|
موضوع هاااااام لكل من انتهي من المرحلة الاولي للثانوية العامة !!
اولا انا شايف ان الطلبة او معظمهم بلا اهداف يعني تلاقي حد جايب مجموع كويس و بيسأل اكمل رياضة ولا علوم !!
انا شايف ان كل طالب لازم يضع اما عينه هدف و هو حابب ايه و يكمله !! الموضوع بسيط جدااا يعني مثلا واحد رياضة و جاب في 2 ثانوي 97 % و هو حابب رياضة يبقي ليه يفكر في علوم !! و العكس ... نصيحة محدش يفكر في حوار التغيير ده الا في اوقات معينة << مثلا واحد جاب 90 % و هو علوم لا هنا بقي يفكر كويس علشان تنسيق العلمي مش زي تنسيق الادبي بالنسبة للكليات الادبية . حيرة كل سنة ؟؟ انا جايب فوق ال 95 او 96 % و اهلي عايزني ابقي دكتور وانا عايز اكمل رياضة !! اعمل ايه ؟ اقولك ببساطة انت شوف حابب ايه لان ده اللي هيخليك تذاكر كويس انك تكون حابب المادة و الفرع و يكون ليك هدف مش عشوائي لا تكون محضرله و كده . ----------- هي رياضة 2 صعبة و لا ممكن امشي فيها !! والله يا جماعة مادة عادية هي عيبها بس انها طويلة جدااااااا و فروعها كتير حوالي 6 فروع لكن هي عادية بس مش قوي بصراحة علشان محدش يتخدع هي عايزة بس شرح من مدرس ممتاز و طالب كويس شاطر يحل كتيييييير و صدقني مش صعبة انها تتقفل ! --------- اقتصاد و احصاء و لا علم نفس و اجتماع ؟؟ بص يا سيدي المادتين مواد ادبية و الاتنين حفظهم عالي شوية بس الاتنين سهل يتقفلوا .. عادة الطلبة العلمي علوم تفضل علم النفس و الرياضة تفضل الاقتصاد و الاحصاء و ده مش غلط لسبب ان مدرس الرياضة يبقي هو هو نفس مدرس الاحصاء .. لكن مفيش حاجة مختلفة و الاتنين سهل يتذاكروا والله بسهولة و الامتحاانات مش صعبة بس هي امتحانات ثانوية عامة برضة يعني لازم ييجي اسئلة تحوير و كده و ده طبيعي جدااااا !! ------- انجليزي مستوي رفيع و لا عربي ؟؟ بص يا معلم لو انت لغات افضلك الانجليزي بكل تأكيد بس لو مش لغات يبقي انت اختار الانجليزي بصراحة مش سهل بس اعرف ناس كتير بتجيب 9.5 و انا كنت واحد منهم هو محتاج حل كتييييييير اووووووووي لانه غريب شوية لكن انا معرفش اي حاجة عن العربي بصراحة بس نسبة اللي بيقفل العربي كبيرة ... و الادبي اسهله الجغرافيا بكل تأكيد . ----- الفيزياء صعبة ولا سهله ؟؟ هو كل اللي اقدر اأكده انها اتقل مادة هتدرسها في حياتك بس ده مش معناه انها متتقفلش ولا يتجاب فيها درجات عالية لا بالعكس هي مادة عايزة فهم كويس اوي و حل كتير جداا و صدقني مش بالصعوبة اللي الناس متخيلاها والله . عايزة تركيز اوووووووووي . ------ نصيحة كل طالب جاب مجموع قليل او كبير انسي مجموعك السنة القادمة و ابدأ السنة من جديد كأنها اول سنة ثانوية عامة و ركز و ان شاء الله هتوصل للبتحلم بيه . افتكر مجموعك علي شهر 5 ان شاء الله علشان في الفترة دي الاعصاب بتبوظ و المجهود بيقل فخلي مجموعك حافز ليك سواء كان عالي او لا قدر الله مش قد كده .. لو عالي حاول تعليه اكتر او حافظ عليه و لو مش قد كده حاول تعليه و سيبها علي الله . ملحوظة : في 2 ثانوية الاعصاب ليها دور لانك جديد في الثانوية العامة ... في 3 ثانوية الاعصاب اهدأ بكتييييييير لازم تستغل النقطة دي بجد ! ---------- اخيييييييرا انسي التنسيق متفكرش فيه غير بعد امتحاناتك ان شاء الله لكن اوعي تفكر فيه من دلوقتي و ابعد عن اصحابك المتشأمين دول بجد بيجيبوا احباط علي الفاضي و خليك واثق من نفسك و ربنااااااااا معاااااكوا ان شاء الله |
جزاك الله كل خير على هذا الموضوع و شكلى كده هبقى مستوى رفيع عربى احسن ..... و شكرا
|
أنا قررت رياضة 2 و مستوي رفيع انجليزي و عشان مخرجش عن القاعدة خدت اقتصاد و احصاء :p
ربنا يوفقنا جميعا ان شاء الله |
ربنا مع الجميع والواحد يختار الحاجة اللى يحبها واللى هيمشى فيها
|
تسلم ايدك
بجد الكلمات دي فرقت معايا كتييييييييير ربنا يجزيك كل خير ويوفقنا السنة الجاية |
جزكم الله خيرا ع الكلام دا انا نفسى اكمل ف مجال الكومبيوتر ولازم عشان اخش هندسة او حاسبات اكمل رياضة وانا الحمد لله باحب الرياضة والاحياء باللتساوى بس لما تلاقى باباك ومامتك عاوزين تكمل علوم وان دى احسن للبنات من وجهة نظرهم وبابا يقول خلى ماما تفرح بيكى وتبدأ السنة وهى مبسوطة منك وكلام من دا كتيــــــــــر وللعلم بابا مهندس وطول الاجازة يعقدنى من هندسة فا ن هاكمل احياء عشان خاطرهم ولانىى صليت استخارة ولقيت الطريق ماشى ف سكة الاحياء بالنسبة للدروس واستشارة الناس وكده ممكن حد يقولى طريقة ااحاول اقنعهم تاااانى :excl: اسفة انى طولت عليكم:blush:م كل سنة اونتم طيبيييين |
ربنا يوفقكم جميعا
الحمد لله انى خلصت من الثانوية العامة |
شكرررررررررررررررررررررررررررررررررررررررررررررررر ررررا
|
[QUOTE=أجمل زهرة;3772008][color="blue"]
جزكم الله خيرا ع الكلام دا انا نفسى اكمل ف مجال الكومبيوتر ولازم عشان اخش هندسة او حاسبات اكمل رياضة وانا الحمد لله باحب الرياضة والاحياء باللتساوى بس لما تلاقى باباك ومامتك عاوزين تكمل علوم وان دى احسن للبنات من وجهة نظرهم وبابا يقول خلى ماما تفرح بيكى وتبدأ السنة وهى مبسوطة منك وكلام من دا كتيــــــــــر وللعلم بابا مهندس وطول الاجازة يعقدنى من هندسة فا ن هاكمل احياء عشان خاطرهم ولانىى صليت استخارة ولقيت الطريق ماشى ف سكة الاحياء بالنسبة للدروس واستشارة الناس وكده ممكن حد يقولى طريقة ااحاول اقنعهم تاااانى : انا حالتى زى حالتك بس نفسى اكمل هندسة بترول وعلى فكرة انتى جايبة كام؟ |
اقتباس:
دلوقتى انت طول عمرك ادام الامر الواقع زى مبيقولو معندكش حرية لاختيار المواد وتيجى مرة واحدة كدا يخلوك تختار طب انت تعرف ازاى يعنى -حاجة تحير - و دا ميمنعش ان فيه ناس برضو عارفة هيا بتعمل ايه وشايفة طريقها كويس اوى و زى مبتقول الموضوع بسيط جدا ودا صح لكن المشكلة برضو لو بصيتلها من منظور تانى هتلاقيها صعبة جدا دلوقتى انا واحد عملى عايز اخرج اشتغل و اتجوز و الجواز عايز شغل والشغل عايز ايه بقى هيا دى المشكلة مفيش حاجة اسمها كفاءة انا واحد كنت هارى الكتب حفظ و الامتحانات جت سهلة وعديت وظبطت ودخلت طب ولا حاجة و واحد تانى كان فاهم صح وحافظ اللى يتحفظ صح و الامتحانات جت صعبة فجاب كلية تعبانة-اقصد ملهاش شغل- و دى مشكلة بلد مش مشكلة طالب لانى فى سنة اولى ثانوى لما كنت بلاقيهم بيتكلمو عن اختيار و كدا كنت بلطم طب انا يا جدعان اختار ازاى الموضوع موضوع وقت وتوفيق من ربنا واعمل اللى عليك بس بصراحة بقى انا متحيز للرياضة جدا لانها احسن من الاحياء -المادة المتخلفة :p - |
بجد موضوع جميل
انا ان شاء الله رياضه كنت عماله افكر فى التنسيق لو على مش هلحق بس عندك حق مش هفكر فيه دلوقت وهعمل الى عليا وكله فى الاخر نصيب |
موضوعك فى غاية الأهمية أخى الكريم فيه معلومات جميلة لطلاب 2 ثانوى ، وبجد هيعينهم على حاجات كتيرة أوى مش عارفينها ربنا يكرمك ويوفقك تحياتى mostafa |
شكرا ليك اوى
انا جايب فى 2 ثانوى 165 وهكمل علمى رياضة لانى حابب رياضة جدا وانا صغير لانى كنت بحب احفظ الجمع والطرح وجداول الضرب والقسمة لما حبتها اتعودت عليها دلوقتى مش عشان اخش هندسة او الكلام ده لو ربنا قدرنى ودخلت هندسة هدخل كمبيوتر لانى حابب كمبيوتر جدا ولو مش قد كده هدخل تجارة او اى حاجة فيها كمبيوتر |
اقتباس:
على فكرة انا جايبه 86 قريبن من بعض فى المجموع ومكمله علمى رياضه واتمنى الحق هندسه لانه دا حلمى ابقى مهندسه معماريه واحد جارى كان جايب 81 ورفع وجاب فى تالته المجموع النهائى 89 يعنى رفع جامد جدا وكان يقدر يرفع اكتر من كدا انا لو رفعت زيه اجيب 93 يارب بجد بنام واصحى احلم بهندسه يارب الحقها وربنا يوفقك وعادى حاسه انك عايز حاجه فيها كمبيوتر متهيقلى تجارة انجلش مستقبلها حلو وممكن بعد كدا تاخد كورسات كمبيوتر وربنا يوفقك |
فرحانه بجد
لسه شايفه تنسيق مرحله اولى حسيت ان عندى امل ولو صغير بس اتمنى التنسيق ميعلاش اوى واتمنى اجيب مجموع عالى اوى انا لو جبت السنه الى جايه 100 فى الميه والمستوى هيكون مجموعى 94 حاسه انها مش صعبه حكايه مية فى الميه دى لان حلمى غالى ادعولى يطلعلى درجات من التزظلم رايحه يوم السبت يارب مجموعى يرفع شويه يارب |
جزاك الله كل خير ع النصائح دي
وعندي سؤال انا هكمل رياضة 2 لاني بحبها اوي بس لو المدرس بتاع الرياضة ع اده يعني مش جامد اوي ف الشرح انا اعمل ايه؟؟؟مع العلم ان المدرسين التانيين مش معبريني اعمل اااااايه؟؟؟؟؟ |
بردو عن تجربة انا خلصت تاتلو جايبة 99.5
اجب اقول مثلا رياضة 2 سهلة عادية والله هى بتاعت حل وبس مش اكتر يعنى اما الفيزيا هى اللى شدييدة حبة محتاجة تركيز وحب مش اكتر بردو اقتصاد واحصا .. اقصتاد ده حفظ اه الاحصا عبيييييييييييييييطة جدا جدا جدا جدا تخلص فى اسبوعين يعنى مستوى رفيع انجلش انا قفلته اصلا وسهل عادى ومش بحب الانجلش خاااالص و مش لغات كمان بس هو الموضوع انه اصلا انجلش بتاع تانية وتالتة بس |
اقتباس:
|
الحقونى انا بقى انا اول ما شفت مجموعى 94.1 قلت رياضه من غير تفكير دلوقتى وبعد التنسيق ده لازه اجيب 99 طيب ما اكمل علوم وخلاص بس انا مش ضامنه انا كنت عامله حسابى ان هندسه بتاخد من 94 ولما تكون عاليه تكون وحاجه من عشره
اقولولى بقى اعمل ايه من خبراتكم اكمل علوم ولا احول هندسه وممكن الحق حاجه ولا اخرى كلية علوم لانى فعلا متضايقه لدرجه انى قلت انى هحول ادبى واريح نفسى بس انا نفسى فى كليه حلوه |
اقتباس:
انما انجلش سسسسسسسهل جدا والله ده انا مزكرتوش اصلا مش تقلق توكل على الله |
تسلم ايدك على المعلومات المفيدة دى
انا الحمد لله جبت 97 فى المرحلة الاولى وهكمل علمى رياضة بإذن الله ونفسى ادخل هندسة الاسكندرية ادعولى ياجماعة ربنا يوفقكم كلكم يارب وتحققوا كل اللى بتتمنوه |
شكرا ليك..موضوع رائع..وجي في وقته..لو الطلبة طبقوا كلامك ده..نص المواضيع اللي بيكتبوها دي عن انهم يكملوا ( ادبي أو
علمي بفروعه ) مش حتكون موجودة :d بس انا ليا سؤال..هو اللي جاب ملحق في مادة (زي الكيمياء من 50) في سنة تانية واخدها معاه تالتة من غير مايخش امتحان الدور التاني..هل المادة لما يمتحنها في تالتة تتحسب درجة الطالب ده من 50 ولا 25..سؤال محتاج الرد:):) وشكرا عالموضوع مرة تانية |
ألف شكر ليك بجددددددددد كلامك مهم جدا و فادنى كتير أووووووى
|
اقتباس:
|
اقتباس:
|
يا جماعة انا واحد لسة مخلص الثانوية العامة و نصيحة منى ليكوا اسال مجرب ولا تسال طبيب
1- الللى جاب اقل من 97 يكمل رياضة 2 بدون تفكير الا اذا كان بقى عاوز يدخل صيدلة ولا بيطرى دة كلام تانى 2- اللى جاب السنة دى اقل من 90 يحول ادبى من عاشر المستحيلات انه يلحق هندسة و متضحكوش على نفسكوا السنة اللى فاتت 2010 مع انها كانت صعبة و مع ذلك التنسيق طلع عالى جدا بمجرد ان الامتحانات ايجت سهلة السنة دى فما بالكوا انتوا اللى جاب 97 عندكوا مركزه مش عارف 30 الف و لا اكتر على الجمهورية طبعا وزارة التربية و التعليم عانت من مشكلة علو التنسيق دة قبل كدة علشان كدة هم تانى سنة و اللى هى 2008 الامتحانات كانت صعبة جدا يعنى الخلاصة الامتحانات لو ايجت عادية و دة احتمال مستبعد جدا حيكون التنسيق خيالى و اسطورى كمان و لو الامحانات ايجت صعبة زى 2008 على الاقل ساعتها الدرجات حتنزل جاااااااااامد و اللى جاب اقل من 90 حيبقى اقل من 80 علشان كدة الناس اللى بتقول تفاؤل و احباط لا انا بسميها وقائع و مش عاوزين نضحك على نفسنا و فى الاخر نندم و نقول يا ريت اللى جرى ما كان و شكرااااااااااااا |
اقتباس:
|
اقتباس:
انت يا حبيبي لما تيجي تقتبس كلامى اقتبسه كامل مش تختار اللى حتة اللى تعجبك و تعلق عليه و بعدين انا مش بتكلم فى غيبيات انا بتكلم فى وقائع انت بقى لو عاوز تضحك على نفسك انت حر انا بوجه كلامى للناس اللى عاوزة مصلحتها علشان مش تيجي تندم فى الاخر و مش تلحق اى حاجة و شكراااااااااااا |
اقتباس:
لا ان شاء الله حضرتك يا استاذنا بتتكلم ليه بالطريقة ديه و انا لما اقتبست كلامك اقتبسته كامل و انا هاضحك على نفسى ليه ؟ انا عارف ان شاء الله ان الامتحانات السنة الجاية مش هتيجى سهلة و عارف انها هاتيجى صعبة و بتمنى كده و ربنا معانا ان شاء الله و انا حاسس انك متعصب شوية لو انت فعلا عايز تنصح ميبقاش بالاسلوب ده و فى جزء انا قلتلك انى مقتنع بيه و لكن افرض ان اللى كان جايب مثلا 91 % كان عنده ظروف وكان مثلا من العباقرة و لكن حصلتله ظروف وده بيحصل . و اضافة كمان حاجة مش تعليق على كلام حضرتك الواحد مش عارف الخير فين و لو مكنش فى غش السنادى اوعدك كنت هتلاقى التنسيق نازل و مجاميع 2 متوسطة و انت اعلم منى باللى كان بيحصل فى اللجان و شكرا |
اقتباس:
و مالوا اسلوبى مش عاجبك خلاص اعتبرنى ما قلتش حاجة و انا كنت اقدر اضحك عليك انت و غيرك و اقولكوا لا انتوا تقدروا تخشوا اى كلية انتوا عاوزينها و فى اخر تيجي متحصلش حاجة الثانوية العامة دى يا ناس خدااااااااااااااعة جدا الواحد بيتوقع فيها حاجة يلاقيها عكس المتوقع و حتشوفوا اوائل مدرستكوا فى الاعدادى و الابتدائى محصلوش حاجة و ناس انتم متعرفهمش يجيبوا درجات خيالية و دة لانهم فى سنة تانية اتحدوا نفسم و الظرووووووووووووف و وصلوا الى الهدف اللى هم عاوزينها اما بقى اللى يجيبلى درجات فى تانية مش على هواه او مثلا صعب انه يدخل الكلية اللى هو عاوزها مش يجيلى يقولى الظروف ما انت لو سالت اى حد مش جاب مجموع حيقولك الظروف يعنى فى الاخر زيك زيوا مفيش عذر ليك و ع العموم كلامى مش موجه اليك و انا بقول كلامى للى عاوز النصيحة قبلتها كان بها مقبلتهاش ارمها عرض الحائط و مش تفتى و تتفلسف |
اقتباس:
انا مبتفلسفش والحمد لله على كل حاجة بس برده هقولك نفس الكلمة اللى انت قولتهالى لما تحب تقتبس الكلام اقتبسه كله مش جزء منه على مزاجك !!!!!! انا مقولتش ان كل اللى جاب مجموع قليل كان عنده ظروف انا بقول فيهم ناس كانوا كده فعلا و حصلتلخم ظروف مثلا اصابهم مرضض فى يوم الامتحان و ده بيحصل متقوليش لا المرض ده جعله يفقد تركيزه بس فالله اعلم و فى جزء انا متفق معاك في ان الثانوية خداعة !!!!! |
بجد شكرااااااااااااااااااااااااااا على الموضوع الجامد انا ان شاء الله داخلة ادبى وان شاء الله حدخل كلية اعلام ادعووووووووووولى
|
| جميع الأوقات بتوقيت GMT +2. الساعة الآن 06:56 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.