مفاااااااجأه يارب تتحقق خفض الحد الادنى للجامعات
 

على طريقة الولادات المتعثرة التي يقع الطبيب خلالها فى حيرة المخاطرة بحياة الأم مقابل إنقاذ الجنين .جرت مشاورات ممتدة حتى الساعات الأولى من صباح أمس بين أعضاء اللجنة العليا للتنسيق برئاسة الدكتور معتز خورشيد وزير التعليم العالي الذي اضطر إلى المبيت بمركز الحساب العلمي التابع لجامعة القاهرة بعد تعثر العمليات الحسابية التى يجريها خبراء التنسيق لمنع ارتفاع الحد الأدني للقبول بالجامعات بشكل كبير عن السنوات الخمس الماضية.
الدكتور معتز خورشيد وزير التعليم العالي توقع إعلان نتائج تنسيق المرحلة صباح اليوم بينما توقع مصدر مسئول باللجنة تأجيل الإعلان عن النتائج حتى الغد لحين عرض النتيجة والآثار المترتبة عليها على إحدى الجهات السيادية بالدولة .
مصادر بمركز الحساب العلمي أكدت للدستور الأصلي أن الارتفاع القياسى لمجاميع طلاب مرحلة المتفوقين اضطرت اللجنة إلى الاكتفاء أمس بتوزيع طلاب الشريحة الأعلى فى المجاميع للقبول بكليات الطب والهندسة وتأجيل توزيع باقي طلاب المرحلة لليوم ،بعد إجراءعمليات حسابية معقدة استمرت من عصر الخميس حتى فجر الجمعة أعطى الوزير خلالها أوامر بإعادة توزيع الطلاب وزيادة أعداد المقبولين بكليات القطاعين الطبي والهندسي 5% غير ال6% التى كان المجلس الأعلى للجامعات قد أقرها فى وقت سابق ،وفى حالة اعتماد تلك النتيجة فإنه بات من المؤكد توقف الحد الأدنى للقبول بكليات الطب عند 401،5بنسبة 97،9% بينما يتوقف القبول بالصيدلة عند 394درجة ونصف بنسبة 96،2% والهندسة عند 382،ونصف بنسبة 93،3% وهى نفس نسبة العام قبل الماضى ، وكانت المعلومات المؤكدة قد أشارت إلى أن العمليات الحسابية التى تجرى حتى السابعة مساء أمس تشير إلى القبول بالطب حتى 402،5 إلا أن الوزير طالب من اللجنة مواصلة العمليات الحسابية للنزول بالحد الإدنى إلى نفس نسبة العام الماضى وهو مايمثل مفاجآة سارة وغير متوقعة للطلاب
.
العشرات من أولياء الأمور والطلاب المعتصمين أمام مجلس الوزراء يرون أن إجراءات زيادة الأعداد غير كافية ويطالبون بخفض الحد الأدنى للقبول 3% على الأقل عن العام قبل الماضى عن طريق العودة لقبول الأعداد التى كان يتم قبولها بالجامعات الحكومية قبل عام 2002 عندما بدأت الدولة فى تقليص أعداد المقبولين بالجامعات الحكومية ضمن مخطط يستهدف إنشاء كم كبير من الجامعات الخاصة ونظم التعليم الإلكترونى والتعليم عن بعد لاحتواء خريجى الثانوية العامة والدبلومات الفنية .
(( الكلام ده ف جريده الدستووووووور للتاكد)) وربنا يتمهه ع خير وكل واحد يدخل الكليه اللى عايزهه:dhttp://www.dostor.org/society-and-pe.../july/29/49733

ياااااااااااااااااارب الكلام ده يتحقق لو كده هالحق صيدلة وانا مرتاحة وانتى معايا ان شاء الله
ان شاء الله خير لينا كلنا والكل هايدخل اللى هو عايزه

يااااااااااااريت

وبالتوفيق يا رب لينا كلنا

وكل واحد يخش الكليه اللى نفسه فيها يارب

:)

يااااااااااااااااااا رب
ان شاء الله الكلام دا يتحقق
كدا ممكن الحق هندسه القاهرة
يااااااااااااااااااا رب

اكيد ان شاء الله ياباشمهندس مبرووووووووووووووووك
انا كده ضمنت الصيدلية بتاعتى :d

يارب يطلع صح والواحد يرتاح
ودخل صيدله بقىىىىىىىىىىىىىى وتخشى يا نودى انتى كمان وتبقى معايا ف الجامعه
وانت كمان يا ميدو تدخل هندسه مرتاح
وكل واحد يحقق حلمه
:022yb4:

والصيدليه عندى زى ما اتفقنا
بدورين
وان شاء الله لو دخلت هندسه القاهرة
هعملك فيها اسانسير كماااااااااااان

ههههههههههههههههه لا اتفاق جديد سيبك من الصيدلية انا هاقدر عليها
ابنيلى فيلا او قصر ب3 ادوار ههههههههههههههههه
وشغل عالى مش عايزة انا اى حاجة وخلاص
:d

خلاص انا هعملك الاتنين
.
.
.
.
.
بس فى الحاله دى هيكون القصر خشب وصغير
بتاع متر * متر
وهعملك جانبه الصيدليه
^ _ ^

يعتمد غدًا السبت، د.معتز خورشيد وزير التعليم العالي نتيجة تنسيق المرحلة الاولى لقبول الناجحين في الثانوية العامة بالجامعات والمعاهد.

وأكدت المؤشرات النهائية لنتيجة المرحلة ارتفاع الحد الادنى للقبول بالطب وطب الاسنان الى 98 %.

ومن المتوقع وفقا للبيانات الرسمية للمجلس الاعلى للجامعات ان تحرم اعداد كبيرة من طلاب العلمى علوم الحاصلين على اكثر من 96 % من الالتحاق بكليات الصيدلة نظرا لتفاقم اعداد الحاصلين على هذا المجموع الى 22الفا و41 طالبا وطالبة وهذه الاعداد تقف عند مجموع 97.1% فى شرائح المجاميع التكرارية وهو الحد الادنى للقبول بكليات الصيدلة .

كما اكدت المؤشرات ان طلاب المرحلة الاولى من القسم العلمى سيشغلون جميع الاماكن الخالية بكليات القمة وستكون هذه الكليات كاملة العدد وهذه الاماكن التى سيتم شغلها تبلغ 6آلاف و492 بكليات الطب و1659 بكليات طب الاسنان و8آلاف و68 مكانا بكليات الصيدلة و923 مكانا بكلية العلاج الطبيعى وهى الكلية الوحيدة بجامعة القاهرة و2226 مكانا بكليات الطب البيطري.

كما يشغل طلاب العلمى شعبة رياضيات 17 الفا و653 مكانا بكليات الهندسة بحد ادنى يصل الى 94.4%. بسبب ارتفاع اعداد الطلاب الحاصلين على اكثر من 94% الى 20 الفا و649 طالبا وطالبة وهذه الاعداد ترتفع عن الاماكن المتاحة امام الطلاب بكليات الهندسة بفارق 2996طالبا وطالبة ويبلغ الحد الادنى للقبول بكليات الحاسبات والمعلومات اكثر من 92.4 % .

وقد تشغل جميع الاماكن الخالية بها من المرحلة الاولى وعددها2320 مكانا خاليا . وسيكون طلاب الادبى حظهم افضل من طلاب العلمى فى المرحلة الاولى بسبب عدم وجود الارتفاع الشديد فى شرائح مجاميع الدرجات المؤهلة للكليات باستثناء كليات القمة التى تقبل اعدادا محدودة من الطلاب ومنها كلية الاقتصاد والعلوم السياسية وهى الكلية الوحيدة على مستوى الجامعات المصرية بجامعة القاهرة ويشغل طلاب المرحلة الاولى جميع الاماكن الشاغرة فيها وعدها 762 مكانا .

ومن المتوقع ان يصل الحد الادنى للقبول بهذة الكلية 96.2 % وفقا لأعداد الطلاب الحاصلين على هذه النسبة فى شرائح المجاميع التكرارية كما يشغل طلاب الادبى جميع الاماكن الشاغرة بكلية الاعلام وعددها 666 مكانا بحد ادنى يصل الى اكثر من 95% والالسن 2689 مكانا بحد ادنى يصل الى حوالى 92.8%.

يوجد امام طلاب المرحلة الثانية اماكن شاغرة فى كليات التربية والآداب والعلوم والتجارة والتربية النوعية والحقوق والزراعة والخدمة الاجتماعية والتربية الرياضية والسياحة والفنادق .

وأعلن مكتب التنسيق بدء اختبارات القدرات لطلاب الدبلومات الفنية المتقدمة اعتبارا من غد السبت وحتى يوم الثلاثاء القادم يتم اداء الاختبارات للقبول بكليات السياحة والفنادق والفنون الجميلة شعبة عمارة والفنون التطبيقية بجامعتى حلوان والمنصورة فرع دمياط . يشترط لأداء الاختبارات الا يقل المجموع عن 75% من المجموع الكلى لطلاب المعاهد الفنية الصناعية المتقدمة والمعهد الفنية للفنادق والمدارس الفنية المتقدمة نظام الخمس سنوات .

تستخرج البطاقات من المكتب الرئيسي بالقاهرة وتجري اختبارات السياحة والفنادق بكليات السياحة جامعات حلوان والاسكندرية والمنيا.

المصدر

http://www.a7lat3leem.com/vb/showthr...=3880#post3880

ايون الكلام اللى انت بعته ده صح بس ده خبر قديم الدستور من اقل من ساعه
بعد الاجتماع
شوف وقت المقال بتاعك
واللى عايزه ربنا هيكون

وقت المقال دا كان امبارح انا قريته على موقع الجمهوريه
بس خبر ميودة لسه قريه فعلا دلوقتى

وكمان زياده الخمسه ف الميه فوق السته دى جديده!!!!!! ولا ايه
وهانت كلهه ساعات ونتيجه التنسيق تطلع

هاتضحك عليا وتعملهولى خشب الاتنين
طب خلاص خلى الصيدلية خشب والفيلا حقيقى ماليش دعوة :p

يعني نصدق مين بقي
انا احترت

lماتتعبوش اعصابنا بقى خلاص الواحد اعصابه باظت خلينا نستنى التنسيق وخلاص
وربنا يسهل ان شاء الله والكل يدخل اللى هو عايزه

ب ايون فعلا يا ميدو المقال ده جديد وانا قلت احطه افرح بيه الناس
بس
والجمهوريه فشاااااااااااره وبتاعه كلام
لكن الدستور عمرهه محططت ارقام غير النهارده
الجمهوريه ده بتااع امبارح بالليل
لكن الدستور من 54دقيقه بالظبط
بعدالاجتماع بلحظات
دى الجمهوريه اللى كاتبه الكلام ده هى اللى كانت كاتبه صيدله 95.7% وهندسه 92% هههههههههههههههههههههه
عايزه تبيع وخلاص
وربنا يستر ويحقق احلمنا كلنا
ادعوا النهارده الجمعه

ان شاء الله ربنا مش هيكفنا احنا تعبنا برضو مكناش بنلعب
وانشاء الله نور الهدى ونؤنؤه وانا صيدله وميدو هندسه وكل واااااااااحد يحقق حلمه وخلاص هى ساعات وكل شئ يبان
;)

ياااااااااااااااااااااااااااااااااااااااارب يكون الكلام ده حقيقى يااااااااااااااااااااااااااااارب

وميكوووووووونش تهدئه عشان جمعه النهارده

لا لا الجمهوريه دا قديم
دا بدا من 88% لهندسه
هههههههههههههههه
وكان بيأكد اوى

سورى وfoo foo كمان يدخل او تدخل صيدله انا افتكرت نور اللى كاتبه وربنا يحقق حلمهه هى كمان

اخر كلام
الطمع يقل ما جمع
.
.
خلاص انا اعملكوا صيدليه كبيرة ليكوا كلكوا
ان شاء الله
ياااااااا رب

يااااااااااااااااارب ان شاء الله كله يحقق حلمه

المقال ده من الساعة 4 الفجر اما الوفد 2 الظهر

اه يا ميدو هههههههههههه
الجمهوريه دى تحفه كل يوم رقم جديد وتاكد عليه والمؤشرات النهائيه ما شاء الله كل التوقعات بتاعتهه مؤشرات نهائيه وتقول هندسه 92
ههههههههه اذا كان المرحله الاولى كلهه اساسا من 94 تبقى هندسه 92 ازاااااااااااااااااى
لالالالالالالالالا محدش يقرا الجمهوريه دى خالص كل يوم برقم شكل ان شاء الله يصله ده صح وادخل صيدله بقى انا مصدقت لقيت امل
مش عارفه مين امل دى بس المهم انى لقيتهه ههههههههههههههههه
ربنا معنا كلنا

صدقينى بجد المقا لده مكملش ساعتين
ولو عايزين تتاكدوا من الوقت اكتبوا ف جوجل الاخبار عنوان المقال ده وهتلاقوا الوقت جنبه
وعامه حاجه فيهه امل

متضايقش ياحازم الله اعلم بكرة هايحصل ايه ممكن تبقى من 394 وكمان لو بعد الشر مالحقتخهاش عندك علاج طبيعى جميلة برضو ومستقبلها جميل ومريحة

لا وايه بقى ساعت الامتحانات
فى امتحان العربى جاب الدروس كلهاااااااااا
بلا استثناء
وجه تانى يوم يقول ان الامتحان لا يخرج من الجمهوريه
مانت جايب المنهج كله
عايز الامتحان ييجى منين
بجد الجمهوريه دا بقى تحفه
حاسس انه بقى كوميدى
مش اخباار
والف مبروك لامل اللى رجعتلك

ان شاء الله تدخل ولو كملت الكلام للاخر هتلاقى انه لسه ف محاولات تانيه
يعنى ممكن تنقص اكتر من كدا
يعنى تفائب تفائلو الخير تجدووووه
ولو منقصتش تلحق علاج طبيعى مرتاح
احسن من التوقعات اللى فاتت مكناش هنلحق اى حاجه علميه خخخخخخخخخخخخخخخالص وكنا هنقعد نقشر بصل قول الحمد لله وادعى

طيب ممكن حد يفهمنى ازاى نهاية المرحلة الاولى 93.9 والحد الادنى للهندسة 93.3؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

شكرا يا لؤلؤة.. انا خلت على قسم علاج طبيعي و عجبتني بصراحة
الحمد لله على كل شئ

انا اتاكدت بس يارب يكون بجد دا تكون فرحة كبييييييييييييرة
كمان الوفد خبر مش صحيح لانها قالت ان اخر طالب صيدلة جايب 97.1
ازاي ومجموع المقبولين اللي قالت عليهم اكتر من 16 الف وده معناه ان المفروض الصيدلة 97 او اقل
طبعا هتفرق الواحد من عشرة دي مع ناس
فهمتيني
يارب يكون الدستور صحيح

عادى جدااااااا
تنزل مرحله تانيه
هى اول سنه تنزل فيها مرحله تانيه
ما بقالها كتير بتنزل مرحله تانيه
ولا على حظ الجيل الغلبان دا
متنزلش

هههههههههههه لا الجمهوريه لا يعلى عليهه
انا مبقتش اقراهه اساسا منعا للاحباط والله لو فتحتوا الارشيف هتلاقوا كل يوم رقم شكل لا وايه هى اللى كانت كتبه والله خفض الحد الادنى 3%
عايزه تبيع بمنشيتات والسلام
الله يبارك فيك امل رجعت
وتفائل رجعت برضوا
ربنا يستر والبت صدمه مترجعش بالليل هى كماااااااااان
:bosyht9:

الحمد لله ده نصيبك ال ربنا كتبهولك ودلوقتى تلحق علاج طبيعى
مبررووووووووووووووووووووووووووووووووووووووك يادوك:022yb4::022yb4::022yb4::d

قولي حصل امتي الكلام ده

طبعا عمرها ما حصلت

شكرا يا ميودة و يارب يسمع منك و تنزل الصيدلة شوية يعني 393.5 هاتفرج كتيير من لاي جايبين 96% و ماظنش انه فيه عدد بين 394.5 و 393.5 يعني طالما كدا كدا نزل الشوية دول مش هايعملوا ازمة الاعداد

شكرا تاني و الحمد لله على كل شيئ

ان شاء الله مش هترجع تانى
ويا رب تقع فى ايد سفااااااح

باذن الله الي فيه الخير ربنا هايوفقني ليه
شكرا يا نسمة :)

وايه المشكله اما تنزل مرحله تانيه ع فكره هندسه كل سنه بتنزل مرحله تانيه عشان بتقبل اعداد كبيره حوالى 21 الف عادى يعنى
اللى جايب 93 بس ده مش طالب فاشل عشان ميلحقش هندسه
و2008 اللى اسمه 2008 كانت امتحانتها زى الزفت ونزلت هندسه مرحله تانى
عادى
وربنا يسهل ويطلعالكلام ده صح انا زى زيكوا بستنى امل
ههههههههه مش عرفه ايه امل اللى معلقه معايا دى بالتوفيق للجميع

القاهرة وعين شمس عمرهم ما نزلوا مرحله تانيه
بس عندك مثلا
هندسة المطرية
هندسة المنيا
هندسة أسيوط
هندسة جنوب الوادى
هندسة بورسعيد
كلية الهندسة ببنها
نزلت فى 2006 مرحله تانيه
وفى سنوات تانيه بس انا مش فاكرها دلوقتى
هى 2006 اقرب سنه نزلت فيها

طيب ما هو طبيعي انه لما الامتحانات تكون صعبة ان التنسيق يقل

مصدقاكى يا حبيبتى وفهمتك وليكى حق تشكى ف اى خبر عادى انا زيك ع فكره ده تانى موضوع ليا ف المنتدى وقلت افرحكوا والله وانتى اكيد زينا
نفسك تفرحى بس التوقعات ممكن تقلقك انا حاسه بيكى
وان شاء الله يطلع صح وحازم كمان يدخل علاج طبيعى لو ف اسؤ الظروف ملحقش صيدله واكيييييييد انا عمرى محطلكوا خبر من جريده بتاعه كلام
انا الدستور بثق فيهه جدا عشان عمرهه محطت ارقام بالتوفيق للجميع وبقولكوا تانى تفائلوا الخيير تجدوه
:) انا كل الوتقعات اللى فاتت مكنتش تدخلنى صيدله عشان انا 96.5 بس اهوه ف امل ولو ضعيف حتى المهم انه فيه وخليكوا واثقين ف ربنا

لأ احنا لم بنتكلم يبقي بعد 2006 لان بعد كده في مناهج بعض المواد اتغيرت و صياغة الامتحانات اختلفت

و حضرتك عارف ان 2006 و السنين اللي قبل كان التنسيق قليل جدا و كان بيبقي المجاميع منخفضة فكانت بتنزل دور ثاني

طب عادى ف فرق بين ان المجاميع تقل والكليه تنزل مرحله تانيه عادى ممكن تكون المجاميع عاليه هى اما هندسه تستقر عند 93.5 ده قليل ؟؟؟؟؟؟ لا طبعا ده اعلى من 2008
فهمتنى
بس عشان اللابعه منعشره دول لازم تنزل مرحله تانيه
مدام الاولى مش مكفيه
والله اعلم
ربنا يستر
كلها ساعات وكل شئ يبان

وبعدين انا عايز اقولك حاجه
الوزير جه بعد ما اتحدد الحد الادنى للمرحله الاولى
ودلوقتى هو بيصلح الغلطه دى بانه يزود الاعداد شوية وبكدا تنزل الكليات مرحله تانيه
انا مش شايف فيها اى مشكله انها تنزل مرحله تانيه
مش عارف اعتراضك على انها تنزل مرحله تانيه
ولا علشان هى كلية قمة مينفعش انها تنزل مرحله تانيه

ايووووووووون كلام ميدو صح انا مقصدش هندسه مرحله تانيه ف كل الجامعات عين والقاهره وحلوان واسكندريه ومنيا وكدا
لا بتبقى ف الاقاليم بس عشان عدد الطلبه قليل عمرهه محصلت ف عين والقاهره ممكن منيا وبنى سويف اقاليم يعنى بس تدخل هندسه اقاليم ولا متدخلش خالص
؟
فهمتونى