|
اسف للاطاله .. بس حبيت افضفض من تعبى !! حكايتى ..!
يا جمااااعه بداية كده انا اسف انى هطول عليكم بس بجد انا تعبان و فاض بيا و حبيت افضفض يعنى شوية فا هزعجكم شوية ب حكاااايتى دى :
انا من صغرى و انا متعلق اوى بالبرمجه و الكمبيوتر و الحاجات دى .. قبل ما ادخل 2 ثانوى كنت مجهز فى دماغى انى ادخل حاسبات مش لانى بكره الهندسه لا بالعكس لان الحاسبات فيها طموحى و كنت حاسس انى هنفع نفسى و البلد دى كنت هقدر اعليها .. المهم اتعلمت بنفسى و لوحدى لغات البيسيك و السى شارب والجافا و بقيت كويس جداا فى معظم اللغات دى .. بعرف اعمل برامج و عملت الات حاسبه كتير اللى هى احد المطاليب اللى بيطلبوها من اولى حاسبات فى الكلية يعنى انا عديت مرحله اولى حاسبات و انا لسه مدخلتش تانيه ثانوى مش غرور والله بس انا سعيد انى عندى الموهبه دى و كان نفسى انميها بالكلية و انفع البلد دى بحاجة تشرفنا كمسلمين .. المهم ارادت الظروف انى اجيب فى تانيه 85 و تالته شديت حيلى جداا و جبت 94 مع انى بدات افقد الامل واحلامى تنهار .. جبت فى المجموع الكلى 89.15 % و بدأت احلامى خلاص تنهاار بجد خلاص فقدت الامل فى الحاجات اللى اتعلمتها و بدات اجهز نفسى لكلية ادبيه و دى هتكون اسوأ فعله فى حياتى انى ادخل كلية ادبيه بس بدعى من ربنا انه يدينى كلية علميه اى كلية علميه فى اى مكان اقاليمى .. و ان شاء الله هقدر اثبت نفسى فيه .. انا املى فى ربنا كبيييير جدااا و حاسس ان ربنا هيكرمنى عشان اخلصت النيه ليييه وحده .. السؤال دلوقتى . هى الثانوية بقت حفظ و غش ..ّ!! انا اعرف ناس جايبين مجموع الحاسبات و زياده و بيسألونى الكلية دى بيدرسوا فيها ايه !! قالك انا مجموعى كبير يبقى ادخل احسن الكلية الناس بتتكلم عنها و خلاص ! و انا اللى بعرف اعمله وموهبتى يترموا فى الزباله عشان بلد بتاخد ب اللى يجيب درجات اعلى و يحفظ اكتر و يغش اكتر .. ( مع خالص احترامى لكل المجتهدين و اللى هيدخلوا كليات يستحقوها .. ) قدمت قدرات فنون تطبيقية و جميلة و نجحت فيهم كلهم .. يعنى انا مؤهل انى ادرس المواد دى .. ذنبى ايه انى نقصت فى العربى كتير او الكيمياء مثلا .. المواد دى ايه دخلها بالفنون اللى نفسى ادخلها .. مدخلش فنون اللى اخدت فيها لائق عشان نقصت فى النحو او الادب فى العربى !!! ايه التعليم ده .. انا اختى كانت فى المانيا بتقولى الجامعات هناك اللى يتخرج من الثانوى يقدر يدرس اللى هو عاوزه الحياة الماديه هناك مرتفعه و كل واحد بيدخل الكلية اللى عاوزها .. انا كنت حاسس باحباط شدييييد جداا بجد بس قولت الخيره فيما اختاره الله محدش عارف الخير فين و الشغل و المستقبل ده رزق مكتوب للانسان من زمان .. و ممكن اكون متميز فى اى مكان تانى مش شرط الناس كلها تبقى مهندسين و مبرمجين .. (اعملوا فكل ميسر لما خلق له) .. طلب اخير يا جماعه من كل اللى هيكمل قراءة الموضوع ده لنهايته يدعيلى بالهداية و الصلاح و ربنا يناولنى الكلية اللى نفسى فيها انا و كل اللى تعب بجد .. و اسف طووووولت عليكم يا جماعه بس كنت عاوز افضفض و لو مكنت اتكلمت كنت طقيييييت ههههههه ربنا يبارك ويكرم الجميع ان شاء الله |
هتدخلها يا حبيبى باذن الله يارب
|
بص دى بلد متخلفة و عقيمة بس إنشاء الله ربنا يكرمك و أنت عندك حل تانى أدخل حاسبات خاص لو معاك إمكانيات و هتكون أحسن من خريج أى جامعة حكومية بس خلى بالك لغاية دلوقتى مفيش نقابة معتمدة لحاسبات يغنى ممكن تدخل خاص و ميعترفوش بالشهادة بتاعتك
لو هتدخل أدخل جامعة كويسة guc or auc عشان تضمن مستقبل كويس و ربنا معاك |
معلش وتاكد ان ربنا كبير
ومش هيضيع حد فينا ان شاء الله هو نصبنا كدة في البلد دي بس خلي املك كبير |
ربنا يبارك فيكم والله انتوا شجعتونى والله جداا .. بالنسبه للجامعه الخاصه انا مش بحبها لسبب مش عشان فلوس لا خالص .. بس والدى هو اللى ذنبه ايه يدفع كل الفلوس دى حراام جداا و كمان اختى دكتورة فى القصر العينى و اخوها الولد يكون فى خاص .. انا الموضوع مش مريحنى نفسيا و سايبها على الله ده انا حتى فكرت فى علوم مع انها صعبه جدااااا بس اهو ارحم من اى كلية ادبيه يارب اكرم ب اللى فيه الخير
|
ان شاء الله ربنا هيقف معاك
اطمئن باذن الله خير انا مجموعي برده قريب منك(92.7) ومش هلحق حاجه زيك بس عندي أمل ان ربنا مش هيضيعني مش عارف ليه؟!!!!!! بس اهو بتوهم الخير مش قدامي غير كده |
الووووووووووو
بص يا عم medo_messi30 ان شاء الله لما التنسيق بتاع المرحلة الاولى ينزل كل حاجة هتوضح زى الشمس ومش تقلق نفسك خالص ّ!!!!:028ja7: بص انت باين عليك مجتهد وبتحب الكمبيوتر اوى وعارف حاجات بسم الله ما شاء الله كتييرة فيه :022yb4: يعنى لو مش لحقت كليه حاسبات لا قدر الله ادخل خاص ما فيها اى اشى وبعدين دلوقتى :excl: تقريبا مش بيميزو بين الخاص والعادى وكمان انت ان شاء الله مجتهد يعنى لما تحب تقدم على شغل مثلا بيبقى باين ان انت فاهم كويس يعنى بيعرفو اللى داخل كليه خاصة علشان الاسم ومن اللى داخل علشان هيشتغل فيها ويعمل مجهود بتبان بردوو مع كل التقدير والاحترام طبعا للى بيدخلوا خاص انا بس بتكلم ان اللى عايز يشتغل فى اى ماكن بيشتغل خاص بأة حكومة اى حاجة المهم انه يبذل مجهود وان شاء الله مش تفقد الامل وفكر فى حكاية الخاص دى وياااااااااااااااااااارب تدخل الكليه اللى انت عايزها وتنجح فيها كمااان وتبقى معيد ومبرمج ميه ميه * اى خدعة *:049gc0: والله الموفق ضـــــــــى الفجر |
الله يبارك فيكم يااااااااااارب والله انتوا ناس اكثر من الاحترام نفسه ..
|
اقتباس:
لالالالا ما فيها اى حاجة بس احنا قاعدين نحمس بعض وكدة وان شاء الله تدخل الكليه اللى انت حاببها :028ja7::028ja7: ادعولى ادخل هندســـــــة والله الموفق :bosyht9: ضـــــــــــى الفجر |
اقتباس:
تعقيبى على الجامعه الخاصه اولا غاليه و ثانيا ذنب والدى ايه ارهقه بفلوسها .. بدات افقد الامل فيها خصوصا ان والدى شبه رافضها تمام مش موضوع فلوس بس موضوع انى ليه مجبتش اعلى زى باقى زمايلى و كمان اخواتى دكاتره و محدش عمره راح خاص او دروس .. !! بس الحمد لله على كل شئ |
طب والله انت راجل زى الفل .. سيبك انت تلحق ولا متلحقش .. ان شاء الله ربنا هيوفقك فى الا انت هتدخله
انا انصحك تدخل هندسة خاص .. هى تقريبا بست بـ 6,000 فى السنه وتاخد منها كهرباء (حاسبات) هيكون لك افضل انا برده زيك كده كنت شغال فى موضوع الفيجول والحاجات دى من ابتدائى .. وعملت حاجات حلوه .. تفائل ولا تييأس وخد عندك دى : اما ترى البحر تعلو فوقه جيف .. وتستقر بأقصى قاعه الدر |
اقتباس:
بص هو باباك لازم يعرف ان دى مسئلة توفيق وبس يعنى مش فيه داعى يعنى من المقارنة بينك وبين زمايلك او اخواتك كل واحد ليه ظروفه وبعدين مين اللى قال ان اللى جايبين درجات عاليه وكدة هما برفكت فى كل حاجة لالالا مش كدة خالص فيه منهم مش يفهمو فى اللىانت بتفهم فيه يعنى دى مش بالدرجات وكدة دى قدراااااااااااااااااااااااااااااات :d وانت بسم الله ماشاء الله عندك الموهبة بسم الله ماشاء الله وحاببها يبقى لو انت سبتها ومش نمتها يبقى بتقصر فى حق نفسك وباباك لما ان شاء الله يشوف نجاحك بعد كدة هينسى ان انت دخلت خاص يعنى الحكاية دى بس بتقبى فى ساعتها يعنى وقتى بس وبعد كدة الحياة بتمشى ان شاء الله واذا كان على الفلوس انا عارفة ان الكليات الخاصى غاليه نااااااااااااااااااار :blush: ممكن على فكرة تدخل تكنولوجيا معلومات شوف كدة واستفسر عنها بس انا سمعت عنها وبس شوف هيه تنفع لموهبتك وتستحقها الكليه دى ولآ لا...؟؟ :) وان شاء الله ربنا يدخلك الكليه الللى انت عايزها والله الموفق :022yb4: ضــــــــــــــــى الفجر |
بالنسبه للسؤال .... هي الثانويه العامه بقت حظوظ؟؟
اه هي فعلا حظوووظ وأكبر دليل على كده الاعداد المهوله اللي راحت تعمل تظلمات السنه دي لكن في حاجه لازم نكون مؤمنين بيها دائما (ان الله لا يضيع اجر من احسن عملا) طالما انت تعبت واجتهدت واخلصت النيه لله كن على يقين بأن الله لن يخذلك أبدا وتأكد أن لو مكتوبلك تدخل الكليه دي هاتدخلها غصب عن مكتب التنسيق وعن معتز خورشيد نفسه ولو مش مكتوبلك تدخلها هيكون هو ده الخير لأن اختيار الرب لعبده أفضل من اختيار العبد لنفسه.... لازم نرضى ونسلم أمرنا لله وربنا يوفقنا جميعا يارب ويقدم لنا اللي فيه الخير |
ان شاء الله تدخل الكلية اللى انت عايزها وفعلااااااااااا احنا بلدنا كدة مفيش حاجة صح لكن هنعمل اية الحمد لله ولو مجتلكش الكلية اكيد ربنا عاينلك حاجة احسن وهتنجح فيها اكتر .........عسى ان تكرهوا شيئا وهو خير لكم
|
لازم تدخل حاسسبااااات حتي لو خااااص انا بقولك اهو .... و ربنا يوفقك يا رب
|
السلام عليكم ورحمة الله وبركاته بداية احب اقولك يا باشمهندس ميدو ان طالما حضرتك عندك موهبة ربنا رزقك بيها خااصة دون ناس كتير فلازم انت تستغلها كمان حضرتك لسه مابانتش حاجة السنة دى من حيث درجات القبول فى الجامعات والكليات وكدة وكمان يا استاذ ميدو فى قسم فى كلية علوم اسمه علوم حاسب على ما اظن ودى حضرتك تقدر تدخلها وتثبت نفسك فيها وتبقى معيد كمان وتدرس فى كلية حاسبات زى الدكاترة فى حاسبات تقريبا . وكمان حضرتك تعبت وصعب ان بعد تعبك ده كله يروح هدر واكيد ربنا مخبيلك خير كبير جدااا والله فى مكان تانى زى حاسبات ده اذا لا قدر الله حضرتك مالحقتهاش . بالنسبة ان الثانوية بقت حفظ وغش للاسف نسبة كبيرة جدا كدة يعنى تلاقى بعض الناس مش فاهمه كيمياء ومقفلين درجاتها ومالهومش فيها اصلا ويقولولك هم عايزين كدةواحدة حفيظ وبس . من حيث الغش حدث ولا حرج لكن ثق طالما حضرتك ماشى مظبوط ومش بتاخد قرش حرام نتيجة الغش فى الامتحانات ان ربنا هيوسع فى رزقك جدااا وهترتاح فى عيشتك بأذن الله لان اللى بيغش عامل زى اللى بيسرق وبيشترى اكله من فلوس السرقة وعلطول عند الدكتور . انا والله ابن خالى المانى و عايش فى المانى وخلص ثانوى عادى جدا ولا رهبة الثانوى ولا البعبع ده ودخل صيدلة وخالى بيقولى ان مصاريف تعليم الجامعة غالية جدا لدرجة ان الطالب ممكن يشتغل فى الجامعة عادى جدا نظرا لانفصال الشاب عن اهله بعد فترة الدراسة لانه بيستقل بنفسه شوية . عايزه اقولك على حاجة تانية انا اختى اتخرجت من حاسبات ومعلومات رغم ان نتيجتها فى الثانوى تدخلها اى هندسة عايزاها بالرغم من ده كله كملت حاسبات ولما اتخرجت اشتغلت فى مكان تانى خالص مختلف عن مجال دراستها . وهى دى العيشة الواحد بيظبط لنفسه خطوات ممكن فجاة يلاقى نفسه غير مسار حياته وبيطلع فى الاخر للاحسن بأذن الله وكمان يا استاذ ميدو اسأل بردو على الجامعات الخاصة وهم على فكرة بيعملوا خصومات لاصحاب المجاميع اللى زيك وكدة لانكدة حضرتك على ما اعتقد عديت الحد الادنى بتاعهم وبيعلموا خصم من مصاريف الجامعة ربنا يهديك ويصلح حالك ويبعد عنك اى شر وتدخل بأذن الله يا باش مهندس حاسبات او اى كلية انت عايزها :) آآآمين |
فى تربية نوعية فيها قم الكومبيوتر دة جميل جدا قدم فيها
وهى كلية حلوة بردة |
بص هقولك حاجة ... كل دي اقدار و دي إرادة ربنا و اكيد ليها منفعة ليك .. نصحيتي ليك لو عندك القدرة المالية خش جامعة خاصة .. غير كده .. هقولك حاجة خش اي حاجة لو حتى تجارة .. واتخرج عشان يبقى اسمك معاك شهادة .. و بعد كده خد كورسات في كل الاشياء اللي متعلقة بلغات البرمجة واتعب و اجتهد وبعد كده مجرد ما تفتح الجرايد هتلاقي وظايف ليك .. المهم انك تدور و تتعب وتاخد اكبر كمية من الكورسات .. انا اعرف واجد كه خريج تجارة و شركات البرمجة زي اوراكل كانت بتجري وراه لدرجة انها جابتله شقة قريبة من الشغل ..
|
ان شاء الله هتدخليها
وتتميزى فيها ان شاء الله |
على فكرة يابشمهندس ميدو انت كدة املك ماضعش ولا حاجة مش يمكن التنسيق ينزل شويه وتاخدمن 89؟؟؟؟؟؟؟؟؟؟؟؟؟محدش عارف الراجل دا بيفكر ازاى وبعدين عايزة اقولك حاجة انت لو مالحقتش ادخل خاص هتقولى وبابا ذنبه ايه بكل المصاريف دى؟؟؟؟؟؟؟؟؟؟؟؟اقولك ياعم ربنا كبير وان شاء الله كلها 4 سنين وتبقى بشمهندس قد الدنيا و تجتهد فى عملك ولو انت خايف من حكاية المصاريف دى ابقى بعد ماتخلص الكلية ابقى قسطها لباباك والله مش بهزر واكيد باباك هتبقى افضاله عليك كتير .......لو انت شايف انك تقدر تعمل حاجة كويسه لبلدك بالكلية دى ادخلها حتى لو فى اخر الدنيا وان شاء الله ربنا هيكرمك
|
اقتباس:
انا معاكى فى كل كلمه فعلا والله البلد دى مفيش حد فيها بيعرف يخطط لحياته انا بابا خريج علوم (جيلوجياا) وبقى موجه مكتبات ازاى الله اعلم يعنى محدش بيبقى الى هو عايزه على راى الفيلم مااعلينا ا المهم انته مجتهد وبجد حكايتك اثرت فيا جدا وربنا يكرمك ويوفقك ويحقق لك الخير محدش يعرف الخير فين والى عايزه ربنا هيكون وكل شئ قسمه ونصيب وربنااااااااااااااااااا يصلح بالك ويهديك للخير ان شاء الله |
بجد مــا شاء الله عليــك بس نعمل ايه لمـــا واحد عبقري كمبيوتر يزحلقوه في كلية مش طموحاته خــــــــالص يبقي انت اكيد اكيد في مصـــر و معظم اللى في كليات قمــه مش طموحاتهم غيردخول كلية قمـــــــــة ثقــافة ساذجة و تعليم فاشــــــــــــل
بس علوم اسكندرية فيها قسم حاسبـات و ده يوازى حاسبات محتاج تقدير في 1 و 2 و انت في علوم مش عارفة الكلام ده في كل كليات علوم و لا لأ اسأل و اتأكد انك داخل تخصصك و ان شاء الله تبقي حــاجة ليها مكانتهــا و ان شاء الله ربنــا يكرمك و ادام انت شخص عندك مبادىء و راعيت ظروف اهــلك يبقي ربنــــا حيكرمك ان شاء الله :)ادعى لنا كلنـــــــا |
اقتباس:
فعلا يا ميرا محدش بيبقى اللى هو عايزه دى بتبقى قدر ربنا وبس بس اكيد ربنا جعل لوالدك الخير فيها واكيد ربنا عالم بظروفنا وهل هنقدر نتحمل العمل فى التخصص دا ولا لأ وكدة اقتباس:
يارب يكون الكلام ده صح علشان الباش مهندس يفرح ويفرح كل الطلبة معاه الانسان اللى عنده مبادئ دينية ومش بيتخلى عنها فى اى ظروف ربنا بيكون معاه وهيسر ليه اللى يريحه ربنا يوفقنا كلنا يااااااارب |
ربنا يهديك ويصلح حالك وتحقق احلامك
بس انا رأيي اتمسك بموهبتك دى للنهاية حتى لو بعد الشر يعنى مدخلتش حاسبات ومعلومات فمثلا ممكن تدخل علوم حاسب فى كلية علوم واتمنى من ربنا يوفقك وتنفع بلدك بموهبتك دى جزاك الله خيرا |
معلش ان شاء الله ربنا هيكرمك : )
ولو مش عايز تدخل خاص يا سيدي ،، ممكن تدخل تجاره مثلا و تكمل كمبيوتر كورسااات .. دلوقتي كورس من مكان محترم يفتحلك الابواب المقفوله ... محدش بيبص انت متخرج من ايه دلوقتي .. وانت شكلك عايز المجال ده فاشتغل فيه سواء في كليه ولا من غيرها .. موفق يااا رب .. |
بص انا ان شاء الله جايب مجموع الكلية اللى انا عايزها بس ده لايغير من رايى ان نظام التعليم المصرى فاشل و ان تعلم الاكل الصينى افيد بكتير و انى معملتش و لا بحث عن الرياضة البحتة و ممكن ادخل هندسة ......و مع ذلك احب اقلك كمل فى طريقك و ملكش علاقة باى حاجة خليك واثق فى نفسك و اشتغل فى المجال اللى انت شايف نفسك فيه ممكن تكون بيل جيتس مصر فى يوم من الايام
|
انت ممكن تدخل علوم قسم كمبيوتر وبيدرسوا فيه البرمجه
على فكرة انا زيك وكأن حضرتك بتحكى مشكلتى ولو ما دخلت علوم لا قدر الله ادخل خاص وتوكل على الله وسيبك من كلام الناس لا بيودى ولا بيجيب وممكن تشتغل فى اى شركة كمبيوتر وتساعد نفسك فى المصاريف وفى نفس الوقت هتذاكر لانك حابب المادة صلى استخارة وتوكل على الله واوعى تنسى الى فيما معناه الى مكتوب فى القدر افضل مليون مرة من الى انت متصور الى هو افضل (ان الله لا يضيع اجر من احسن عملا ) وربنا يوفقك |
والله انا زيك تماما انا جايب 90.49 نفسى ادخل حاسبات وعندى بصيص من المل ان ربنا مش هيضيع تعبنا خالص وبأذن الله التنسيق ينزل وندخل مع بعض وتعبنااااااا مش هيروح هدر . وانا اساسا تعبان نفسيا من موضوع التنسيق دة وجالى هبوط
|
ربنا يارب يوفقك ويهديك ويكرمك باللي فية الخير ليك بس صدقني دة مش حالك لوحدك انا نفسي ادخل اعلام وعندي موهبة الخطابة حتي مدرس العربي بتاعي والله كان دايما بيشجعني ع الاعلام بس بردة مجموعة مش هيجيب لاني جبت 92.5 وربنا يكرمني وانت انشاءالله ربنا معاك ومتقلقشي
|
السلام عليكم
اولا ربنا يوفق الجميع واحب اقول ان مش مشكلة انك تفقد حلمك المشكلة انك تبطل تحلم لازم يكون شعارك ليس الهدف ان تاخذ شيئا فيعلي شانك ولكن الهدف ان تعلي شان ما اخذت |
اقولك نصيحه متحقدش على واحد جايب اكتر منك وهيدخل الكليه ديه لانه تعب ومش كل الناس بتغش
يعنى يا حبيبى انته محفظتش ليه ولا كنت مستنى الموهبه اللى تجبلك المجموع الناس اللى هتدخلها تعبوا وحفظوا زى ما انت بتقول يبقى متحقدش عليهم ديه نصيحه يا عم الموهبه |
اقتباس:
|
اقتباس:
|
اقتباس:
|
اقتباس:
|
اقتباس:
|
اقتباس:
|
اقتباس:
|
اقتباس:
|
يا ميدو اصلا نظام التعليم فى مصر فاااسد والكلام ده مش من دلوقتى لا من زماااان اوى واللى زاد عن كده كمان الجامعات الخاصه يعنى ايه واحد مثلا تعبااان سنتين بحالهم والطب مثلا يفوتوا على حاجه من عشره وواحد مطنش السنتين ويخش خاص ب 70 و80 % مع احترامى طبعا لكل اللى بيخشوا خاص بس بيتهيألى تعبنا طول السنتين بيبقى اكتر من اى فلوس بتتدفع والثانوية اصلا عشان تتغير لازم تتغير المنظومه كلها من اول ابتدائى بحيث ان الناس اللى تطلع من اعدادى ع ثانوى تبقى عارقه قيمة عقلها ونقلل شويه من الغش ده مع ان حكاية الغش دى اصلا بتبقى معتمده على الاسره نفسها عشان هى اللى بتوجهك وتعرفك الصح من الغلط وربنا يوفقك يا محمد فى اى مجال عمل هتخشه واعرف ان ربنا دايما بيبقى شايلك الخير وربنا معاك يارب :) |
ربنا يوفقك ان شاء الله وعسى ان تكرهوا شيئا وهو خير لكم انت متعرفش الخير فين ,,,,,,,,,,,,,,,,,,,,,,,,,,, انا بردوا زيك بس .,.,بحب الاحياء مووووت وكنت دايما متفوقه فيها وكانتو بيقولولي مفيش زيك في الاحياء وهبقى احسن دكتوره والكلام اللي يفرح ده وكنت شاطره في كل المواد ماعدا الرياضيات.,., جت تانيه ثانوي طبعا بندرس رياضه وانا مبحبهاش خاااالص نزلتني في مجموع تانيه وحولت ادبي بسبب الرياضه لاني بكرهها بس الحمد لله الحمد لله |
انا عايزة اقولك ان ان شاء الله ربنا هيكرمك عشان انت عندك هدف و عايز تحققه
بس برضه الواحد ميعرفش الخير فين يمكن ربنا يكتبلك الخير فى حاجة تانية ما انا برضه كان نفسى فى طب بس عرفت ان الخير مش فيها ليا و احب اقولك ان ممكن تدرس حاجة غير الى انت بتحبها و تنجح فى الاثنين حب مجال دراستك و ادرس الى بتحبه و الله الموفق و المستعان |
اضافهــــ.,.,., التعليم في مصر زي ماقالوا فاااااااااااااااااااااااااااشل لأبعد الحدود شوفو الدول التانيه كل واحد بيدرس اللي بيحبه مش احنا |
ان شاء الله تدخل الكلية اللى انت عاوزها يارب
فى اى دولة اجنبية ومتقدمةبيبقى فى امتحان قبل الكلية يقيس قدراتك يعنى انت لو كنت فى دولة متقدمة كنت دخلت الكلية دى وانت حاطط رجل على رجل للاسف زنبنا ان احنا فى دولة تبص على على مين بيقش درجات اكتر دون النظر فى موهبته ومكان تميزوا يعنى انت ممكن تكون افضل مليون مرة من اللى هايدخل حاسبات يعنى انا جايبة 94 ممكن ادخل حاسبات مع العلم ان انا لا افقه فىها شىء وواحد زيك يتمنع من دخولها لمجرد ان مجموعوا ماجبهاش ياخسارة وواحد جايب 99 ونفسوا يدخل حاسبات يقولوا لا ازاى انت مجموعك كبير حرام تضيعوا فى كلية زى دى ادخل بترول او هندسة حرام عليك احنا فى دولة ماشين مين يجيب اعلى ولكن ماتفقدش الامل وبلاش نبرة الياس دى ان شاء الله تدخل كلية الحاسبات ولو ماجبتهاش فى علوم حلوة جدا على فكرة ولو امكانياتك تسمح فكر فى الخاص اخيرا (عسى ان تكرهوا شيئا وهو خير لكم ) |
اقتباس:
انا مش فاهمة يعنى واحد عاوز يدخل علوم ويدرس رياضة او واحد ادبى ويدرس رياضة نفسى حد يقولوا هايستفادوا ايه من الدراسة دى حرااااااااااااااااااااااااااااااااااااااااااااام |
من فضلك ممكن تقولى عملت ايه علشان تاخد قدرات فنون تطبيقة وجميلة من فضلك
علشان انا مالحقتش فى اول مرة ولما الباب فتح تانى عاوزة اروح اقدم ونفسى اوى فى تطبيقية |
اقتباس:
|
اقتباس:
بس انا عارفة ان فى حاجة زى كورس بيتاخد قبل الامتحان وانا ماخدتوش ينفع بردوا اروح الامتحان :d |
اكيييييييد طبعااا تروحى الامتحان و تنجحى كمان ان شاء الله .. انا مخدتش الكورس و ذاكرت بنفسى ودورت على النت و كده و اخدت لائق .. بس انتى لو مرحله اولى ممكن يجيلك كلية قبلها .. فا شوفى هل مضمون تجيلك ولا ايه عشان لو مضمونه انها جيالك على حساب رغبه تانيه ادخلى الامتحااان بسرعه عشان ان شاء الله تدخلى الكلية و بالتوفيق ياااااارب و ادعيلى الحق عللوم يارب
|
اقتباس:
ويارب تدخل علوم او حاسبات لانك تستحقها بجد واكتر من اى حد تانى |
| جميع الأوقات بتوقيت GMT +2. الساعة الآن 12:11 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.