|
فى اشد حاجة للمساعدة والله ساعدووووووووووووووووونى
ياجماعة انا جالى بيطرى وفرقت معايا للصيدلة علة 0.2 انا استقبلت الصدمة وقلت عادى بس كلام الناس هيجننى عمالة تقولى بيطرى لا لا احسنلك علوم بس انا دلوقتى فى حيرة خايفة اسمع كلامهم اندم او اسمع كلام نفسى اندم بردة
والنبى ياجماعة كل اللى فى بيطرى يرد عليا وهل فعلا بتتعملوا مع الحيوانات علطول واية الشغل اللى ممكن اشتغلة بالنسة ليا كبنت بعد التخرج انتم اكيد كنتم مكانى ندمتم بعد ما دخلتوها ولا لا |
بصي يا حبيبتي
أولا شوفي انتى مرتاحة لإيه وحابة إيه وادخليه جمعي معلومات كتير عن كل كلية وشوفي انتى حابة ايه بلنسبة لحوار بيطري فمعلش اول حاجة هقولهالك متاخديش بكلام الناس الناس مفيش حاجة ترضيهم وطالما ربنا اختارلك الكلية دى يبقى فيها الخير ليكي ومجال عمل الدكاترة البيطريين كبيييييييييييير بيشتغلوا أولا في مصانع الادوية وممكن يبقوا عندهم مزارع وربنا بيكرمهم وغيرها كتييييييير وعلوم مجاللاتها كتييير وشغلهم كويس برصه فانتي شوفي ايه اللي حاباه ومرتاحاله واتحدي نفسك واللي حواليكي واثبتي نفسك واصنعي مكانتك بنفسك ربنا معاكي ويكرمك ان شاء الله |
بصى يا حبيبتى انا زيك رايحة اولى برضه بس انا اعرف ناس كثير خلصت بيطرى و كلهم الحمد لله ولاد و بنات بيشتغلوا فى مجالات كثير فى شركات ادوية و عيادات بيطرية و صيدليات و معامل تحاليل يعنى فى شغل متقلقيش و كلو على حسب تعبك و انا الى اعرفه عن علوم انها صعبة و مش اى حد بيمشى فيها و فى الاخر بيشتغلوا مدرسين
و دى وجهة نظرى ان بيطرى افضل و الله اعلم و اسألى تانى برضه |
والله انا عارفة برضة ان علوم صعبة واعرف ناس متعقدة منها وكانت كل سنة بتتطلع بماد وكدة انا هتوكل على الله واخلينى فى بيطرى بس كنت عايزة طلب نفسى اعرف كل مجالات شغلها حد يعرف
|
دورى فى المضوعات الى مكتوبة فى القسم ده هتلاقى فى موضوع مكتوب فيه بس انا مش فاكرة انهى واحد وبعدين ده الرزق ده بتاع ربنا فمتوجعيش دماغك بيه دلوقتى
و فى كل حال هتنورى بيطرى يا قمر هو انتى جامعة ايه |
بصى انا بقى جايبه 96.46يعنى فرقت على حاجه بسيطة اوى الصيدلة معايا لان اخرها96.5 وليا علاج طبيعى بس انا فضلت بيطرى علية لان مجالات الشغل كتير ممكن تاخدى دبلومة كيمياء حيوية وتبقى دكتورة تحاليل بشرية واعتقد ان دى احسن للبنات -ممكن تشتغلى فى شركة ادوية -ممكن تعلمى مزارع او بالاشراف عليها ودى مكسبها كبير وعلى فى جاجات كتير غير كده حلوه كتير للبنات بس ده على حد علمى
|
انا فى جامعة اسكندرية يا manosh وانتى فى جامعة اية وعايزة اعرف الدبلومة دى كام سنة
|
اقتباس:
|
اقتباس:
و اعتقد فعلا الدبلومة سنة واحدة |
اقتباس:
بس انتى اهم حاجة استخيرى ربنا و هو ان شاء الله هيقدم لك الخير;) |
اقتباس:
|
اقتباس:
البيطري بيشتغل في شركات الادوية كمندوب دعايا ( ميدكال ريب ) |
اقتباس:
كلية علوم لها مجالات واسعه زي كيميائي طبي اكلنيكي( اخصائي تحاليل طبيه كيميائيه )............ متخصص في تحاليل كيمياء الدم زي انزيمات الكبد وانزيمت الكلي وانزيمات القلب والهرمونات والسكر ودلالات الاورام وبيولوجيا السرطان وكيمياء المناعه وكيمياء الاعصاب وكيماء البول وكل التحاليل الكيميائيه الطبية وده تابع لوزاره الصحه كيميائي طبي تطبيقي........... وده بيشتغل في تصنيع الادويه والابحاث العلميه الخاصه بتصنيع ...الادويه وده تاع لوزره الصناعه والصحه كيميائي شرعي ....... وده اخصائي كيمياء شرعيه وسموم اي في التحاليل الجنائيه والتزوير والتزيف والبصمه الوراثيه وكل التحاليل اللي بتدلل الشرطه ع الجرائيم وده تابع لوزاره العدل كيميائي تطبيقي ...... وده يعني كيميائي بيشتغل في المصانع في التصنيع زي تصنيع البلاستك والاصباغ والورق الخ وده تابع لوزاره الصناعه كيميائي تحليلي ......... وده كيميائي بيشتغل في المصانع والشركات زي تحليل الميه وتحليل البترول وتحليل الاسمنت و تحليل الادويه الخ كيميائي في البحث لعلمي ....... وده بيشتغل في الابحاث العلميه ومراكز لبحوث وده تابع لوزاره البحث العلمي كيميائي بيشتغل في التدريس.... وده لو بيدرس لثانوي وكده يبقي تبع وزره التربيه و التعليم ولو بيدرس لكليات يبقي تبع وزاره التعليم العالي كيميائي ظابط ......... وده بيشتغل كيميائي ياما في الحربيه زي عمل الاسلحه الكيمياويه للي بتستخدم في الحرب وكده وده تابع لوزاره الانتاج الحربي وهناك من تابع للشرطه زي ابحاث التزيف والتزوير كيميائي بيئي .......... وده كيميائي متخصص في التحاليل الخاصه بكيمياء البيئه ميدكال ريب........ وده وظيفه بيشترك فيها خريجي كلية علوم مع كلية صيدله وطب بيطري وهي مهنه منوب دعايا الادوية وده وظيفته انه بيروح للطبيب يشرحله مركبات الدواء وتركيبات تركيزات ازاي بيشتغل بيتاخد كل اد ايه وكل حاجه عن الدواء مهندس جوده.......... وده بيشتغل في المصانع والشركات ووظيفته انه يعمل تجارب الجوده ع المتنجات للي في المصانع عشان يشوفها مطابقه للمواصفات ولا لاء اخصائي مناعه( اخصائي تحاليل طبية مناعيه ).................. وده بيشتغل في تحاليل المناعه وايضا بيشتغل في اكتشاف ادوية جديده عن طريق المناعه اخصائي اجنه و اطفال انابيب ....... وده بيشتغل في مراكز الاجنه و اطفال الانابيب ووهو دوره انه يلقح الحيوان المنوي بالبويضه علي اسس علميه وفي مناخ يسمح للتلقيح انه يحصل وبيشتغل في الابحاث الخاصه بالاجنه اخصائي فزياء طبية.......... ده بيشتغل في معاهد ومراكز الاورام بيعالج مرضي السرطان بالاشعه عن طريق انه بيحدد جرعات االاشعه لمناسبه للمرضي عشان يتعالجو من السرطان ويبدا العلاج الاشعاعي اخصائي الميكروبيولوجيا الطبية والمناعه ( اخصائي تحاليل طبية ميكروبيولوجيه ومناعيه ) وده وظيفته في التعرف علي انواع البكتريا والفطريات والفيروسات في كل حته في الجسم عن طريق المزارع او الكيمياء او عن طريق البيولوجيا الجزيئيه او عن طريق المناعه وايضا يختص بالمناعه و يقوم بعمل التحاليل المناعيه المختلفه اخصائي مكافحه عوي........... وده بيشتغل في المستشفيات ووظيفته هي منع انتشار البكترياوالفطريات الفيرسات في المستشفيات اخصائي ميكروبيولوجيا تطبيقيه دوائيه............... وده وظيفته انه بيستخرج ويصنع ادوية من البكتريا والفطريات والفيروسات والطحالب وبيعمل ادوية ضد البكتريا والفيروسات والفطريات اخصائي الميكروبيولوجيا التطبقيه .......... وده وظيفيته انه يعمل تحليل للمية من البكتريا ويعمل تحاليل للاغذية والسوائل من البكتريا الجيوكيميائي ....وده يشتغل في شركات البترول في التحاليل الخاصه بالبترول الجيوفزيائي ..... وده مكانه في الحقل البترولي ووظيفته هي بيحدد اماكن وجود البترول في المنطقه من عدمها اخصائي علوم الحاسب وتكنولوجيا المعلومات ..... وده بيشتغل في البرمجه كمبرمج في شركات الكمبيوتر وبيشتغل كمصمم مواقع نت الخ |
اقتباس:
شكرا على المعلومات القيمة دى و انا مش بقلل من مكانة الكلية و لا حاجة بس انا بقول على الى اعرفهم يعنى من المدرسين كانوا خريجى علوم مش اكثر و كل واحد ربنا يكتبلة الخير فى مجال تخصصة ان شاء الله |
لو سمحت ارجو الاهتمام وعايز رد من كل واحد عندو معلومة ومتاكد منها عشان انا عمال بجمع معلومات عن البطري واللي حيترتب عليها اخشها ولا لأ.
هو صح ينفع خريج البطري يفتح صيدلبة بشري وبطري مع بعض وده يبقى الزاي قصدي ايه متطلباته. وكمان لسه ينفع يعمل دبلومة ويبقى دكتور تحاليل اصلي سمعت فب قرار يمنع دكتور البطري بفتح معمل تحاليل فده صح ولا لأ؟ ارجو الرد على السؤ لين بسرعة |
اقتباس:
بردو احنا ممكن نعمل كاساتذه في كليات الطب والصيدله و طب الاسنان والعلوم والهندسه كلا علي حسب تخصصه وممكن نسافر بره ونبقي بردو اساتذه في كليات الطب :d |
امثله لكده
د رجاء محمود وهي كانت تعمل استاذا في كلية الطب جامعه لندن بانجلترا وهي خريجه علوم عين شمس وده ا لسي في بتاعها http://rmeliani.kau.edu.sa/CVEn.aspx...0002054&Lng=AR ................. ود محمد عبد الحميد وهو استاذ في كلية الطب جامعه حائل بالسعوديه وهو خريج علوم الازهر وده السي في بتاعه http://faculty.uoh.edu.sa/m.alekhtaby/about.html ......................... ود حسن عزازاي وهو استاذ بكلية الطب جامعه ميرلاند بامريكا وهو خريج علوم اسكندرية http://www.aucegypt.edu/research/jam...sanAzzazy.aspx :p |
بسم الله الرحمن الرحيم
بما ان حضرتك جامعه الاسكندريه انا اقدر ارد عليكي انا احمد حمدي خامسه طب بيطري جامعه الاسكندريه اولا بخصوص الحيره الي حضرتك فيها انا مستغرب ان دماغك راحه لعلوم مع احترامي لكل الطلبه فهي كليه علميه و لكن الدراسه نظريه بحته و مافيهاش اي امكانيات تطبيقيه و دا عيب في معظم الكليات و لكن معروف ان علوم يا تدخل قسم كيمياء يا ملهاش لازمه بس انا هبتعد في كلامي عن كليه علوم و لكن بيطري ع الرغم من بعد المسافه ساعه تقريبا الا ان يكفيكي شرف تحقيق حلم الطبيبه و الجميع يربط الطب البيطري بالحيوانات و دا غير صحيح لان الطب البيطري اشمل من كدا و تقدري تشتغلي في الرقابه الصحيه ع الاغذيه و اللحوم و الالبان و حتي الطب الشرعي و الي قال بيطري في شركات الادويه مندوبين مبيعات دا كلام صحيح و هما بيفضلوها عشان المرتب اكبر بكتير من الي جوا الشركه و الي جانب دا انتماءك لنقابه الاطباء البيطريين و بتكوني طبيبه معالجه بعكس حتي الصيدلي طبيب غير معالج و حتي علاج طبيعي مش طبيب اصلا بيبقي اخصائي او بمعني اخر مدلكاتي اه اعترف ان الاوضاع في الكليه مش كويسه و انا بالذات دايما في حاله اعتراض بس احنا هنحارب علي حقوقنا عشان الناس الي لسه قدامها المستقبل و المشوار طويل في الكليه و اول حاجه نقل الكليه من ادفينا الي مقر الكليه بابيس حتي ان تم بعد العام الحالي اي بعد تخرجي و برضه فيه مميزات غير الي ذكرته ابسطها ان لو حضرتك ذاكرتي بعكسي يعني تقدري تكوني دكتوره في الكليه و تقدري تشوفي دكاتره كليتنا واكلينها والعه و ماسكين كل مزارع السمك و المزارع الانتاج سواء دواجن او غيره و متاخديش بكلام الناس و الي يقولك عندي سرسار عيان ......... الخ طظ فيه بكره الايام تثبتله لو شفتيه عيان و عرفتي توصفيله تعبه و علاجه و هو انسان هيعرف اننا لينا قيمه |
على فكرة علاج طبيعى حلو جدا جدا جدا لكن لو رغبتك بيطرى متسمعيش كلام حد وربنا يوفقك لما يحب ويرضى
|
انا اعرف اكتر من 20 واحد دخل علوم منهم الي سقط وهيعيد السنة واكترهم حول بيطري ومنهم الي شال مواد
ودول منهم الي كان السنة الي فاتت ومنهم الي قبلها انا اخويا في بيطري و بصراحة هي صعبة شوية بس حلوة و مجالا ت الشغل فيها كتير جدا و الدكترة الي فيها بيكسبوا بالالاف و ربنا يوفقك |
اقتباس:
شكراااااااااااااااا يا د/أحمد :d انا استفدت من الكلام دا كتييييييير |
اقتباس:
يا سااااااااااااااااااااااااتر يارب ;) الحمد لله انا بيطرى :bosyht9: *** |
بصي احب اضيف ع كلام الاعضااء هما بصراحة اوفو
بس في حاجة اسمعها صيدلة كلينيكال وهي سنتين بتاخديهم في كلية الصيلدة العادي بس السنة بعشر الاف جنية يعني الحكاية هتكلفك 20 الف جنييه بس ودي ممكن تاخديها مش بعد الكلية ع طول ممكن تستني شوية عادي بس ليها وقت بردو ممكن تشتغلي بشهادتك وكوني الملبغ لو مش هتقدري .. وربنا بيسهل اه نسيت اقولك طبعا ان بالصيدلة كلينيكال دي ممكن مش بس تفتحي صيدلية بيشرية لا وتوصفي روشتة كمان هما بتوع الصيدلة اصلا ساعات بيدلخو صيديلة كلينيكال بدل الصيديلة العادي علشان يقدرو يوصفو روشتة .. وبالتوفيق يا دكتتورة على فكرة اللكية هتعجبك قووي .. بالذات لو ليكي هدف عايزة تحققيه فيها مش داخلة وخلاااص |
اقتباس:
بصراحه انا مش فاهم كلام حضرتك ازاى هتاخد صيدله اكلينيكيه او كلينيكال وهيا اصلا مش فى صيدله ؟؟؟؟؟؟؟؟؟؟؟ يعنى عادى اخد بيطرى وادخل صيدله كلينيكال بعد مااخلص بيطرى ولا ايه ؟؟؟؟؟؟؟؟؟؟؟؟؟ ولازم اكون فى صيدله من الاساس ؟؟؟؟؟؟؟؟؟؟؟ وبالتوفيق |
اقتباس:
اقتباس:
دى تبع كليه الصيدله !!! مش البيطرى ******* |
اقتباس:
|
3ala fekra ya gama3a ana 3andy nas keteeeeer da5alo 3elom w delw2ty homa a3deen fe el bet mesh la2yen sho3'l 5ales a5erhom modresen w ana 3andy nas kant 3elom w mala2etsh 3'er en hya tekon modaresa w ba3den ana sa2lt banat fe betary alex w howa kano mesh 7abeen el kolya bas ba3d lama da5alo 7aboha awyyyyyy w ana gatly teb betary cairo bas insha2 allah 7a7awel alex w 7akon fe alex w ba3den awel three years fe betary bendres zay el bashary bas fe 7agat baseta mo5talefa ana sale el7amdullah w rabena arad en ad5ol betary w law fe 7ad teb betary alex momken ye2ol 3alshan net3araf
|
لا طبعا الصيدلة اكلينيكال دي للبيطري والعلوم والصيدلة العادية ودي معلومة انا متاكده منها وفي واحدة فاتحة صيدلية اعرفها عاملة كده هي خريجة طب بيطري اصلا بس اخدت صيدلة كلينيكال ودي بتكون سنتين بعشرين الف جنيه وممكن اي حد ياخدها من الكليات السابق ذكرها بس دي في جامعات معينة صيدلة القاهرة و الزقازيق وجامعة في الصعيد باين ... والله اعلم |
نسيت اقول انها بتكون بعد التخرج ... عاديو كمان ممكن بعد التخرج بكام سنة بس مش كتيير ... بالتوفييق ان شاء الله |
بسم الله الرحمن الرحيم
شكرا لحضرتك على المعلومه |
3la fekra ana zyk b el zbt :D y3ny fr2t m3aya 3la .2 brdo :S yla el 7mdllah 3la kol shee2
w d5lt Tgara Eng |
بسم الله الرحمن الرحيم
ارجوووووووكم يا اخوااااااااانى انا في امس الحاجة لمساعدتكم انا جاتلي علوم عين شمس.. فاستخرت ربنا و كدة قلت خلاص احول بيطري تمااام.. فروحت عملت تحويل ع النت لبيطري القاهرة والحمد لله مجموعي اعلى منها.. و المفاجأة... رجعتلي تانى علوم عين شمس!!!! لييه؟ عشان انا الثانوية بتاعتى وخداها من القليوبية و المفروض كنت كتبت بيطري بنها مش القاهرة!!! المهم كدة التحويل راح عليا و انا لسة علوم!! رحت جامعة بنها و عملت تحويل ورقي لبيطري بنها (اهو احسن من مفيش) لكن اتفاجات ان بيطري بنها ف حتة بعيدة كدة اسمها مشتهر !! و دى بعيييييييييييييدة اووووى عليا زائدد كمان محل اقامتى محافظة الجيزة.. طولت عليكم معلش بس دلوقت القاهرة انسبلي اوووووى و مش عارفة هل ينفع احول ليها؟؟؟؟ طب ولو ينفع ؟ المفروض ايه الاجراءات اللى اعملها ؟؟ |
| جميع الأوقات بتوقيت GMT +2. الساعة الآن 12:39 AM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.