الاهم اولا بره ف الدول المتقدمة فسم العمارة يتبع كليات الفنون و ليس الهندسة |
اقتباس:
يا باش مهندس لاشكر على واجب الاهم من ده كله ان اللى بيعرف ياخد كورسات وبيجيب تقدير وكدة بيعرف بأذن الله يثبت نفسه هقول حضرتك على حاجة لطيفة جدااا ومنها ان حضرتك تضمن اللى عايزة اكتب اول رغبه هندسات وبعدين فنون وبعدين حاسبات وهكذا منها لو ماجاتش هندسةعمارة حضرتك فيه فنون عمارة بالاضافة ان هندسة عمارة شبيه جدا بفنون عمارة ونفس السنين كمان اتمنى ان اكون فهمت سؤال حضرتك ربنا يوفقك يا باش مهندس |
اقتباس:
لكن لو حضرتك بصيت فى الاعلانات بتاعه الوظائف هتلاقيه طالب مهندس معمارى ومش محدد خريج فنون او هندسة من حيث بلاد بره نظام التعليم هنا يختلف عنهم بكتير بالتالى يصعب قياس الطلبة المصريين بالاجانب |
اقتباس:
|
شكرا مرة اخرى يا جماعة :)
انا بالفعل كتبت هندسة القاهرة ( مع ان الامل ضعيف جدا ) ثم هندسة عين شمس ثم فنون جميلة عمارة ثم حاسبات ومعلومات القاهرة تمام كدة ؟ :) |
اقتباس:
اهااا شكرا جدا على رد حضرتك :078111rg3: |
اقتباس:
تمام ان شاء الله بس حضرتك ضع هندسات اقاليم بردو وفنون اقاليم بردو وحاسبات كذلك ده بعد ما تكتب 1- هندسة القاهرة 2- هندسة عين شمس 3- هندسة المطرية 4- هندسة حلوان 5- فنون القاهرة 6- فنون .. 7- حاسبات عين شمس 8- حسابات القاهرة وهكذا وكذلك حاسبات وبعدين ترص الاقاليم بتاعه هندسة والاقاليم بتاعه فنون والاقاليم بتاعه حاسبات وبعدين كليات علوم راضة والكليات الادبية وربنا يوفق حضرتك وكلام الباش مهندس زاكو افضل منى لانه مهندس معمارى وعارف تفاصيل الدراسة اكتر |
اقتباس:
و غالبا مفيش فرق غير في مواد اعدادي لأن فنون عمارة بندرس مواد التخصص من اول سنة ( الرسم و التصميم المعماري - الانشاء المعماري - التشكيل المعماري - الاظهار بالكمبيوتر 2d و 3d ) و الرياضة و الوصفية و الرسم و النحت و مواد نظري تانية ( اصول بحث علمي . و تاريخ الفن التشكيلي ) دي بالنسبة للمواد في فنون عمارة اسكندرية لكن اعدادي هندسة بياخدو انتاج و ميكانيكا و فزياء و كيميا نظرا لانها سنة اعدادية عامة لجميع الاقسام الفرق اللي كنت عايز اوضحو بس ان قسم عمارة في فنون جميلة بيحتك بالاقسام الفنية الاخري ف الفنون و دي ميزة اما عن مواد الهندسية الاخري زي الاستراكشر و الخرسانة و خواص المواد و غيرها و الوصفية و الرياضة بيدرسوهالنا دكاترة من هندسة و بتبقي نفس المنهج يعني مثلا مادة الخرسانة المسلحة .. خدتها السنادي ف اولي كان بيدينا نفس الدكتور بتاع هندسة قسم عمارة و نفس المنهج ا:) |
شكرا لافضل منتدى وافضل مهندسى المستقبل ان شاء الله :)
|
اقتباس:
|
اقتباس:
بس معقول الطالب يسيب فنون عمارة ومميزاتها دى ويروح معمارى ؟ بس هو حضرتك شوفت مواد هندسة معمارى زى الاسقاط الهندسى وكدة حضرتك يا ترى اطلعت عليه ولا هو مجرد اسم مختلف عن الاسماء اللى حضراتكم بتاخدوها لكن نفس العلم ؟ يعنى انا ان شاء الله ناوية على معمارى وكلام حضرتك ده جه فى وقت بدل الضايع لانى كتبت الرغبات وطبعتها وكمان فى البيت هيترفض الموضوع بسبب المجموع وكدة ! على العموم انا استخرت ربنا وربنا هيقدم اللى فيه الخير بارك الله فى حضرتك على المعلومات دى اقتباس:
|
اقتباس:
و مدام حضرتك ناوية علي معماري كملي طبعاااااا انا مقولتيش دي احسن من دي و ع فكرة قسم عمارة معظم الشغل self study ابحاث و قرايه كتير و متابعة لأخر التطورات في المجال و طبعا هندسة عمارة كويسة جدااا و بعدين حضرتك عين شمس يعني اقوي جامعة ف مصر :) يعني ادخلي القسم اللي انتي عايزاه و انتي مرتاحه ... لأنك هتاخدي اقوي و اصعب دراسة ف مصر و ربنا يوفقك يا بشمهندسة |
بس اهم حاجة انك تكوني حباه لأنه قسم متعب و محتاج مجهود و مشاريع ف الكلية لبليل و كده وسهر و هتيجي ايام مش هتدوقي النوم :d
|
اقتباس:
اها الوصفية هى الاسقاط المعمارى لالا انا ما اقصدش ان حضرتك اظهرت مميزات فنون او كدة لكن كلام حضرتك اقرب للصواب لان فعلا معمارى رسم وكمان افضل شئ له ان الواحد يعرف كويس عن العمارة انها محتاجة تخيل وكلام من ده انا فعلا عارف ان عمارة كل شغل الواحد بنفسه كويس الواحد بردو بيحب القراية بس يارب تكون الكتب لطيفة ومش خنيقة انا والله عايزه عين شمس ومش القاهرة علشان القاهرة بعيدة عن بيتى وكمان عين شمس نظرة الناس ليها مختلفة يعنى سوق العمل بيقدر طالب عين شمس عن القاهرة اللى اقل تعقيد من عين شمس مع ان القاهرة كانت مطروحة قدامى بس فضلت المعقدة وكمان اخويا كان فى هندسة عين شمس واتخرج وقاللى ذاكرى هتمشى فيها بأذن الله :) اقتباس:
معلش بس هو ازاى هدخل القسم وانا مرتاحة وهى دراستها صعبه اصلا !!! :049gc0: ربنا يبشرك يا باش مهندس زاكو وتجيب تقدير عالى |
اقتباس:
انا والله متفائلة خير وبحب الرسم كمان عارفه انه متعب ربنا يستر فى موضوع التأخير ده ربنا يبشرك بالخير يا باش مهندس زاكو واكيد بردو عندكم فى ايام مش بتدوقوا فيها النوم ! :) |
اقتباس:
فقصدي هتدخلي مرتاحة مجموع تنسيق اقسام ... لكن انا عارف ان مفيش حد بيرتاح ف هندسة و خصوصا عين شمس ...ربنا معاكي يا بشمهندسة :) |
اقتباس:
لالا انا لسه مخلصة ثانوية بس محتارة فى الجامعات وكدة بس انا الحمد لله حسمت امرى واستخرت ربنا واخدت هندسة عين شمس رغبة اولى وربنا يقدم اللى فيه الخير بس كنت مترددة شوية ان فى ناس قالتلى ان تنسيق القاهرة اعلى من عين شمس ادخليه علشان مجموعك بس انا مش بحب فكرة استخسار المجموع وكدة وناس قاالت على الامتحانات والتعب وكدة مع ان الدنيا كلها تعب ودى حاجة مش جديدة وناس اتكلمت على تعقيد الدكاترة مع ان ممكن ربنا يرزق الواحد فى كليه لطيفة زى القاهرة بدكاترة معقدين آآآآآمين ربنا يوفق حضرتك وتجيب تقدير عالى وكل الطلبة يارب |
اقتباس:
|
اقتباس:
آميــــــــــــــــــــــــــــــــــــــــن ربنا يجعل ليا الخير فيها ويوفق حضرتك وتجيب تقدير محترم ومريــح :d |
| جميع الأوقات بتوقيت GMT +2. الساعة الآن 06:04 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.