|
كارثة جديدة في التنسيق واحدة تدخل كليه اكبر من مجموعها ازاي ما اعرفش ؟؟؟؟؟؟؟؟
بسم الله الرحمن الرحيم في تنسيق الجامعات طبعا الكل عارف ان الحد الادني للكليات معناه ان المجموع دا اقل حاجة للقبول بالجامعة وتقبل الجامعة الزيادة وخليكو فاكرين انها زيادة مش نقص كدا جميل جدا خدو دي بقي كلية تربية جامعة عين شمس الحد الادني لها لعام 2011/2012 هو358.5 فأكثر يعني ما ينفعش اقل من كدا نص في المية دا الي احنا عرفينه لكن لما نجد غلطة مش في نص ولا درجة وحد دخل كليه مجموعه مش جايبها دا هو الظلم والفساد بعنيه والدليل اهو دي بطاقة ترشيح من موقع تنسيق الجامعات الدليل علي كلامي (( طبعا انا ما اعرفش صاحبة البطاقة دي انا لقيتها بالصدفة لما كنت بدور علي نتيجة واحدة قربتي فأنصدمت بالي شفته )) بطاقة الترشيح للقبول عام 2011م الطالب : زينب رضوان عارف النمر يتـشـرف مكــتب التنســيق بإخطــــاركـم بأنه قد تم ترشيحكم الكلية / المعهد: تربية عين شمس رقم الجلوس / الإيصال : 1153192 المجموع: 333 شهادة الثانوية : العامـة شعبة : الأدبية تاريخ اعلان النتيجة :30/7/2011 وعشان محدش يقول اني لعبت في الارقام ولا حاجة دا لينك من موقع الاستاذ وهتلاقو الطالبة دي اخر طالبة علي فكرة دي من محافظة القليوبية ادارة شبرا الخيمة واللينك http://natiga.elostaz.com/as7ab.php?...rom=260&order= ودا اخر الكشف >> رقم الجلوس الاسم المدرسة الإدارة المحافظة المجموع بالمستوى المجموع الكلي 261 1144723 منى عبدالغني السيد عبدالغني طحانوب الثانوية المشتركة شبين القناطر القليوبية 358.5 358.5 262 1146405 نورهان فكرى ابراهيم بيومى القلج الثانوية المشتركة الخانكة القليوبية 358.5 358.5 263 1148579 رانيا احمد مصطفى عبد العزيز درويش قليوب الثانوية للبنات قليوب القليوبية 358.5 358.5 264 1150938 هناء احمد محمد حسن الجبالى ابو الغيط الثانوية المشتركة القناطر الخيرية القليوبية 358.5 358.5 265 1152994 شيماء محمد عبد التواب محمد بهتيم ث بنات شرق شبرا الخيمة القليوبية 358.5 358.5 266 1153362 هدير عادل عبد العزيز محمد بهتيم ث بنات شرق شبرا الخيمة القليوبية 358.5 358.5 267 1153192 زينب رضوان عارف النمر بهتيم ث بنات شرق شبرا الخيمة القليوبية 333 333 الي عايزة اعرفه حاجة واحدة لما هي تدخل كلية مش بمجموعها واحنا فينا الي الكلية فيتاه علي كسور يبقي دا اسمه ايه ودا يخلينا نشك في نزاهة التنسيق دا لما واحدة في محافظة ما ادراك ممكن يكون في غيرها |
بس الحد الادني الي حاضرتك كتباه مش موضح هل هو الحد الادني للعلمي ام للادبي
لانه من المعروف ان الادبي اقل في التنسيق |
+ هي الطالبة الي حضرتك ناشره بياناتها دي انتي مستأذنه منها عشان تنشري حاجة زي كده . ؟
|
انا اعرف ٢ مجموعهم اقل ب٣% من تجارة انجليزي ودخلوها بردو
|
عموما انا قلت اني ما اعرفهاش وانا قلت كدا لو حضرتك قرأتي الموضوع كويس ثانيا البنت دي ادبي والتنسيق بتاع تربية جامعة عين شمس الحد الادني لها لعام 2011/2012
هو 385.5 |
اقتباس:
|
علي فكرة الموضوع ده الوزارة اعلنته و اعترف سلامة بيه و الخطأ كان في حوالي 9000 اسم و وعد بتصحيحه و قال ان السبب هو خطا في ادخال كود الكلية
|
مش هيتم قبولهم في الجامعة
|
لا حول ولا قوة الا بالله
حرااااااااام تنشرى معلومات عن واحدة ما تعرفيهاش |
اقتباس:
ما تقوليش حلال وحرام في حاجة حضرتك ما تعرفيهاش انا لم انشر شئ يخل بشخصيتها بل انا اعرض شئ واقع ودا مش ذنبها وانا عارفة دا كويس وعارفة ان دي غلطة الوزارة النايمة والي لسه الفساد منتشر فيها ولما 9000 طالب غلط في مرحلة يبقي ادي بقي انشاء الله ؟؟؟؟؟؟؟؟؟ اذا كان ادبي مرحلة اولي كله 6000 طالب دول بقي يتقال فيهم ايه |
على فكرة الحد الادنى لكلية تربية عين شمس 358.5
يعنى حضرتك كتباه غلط |
اقتباس:
اقتباس:
معلش انا اسفة انا فعلا كتبت الرقم غلط لكن اتوقع ان المجموع دا اقل بكتير من الكلية ودي غلطة التنسيق ولا انا غلطانة |
والدليل اني مش بتكلم وبقول اي كلاااااااام وان الوزارة نايمة الخبر دا
خطاء جسيمة في تنسيق المرحلة الأولي بالجامعات الثانية اليوم بحد أدني 324 درجة علمي و266 أدبي وحتي السبت كتب ــ مجدي طنطاوي : اكتشف عبدالحميد سلامة وكيل أول وزارة التعليم العالي خطأ جسيما في ادخال كود الكلية التي يتعرف الحاسب الآلي من خلالها علي عدد المرشحين لكل كلية مما أدي إلي ترشيح أكثر من 9 آلاف طالب وطالبة لكليات لم يطلبوها ولم تقع ف...ي الحدود الدنيا للمجموع الذي قبلته الكلية. صرح د.سمير شاهين المسئول عن التنسيق الالكتروني بإصلاح الخطأ وتعديل ترشيح الطلاب وارسل الكشوف الصحيحة لتقوم كل كلية بمراجعتها ليحصل كل طالب علي حقه. بينما يبدأ اليوم رسميا تسجيل رغبات طلاب المرحلة الثانية بحد ادني 324 درجة علمي "79%" وعددهم 65 ألفا و974 طالبا وللأدبي 5.266 درجة "65%" وعددهم 7927 طالبا ويستمر التسجيل حتي السابعة مساء السبت القادم. |
على فكره انا اؤمن تماما ان كل نفس بنتنفسه باذن ربنا .,
يعني اللي حصل ده بأذن ربنا ., مش معنى يعني الناس دول بالذات الكومبيوتر غلط معاهم ., عامه كل واحد هياخد حقه وبردوا باذن ربنا سبحانه وتعالى . |
اية الحقد دة
|
ياريت يتم حذف اسم البنت من الموضوع حرام
|
لا مينفعش كده
كاتبه اسم البنت عادي كده حرام عليكي حطي نفسك مكانها هترضي حد يحط اسمك |
يا جماعه عادي مأجرمتش يعني هي حاطه نموذج مش قاصده اساءه للبنت
|
عمومآآ : - مش محبذ نشر البيانات الكاملة حضرتك ممكن تقولي من غير اسماء غير لو رايحة مثلن تشتكي .. ألخ
اما في الموضوع فا أقول , حاجة غريبة ,, ازاي كمبيوتر يغلط الغلطة دي , لازم يكون في حاجة حصلت ,, بس ربنا يوفقها ودا نصيب , وفي التقديم ممكن يلاحظوا الحكاية دي على اعتبار انها ليست مستند رسمي ( بطاقة الترشيح ) |
اقتباس:
مرة تانية اسف بس حسيت انها بنت مش حاسه ان معلوماتها بقيت على اكبر موقع تعليمى فحبيت انصرها بكلمة حرام ليكى على امل انك تمسحى معلوماتها وياريت اعرف لو حضترك جالك الغلطة دى فى التنسيق كنتى هتكتبيها هنا مش عايز رد حضرتك هنا بس عايزة بينك وبين نفسك ووالله عارف انك مش قصدك بردة تشهير بس لو فكرتى وحسيتى انك غلطانه ياريت تمسحى الاسم والمعلومات |
سبحان الله العلي العظيم بأي منطق بتتكلموا ؟ اعتقد لما جت تنشر كان التركيز الاساسي على المبدأ مش البنت ذاتها البنت مرتكبتش جريمة ووجب عليها او علينا سترها علشان نقول حرام او حلال دي قضية صاحب او صاحبة الموضوع بتنشرها لهدف معين انتو تركتو الهدف ده وبتتكلموا في فروع وايه يعني اسمها يتنشر على اكبر موقع تعليمي انا لو كنت مكانها مفيش اي مشكلة بل بالعكس ولو قدرت اعمل الموضوع بنفسي مفيش مشكلة غير كدة لو حد اتحط في نفس الموقف وقال ده نصيبي و و و و الى آخرة , تبقى مصيبه مينفعش نقول ليه هي بالذات اللي الكومبيوتر يخطأ فيها المفترض ان اللي يتحط في موقف زي ده اول واحد يبلغ وبعدين ليه بتتعاملوا مع الموضوع بطريقه غير موضوعيه , في مشكلة الاولى ندور على المخطئ ونطلب منه تصحيح المشكلة بعيدا عن الاهواء والمشاعر لنفرض ان العكس حصصصل واحدة جالها كليه اقل من مجموعها في حين ان من حقها حسب الرغبات كلية اعلى لو نشرنا مشكلتها وقتها هيكون رد الفعل ,, بارك الله فيكم وجعله في ميزان حسناتكم قيسوا بالمثل على الجانب الاخر هنلاقي ناس وقفت معاهم الكلية اللي عيزنها على درجات بسيطة ,, ايه مدى احساهم بالظلم لما يلاقوا اخطاء زي دي يمكن الخطأ مش جسيم لأنه يمكن معالجته على المدى القريب اثناء التقديم وخلافة لكن طريقة التعامل معاه وتحويلة الدفه لنقاط تانيه هي المشكلة غير كدا ان كان صاحب الموضوع فعلا اخطأ بشكل فطريقة توجيه النصيحه والاتهام بالحقد وغيرة شئ غير مقبول وبعدين ما اسماءنا كلها منشورة على المواقع الاستاذ وموقع الوزارة وغيرة وغيرة ,,, مكنتش امانة عند واضع الموضوع وفضحها كل واحد حتى لو كان لا ينتمي للثانوية العامه بشكل او بآخر ليه الحق في الاطلاع على البينات الشخصيه لكل شخص , الاسم والمدرسة والمجموع والكلية , ودي معلومات عادية جداً فبلاش نتهم حد بالحقد وخلافة |
قمة الاستهبال .. يعنى حتى لو صححوا الغلط ده والناس دى ما دخلتش الجامعة هيكون ظلموا عدد كبير كان ممكن يدخل
واللى قاعد يقول حرام عليكى البنت ... يعنى فكروا شوية هى مش بتشتمها ولا حاجة ولو كانت قالت الكلام ده من غير دليل ما كنش فى حد هيصدق ارجوكوا كفاية عليا استحمل الناس السببوا الغلط ده !!!!!!!!!!!!!!!!! |
مش هيقبولها فى الكلية فى اجراءات معقدة جدا كل واحد بياخده اللى تعبه
|
مش عارفة بس ربنا اكيد هيظهر الحق وحرام نشر اسم البنت
|
ياجماعة فى اييييييييييييييييية هو مأجرمش يعنى اصل حرااااااااااااااااااام بجد حد ياخد مجهووووووووووود حد فى اية بقة هو ماجرمش هو بيوريكوا الظلم اللى حصل عشان يقدر ينقلة ليكم عشان الكرم يوصل للكل مش احسن مهى تاخد حق مش حقها ودة اسمها يعنى مهواش حط صورتها ياجماعة مهو اللى ايدة فى المية مش زى اللى ايدة فى النار احنا بنقف على واحد من عشرة على كلية ودى تتخدلها بمجموعها دة انتوا بتهزروا و كل واحد عمال يفتى ويقول حرام بجد حرام عليكوا انتوا عشان محدش حاسس بالاحنا فية والظلم اللى اتظلمناة السنة اللى فاتت من احمد زكى الله يخرب بيتة والسنة دى من التنسيق حتى حقنا مش عايزنا ننشرة ارحمونا شوية بقققققققة يانااااااااااااااااااااااااااااااااااس
|
[quote=kingdomofbeauty;3786006]حرام عليكى يا شيخة من تتبع عورات الناس فضحه الله ولو فى جوف بيته[/
quote] ياريت لما حضرتك تتكلمي تتكلمي برقي اكتر من كدا لان دي مش طريقة حوار انا ما نشرت صورتها ولو ماكنتش حطيت اسمها وبيانتها كنت هتقولو بقول اي كلام والسؤال هيبقي ايه الدليل ؟؟؟؟؟؟؟؟ يعني انتم مش بيعجبكم العجب اقتباس:
اقتباس:
تعرفي اماتقوليش حكم وانتي ما تعرفهوش ؟؟؟؟؟؟؟؟؟؟؟ هو انا عملت ايه هو انا لفقتلها تهمة اقتباس:
ماهو الي مش مجرب بقي يقول ايه بقي ؟؟؟؟؟؟؟؟ |
معلش ليا تعليق بس على الناس الى بتقول حرام تنشرى اسم البنت
هو اسم البنت عورة يعنى ولا ايه مش فاهم ما النتيجة متاحة بالاسم وبرقم الجلوس والمدرسة والمحافظة وكل حاجة.. يعنى كل حاجة موجودة على النت |
اقتباس:
قولي حضرتك بقي فين المشكلة عشان انا هتجنن ؟؟؟؟؟؟؟؟؟ شكرا علي مروك الكريم |
غلطت فى ايه يا جدعان دا انتوا ماتعرفوش البنت وحتى لو عارفينها مافيهاش حاجه انا مش عارف انتوا بتقولوا ايه ؟؟
|
انا عاوز اصحح بعض المفاهيم .. اولا صاحبة الموضوع لم تعيب فى شخصية البنت صاحبه بطاقة الترشيح او خلافه .. ثانيا مجرد انها عرضت حقيقة حصلت و اخطاء بالتنسيق و ان لم تعرض .. فسوف يعرضها الغير و الغير .. و ياما بنشوف فى الاخبار ناس بتقول ان الفلان الفلانى راح و عمل هل ده حرام .. لم نتكلم عن عورات او شخصيات بحلوها او وحشها انما مجرد كلام عن حقيقة الامر و ليس عن ذات شخص صاحبه البطاقة .. و موفقه يا صاحبه الموضوع و يارب البلد تنصلح و يصلحواا الاخطاء دى قبل بدأ نتيجة المرحله الثانيه وربنا يوفق الجميع
|
ياريت كل واحد يبص لنفسه ومصلحته ويبطل يبص على غيره عشان ربنا يكرمه
وبدل م يضيع وقت فى الكلام الفارغ ده يبص لمصلحته لان لما ربنا يكون رايد الخير لحد محدش يقدر يتكلم |
اولا يا جماعه انا مقرتش كل الكومنتات
ومش عارف كل الناس اللى بتهاجم يا جماعه هى عملت برنامج تجسس وجابت المعلومات دى دى حاجات مرفوعه على شبكة النت اى حد فى العالم يوصلها وانا معاها بصراحه فى اللى هى عملته ولكل واحد فينا ليه رأى ولازم نحترم رأى بعض |
اقتباس:
لا تعليق علي كلامك لاني انا فعلا مش هضيع وقتي في الرد علي الكلام الفارغ الي بتقوليه |
اقتباس:
ياريت الناس تفهم كدا لان ما فيش احترام لرأي الاخر نهائيا اقتباس:
شكرا اقتباس:
ولكن احنا المصرين ما يعجبنا العجب ولا الصيام في رجب احط اسم البنت تقولو حراااام واحس اني بكلم عقول غريبة ولوما حطيت الاسم هتقولو حرااام برضو بلاش كدب فين الدليل ؟؟؟؟؟؟؟؟؟ |
اولا رمضان كريم وكل سنة وانتم طيبين
ثانيا اختلاف الراى لا يفسد للود قضية الاخوة الاعضاء العضوة طرحت مشكلة وعاوزة تعرف الخطا والحل فبلاش كل واحد يفتى ويتكلم باسلوب قاسى يرجى الرد يبقى فى اطار الموضوع وعدم التجريح فى صاحب الموضوع او فى احد ارجو الكلام يكون وصل الرد يكون على سياق الموضوع ولا يسمح بالخروج عن النص او تجريح احد وصاحب الموضوع جاب المستند عشان يكون فى مصداقية للخبر ارجو الالتزام بالقوانين وبنود المنتدى لكم جزيل الشكر لا تعليق على كل ما بدر من كل الاعضاء وارجو من ام شاهدة ومشرف القسم الاطلاع على ردود الاعضاء والمراجعة |
اقتباس:
كل ده علشان حد شاف مشكله وبيعرضها ... طيب هو المفروض لما حد يشوف مشكله ... ميقولهاش يعنى ؟؟ ولو قالها من غير دليل هنقول عليه بيكذب !! يا سلام ع الشعب المصرى !!!! |
اقتباس:
انا دى سوال واحد هى البنت الى انتو عارضينها دلوقتى وبتقطعوا فيها تكون موافقة على انكم تعرضوها كدهيا ناس حرام عليكو وعلى فكره انا ولد مش بنت |
يا جماعة ارجو من مشرف القسم او المراقب يدخل يشوف اية الوضع
|
السلام عليكم ورحمة الله
اولا رمضان كريم كل عام انتم بخير سارة ما تقصدش شخص البنت لان البنت مالهاش ذنب ودى حاجة مش بارادتها يعنى هى ما زورتش ورق او بيانات علشان تدخل الكلية يمكن ربنا اراد ليها الكلية دى وسبحان الله الكمبيوتر غلط الكمال لله وحده سارة حبت تقدم دليل مش اكتر ويا ريت اللى ينقد يبقى بطريقة احستشوية علشان محدش يزعل ده كلام موجه لكل واحد تعليقه يضايق اما الموجه لسارة كان ممكن تكتبى رقم الجلوس بس واللى عاوز يتأكد يدخل ع موقع الاستاذ اتمنى قبول النصيحة بصدر رحب والسلام عليكم |
اقتباس:
كلام مظبوط جدا |
اقتباس:
والله كلام مظبوط جدا وانا متفقة معاكي علي الاقل قدمتي الي اتني عايزه بطريقة مهذبة وولله الفكرة دي ما حت علي بالي نهائيا انا قلت دا اسهل للمشاهد من البحث دي وجهت نظري |
لحظة علشان انا اتخنقت من الكلام دا والله لو كنت حطيت موضوع تاني غير دا ما كنت لقيت الردود دي كلها ولا الخلاف دا كلة اشوفكم كدا متجمعين عند النبي بالاعداد دي كلها
طبعا المصرين احسن ناس تتكلم ومعندهاش حل جذري ولا حتي سطحي مسكتم في الفروع وتركتم الاساس ودا دائما الي يخلينا نقع في المصيبة وبعد كدا نقول ليه حصل كدا؟؟؟؟؟؟؟ يعني هو لازم توقع وبعد كدا تفكر كل واحد وتصرفه (( يعني احنا ما كنا بعيد عن الوضع الي فيه البنت وغيرها ......)) نقطة تانية احب اقولها انا لا اسمح لاي شخص بتجاوز الحدود والخروج عن النطاق المسموح به مش عشان حاجة ولكن لان احنا متعودين في المنتدي علي الحوار البناء وليس المبني علي التعصب الي مش عاجبه الكلام مايردش زي ما كتير عمله كدا وانا احترم وجهت نظرهم واحترم وجهة النظر الرافضة للموضوع وليس طريقة العرض والي عنده حاجة يقولها ما يبعتهاش علي الرسائل الخاصة بعد اذنكم . وشكرا |
مكن تكون عندها تفوق رياضي او مركز علي الجمهورية في اي رياضة
وبعدين دي مش غلتطه علشان تكتبي اسمها |
هو الاسم ده ايه المشكلة فيه
هى كاتبة اسمها وبتقول عليها حاجة وحشة !!!!!!!!!!!!!!!!!!!!!!!!!!!!!!!!!!!!!!! ماتسيبكوا بقى من الحوارات دى بتاعت الاسم وتركزوا فى الموضوع |
انتو نسيتو المشكله الاساسيه والرئيسيه وافتكستوا مشاكا من صنعكوا
يعني من الاخر انتوا عايزين تعملوا مشكله من فراغ |
بالنسبة للى بيتكلم حلال ولا حرام يا ريت يقرا الآية دى
لاَّ يُحِبُّ اللّهُ الْجَهْرَ بِالسُّوَءِ مِنَ الْقَوْلِ إِلاَّ مَن ظُلِمَ وَكَانَ اللّهُ سَمِيعاً عَلِيماً [النساء : 148] إلااااااااااا من ظلم يا جماعة وده ظلم بين أدعوكم إلى التفقه فى دينكم ولو قليل القليل أثابكم الله لحرصكم على ألا تغتاب أختكم زينب ويا ريت يا أخت سارة نودى تحطى الآية دى فى أول الموضوع عشان الناس يعرفوا ربنا يكرمك لأنك بتسعى لإظهار الحق |
اقتباس:
اقتباس:
اقتباس:
جزاكم الله خيرا مرور كريم |
السلام عليكم ورحمه الله وبركاته
اولا رمضان كريم عليكم جمميعا ثانيا انا بنت مش ولد ولكن الاكونت بتاعى باسم ولدى ثالثا والاهم موضوعك ياساره مهم جدا والغريب والعجيب اللى انا مش قادره استوعبه ازاى الاعضاء سايبين المشكله الاساسيه وماسكين فى الفروع بجد شئ غريب جدااااااااااااااا ومش فاهمه ايه العوره فى انها تكتب الاسم امال لوحطيت صورتها كنتم هتعملوا ايه الاهم اننا نعرف الحقيقه فين ولو فعلا البنت دى قبلت ياريت تفهمنا ايه اللى بيحصل ده يمكن بتلعب رياضه ما فبيزودا المجموع بدون اضافه على المجموع الاساسى الله واعلم رابعا لاداعى اطلاقااااااااااااااااااااااااااااا لهذا التعصب والكلام الغير لائق الذى يقال لانه فى الاول فى الاخر هيه عارضه مشكله ما ياتقبل ياترفض ولكن باسلوب مهذذذذذذذذذذذب وجزاكى الله خيرا ياساره وياريت لو عرفتى حاجه عن الموضوع ده تقوليلنا عشان نفهم بردوا وكل سنه وانتى طيبه |
اولا السلام عليكم ورحمة الله وبركاته
ان مش عارفة انتوا ليه عملتوا موضوع من مافيش خلاص اللى حصل حصل وقدر الله وما شاء فعل والحمد لله على كل حال من ناحية ان سارة كتبت اسم البنت فهى قالت ان فكرة تكتكب رقم جلوسها ما خطرتش على بالها خلاص وبعدين بالأسلوب ده هتخلوا الواحد ولا يقول مشكلة ولا غيره المهم دلوقتى رمضان وان احنا ان شاء الله نقدر نستنفع بيه اعاده الله علينا وعلى الأمة الاسلامية بالخير واليمن والبركات والسلام عليكم ورحمة الله وبركاته |
اقتباس:
البنت اللى احنا عارضينها وبنقطع فيها !!!!! انت عايز تعمل مشكله من أى حاجه فين اللى بنقطع فيها دى انا مليش علاقه بالموضوع اساسا انا بس استفزتنى الردود يابنى هو اسمها ماله هو حد عارف هوية البنت دى أصلا .... !!!!!!!!!! ده مجرد مثال !! شايف سيبنا المشكله الاساسيه وفضلنا نتكلم فى حاجات فارغه ويارب ما يبقى ده نظامنا الفتره اللى جايه !!! بأمانه موضوع يضحك .. وميستاهلش الكلام اللى احنا بنقوله ده |
| جميع الأوقات بتوقيت GMT +2. الساعة الآن 02:53 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.