|
لطلبة هندســة القاهرة ... بخصوص الإعــدادي .. شوية استفسارات ع الماشي ... ^_^
السلام عليكم ..
.. انا الحمد لله جبت 97.2 وتقريبا كدا باذن الله هندسة القاهرة فـ كنت عاوز استفسر عن شوية حاجات كدا ع الماشي .. 1. الادوات اللي بستخدمها في اعدادي اجيبها من سمير وعلي ولا اي مكتبة عادي وأجيبها من نفسي ولا استنا الدكاترة يقولولي عليها ؟؟ 2.اول اسبوع ف الدراسة بيبقا في شغل ولا ايه ؟؟ يعني بيمر عادي ولا بحتاج في ادوات وشغل عالي وكل دا 3. معاملة الدكاترة للطلبة ايه نظامها عشان نبقي علي بلاطة كدا من اولها .. يعني الواحد داخل القاهرة وكله امل في معاملة نضيفة لاني بسمع ان دكاترة عين شمس تقال اوي والمعالمة ناشفة دبابة 4. هقدر اكتفي بالدكتور ولا لازم ادخل سنترات ووجع قلب تاني ؟؟ الواحد ما صدق انه خلص منها في ثانوية لو في اسئلة تانية هحطها في البوستس اللي بعد كدا واتمني حد يعبرني ولكم جزيل الشكر ولا مؤاخذة |
فين المهندسين هو مفيش حد عايز يرد لييييييييييييييييييييييييييييييييييييييييييييييييي يه وانا كمان زيك جبت 97.8 ان شاء الله نشوف بعض هناك فى الشيخ زايد
|
ان شاء الله يا غالي نتقابل هناك
بس هي هنا صحرا كدا ليه يا جدعان ؟؟ |
اقتباس:
نصيحة بقى من العبد لله......وهي دي أهم من كل الكلام إللي فوق ده لما تدخل الكلية إن شاء الله هتلاقي مجوعات أنشطة طلابية مثل (STP,IEEE,SPE,MOIC) :o:d طبعاً أنت مش فاهم الكلام ده معناه إيه!!!!!!!!!!!!! بس نصيحة مني لما تدخل وتلاقي البوث لتاعهم (هما بيبدأو أول التيرم) متسبهمش... ولازم ترشق معاهم لأن هو الكلام ده إللي هيفيدك,,,,,,,,,,, أكتر من الحياة الأكاديمية:) ولو احتجت أي حاجة انا تحت أمرك;) حاتم توفيق (جامعة حلوان-2010) |
انا مكنتش عايز ارد بعد باشمهندس حاتم بصراحة لانه اتكلم فأوفي
بس انا هقول علي شوية حاجات بصفتي هندسة القاهرة وعديت باعدادي الشيخ زايد وكان نفسي حد يقولي اي حاجة اول حاجة بالنسبة للمواصلات فيه اشتراك باصات تبع الكلية وديه بتبقي غالية علي الفاضي بس بتريح بصراحة من المواصلات وفيه مواصلات من رمسيس او التحرير ميكروباصات بتنزلك قدام الكلية بالظبط بس المشكلة وانت مروح بتبقي بهدلة شوية بالنسبة للادوات سمير وعلي احسن حاجة بس انا عن نفسي مجبتش منهم فمش هتفرق يعني بس هم الافضل ومتجيبش من نفسك استني الدكاترة هيملوك الحاجات وتنزل تجيبها ان شاء الله وخلي بالك هيفضل يقولك قلم 0.5 مم 2h وقلم 0.7 hb وكلام كتير كده بس مش هتفرق كتير يعني h او 2h او b وكده يعني واول اسبوع مبيبقاش فيه سكاشن بيبقي محاضرات بس عشان السكاشن هتحل علي المحاضرات فمش هينفع يدوها قبل المحاضرات بالنسبة للدكاترة والمعيدين هم فعلا اكتر من رائعين ومعاملتهم رائعة ممكن تلاقي دكتورين مثلا هم اللي رخمين شوية ومع ذلك بتكتشف في الاخر انهم طيبين جدا بس هي ديه شخصيتهم والمعيدين نفس الحكاية ان شاء الله لو كان فيه حد رخم مش هيبقي اكتر من اتنين ولا حاجة من مجموع 10 او اكتر وبعدين ممكن تحضر لحد غيره فعادي يعني الا اذا كان بياخد الغياب بالنسبة للمذاكرة نصيحة في اعدادي بالذات اشتغل من الملازم بالاضافة للمحاضرات والسكاشن الكتب مش مهمة الا اذا كنت عايز ترتب علي الدفعة والملازم لو ذاكرتها كويس بالورقة والقلم وحط ميت خط تحت الورقة والقلم جانب المحاضرات والسكاشن هتجيب امتياز ان شاء الله لازم تكتب المحاضرات والسكاشن بنفسك ومتقولش هصورها او اقراها لو عايز تجيب تقدير بس كده وربنا يوفقك والسنتر اللي هتجيب منه ملازم هو بره الكلية هتمشي يمين اول متخرج من باب الكلية شوية وبعديها شمال وربنا يوفقكوا |
اقتباس:
وان شاء الله ربنا معايا وارشق مع الناس دي وبالنسبة للجزئية بتاعة سمير وعلي انا بسأل عشان ناس قالتلي انها اسعارها غالية بس ميزتها انها وكيل الروترنج في مصر وحاجتها نضيفة وحته الدكتور دي براحة شوية عليا عشان متعصبش ^_^ انا بتكلم اني استناه عشان مجبش حاجة مش محتاجها والف شكر ليك مرة تانية يا بشمهندس |
اقتباس:
واطمئن ان شاء الله انا مش بعرف اذاكر عمياني لازم ورقة وقلم واكتب كل حاجة بإيدي عشان تبقا مرت عليا مش بسيب حاجة للظروف - ولله الحمد - طب بس استفسار معلش في جزئية اكتب المحاضرات يا تري الوقت يسعفني وانا في المدرج اني اكتب ولا ايه اصل انا مظنش اني ابقا مركز مع الدكتور والكتابة ف نفس الوقت ؟؟؟ |
اولا احب اهنئكما
وانا ان شاء الله معكما فى القاهره 98% و نتقابل هناك بس الملازم دى موثوق منها يعنى مش هانذاكر منها وميجيش منها حاجه واذا سمحتم المواد اللى هاندرسها فى اعدادى ايه بالضبط وبالنسبه للانشطه اكتب جنب كل نشاط اسمه بالعربى وهيعملوا فيه ايه بالضبط وشكرا على الكلام الجميل ده |
اقتباس:
ismael el-sha3er مين دا يا وديــــــــــــــــــــــع ؟؟؟ |
اقتباس:
مش فاهم يعنى دا نوع من التريقه مثلا والا السخريه والا ايه |
لا أصل إسماعيل الشاعر هو نفس إسم مدير أمن القاهرة سابقا ومتهم بقتل المتظاهرين وهوه بيهظر معاك وعلي فكرة أنا معاكم في الكلية
|
هو هندسة عين شمس مالهاش نصيب يا باش مهندسين ! انا اخترتها عن القاهرة لانى عارفه انها معقدة وطلبة هندسة عين شمس مطلوبين بالأسم لانها كليه معقدة واللى بيمشى فيها بيبقى هو الممتاز ;) بالرغم ان مجموعى 97% والقاهرة معروف انها بتاخد اعلى من عين شمس الا ان الواحد اختارها ورسى عليها وعلى فكرة مش لازم دكاترةالجامعة يكونوا كلهم معقدين :) انا اخويا كان فى هندسة عين شمس وكان بيقول اللى بيذاكر ويتوكل على ربه بيعدى ويجيب تقدير كمان بس ده مش اعتراض دى وجهة نظر وبس ارجو منكم انكم تتقبلوها بصدر رحب :) بس سؤال للباش مهندس حاتم هىالمجموعات الطبية دى موجودة فى كل جامعة زى عين شمس كدة ؟ وهل دى الاسر ولا حاجة غيرها ؟ وايه اللى بيفرق فيها عن الحياة الاكاديمية والتدريس ؟ معلش اسئلة كتيرة شوية بس رجاااااء استحملونا بارك الله فيكم :) |
اقتباس:
بس برضو ربنا يكرمك يا بشمهندس |
اقتباس:
وبالنسبة للجزئية بتاعة اخوكي .. انا اسمع ان التقدير فيها صعب اوي ربنا يعينه بقا وربنا معاكي يا بشمهندسة وكويس اني اتعرفت علي ناس من عين شمس اهو برضو نساعد بعض ^_^ |
اقتباس:
والكلية منورة بيك اكيد ^_^ |
اقتباس:
لالا مش غيره ولا حاجة كلنا اخوات نتمنى لبعض الخير :) بس غريبة حكاية ان القاهرة الاول وعين شمس ما يرضاش :excl: ممكن تكون حضرتك من سكان الجيزة ؟ او ادارة حضرتك بعيدة عن القاهرة او كدة الحمد لله اخويااتخرج منها خلاص وجاب تقدير عام تقريبا جيد جدا على ما اتذكر ان شاء الله نساعد بعض فى موضوع المحاضرات والمذاكرة وكمان مشكلةهندسة القاهرة بالنسبة ليا انها بعيدة يعنى فى الشيخ زايد وطبعا ده مستحيل يتقبل فى البيت لكن علشان حضراتكم رجالة فده عادى ربنا يوفقك يا باش مهندس عمر وكل الطلبة يااااااااااارب " آمين " |
اقتباس:
علي فكرة ديه أحسن حاجة في الكلية أنها في الشيخ زايد يعني بتبقي الكلية كلها عارفة بعد وبعيدة عن الزحمة وهيه مش بعيدة أوي هيه عند هايبر والكلية بتعمل باصات كمان ........ المهم ربنا يوفقك في عين شمس :022yb4::022yb4: |
اقتباس:
والحمد لله اننا روحنا زايد لان هناك بعيد عن الزحمة وعددنا قليل والكلية كلها بتعرف بعض ودي حاجة حلوة واتقالي ان السنة دي جاية معانا اولي تجارة انجلش القاهرة واولي اعلام وعين شمس ليها كل تقدير |
بالنسبة لجزئية كتابة المحاضرات لو كنت قاعد في مكان شايف فيه كويس ومستريح هتقدر ان شاء الله تلاحق كتابة وفهم
وطبعا علي حسب الدكاترة فيه دكاترة سريعة ودكاترة كويسة بس لو فاتك مش هيبقي كتير يعني وسهل تنقله من حد تاني اما بقي لو كنت قاعد ورا فربنا معاك انت وشطارتك :d وبالنسبة للملازم لاء متخفش بييجي منها ان شاء الله بس اهم حاجة تتذاكر بالورقة والقلم غير كده هتقف قدام المسئلة في الامتحان تلاقي نفسك عارف الاجابة في دماغك وشوفتها قبل كده بس متعرفش تحط قلم في الورقة :d وافتكر الكلام ده كويس ممكن تضحك وانت بتقراه لكن هيحصل للي مش بيذاكر بالورقة والقلم ولو محصلش معاك هيحصل مع صحابك وبالذات في مادة الكهربية والمغناطيسية الي حد ما بس الكهربية اكتر عموما هتشوفوا كل ده بنفسكم ان شاء الله متستعجلوش علي رزقكم :d وبالنسبة لعين شمس والقاهرة فانا كنت فاكر برده ان عين شمس صعبة والقاهرة سهلة والكلام ده ودخلت القاهرة مع ان عين شمس اقربلي بس اكتشفت اني كنت غلطان مفيش حاجة اسمها صعبة وسهلة عين شمس صعوبتها في انها محتاجة مجهود وحضور وتسليم شيتات لكن القاهرة ممكن متروحش الكلية وتذاكر من الملازم في البيت وتجيب تقدير لكن الامتحان فمفيش تفضيل في صعوبتها لجامعة علي التانية ميزة القاهرة ان التخصص فيها من سنة أولي لكن عين شمس من سنة تالتة يعني عين شمس سنة اولي فيها مثلا تخصص كهربا بعدين تالتة بقي تتقسم اتصالات او باور او كمبيوتر لكن القاهرة اتصالات وباور وكمبيوتر اقسام مختلفة من سنة اولي وده بيساعد ان الواحد ميتعبش نفسه بدراسة اقسام تانية ملوش علاقة بيها ويبدا يعمل مشاريع وياخد كورسات في قسمه من بدري |
اقتباس:
ولا يهمك انا ليس اسم عائلتى الشاعر انما تلك صفتى او وصفى فانا مقدما اضع نفسى بين الشعراء لعلى اكن واحدا منهم وبعدين لما اسمائهم تصيبك بالارتكاريا امال اعمالهم بتعملك بقى اكيد شلل رباعى واكيد لما اقابلك ان شاء الله فى الكليه هايبقى لينا كلام تانى بالتوفيق للجميع |
اقتباس:
شكرا على الايضاح باشمهندس عمر وبنا معاااك ونتقابل هناك ان شاء الله |
اقتباس:
فعلا الشيخ زايدمنطقة هادية وبعيدة كمان عن الزحمة لكارهى الزحمة . من حيث العدد فى عين شمس بردو قليل لان الطلب عليها قليل جدا بسبب سمعتها اللى سبقتها ! :d:d:d اها شكلهم كدة بيظبطوا الكليات علشان تنضف بس بردو ياريت يعملوا موقع للاتوبيسات محترم خاص بالجامعة وملتزم فى مواعيده مش اتوبيسات وميكروباصات تكون الجامعة فى طريقها ! يعنى تكون فى اهتمام بالطلبة من حيث راحتهم وكدة . على العموم ربنا يوفق الجميع فى القاهرة او في عين شمس او فى اى مكان |
اقتباس:
على فكره برضه عين شمس منفصله عن الجامعه الرئيسيه لان كليه الهندسه فى شارع عبده باشا وبالنسبه للاعداد اسمع ان عين شمس اكتر والطلب عليهم بيبقى اكتر انا لم اسمع من اصحابى كلهم السنه دى الا اتنين رايحين القاهره وانا تالتهم والباقى كله عين شمس حتى اصحابى السنه اللى فاتت كلهم دخلوا عين شمس الا واحد بس وبالنسبه للمواصلات لعين شمس مفيش اسهل من كده لانها بجوار العباسيه مفيش ممكن محطه او اتنين وهنا او هناك الاتنين اسمهم هندسه والهندسه من كليات القمه وكم اتمنى لو تفضل القاهره فى الشيخ زايد الخمس سنوات وربنا يوفق الجميع |
اقتباس:
ايوه فعلا عين شمس فى عبده باشا وناس كتير بتحول بعد اعدادى لان امتحاناتها بتفرفر الواحد :d:d:d والحمد لله الواحد قريب منه موقف اتوبيس بس الاتوبيس غير منتظم فى مواعيده فعلا كلها هندسة سواء القاهرة او عين شمس او حتى المطرية ! لو كانت القاهرة الخمس سنين فى الشيخ زايد الاولاد هيهيصوا علشان بعيدة عن الزحمة وكدة :049gc0: خيــــــــــــــــــــــــــــــر ان شاء الله |
اقتباس:
كان نفسى اخد عين شمس اعدادى وبعدين احول القاهره بس واحد صاحبى السنه اللى جايه هيبقى فى الفرقه التانيه كهرباء عين شمس قالى ما تحطش نفسك تحت ضرس التحويلات فقلت اخدها من الاخر القاهره على طول لانى مش عايز وجع دماغ المهم نلاقى شغل بعد ما نخلص واكيد ان شاء الله خير |
اقتباس:
فعلا الواحد خليه فى المضمون ان شاء الله احسن فى القاهرة بالنسبة ليكم يا شباب بس هى عامة للشباب اللى زيكم صعوبتها بس فى المواصلات وانها بعيدة . لكن بالنسبة للبنات تقريبا مستحيلة فعلا اهم حاجة سوق العمل بعدين والرزق اولا واخيرا على ربنا ربنا يوفقنا كلنا يااااااارب |
اقتباس:
ربنا يوفقك يا عمرو وبالنسبة لسمير وعلي هي فعلاً مكتبة متميزة وحاجاتها كلها أصلية وزي ما قولتلك تنتظر لغاية ما الدكتور هو إللي يقولك على الحاجات إللي تجيبها عشان في صحابي جابوا مثلث أرسطو, والدكتور قال لو شفت حد معاه المثلث ده هكسره:d |
ان شاء الله انا معاكوا فى جامعة القاهره اعدادى هندسه انا جايبه 97.5
وميرسى على المعلومات الجامده دى |
| جميع الأوقات بتوقيت GMT +2. الساعة الآن 05:37 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.