مين داخل جامعة المستقبل
 

يا جماعة انا الحمد لله قدمت في جامعة المستقبل طب اسنان
واتقبلت وعاوزة اعرف مين هيدخل الجامعة دي علشان نكون زمايل:022yb4:

بصراحه أنا كنت هاتجنن وأدخل جامعة 6 أكتوبر بس أهلي مش وافقوا للأسف . . بس أنا أعرف ناس داخلين جامعة المستقبل و الألمانيه ومصر للعلوم بس تصدق كلهم صيدله وبشري . !

أنا كمان كنت عاوزة اقدم في 6 اكتوبر بس سمعت ان الحد الادني لطب الاسنان لن يقل عن 96 _95
بس انا سمعت ان جامعة المستقبل من احسن الجامعات في طب الاسنان بس هي غالية شوية
علي فكرة انا بنت مش ولد وكمان اسمي كريمان زيك ...... ممكن اعرف هو انتي ناوية تدخلي جامعة ايه

السلام عليكم
كاريمان امتحان الانجليزى عامل ايه عشان انا قلقان منه جدا انا هقدم حاسبات و معلومات
طيب لو انا هسكن فى نص القاهرة هقدر اروح الجامعة لوحدى ولا لسة اوتوبيس تبع الجامعة و تكلفة الاتوبيس طول الدراسة كام ؟
و شكرا كتييييييير

أهلا بيكي كريمان أنا هادخل إن شاء الله علاج طبيعي . . .
بس زي ماقلتلك أنا كان نفسي أدخل جامعة 6 أكتوبر بس محصلش نصيب . . وبالنسبه للأسنان والصيدله في الجامعات الخاصه كلها بتاخد من 75% والعلاج الطبيعي من 73%

انا دخلت طب اسنان ب45 الف في السنة غير الباص والمدينة الجامعية
اما الصيدلة فيها ب39 الف في السنة من غير الباص والمدينة

والله وانا كمان خايفة من امتحان الانجلش بس انا ان شاء الله هروح امتحنه الاثنين القادم باذن الله عموما هو بيحدد مستواك في اللغة علشان يقدر يحطك مع المجموعة المناسبة لك واللي في مستواك وبس وملهوش دخل بالقبول بالجامعة
اما عن انك تسكن في نص القاهرة فده ممكن لانك ممكن تروح الجامعة مواصلات اما اذا حجزت باص ففي باص بيروح جميع اجزاء القاهرة والجيزة ب 3500 في السنة وفي باص بيروح مصر الجديدة والرحاب وده ب2500 في السنة
شكرا ليكي علي التوضيح طيب والطب البشري من كام

البشري من 85% وعلي فكره 6 أكتوبر أرخص كتير عارفه الاسنان هناك ب29700 و17000 مدينه غرفه فرديه أو 12000 زوجيه و3500 باص إحسبي وشوفي الفرق تلاقيه كبير جدا مع العلم جامعة 6أكتوبر أحسن جامعه خاصه في مصر !

السلام عليكم ورحمة الله و بركاته الف مبروك ليكم و ان شاء الله تتفوقوا فى الجامعة
انا دلوقتى قدمت اوراقى فى كلية علاج طبيعى جامعة 6 اكتوبر و دفعت مصاريف التيرم الاول و استلمت ايصال بالدفع !
انا جبت مجموع 79 % نقصت حوالى 10 % لان كان حصل لي ظروف خاصة فى المنزل و الحمد لله على كل شئ .
المهم هل كدا انا قبول نهائى ؟ ولا فى تنسيق داخلى او ممكن اترفض ؟ انا خايف جدا .

السلام عليكم و رحمة الله و بركاته
الف مبروك ليكم كلكم و ان شاء الله تتفوقوا فى الكلية اللى قدمتوا فيها !
بس انا عندى سؤال : انا دلوقتى قدمت اوراقى من 3 اسابيع بجامعة 6 اكتوبر ووديت ليهم الاستمارة اول اما طلعت و دفعت مصاريف التيرم الاول و استلمت ايصال بكدا !
هل كدا انا قبول نهائى ؟ ولا ممكن يتعمل تنسيق داخلى و وورقى يترفض لان مجموع 79 % ؟
مع العلم ان مجموعى نقص حوالى 13 % بسبب ظروف مرضية و الحمد لله على كل شئ . فأنا خايف جدا .

انا معنديش فكرة عن موضوع القبول النهائي ده بس طالما انت دفعت فلوس التيرم الاول يبقي اكيد اتقبلت بس علشان تطمئن اكتر اتصل بيهم واسئل في الجامعة

يعنى يا جماعه اللى جايب مجموع 85% ينفع يدخل كليه الطب البشرى ؟؟؟؟؟؟؟

أيوا اللي جايب 85% يقدر يدخل طب بشري خاص!

شكرآآ ليكى كتييييييير
بجد طمنتينى جداا

من فضلكم انا قدمت فى الجامعة الكندية و دفعت جزء من المصاريف و ده على حد كلامهم يعتبر اتقبلت بس انا كنت مقدمة فى مصر للعلوم و التكنولوجيا بس ويتنج ومش عارفة هيردوا عليا امتى فيه حد جرب موضوع الويتنج ده و بيردوا بعدها بكتير و لا ايه
و بالنسبة للسكن فى اكتوبر سهل الاقى حاجه قريبه و سعرها معقول ربنا يخليكوا لو حد عارف حاجة يقول وشكرا مقدما

انا جايبة مجموع 82.5% ادخل طب اسنان المستقبل ولا اية الحد الادنى و 6 اكتوبر ممكن تقبلنى ولا لا و حد يعرف حاجة عن جامعة مصر الدولية انا ليا صحاب دخلنها و انا نفسى ادخل 6 اكتوبر

كوكو
إنتي مدام دفعتي مصاريف يبقي إتقبلتي أما بالنسبه للويتنج فكك منه لانهم مش هايتصلوا عليكي !
أما السكن في 6 أكتوبر الجامعات هناك فيها سكن وبره الجامعه في سكن برده ومتوفر جدا وخصوصا للبنات .
أنا شفت والله هناك جمب جامعة 6 أكتوبر عمرات متعلق عليها إعلانات مكتوب عليها (سكن طالبات مغتربات)

بالنسبه لرحاب
الحد الأدني للأسنان 75% ، وجامعة 6 أكتوبر حلوه جدا وهي أجمد جامعه خاصه في مصر وجامعة مصر الدوليه ومصر للعلوم والتكنولوجيا هما كمان كويسين جدا
وربنا يوفقكم . .

يا جماعة هي جامعة 6 اكتوبر لسه فيها تقديم ولا اتقفل خلاص

أعتقـــــــــد إنه إتقفل خـــــــــلاص

ايوة انا روحت من اسبوعين جامعة 6 اكتوبر ملقتش مكان هندسة ولا في مكان صيدلة بردو

ana f sana tanya medicine MUST university ... law 7ad 3awez 7aga

يا جماعة انا رحت الامتحان بتاع الانجلش في الجامعة والحمد لله كان سهل جدا فلو حد عاوز يعرف اي حاجة عن الامتحان
انا في الخدمة

طب يا جماعه انا جايب 84 وعاوز اخش حاسبات ومعلومات بكام ؟؟؟

لو في جامعة المستقبل يبقي ب 30 الف في السنة غير المدينة والباص واي طلب انا في الخدمة

تماااام طب انا محتار ادخل FUE wla MSA
Business
lw 7ad y3raf y2oly eh a7san y2oly bs besor3a 3shan ana ray7 a2dem b3d shoya we mesh 3aref a3mel eh !!

يا جماعة هي مصاريف صيدلة مصر الدولية ..ومصر للعلوم والتكنولوجيا كام

لو سمحت...هي مصاريف الجامعة الكندية كام

والله انا علي حد علمي جامعة fue هي الاحسن لانها عضو في اتحاد جامعات العرب

we el MSA kman 3do fe
1:Arab League of universities
2:Arab Engineers union
3: professional Syndicates
4:University of GreenWich (Britain)
5:MiddleSe,x University (Britain)

we bta5od mn 4.5 sehahda mn Briatin !!

طيب هو حضرتك سجلت في mas ولا في fue

ايه ياجماعة هو محدش داخل جامعة fue غيري ولا ايه

لأ في ناس كتيره
بس رمضان كريم بقي ومحدش فاضي . . .!

اهلا kariman ايه بقي محدش لاقيكي اليومين دول ;)
رمضان كريم وربنا يعوده علينا وعليكي وعلي الجميع بالخير واليمن والبركات:)

تسمحيلي اختلف معاكي
طبعا جامعة 6 اكتوبر جامعة محترمة و كويسة
بس مقدرش اقول انها الاحسن
مع كامل احترامي في جامعات تانية اقوي منها زي الامريكية و الالمانية و جامعة مصر الدولية و المستقبل
و ده عن خبرة من قرايبي

و تقبلي مروري

لو سمحت/ي ممكن سؤال هي جامعة المستقبل بتطلع بعثات للخارج وهل صحيح ان اوائل دفعة
طب الاسنان بيتعينوا علي طول في مستشفي الجامعة وشكرا لك/ي

بصراحة انا مش متاكد من الموضوع ده
بس غالبا اي جامعة بيبقي ليها شراكة مع جامعة من بره
بيبقي فيه اتفاق بينهم علي التبادل الطلابي و كده

شكرا لك علي التوضيح

اللهم اكرمنا بفضل هذه الايام العشرة الاواخر وبفضل ليلة القدر
اللهم آمين

( اللهم أمين )

حلوة بس صحابي دخلين انا مش داخل فيها وباذن الله خير للجميع

اشكرك لابداء رائك بس ممكن اعرف هو حضرتك داخل جامعة وسبب الاختيار
وجزاك الله خيرا

انا كنت عايز اعرف ايه مميزات جامعة المستقبل وهل هى معترف بيها دوليا

مميزات الجامعه هي انها تحت ظل جامعة عين شمس... واساتذتها اعارة من جامعه عين شمس والقاهرة..
طبعا لها اتفاقيات مع جامعات اجنبية للتعاون الاكاديمي..

والميزه الاضافيه هي انه لديها مستشفى خاص لتدريب طلبة الاسنان ... وهذا اهم حاجه لطالب الاسنان..

يا جماعة هي الدراسة في الجامعات الخاصة فعلا هتبتدي يوم 1/10 ؟!!!!!!!!!

انا عاوز ادخل جامعة المستقبل كلية الهندسة بس عاوز اعرف فيها قسم طيران ولا لا وايه اسعارها ؟؟؟؟