|
استفسارات عن الثانوية العامة
الحمد لله انتهيت من المرحلة الثانوية العامة شعبة علمى علوم
انا تحت امركم في اي استفسار عن اي حاجة متعلقة بالثانوى العام في حدود معرفتى |
سلام عليكم
الف الف مبروووكا انك خلصتى الثانوية العامية:022yb4: انا داخلة 3ث ان شاء الله انا كنت كاتبة علمى رياضة واهلى عايزنى احول علوم خصوصا ان مجموعى حلو والحمد لله المهم انا عايزة اسأل الاحياء ايه نظامها ف المذاكرة وكمان لو كانت مع فيزيا؟؟ وياترى الاحياء صعبة ؟؟؟ عارفة ان مع المذاكرة مفيش حاجة صعبة بس مثلا عربى تالتة اصعب من تانية بس بيتجاب بالمذاكرة انا بحب الاحياء والرياضة ..بس كنت داخلة رياضة لانها هتوصلنى لمجال الكومبيوتر مش اكتر يعنى مش حباً ف الرياضة وجزاكى الله خيـــــــــراً منتظرة الرد:bosyht9: |
اقتباس:
|
الاحياء
بالنسبة للاحياء فهية مادة ممتعة ف دراستها وفيها معلومات حلوة وياريت لو المستوى الرفيع كمان احياء هتحبيها اوي
هى 3 ابواب الباب الاول اكبرهم لانه بيتكلم عن الوظايف والاجهزة بس بتوسع عن اللي خدتيه قبل كده يعنى بيتكلم عن 1 التغذية والهضم 2 النقل 3 التنفس 4 الاخراج 5الاحساس وهو اجملهم طبعا 6الهرمونات 7 الدعامة والحركة 8 التكاثر والباب التانى بيتكلم عن الوراثة بس جميل جداا وهو مش طويل زى الباب الاول اما الباب التالت فهو dna طبعا اجمل حاجة هتدرسيها ف ناس بتقول ده صعب بس لو فهمتيه هتلاقية اجمل اجزاء المنهج انا حبيت اديكى فكرة بسيطة عن المنهج اما المذاكرة انتى لازم تذاكريها 3 او 4 اربع مرات ف الاسبوع او كل يوم ساعتين عشان تبقي دايما معاكى والتفاصيل الصغيرة متضيعش وسط باقي المواد وانا معاكى لاى استفسار |
الله يبارك فيكى
و جزاكى الله خيرا ع الرد السريع وبالتوفيق ليكى ف الكلية ان شاء الله |
اقتباس:
وتقلقيش من 3 ثانوى طالما منظمة ومحددة هدفك والفيزياء اسهل مما تتخيلى او يقال عنها بس انتى عارفة ان كل حاجة سهلة للى تعب وسهر وذاكر واتقي ربنا واطاع الوالدين مش لكل واحد قاعد مكانه وعايز المذاكرة هي اللي تجيله وصدقينى كمان مرة ان الفيزيا والاحياء جمال جداااااااااااا مع المذاكرة والاهتمام واي استفسار انا معاكى |
انا متشكرة ليى جدا و
مبسوطة انك عايزة تفيدى الناس بخبرتك انا كنت محددة هدفى انى ادرس كومبيوتر بس بابا وماما عايزينى احول احياء خلونى ندمت انى جبت مجموع كويس وانا مش عايزة ازعلهم عشان ربنا يوفقنى السنة واخلص التعليم ع خييير خير ان شاء الله رمضان كريم اللهم بلغنا رمضان,,,آآآميــــــــن |
رمضان كريم
كل سنة وانتى طيبة وكل المصريين والمسلمين طيبين وان شاء الله ربنا هيوفقك بسبب طاعتك لوالديكى وربنا معاكى ويوفقك
لو حبيتى تسالي عن اي حاجة هتلاقينى ان شاء الله |
السلام عليكم ..
اول حاجة حابة اهنيكي واهني كل اعضااء المنتدى واقولهم رمضاااان كريييم وان شاء الله يكون رمضان السنادي احلى رمضان مر علينا :) ،، والف مبروووووك انك خلصتي ثانوية عاملة بجد الف مبروووووووووووك انا ان شاء الله داخلة 2 ثانوي علمي علوم وواخدة احياء ان شاء الله وبعد اذنك ممكن تجاوبيني على الاستفتسارات دي .. اول حاجة اي هي اكبر مشكلة قابلتك في الثانوية العامة وازاي تغلبتي عليها ؟؟ ازاي أقلمتي نفسك على المذاكرة والدروس وانك تبعدي على الكمبيوتر والتلفزيون وووو انا ان شاء الله هبدأ بكرا اول درس ومش عارفة نفسيتي تعبانة جدا جدا جدا ومش عارفة حاسة اني مش هقدر اعمل اي حاجة بجد انا مكتئبة ومش عارفة ازاي هتعود على الحياة الجديدة دي بجد فعلا حياة جديدة مذاكرة ودروس وبس !! صعبة اوي .. ازاي كنتي بتنظمي وقتك بين الدروس والمدرسة والمذااااكرة والنوم ؟ وانا اسفة جداا على الاطالة ... والسلام عليكم ، |
تانيه ثانوي
نعمل فيها ايـــــــه ؟؟؟؟؟؟؟ كل عام وانتم الي الله أقرب |
السلام عليكم .. اولا مشكوره ع الموضوع المثالي:) ومبروك تخرجك من الثانوويه العامه :022yb4: هي تانيه ثانوي فيها عربي ورياضه وفرنساوي وانجلش وكيمياء بس صح ياريت تطمنيني ع الكيمياء هيا الماده الوحيده اللي انا خاايف منها ألف شُكرَّ :bosyht9: |
الحمد لله
اقتباس:
بالنسبة للاحياء فهى من اجمل المواد وامتعها وان شاء الله تقفليها اما بالنسبة لاكبر مشكلة فهى انك تفقدى الطريق لهدفك والامل بس طول مانتى قريبة من ربنا ومعاكى صحاب كويسين فربنا هيوفقك ولازم متتنزليش عن حلمك مهما حصل ولازم تعرفي ان مصلحتك اهم من التلفزيون والكلام الفاضي وان شاء الله تحافظى علي صلتك من ربنا يعنى ورد يومى من القران والصلاة والادعية وده اهم حتجة هتخليكى مرتاحة بالنسبة للمذاكرة انتى ف اول السنة لسه حاجات خفيفة يعنى تبداى ب3 ساعات لاربع ساعات وبعد رمضان هيزيدوا طبعا لحد ما نوصل في اخر السنة ل16 ساعة وده معدل كويس بس تعديته ف تانية ل22 ساعة بس ده مش كويس لانك بتفقدى راحة جسمك وده اثر عليه وانا ف الامتحان بس الحمد لله المهم المنبهات بلاش لانها هتضرك صدقينى اما الكمبيوتر والتلفزيون اعرفي انك لما تجى تقعدي ليهم ان ده اغراءات الفشل لانها مش هتفيدك وانتى قاعدة ف لجنة الامتحان قدام الورقة بلاش رعب كتير طالما بتعملي اللي عليكى بلاش تقلقى نفسك لان المشكلة ف الثانوى انها تحديد الكلية اللى بعد كده مش صعوبة المواد والمواد سهلة جدااااااااا وتافه ولا تليق بطالب علمى تنظيم الوقت لو متعوده عليه فده كويس جداا انك تبقي عارفة هتذاكرى ايه وامتى ولازم تذاكرى اكتر من مادة ف اليوم بانسبة للنوم فهو من بعد العشا للفجر ده افضل وتصحى تصلي وتذاكرى هتحسي احساس غريب جداا لان ربنا بيوزع رزقك ف الفهم والتحصيل وبجد حلو جداااااااااااااا وربنا يوفقك وابقي طمنينى |
رمضان كريم
اقتباس:
سنة تانية صدقينى سهلة اوي وممكن تجيبي فيها درجات كتير تريحك ف تالتة المهم انك تذاكرى كويس وتبقي علي علاقة قوية مع ربنا وشوفي الاجابة بتاعة الاسئلة اللى فاتت وان شاء الله تفيدك وربنا يوفقك والجميع ان شاء الله |
الف شكر ليك
اقتباس:
اولا شد حيلك وربنا يوفقك وشكرااااااااااا علي الكلام الجميل ده بالنسبة للمواد ف تانية زى مانت قولت اما الكمياء متخافش منها خالص لانها مادة حلوة بس اهتم بكل صغيرة وكبيرة فيها مش تتنطش الجداول والحاجات اللي على جنب ف كتاب المدرسة واهتم انك تحل الامتحانات كلها وياريت تحل فوق الخمسين امتحان على المنهج اخر السنة اما البداية فلازم تكون فاهم كويس انت بتعمل ايه ومتعديش حاجة كده والسلام اسال المدرس او اتناقش مع صحابك لان من وجهة نظرى كتب المدرسة فيها اخطاء علمية كتيررررررررررررررررر واهتم بيها شوية وربنا هيوفقك وعلي فكرة انا جبت 50 ف الكمياء وربنا يوفقك انت كمان ف اللى انت عايزه |
لسلام عليكم ورحمة الل وبركاته
مبروووووووووووووووووووووووووك النجاح وان شاء الله تكوني اتوفقتي في التنسيق أنا رايحه 2 ث ان شاء الله موادي هتبقى عربي انجليزي الماني math biology يا ريت ترتبيلي المواد حسب الاهميه يعني اذاكر مين أكتر حاجه :) وهل الاحياء في 2 اختيار سليم ولا لا وايه المخاطر غير اني مش هعرف أكمل ريااضه ؟؟؟ هو الاحياء في رسم كتييير ؟؟ أصلي مش بعرف ارسم كويس :) ياريت تقوليلي أعمل اي في العربي هو و الالماني عشان مش بحبهم أوي شكرااااااااااا جدا وربنا يوفقك في الكليه :) |
طبعا ألف مبرووك ليكى انك خلصتى السنتين دول
وطمنينا ع التنسيق بتاعك وبشكرك على مجهودك الراائع ف الرد على الأسئلة والاستفسارات انا رايحة3ث ان شاء الله وكنت أحيااء ف تانية والحمد لله جبت مجموع جمييل جداا بس كان عندى كام استفسار صغننين كده 1*بالنسبة للكميا تتذاكر من كتاب المدرسة زيها زى الأحياء ولا مش بيبقى منظم؟ وأجيب فيها كتاب الامتحان بردو مش كده؟ 2*وبالنسبة للمستوى امتحاناته بتيجى سهلة من الكتاب ولا ايه نظامه؟؟ وكنت عاوزة اعرف احنا بنستلم للمستوى كتاب م المدرسة ولا هنشترى ملخص؟ 3*بالنسبة للعربى قصة الأيام أكييد درستيها قوليلى بقى احسن طريقة أذاكرها بيها عشان كل الناس بتشتكى منها ....................... كده خلصت أسئلتى اسفة ع التطويل |
اقتباس:
انا زيك بردو رايحة تالتة بس كنت كيمياء وهاخد احياء باذن الله بالنسبة اللكيمياء سهلة اووووى والله وكتاب المدرسة منطم خااااااالص والامتحان مش بيخرج عنه وكتاب الامتحان اسئلة كويس اووووى فيه اسئلة كتير وجميلة اووى لان اهم حاجة من وجهة نظرى الحل الكتير انا كان معايا كتاب مندليف والمعلم بردو وكنت بزاكر من مذكرة المستر بتاعى وكتاب المدرسة بردو والعضويـــــــــــــــة تحفة احلى ما فى الكيمياء بجد .... انت بقا طمنينى الاحياء .. .لمدرس اللى انا هاخد عندو بيبدأ من الاخر من الوراثة تقريبا رايك اخد درس تانى فى الاحياء مع مدرس بيدا من الاول ولا درس واحد كفاية ؟ |
اقتباس:
وشكراا ليكى على الافادة ............ بالنسبة للاحياء اطمنى خالص دى سهلة ولذيذة وهتحبيها اوى انا كنت باخد فيها درس واحد ومش خدت مرااجعة خالص وجبت49من50 المدرس اللى كنت باخد عنده كان ممتااااااااااااااز الاحياء مش مستاهلة درسين هوا واحد كفاية هوا ممكن يكون المدرس بدأ من الوراثة عشان تراجعوها كتيير بس اقولك على حاجة احسن اسالى البنات اللى كانوا بيخدوا عنده قبل كده وهما اكييد هيفيدوكى اكترر عشان عارفين نظامه وطالما المدرس ده بدا م الاخر اكييد له نظام لوحده عموما مش هتفرق خاالص م الاول او م الاخر .............. اهم حااااااجة الرسوومات لازم تبدئيها من اول السنة بمعنى ان كل ماتخلصى فصل تخدى كشكول كده وترسمى فيه الرسومات بتاعته يعنى اعملى كشكول خاص برسومات الاحياء واوعى تهمليها عشان مش تتزنقى اخر السنة واكتر بابين هتستمتعى بيهم الdna والاحسااس ولازم تراجعى باستمرار وحلى امتحانات السنين اللى فاتت آه وابقى اقرى قران قبل ماتبدأى مذاكرة الاحياء هيسهل عليكى كتيير واى استفسار ف الاحياء انا ف الخدمة .................. ومبررروك ليكى وعقبال السنة الجاية وانا وانتى نكون ف كلية واحدة باذن الله |
كنت عايزة اسأل ايه هي المواد الي لازم تتزاكر من كتاب المدرسة
وايه احسن ملخص في العربي و الانجليزي |
الكيمياء والاحياء واللغة العربية
بتكون بالنص من كتاب المدرسة وحل التدريبات من الكتب الخارجية |
خايفه شويه من الفزيا والرياضه
|
بقولك ايه يا مون
انتى كان معاكى كتاب ايه فى الاحياء ؟؟ |
كان معايا كتاب المدرسة بذاكر منه+اسئلة الدليل مهمة
وكتاب الامتحان عشان احل الاسئلة بس وفى كشكول الاول ممتاااااااااااااز وهاتى الامتحان مراجعة نهائية كمان |
الف شكرا على الموضوع الجميل ده عايزة اسالك سؤال انا جايبة 96.5 فى تانية المجموع دة كويس انى اكمل علمى علوم مع العلم كان المفروض اجيب اكتر بس الحمدالله ولا احول رياضة وانا بحب الاحياء بليز ردى عليا بسرعة عشان انا محتاجه جدا
|
اقتباس:
انا الحمد لله صيدلة القاهرة وعقبال كل اللي نفسه فيها بالنسبة للمواد فانا كنت فرنساوى مش المانى بس ان شاء الله ربنا هيوفقك اما ترتيب المواد من حيث الاهمية بلا شك كلهم مهمين جدااااااااااااااااااااا ومينفعش نقصر ف مادة علي حساب التانية بس طبعا انتى ف 2 الموضوع سهل والمواد سهلة اوى ان شاء الله بس طبعا الاحياء هتاخد وقت اكتر من الباقي والرياضة كمان وبعدهم المانى و انجليزى وعربي علي حسب انهى انتى اشطر فيه وتاسيسك كويس فيه بالنسبة للاحياء ف 2 في ناس كتير خدوها والحمد لله ربنا وفقهم فيها جدا وكمان هتستمتعى بيها جدااااااااااااا اما الرسومات انتى مطالبة بالرسم المهم يكون واضح والبيانات عليه كاملة ونصيحتى كل رسمة تقابلك ارسميها كتير وانا كنت عاملة اسكتش فيه كل الرسومات كان حلو جدا في اخر السنة وانا براجع منه وكمان ذاكري ع الرسم هيفيدك اوى العربي فروعه كتير بس ف 2 سهل وبسيط طبعا النحو والنصوص والادب مهمين جدااا وبعدين القراءة عادية بالنسبة للالمانى فاي لغة جديدة محتاجة حصيلة كلمات كتير وفهم وحفظ القواعد والتكات اللي فيها وطبعا تهتمى بالامتحانت في كل المواد بداية من اول السنة كل حصة في الدرس ياريت يكون امتحان لمدة 10 دقايق وتاخدى الامتحانات الصعبة من صحابك واخر السنة لازم تحلى امتحانات كويس جداااااااااااا وربنا يوفقك باذن الله |
اقتباس:
1 بالنسبة للكمياء طبعا روعة جداااااااااااااا وهتحبيها اوى وكتاب المدرسة حلو جدااااااااااا فيها طبعا فيه اخطاء بس هتعدى يعنى وكتاب الامتحان كويس جدا فيها وكمان مندليف و الماسي لو لقتيه وكشكول الاول والمعلم دول احسن حاجة 2 بالنسبة للمستوى السنة دى انا كنت احياء مستوى اولا مكنش ليه كتاب من الوزارة بس الامتحان جه مش اوى صحابي خدوه عربي وربنا وفقهم فيه عن اللي خدوا انجليزى اما كتب المستوى في بعض الكتب الخارجية لبعض المواد زى الانجليزى والعربي والباقي بيبقي ملخصات وملازم 3 بالنسبة لقصة الايام هى طويلة انا عارفة بس هقولك علي احسن طريقة لحد دلوقتى وهى انك كل فصل تذاكريه تعمليه س و ج في كشكول خاص بالقصة وياريت قبل ماتنامى تقري فيها شوية وتنامى بعدها وان شاء الله تعجبك الطريقة ده وربنا يوفقك وتحت امركم ف اي استفسار |
اقتباس:
وبعدين المواد اللي لازم تتذاكر من كتاب المدرسة زي الكميا او الاحياء والعربي والرياضة الامثلة المحلولة والتمارين والفيزيا والاقتصاد والاحصا والجرامر اللي في اخر كتاب الانجليزى والافعال بتصاريفها ده من وجهة نظرى البسيطة بالنسبة للملخصات في العربي والانجليزى الكتب الخارجية الكويسة اللي اعرفها الاضواء في الشرح للعربي والمعلم للمراجعة والانجليزى كتاب surprise وكتاب The Best والمراجعة برده وطبعا ملازم المدرسين |
اقتباس:
أشكرك على الرد الجميل بجد استفتد منك كتييير ,, مبروك عليكي كيليتك جميله وربنا يوفقك فيها يا رب :friendsxs3: ممكن تقوليلي اعمل اي فالانجليزي والرياضه بالمره :) سوري على الازعاج وربنا يجعله في ميزان حسناتك |
[quote=سارة عطالله;3769957]الكيمياء والاحياء واللغة العربية
بتكون بالنص من كتاب المدرسة وحل التدريبات من الكتب الخارجية[/quo سلام عليكم علي فكرة منقلقش من حكاية خارج كتاب المدرسة طبعا اجابة اي سؤال في اى مادة بيكون موجود في كتاب المدرسة والنماذج الامتحانات السنين اللي فاتت او الدليل بس شكل السؤال هو اللي يفرق يعنى امتحانات الكميا والعربي والاحياء من كتاب المدرسة بس مش من الاسئلة التافهة اللي فيه وطبعا لازم يكون في مستويات ف الامتحان وربنا يوفق الجميع وطالما بتحلى كتب المدرسة والخارجية والملازم وخلافه اكيد ربنا هيكرمك |
اقتباس:
الحمد لله لانك طالما خايف منهم اكيد هتهتم بيهم الفزيا سهلة والله بس محتاجة حل كتيييييييييييير واهتمام وكذلك الرياضة انا صحيح احياء بس الحمد لله الفيزيا كانت روعة وكمان صحابي الرياضة تقريبا كلهم هندسة وكمال كانوا في 3 صحابي مستوى رفيع رياضة وجابو فيه 9.5 و10 من 10 ومجاميع كويسة جدا من 96 لحد 99.6 وربنا يوفقك وتبقي زيهم |
اقتباس:
الف مبروك علي المجموع وقدر الله ما شاء فعل انا حبه اقولك معايا صحبتي جابت ف 2 مجموع 95 بس وفي 3 المجموع الكلي كان 98.2 بس ده مجمهود مش كل الناس زى بعضها اكيد بس انتى ان شاء الله تكملى احياء وربنا هيكرمك وانا كنت ف 2 جايبة نفس مجموعك والحمد لله جالي صيدلة وربنا يوفقك وان شاء الله طالما بتحبي الاحياء نصيحتى تكملي علمى علوم وربنا معاكى زى ما تحبي |
اقتباس:
ان شاء الله ربنا هيكرمك بالنسبة للانجليزى زى اي لغة محتاجة حصيلة كلمات كويسة وقوية جدا وفهم الجرامر وحفظه والسنة اللي فاتت كتاب the best كان منزل قاموس صغير لكلمات اولي وتانية وتالتة كان كويس بالاضافة للملازم والكتاب الخارجى شوفيه وحاولى تجبيه لو منزلش السنة دى اما بالنسبة للرياضة انتى حلي عليها كويس جدااااااااا من كل كتاب يقابلك والدليل والامتحانات والملازم وكتاب لامى كويس فيها وكمان المعاصر بعده واهتمى بيها وربنا هيكرمك ومقيش اي ازعاج وانا تحت امرك في اي استفسار |
اقتباس:
بس كان عندي استفسار الـ 16 ساعة والـ 22 ساعة دول مذاكرة في اليوووم ؟؟ مش شايفة انها صعبة اووي بالنسبالي مستحيلة ... !! |
اقتباس:
لا شكر علي واجب بالنسبة لاستفسارك عن ال16 ساعة فده بيكون بالتدريج مش من مرة واحدة وبعدين احنا كنا بنسمع 16 ساعة ناس كان بيجلها زهول واحنا مكناش بنقول اننا عدينا المرحلة ده من زمان ولما قولنا للمدرس اننا بنذاكر ما بين 20 ل22 ساعة قالنا حرام عليكم ده هيقصر عليكم وفعلا عنده حق بس 16 ساعة مش كتير في ايام المذاكرة بجد مش اول السنة وله انتى ايه رايك وانا بدعيلك انك ربنا يوفقك بس في حاجة مهمة نسيت اقولها ان المذاكرة محتاجة تركيز وممكن حاجة تاخد معاكى ساعة ومع حد تانى تاخد ساعتين وربنا معاكى |
كل سنة وانتم طيبين بمناسبة شهر رمضان الكريم و ربنا يتقبل منا جميعا:022yb4: والف مبرووووك يا دكتورة على كلية الصيدلة و ربنا يوفقك في المرحلة الجامعية:022yb4::022yb4::022yb4: و كنت حابة اسأل حضرتك كنتي بتبدأي دروس من شهر كام :bosyht9: وانا لو ابتديت من 8\9 هيبقى متأخر اوي ولا عادي:frown: |
اولا مشكورة على الموضوع االجميل ده وأأأأأأأألف مبروك على التخرج
انا رايحة سنة ثانية وموادي هي رياضيات وعربي وانجليزي وفرنساوي وكيمياء فكنت حابة اسألك ايه اهم مادة المفروض اذاكرها كتير وايه افضل الملخصات والكتب الخارجية وازاي انظم وقتي وشكككككككككككككككككرا |
بجد انتوا طلاب كويسة جدا ومجتهدة وكنت عايزة اعرف الشيماء22 واجمل زهرة وmoon جبتوا كام؟
|
هاتوا الاجابة
هل يا تري في حد عنده حل للنوم اثناء المذاكرة من فضلكوا ردوا علي
|
انا شايفة ان المفروض متزكريش على السرير لان دة كان بيحصلى كتير
|
اقتباس:
شكرااااا ااااا وكل سنة وانت طيبة :) |
رمضان كريم
اقتباس:
الله يبارك فيك وربنا يوفقنا جميعا باذن الله بالنسبة للدروس انا مكنتش باخد في كل المواد بس بعض المواد لما بداناها كان في شهر 8 وفي ناس بدات في 9 لكن معتقدش اللي هيبدا بعد كده هيكون مرتاح ف المنهج لانه هيكثف بس انا افضل شهر 8 للمواد اللي هتبداها اوحتى ممكن نصف 8 وربنا معاك باذن الله |
اقتباس:
بالنسبة للمواد اللي محتاجة مذاكرة اكتر لا شك هى الكميا والرياضة بس المواد التانية كمان ليها حق عليناولازم نهتم بيها بالنسبة للملخصات والكتب الخارجية 1 الرياضيات كتاب لامى والمعاصر 2 العربي كتاب الاضواء شرح والمعلم مراجعة نهائية 3 الانجليزى كتاب surprise وthe best 4 الفرنساوى كان فيه كتاب برافو وميرسى بس مش فاكرة الباقي قوى معلش 5 الكمياء كتاب الامتحان ومندليف وتقريبا الماسي بالنسبة لتنظيم الوقت انتى لو بتعرفي تنظمى وقتك ده كويس لو مبتعرفيش ففي اساسيات لازم تخلى بالك منها واخطاء متقعيش فيها زى انك تذاكرى اكتر من مادة في اليوم ومتذاكريش يوم كامل المادة اللي عليكى في الدرس تانى يوم عشان الواجب والمستر والامتحان لازم تكونى جاهزة في اى وقت للامتحان في اي مادة ولازم الثقة في الله ثم ف النفس والمجهود اللى بتبذليه وتهتمى بكل صغيرة وكبيرة في المنهج وملازم المدرسين وكتبهم وكتب الوزارة وان شاء الله ربنا هيوفقك |
النوم اكبر مشكلة بالنسبة لناس كتير
اقتباس:
النوم اثناء المذاكرة ده مشكلة بتواجه ناس كتير وطبعا اكيد انا اتعرضتلها قبل كده بس انا عايزو اقول اننا نبعد عن المنبهات زى القهوة والشاى الا عند الضرورة وياريت نستغنى عنهم بالزنجبيل لانه بينشط الذهن ويزود التركيز جداااااااااااا ونبعد عن اماكن النوم ولو الدنيا خلاص قفلت ولازم ننام يبقي نريح 10 دقايق طالما لسه مخلصناش المذاكرة بس مش 10 دقايق علي السرير لانهم هيمتدوا اكيد وده هيكون فيه راحة للمخ وياريت لو نقوم نتوضأ ونصلي هيكون كويس جداااااااااا باذن الله وربنا يوفق الجميع |
مدرس أحياء كويس هوة دة الطلب الوحيد
|
اقتباس:
كانت عقدتي في تانية ثانوي وربنا يوفقك ويوفقنا كلنا جميعا اااامين:022yb4::022yb4::022yb4: |
السلام عليكم ورحمه الله وبركاته
اولا الف مبروك للكليه وباذن الله من توفق لتفوق اكبر وكل سنه وانت طيبه ورمضان سعيد عليكى المهم بقى بجد جزاكى الله كل الخير على مساعدتك الجميله جدا لكل الناس اللى دخلت انا داخل بس علشان اشكرك انا داخل باذن الله تالته علمى رياضة وربنا يوفقنا كلنا باذن الله |
اقتباس:
|
اقتباس:
بالنسبة لمدرس احياء كويس او اى مادة فهو افضل مدرس بتفهمى منه مش مهم الناس بتقول ايه وانه مش مشهور في ناس كتير كويسة ومحدش يعرفها اهم حاجة يقنعك انا من محافظة الجيزة وكنت باخد مع ا/ ياقوت الببلاوى طبعا ما شاء الله عليه ربنا يباركله بس مجربتش حد غيره لانى اقتنعت بيه حاولى تحضري ليه وان شاء الله خير ربنا يوفقك |
اقتباس:
|
اقتباس:
الله يبارك فيك ربنا يكرمك باذن الله وربنا يوفقنا جميعا ورمضان كريم علي الامة الاسلامية جميعا شكرا لحضرتك علي المداخلة وانا تحت امر حضراتكم في اي حاجة ولو حضرتك او اي حد مش شرط عملي علوم بس اي استفسار في الرياضة ان شاء الله اسال واكتبلكوا الاجابة ربنا يوفقنا جميعا |
| جميع الأوقات بتوقيت GMT +2. الساعة الآن 04:49 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.