|
هندسة شبرا بنها
انا الحمد لله نتيجة التنسيق جت على هندسة شبرا الحمد لله يا ريت بقى حد يكون فيها او يعرف اقسامها و نظامها ايه والدراسة فيها عاملة ازاي و كدة يعني و ياريت كل طلبة هندسة شبرا يجمعوا هنا
|
يا ريت حد كمان يقولنا فين الجامعة بالظبط و مستواها اية بالنسبة لباقي الهندسة
|
الجامعة في شارع شبرا و الي انا اعرفه انها مستواها عالي لانها صعبة يا ريت حد كبير يفيدنا اكتر
|
انا كمان جالى ترشيحى هندسة شبرا بنها ياريت نعرف كل حاجة
|
انا في هندسة بنها نفس الجامعه يعني بس اللي اعرفه عن هندسة شبرا ان افضل قسم فيها مدني عشان الدكاتره فيه و باقي الاقسام عاديه جدا زي اي هندسة و فيه نقص رهيب في الامكانيات بسب ميزانية الجامعه لكن ميزيتها انها فيها اقسام كتير يعني عمارة و كهرباء و اتصالات و مدني و ميكانيكا و هكذا
|
انا هندسه شبرا جامعه بنها وداخل تانيه مدنى ان شاء الله والف مليون مبرووووووووووووك ليكو جميعا يا بشمهندسين ونا عارف ان اللقب ده بيعجبكوا المهم انتوا داخلين كليه هندسه شبرا طبعا من الكليات الكويسه جدا الموجوده فى مصر مش فى الشكل طبعا ولاكن فى الدراسه تضم مجموعه من افضل الدكاتره والمعيدين وكورساتها زى عين شمس اول سنه اعدادى كل المواد تقريبا هتبقى بالانجليزى ( القاهره اعدادى بالعربى تقريبا ) ودى سنه الى حد ما عاوزه مجهود عشان اول سنه فى مرحله جديده ودراسه مختلفه تماما عن الثانويه العامه فيه فارعين للكليه الفرع الرئيسى وده فى روض الفرج والفرع التنى فى الخلفاوى و اعدادى هتبقى فى الخلفاوى وتقريبا معاكو قسم كهرباء وميكانيكا واتصالات اما فرع روض الفرج فيه مدنى وعماره ومساحه الف مبروك كمان مره ليكوا جميعا ويارب تكون سنين جايه جميله عليكوا وربنا يوفقوا
لو حد عنده اى استفسار او عاوز اى حاجه يكلمنى على الميل الياهو eng.shaarawy |
شكرا جزيلا
|
كويس جدا انى لقيت حد اتكلم فى الموضوع ده جزاك الله خيرا يا اكرم
انا كمان زيكوا بالظبط ونفسى اعرف ايه احسن قسم فيها للبنات ؟؟مفيش غير عمارة؟؟ شكرا ليك يا shaarawy333 افدتنى كتيييييييير ..خصوصا انى اصلا من المنصورة ويعنى معرفش كتير عن الكليه دى بس بشوفها وانا مسافره |
عندنا فى الكليه احسن الاقسام الموجوده فى معظم الجامعات وخصوصا مدنى وعماره وكمان عندنا قسم مساحه الوحيد فى الشرق الاوسط وبالنسبه الى wise engineer لو انتى بتحبى الرسم وبتحبى التخيل وعندك لمسه فنيه اعتقد ان عماره انسب قسم وفيه اتصالات بردو كويسه للبنات و ممكن تتدخلى مدنى وتشتغلى تصميم يعنى هتقعدى فى مكتب ومش هتنزلى مواقع بس انتى قضى اعدادى الاول وزاكرى فيها كويس وهاتى تقدير والقسم ده فكرى فيه السنه الجايه ان شاء الله
|
اقتباس:
المشكله انى مش عارفه ميولى اصلا .بس بقول عماره عشان سمعت انها اسهل قسم للبنات واللى يحب ينجز يدخلها بس اللى انا متاكده منه انى كل ماكنت ارسم رسمه فى الهندسه الفراغيه مستر الله ينور بتاع الرياضه يقولى هى الرسمه دى حولة شويه ولا انا بيتهيألى :bosyht9: يعنى مش عارفه انا عندى تخيل كويس ولا لاء يمكنى من القسم دا يللا مش هفكر دلوقت زى ماقلتلى ان شاء الله اركز الاول فى اعدادى وربنا يعديها على خير |
اقتباس:
|
ربنا يكرمك يا اكرم ..والله انا مش مصبرنى فى صدمة التنسيق ده غيركو انتوا
ع فكره هندسة شبرا دى كانت الرغبة رقم 3 عندى يعنى التوزيع الجغرافى كان عامل شغل جامد معايا حتى لوكنت جبت مجموع القاهره كانت كده كده هتجيلى شبرا |
اقتباس:
رمضان كريم كل سنة و انت طيبة |
ياريت الاستاذ shaarawy333 يقولنا المصاريف كام ؟
|
على سنتى اعدادى تقريبا كانت 350 بس مش عارف هيقللوها طبعا عشان الثوره ولا هتفضل كده
|
شكرا جزيلااااااااااااا
|
اقتباس:
وانت طيب يابشمهندس ويارب يعود عليك الايام بخير وسعاده دائما |
السلااااااااام عليكم
انا عمرو جالى هندسة شبراااااااااا وعاوز اعرف ايه المطلوب من الاوراق علشان اقدم وياريت الاقى اصحااااااااااب |
هوا مفيش غيرنا كده بس فى شبرا
|
فيه كتير طبعا
وكلنا موجودين يا بشمهندس وهنروح نقدم فى الكليه قريب ان شاء الله |
فى ناس قالو ان التقديم فى الكلية يوم 11/8 ومتعلق ورقة بكده فى الكلية
|
اقتباس:
ربنا يوفق |
|
جزاكم الله خيراً
|
ربنا يوفقكم جميعا ان شاء الله
|
| جميع الأوقات بتوقيت GMT +2. الساعة الآن 04:30 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.