الشعب يريد التحويل
 

ياريت لو حد يعرف يقول

أنا برده جالى صيدلة بره عاوز إن شاء الله أحول المنصورة

ياريت لو حد يعرف حاجه يقول

وامتى هيبتدى التحويل

مبروك

و لسه برضه مش عارفين المفروض نقدم الورق في الكلية اللي جاتلنا دي الاول و لا نحول الاول

انا بردك جالي صيدلة القاهرة وكنت عايز احول اسكندرية عشان اقرب ليا

شكرا جدا لحضرتك

بس معلش انا اسف حضرتك متاكد من الكلام ده

و كمان افهم من كلام حضرتك اني مش هقدم خالص إلا بعد ظهور نتيجة التحويل ؟؟؟

معلش انا رخمت شوية بس قلقان

يا جماعه اسف ان اقلكم ان مفييييش تحويل .. ودا كلام فارغ

انا كنت النهارده فى جامعه القاهره .. قالولى مفيش تحويل لو بضت !! .. انا جالى هندسه عين شمس ووقفت معايا على نصف درجه على القاهره !!

وحتى لو جبت امتياز اعدادى فى عين شمس موش هينفع تحول ل القاهره !!

ولو كنت فى اسيوط او اى كليه تانيه بعيده عن القاهره ينفع تحول بس " حلوان او مطريه " مينفعش قاهره او عين شمس !! .. وكمان الكلام دا بعد السنه الاعدادى

و غير كدا التوزيع الجغرافى هيمنع حد يروح من محافظه لمحافظه

لأ حضرتك متزعجش الناس لان في تحويل عادي

حضرتك الكلام ده بالنسبة للي في القاهرة الكبري لانها بتتعامل في التوزيع الجغرافي كلها في المجموعة أ

لكن بالنسبة لو حضرتك من اسكندرية مثلا و جالك في المنصورة فحضرتك ممكن تحول عادي و فقا لنسبة معينة و القواعد اللي متعارف عليها بس لازم تكون الكلية اللي عاوز تحولها داخل محافظتك فقط

لا طبعا ...... أنا ليا اصحاب كتير السنه اللى فاتت واللى قبلها حولو عادى خالص

وفترة التحويل بتبدأ بعد المرحلة التانية

وان شاء الله هتعرف تحول من عين شمس للقاهره

ولو اترفض هتدفع فلوس وتحول عادى

ولو الإتنين مش نفعوا

اول سنه هتقضيها فى عين شمس ولو جبت تقدير بتحول القاهره عادى

فعلا كلام مضبوط بس مش متاكد من حكاية الفلوس دي بيتهيالي هي كده كده بفلوس

بس ممكن حضرتك تفيدينا هل احنا بنقدم الأول و بعدين نحول ولا بنحول الاول و بعدين ننتظر نتيجة التحويل

ربنا يطمنك
انا جالى صيدله اسيوط وعايزه احول منها ياريت اى اخبار عن التحويل .....

حضرتك ايه بس ؟ انا لسه داخله اولى كامعه زيكم :romarioxp6:

بنحول الأول وننتظر نتيجة التحويل

حكاية الفلوس مش متأكده

يا جماعه حكايه التحويل دى هتم باذن الله و بالنسبه للى بيقولو مش ينفع او كده لا هيحصل ان شاء الله الوزارة مش عايزة تكلف نفسها فى مدن جامعيه يعنى هيعملو المستحيل علشان نحول و ربنا يسهل و احول انا كمان :d

طب انا عايزة احول من اداب لتجارة اعمل ايه ؟؟؟؟؟؟

لو مجموعك أكبر من الحد الأدني لتجارة يبقي هتحولي عادي من موقع التنسيق إلكترونيا

اه انا مجموعى جايباها بس فى ناس بتقولى ان التحويل اللى ع النت ده للكليات المناظرة بس

انما الكليات الغير مناظرة لازم اروح مكتب التنسيق

الكلام ده صحيح ولا كلو على النت ؟؟؟

ارجو الرد ضرورى

دي المعلومات اللي عندي من موقع جريدة الجمهورية

الغرض الأساسي من تحويل الطالب، بعد ترشيحه عن طريق مكتب التنسيق، هو تقليل اغتراب الطالب بحيث يلتحق بكلية في المنطقة ( أ )، وليس الغرض من التحويل تغيير رأى الطالب وإعادة ترشيحه في موقع أخر،
وتنقسم عملية التحويل إلى نوعين :
أولا : تحويل إلى كلية غير مناظرة :
• يسمح للطالب الذي تم ترشيحه في عملية التنسيق في كلية ما خارج أو داخل منطقته الجغرافية (أ)، بالتقدم للتحويل إلى كلية غير مناظرة في منطقته الجغرافية (أ) فقط ، بشرط حصوله على الحد الأدنى لمجموع الدرجات الذي قبلته الكلية المطلوب التحويل إليها، وبشرط استيفاء باقي قواعد القبول بالكلية مثل النجاح في اختبارات القدرات إن وجدت. ومثال لذلك طالب قبل بكلية الهندسة جامعة أسيوط وهو من محافظة الغربية يمكنه التقدم للتحويل إلى كلية غير كلية الهندسة (العلوم {رياضة} - الآداب – التجارة ... الخ) في جامعة طنطا حيث تقع جامعة طنطا في النطاق الجغرافي (أ)، وبشرط أن يكون مجموعه مستوفى للحد الأدنى للكلية المراد التحويل إليها.
ثانيا : تحويل إلى كلية مناظرة :
• يتم قبول تحويلات في حدود نسبة مئوية يحددها المجلس الأعلى للجامعات وطبقا للإمكانيات الاستيعابية للكليات .
• يسمح للطالب الذي رشح في كلية ما خارج منطقته الجغرافية ( أ )، بالتقدم للتحويل إلى كلية مناظرة في منطقته الجغرافية ( أ  ) فقط.
• فى حالة وجود أكثر من كلية مناظرة في النطاق الجغرافي ( أ )، يسمح للطالب الذى رشح لكلية خارج النطاق الجغرافي ( أ ) ، بإبداء رغبته فى التحويل لأحد الكليات المناظرة داخل النطاق الجغرافي ( أ ) ويتم تحديد إمكانية التحويل للكليات داخل النطاق الجغرافي طبقا للأعداد والطاقة الاستيعابية للكليات وترتيب الطالب بين الطلاب الراغبين للتحويل والطاقات الاستيعابية للكليات فى النطاق الجغرافي ( أ ) للطالب ويتم ترتيب الطلاب طبقا للمجموع ، وتحويل العدد الذى حدده المجلس الأعلى للجامعات.
ملحوظة هامة :
تعتبر الكليات والمعاهد التالية هي كليات فريدة ليس لها مناظر، والتحويل منها أو إليها يخضع لنظام التحويل لكليات غير مناظرة، وهذه الكليات هي:
1. كلية الطب بالإسماعيلية.
2. كلية الهندسة الإلكترونية بمنوف.
3. كلية البترول والتعدين بالسويس.
4. المعهد العالي للتكنولوجيـــا ببنها.
5. المعهد العالـــي للطـاقة بأســوان.


ملحوظات هامة :
• طلاب مناطق (الخانكة - شبرا الخيمة – شبين القناطر- القناطر الخيرية- قليوب) التابعة لمحافظة القليوبية يكون قبولهم أولا بجميع كليات جامعة عين شمس أو جامعة بنها، ماعدا كلية الهندسة فيقتصر قبولهم أولاً علي كلية الهندسة بشبرا جامعة بنها .
• التوزيع الوارد بالجداول السابقة لا ينطبق علي كليات التربية وشعبها المختلفة والتربية النوعية وشعبها المختلفة والمعاهد الفنية الصحية حيث إن القبول بهذه الكليات والمعاهد يخضع لقاعدة التوزيع الإقليمي، (انظر جداول القبول الإقليمي لكليات التربية ) .
• القبول بالكليات غير المتناظرة (كليات لا يوجد لها مثيل بالجامعات مثل كلية الاقتصاد والعلوم السياسية أو كلية الإعلام أو كلية هندسة البترول والتعدين بالسويس ... الخ) متاح أمام جميع الطلاب من جميع محافظات الجمهورية دون التقيد بشروط التوزيع الجغرافي أو الإقليمي.
• القبول بالمعاهد الفنية التابعة للكليات التكنولوجية له توزيع جغرافي خاص بها ولا يخضع للتوزيع الوارد بهذه الجداول.
• القبول بالمعاهد الخاصة متاح أمام جميع الطلاب، ولا يطبق عليه نظام التوزيع الجغرافي والإقليمي.
• طلاب المدارس ذات الطبيعة الخاصة (المتفوقين – المكفوفين – الحربية – الثانوية العسكرية – الداخلية – البالية – الثانوية الرياضية) يتم ترشيحهم طبقا للقواعد التي تنطبق على عنوان السكن المدون باستمارة البيانات الأولية المقدمة للحاسب وبذلك إذا كان سكن أسرة الطالب المثبت باستمارة البيانات الأولية المقدمة للحاسب في أحد محافظات القاهرة الكبرى يرشح الطالب طبقا لقواعد التوزيع الجغرافي للقاهرة الكبرى وإذا كان عنوان سكن أسرة الطالب المثبت باستمارة البيانات الأولية المقدمة للحاسب في محافظة أسيوط مثلا يتم توزيعه طبقا لقواعد التوزيع الجغرافي لطلاب محافظة أسيوط.
• القبول بكلية الطب بالإسماعيلية جامعة قناة السويس (اختيار حر) ولا يجوز التحويل منها إلى أي من كليات الطب الأخرى طوال فترة الدراسة.
• بالنسبة لكليات التمريض (طلبة وطالبات) يطبق عليها التوزيع الاقليمي.

مثال توضيحي لكيفية اختيار الطالب للكليات وفقا لجداول التوزيع الجغرافي المتدرج
بفرض أن هناك طالبا حاصلا علي الثانوية العامة (شعبة رياضيات) وهذا الطالب تابع للإدارة التعليمية بالسيدة زينب بمحافظة القاهرة، ويرغب اختيار كليات الهندسة فيكون الاختيار كما يلي:
• بالنسبة لكليات الهندسة يجب أن تكون اختياراته كالآتي:
أولا : يختار كليات النطاق الجغرافي ( أ ) : كلية الهندسة جامعة القاهرة – كلية الهندسة جامعة عين شمس – كلية الهندسة بحلوان جامعة حلوان - كلية الهندسة بالمطرية جامعة حلوان – كلية الهندسة بشبرا جامعة بنها، وبالترتيب الذي يراه الطالب وحسب رغبته. ولا يستطيع البدء في اختيار كليات النطاق الجغرافي (ب)، قبل أن يستكمل اختيار جميع كليات النطاق الجغرافي ( أ ) .
ثانيا : كليات النطاق الجغرافي ( ب ) : كلية الهندسة جامعة الفيوم، وهى كلية وحيدة في هذا النطاق لهذا الطالب . ولا يمكن البدء في الاختيار الحر لباقي الكليات قبل أن يستكمل اختيار جميع كليات النطاق الجغرافي ( ب ) .
ثالثا : الاختيار الحر : أي عدد من كليات الهندسة في باقي الجامعات وبالترتيب الذي يراه الطالب.

مع ملاحظة الآتي :
1. إذا اختار هذا الطالب أي كلية من كليات الهندسة قبل هندسة القاهرة أو هندسة عين شمس أو هندسة حلوان أو هندسة بالمطرية أو هندسة شبرا، سيظهر له رسالة تخبره أن هذا الاختيار لا يتفق مع التوزيع الجغرافي (خطأ توزيع جغرافي).
2. بالنسبة لكليات الاختيار الثاني، إذا اختار الطالب أي كلية هندسة (هندسة طنطا مثلاً) قبل هندسة الفيوم فستظهر له نفس الرسالة التي تخبره أن هذا اختيار جغرافي خاطئ.
3. بالنسبة للاختيار من باقي كليات الهندسة يكون الاختيار متاح للطالب من باقي الكليات وفقا لرغبته ودون النظر للترتيب.

انا كمان عايزة احول من اداب عين شمس لالسن عين شمس
مجموعى تقريبا يزيد عن الحد الادنى بدرجة
ينفع احول؟؟؟؟
وازاى؟؟؟؟
اللى يعرف ياريت يقوللى ونبى
ويارب اللى يرد يدخل الكلية اللى بيحلمبيها

سبق الرد علي سؤال مثله في حدود معلوماتي

و بلاش حد يقول كلمة و النبي قولوا بالله عليك افضل

ماشى يافندم بالله على حضرتك
انا سؤالى هو
لازم اكون اعلى من الحدالادنى ؟؟؟
ولا هو الحد الادنى لوجايباه هينفع التحويل من ع النت

لأ لازم التحويل لمنطقتك الجغرافية (أ)

لأ عادي
لو مجموعك يساوي الحد الادني لاتوجد مشاكل و هيتقبل التحويل بإذن الله

طب انا من القاهرة ( مدينة نصر ) ومجموعى 396

وجتلى اقتصاد وعلوم سياسية وعايز احول لالسن عين شمس ( 373.5 )

ودى فى نفس النطاق الجغرافى بتاعى

يبقى كده اقدر احول صح ؟؟

صح كده بإذن الله ينفع

ميرسى ربنا يخليييك