|
تعالوا ننظم وقتنا مع بعض ،،
السلام عليكم ،،
طبعا كل واحد دلوقتي خلاص عرف مواعيد دروسه وهتبدأ امتى والاغلب خلاص يا اما بدأ يا اما هيبدأ بعد يوم يومين بالكتير انا عن نفسي ان شاء الله هبدأ بكراا اانجليزي ... إيه رأيكوا كل واحد يعرض مواعيد دروسه وننظم وقتنا مع بعض ان شاء الله ؟؟ |
وانا هبدأ ودي مواعيدي ،،
السبت والثلاثاء : انجليزي من الساعة 3 العصر الى 4 ونص ،، الاحد والاربعاء : أحياء من الساعة 2 الى 4ونص وفي رمضان من 9 الصبح الى 11 الاتنين والخميس : من الساعة 12 الى 2 عربي ومن الساعة 3 الى 4 فرنسي ومن الساعة 5 الى 6 ونص رياضيات .. ولسا في درس احياء ان شاء الله تاني هيبقا 3 ايام في الاسبوع والموعد هيتحدد بعد بكرا ان شاء الله .... ياريت نساعد بعض ونشوف هنذاكر كل مادة ازاي وامتى ؟؟ |
بكرة انجليزى ؟؟!!! ربنا معاكى
تقريبا معظم المواد هبدا بعد العيد (انا طالع تالتة) الا الفيزياء الى ممكن من نص رمضان بس يوم الاتنين والخميس عندك ده حقيقى ؟؟؟؟ |
أنا هبدأ بعد كتييييييير والله لغاية دلوقتي معرفش هبدأ امتى :(
|
طب وليه تلات دروس ف يوم
|
اقتباس:
اقتباس:
اقتباس:
يعني مثلا ان شاء الله بكرا هبدأ انجليزي وبعد بعد بكرا رياضيات ويوم 10-8 لاحياء ويوم 18-8 الفرنسي ويوم 25-8 العربي مش كله هيبدأ مرة واحدة الحمـــــــــــــــــــد الله بالنسبة ليوم الاتنين والخميس مش عارفة اعمل اي لاني ملقتس مواعيد غير كدا بس هو مش كدا افضل حتى لو اليومين دول ضايعين مثلا هيبقا عندي ايام فااضية مفيهاش غير درس واحد اذاكر فيها براحتي ولا اي رأيكوا ؟؟ |
انا هبدأ بعد العيد قولولي يعني انا كده متأخرة ولا عادي
انا رايحة 2ث |
أنا مش هبدأ دلوقتي خالصصص ولا حتى أعرف مواعيد الدروس ولا حتى هاحد مع مين :)
|
انا فى تالتة
احيــــــــاء مواعيدى : الفيزياء -- السبت, الاثنين , الاربعاء الساعــ 12 ــة الاحياء--- السبت , الثلاثاء الساعـــ 1 ــــة الانجلش --- الاحد , الاربعاء الساعـــ11 ــة علم النفس والعربى لسا مش حددت المواعيد.... |
انا مواعيدي
السبت: انجليزي الساعه 12.5 في رمضان اما في المدرسه هتبقي الساعه10 الاحد:عربي الساعه12في رمضان وفي الدراسه بعد المدرسه الاتنين : رياضه الساعه12 في رمضان وفي الدراسه هتبقي بعد المدرسه الثلاثاء : علم نفس بس لسه مش عارفه الساعه كام هسال بكره ان شاء الله الاربعاء: فاضي الخميس : ايطالي الساعه 10في رمضان وفي الدراسه بعد المدرسه الجمعه: فاضي انا بصراحه عندي كل يوم ماده مش كل ماده واخده فيها يومين زيكم |
أنا في القاهرة هبدا رياضة 2 يوم 22\8 و الباقي كله بعد رمضان و لو اني مش متأكد من الفزياء لسه
أنا عكيت شويه في مواعيد دروسي في تانية مثلا كان عندي 3 دروس من 4-6 و طبعا الميعاد ده كان بيضرب اليوم كله لأني بحسبه بسيطة اكتشفت ان غير وقت الدرس باحتاج ساعة قبل الدرس شامل الاستعداد و الطريق و ساعة بعده لحد مارجع و استريح شويه غير كده ببقي مجهد جداً من الزحمة بس الحمد لله ده ماثرش عليا خالص لان زي ماخواتي قالولي سنة تانية تستحمل التجارب و شويه اخطاء لان وقتك معاك ديما و المواد خفيفة مش صعبة خالص اما سنة تالته تختلف كتير عموما أنا حاسي اني رغيت كتير عشان الخص شويه ده جدول الدروس : السبت : اقتصاد من 6-8 أنجلش من 9-11 الأحد : عربي من 8-10 الاثنين: فيزياء من 6.30 -8 رياضة 2 من 9-11 الثلاثاء:اجازه الأربعاء: اجازه الخميس: نفس مواعيد الاثنين بالظبط الجمعة : احصاء 10-12 قبل الصلاة أنا يعتبر نفسي ظبطت الجدول علي عاداني و ده اللي لازم يعمله كل واحد يعني أنا معرفش اذاكربعد 9 مثلا و اكتر وقت بعرف اذاكر فيه من الصبح للمغرب فعملت دروسي كلها بليل أنا يوم الجمعة مبذاكرش قبل الصلاة أبدا فعملت درس في الميعاد ده عشان كده أنا اقدر اعتبر ان الثلاثاء و الأربعاء و الجمعة فاضيين خالص و الأحد فاضي لحد 7 بليل و ده كويس جداً بالنسبالي أسف علي الإطالة و تقبلوا مروري* |
منوريييين جدااا كلكوا وسعيدة جدا بتواجدكوا معايا
انا كنت عاوزة استشيركوا في حاجة ان شاء الله زي ما حطيت الموعد فوق عندي درس احياء من الساعة 3 الى 4 ونص وفي رمضان من 9 الى 11 الصبح الدرس دا انا حاسة اني م هستريح اوي فيه عشان كدا جبت مدرس البيت 3 ايام في الاسبوع السبت والاحد والاربعاء وهستقر على واحد بعد كدا ان شاء الله دلوقتي المدرس عارض عليا موعد الساعة 6 الصبح في الايام دي انا عارفة ان دا وقت مبارك كدا واليوم هيتمسك من اوله لكن انا مترددة اوي وقلتله بعد الظهر مؤقتا لغايت ما اقرر انتوا اي رأيكواا ؟؟ |
اقتباس:
عليكم السلام اهم حاجة فعلا فى الثانوية كلها هو تنظيم الوقت ودا اللى معملتهوش السنا اللى فاتت :( بس الحمد لله وان شاء الله تتعوض السنا دى:) و بالنسبة لمواعيد الدروس بالنسبالى ... الحمد لله ظبتها الى حد كبير و كويسه بس عاوزة اقول حاجة مهمة اهم حاجة فى تنظيم الوقت انه يشمل كل البنود يعنى مش يبقى كله مذاكرة مذاكرة كدة لازم يكون فى وقت للترفيه كمان و وقت لاى حاجة مهمة بنعملها وكمان فى اول السنه مش تبقى المذاكرة كتيرة اوى زى ما تكون فى اخر السنه يعنى ممكن لو هنذاكر فى الاول 5ساعات يبقى فى الاخر 10 ساعات:d |
اقتباس:
انا مش عارفة اعمل اي طب ممكن تفيدين بخبرتك بما انك ان شاء الله في تالتة دي مواعيدي السبت : أحياء من الساعة 12 ونص الى 1 ونص الظهر و انجليزي من الساعة 3 العصر الى 4 ونص ،، الاحد : احياء من الساعة 2 الى 4ونص وفي رمضان من 9 الصبح الى 11 الثلاثاء : انجليزي من الساعة 3 العصر الى 4 ونص ،، والاربعاء : أحياء من الساعة 2 الى 4ونص وفي رمضان من 9 الصبح الى 11 الاتنين والخميس : من الساعة 12 الى 2 عربي ومن الساعة 3 الى 4 فرنسي ومن الساعة 5 الى 6 ونص رياضيات .. في رأيك كل مادة تذاكر امتى وازاي ؟ |
اقتباس:
بصراحة انا مش بحب مدرسين البيت يعنى الدرس الجماعى دا بالنسبالى احسن بكتير حتى يبقى فى منافسه او تحسى انك مش لوحدك فى المصيبه ههههههه و بالنسبه لميعاد الساعة 6 بجد مش لطيف حتى لو انتى بتصحى بدرى بس هتحسى ان عليكى حمل كبير و تصحى من بدرى كدة و بيبقى الدرس دا تقيل على القلب اوى:mad: |
اقتباس:
ربنا يستر والله ادعوووولي يا جمااعة :) |
اقتباس:
بلدياتى يعنى ههههههه :d |
اقتباس:
ههههههه انتي من المنصورة ؟؟ وفي اي مدرسة ؟ |
اقتباس:
ههههههههههههههههه حلوة خبرتك دى عجبتنى اوى:d انتى اوحش حاجة عندك الفواصل يعنى مثلا يوم الخميس هتطلعى من العربى الساعة 2 وفى ساعة فاصل ساعة بين العربى و الفرنساوى و برضو فى ساعة بين الفرنساوى و الرياضة فغالبا الساعتين دول بيطيرو بس انتى اكتر واحدة تقدرى تنظمى وقتك عشان انتى عارفة نفسك وظروفك بس مبدأيا كدة لو قسمنا اليوم يبقى 8 ساعات نوم 10 ساعات عمل ( مذاكرة + دروس) 4 ساعات ترفيه 2 ساعات صلاة و أكل و كدة و لو حد مثلا اتصل بيكى كدة يعنى فى رمضان و الشهور الاولى و بعد كدة تشيلى من الترفيه و تحطى فى المذاكرة كدة كويس ولا ارتب باليوم وكدة انا هفكر ليا وليكى تانى وآجى اقولك بكرة :) |
اقتباس:
هههههه مش المنصورة بالضبط بس من الدقهلية يعنى يعنى بلديات برضو مادمنا فى محافظة واحدة:d |
اقتباس:
يا اهلا وسهلا والله تشرفنا :) :) :) اقتباس:
اقتباس:
|
اقتباس:
بس بالساعة دى بتبقى خنيقة اوى و ممكن مثلا انتى كاتبه فى جدولك هتذاكرى الساعه كذا و ممكن حد قريبكم يجيلكم مثلا و الجدول و اليوم يبقى باظ يعنى لازم يكون الجدول دا مرن و انا كمان بحاول انظم لالنسبه لجدولى تقصدى يعنى الدروس ؟ لو كدة السبت + التلاثاء / تاريخ 2 الا ربع جيولوجيا 3 وربع انجليزى 5 الاحد + اربعاء/ فى رمضان الساعة 10 عربى و بعد رمضان هيبقو فاضيين ان شاء الله ودرس العربى هيبقى يوم السبت الثلاثاء بس مش عارفة الساعة كام الاتنين / فلسفة 5ونص الخميس / جيولوجيا 3 وربع و فلسفة 5ونص بس التاريخ والانجليزى هيبقو نص 8 المهم انا هفكر ليا وليكى و ان شاء الله نوصل لتنظيمه كويسه و هظطر اقوم دلوقتى ونكمل بكره ان شاء الله سلام :) |
| جميع الأوقات بتوقيت GMT +2. الساعة الآن 04:32 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.