|
بخصوص التعليم المفتوح للنقاش
السلام عليكم ورحمه الله
زى ما شوفتوا التنسيق زفت مش فاضل غير جامعه المفتوحه ... بس الواحد عنده جهل بها ايه نظامها وهل فيها انتظام فى محاضرات وهل هى تساوى كليات تانيه ؟؟؟ اتمنى لو حد عنده اى خلفيه يقولنا هل الجامعه مفتوحه احسن ولا الخاص افضل ؟؟؟؟ يعنى مثلا الواحد يدخل جامعه مفتوحه كليه اداب ولا يخض معهد خدمه اجتماعيه ؟؟؟؟؟ اتمنى الافاده وجزاكم الله خيرا |
ياجماعه هل التعليم المفتوح هيكون فى المرحله التالته؟
حد يرد عليا ياجماعه والنبى |
والله اخى انا الى الان بسال على مصروفاتها ومحدش عارف ونفسى اعرف مصروفات اداب وتجارة تعليم مفتوح كام
|
الحقوق هتكون 1550 جنيه
التجاره 1200 جنيه الاداب 1400 جنيه |
بجد لازم حد يرد علينا ردود واضحة وصريحة ويقولنا ايه تعليم مفتوح ده وهل احنا كطلبة ثانوية عامة وعايزين مستقبل زي بقية الطلبة
هل التعليم المفتوح ده هيفيدنا ولا نشوفلنا معهد احسن |
طيب اخى ده فى السنة ولا الترم وبالرسوم والكتب والسيديهات ولا ايه وده كل الجامعات ولا القاهرة ارجو التوضيح اخى الكريم
وشكرا لك اخى على التوضيح |
الحقوق هتكون 1550 جنيه
التجاره 1200 جنيه الاداب 1400 جنيه ----------------------------------------- تقريبا في السنة وانا هقدم اعلام مفتوح باذن الله |
اقتباس:
اهلا اخى التعليم المفتوح نفس الانتساب ونفس المواد تقريبا وبعد الانتهاء بتعمل معادلة ليوازى مجموعك مجموع الانتظام وبعد كده عادى يعنى معتمده وعلى الاقل اسمها كلية مش مهد انا كل اللى محيرنى هو موضوع المصروفات |
اقتباس:
لو فى السنة يبقى كويس طب ده بالرسوم والكتب ولا ايه وده جامعة القاهرة بس ولا على كله وانت هتدفع كام فى اعلام تقريبا |
اقتباس:
اهلا اخي الكريم انا محتار جدا بردوا وكنت اتمني دخول كلية حقوق انتظام وبفكر لو مدخلتش انتظام هدخل مفتوح باذن الله لان كل المعاهد انا مش بثق فيها الصراحة غير كده الجامعة المفتوحة هتبقي قريبة لسكني نوعا ما المصاريف بتدفع علي اقساط تقريبا وتبقي مريحة كتير عن معاهد انت ياغالي جايب كام وبتفكر تدخل ايه ؟ انا بفكر في حقوق انتظام او مفتوح ومن المنصورة |
اقتباس:
تقريبا في السنة والله اعلم الكتب والحاجات التانية دي تقريبا مصاريفها بتبقي لوحدها بس بتبقي بسيطة مقارنة باي جامعة خاصة |
بالنسبة التعليم المفتوح بكلية الأداب ممكن تقبل مجموع كام للأدبى ؟؟؟؟ |
الحقوق هتكون 1550 جنيه
التجاره 1200 جنيه الاداب 1400 جنيه ودى من غير الكتب يعنى الكتب تعمل حوالى 200 جنيه والمصاريف دى بتاعت كل الجامعات. والتعليم المفتوح هو هو الانتساب ونفس الشهاده اللى بياخدها الطالب العادى وماتنساش انك داخلها بمجهودك يعنى بتنزل فى التنسيق ومعنى انها بتنزل فى التنسيق يبقى ليها اهميه ومهمه ومعتمده . وطبعا التعليم المفتوح فى جميع الكليات الحكوميه فى مصر |
ياجماعة انا محتاج رأيكم ضروري انا محتار جدا بين حقوق مفتوح وبين معهدعالي ترجمة فورية خصوصا لاني عايز اتخصص في مجال الترجمة الفورية ايه رأيكم ؟
|
طيب بنسبه اللدراسه هى هتكون محاضرات وكدا زى انتظام ولا ايه النظام ؟؟؟
|
التعليم المفتوح
ده عباره عن كلية التجارة جامعة القاهرة فرع التعليم المفتوح بنظام المقررات اى انت بتختار خمسة مواد من اربعين مادة مقسمة على ثمانية فصول دراسية وكل مادة مبلغ 125 جنيه بخلاف مصاريف الامتحان الرسوم وتختلف من اداب وتجارة وحقوق وزراعة فس سعر المقرر ولكن فى الاغلب الاعم هو 125 أو 150 برسوم الامتحان وده هيكون معتمد من وزارة التعليم العالي وافيد من اى معهد خارجى او كلية قطاع خاصه لان بيخضع لاشراف مباشرة من الجامعة التابع له مثلا التعليم المفتوح جامعة القاهرة يخضع لاشراف جامعة القاهرة |
مصاريف التعليم المفتوح فى جامعة عين شمس جميع الكليات ما عدا كليات معينة هاذكرها
فتح الملف أول مرة : 50 جنية ثمن المادة شاملة ثمن الكتاب : 120 جنية بالكتب رسوم الامتحان لكل مقرر : 20 جنية الحد الادنى والاقصى للمقررات :: يحددها الطالب حد أدنى ثلاثة (3) مقررات و بحد أقصى (6) مقررات للطالب بالفصل الدراسي الواحد، باستثناء الفصل الدراسي الصيفي إن وجد فلا يتجاوز الحد الأقصى ثلاثة (3) مقررات وطبعا ينبغى دراسة المقررات المحددة للتخرج فى الاربع سنوات تختلف اداب اعلام فى مصاريفها فقط فى ثمن المادة : 170 جنية بالكتب |
كيف التقدام لها
عن طريق التنسيق ولا اذهب للكلية واقدام لهم الملف انا جايب 54 |
طيب هى الايام بتاعتها هتكون يوم الجمعه بس وله هيكون فى ايام تانيه
|
وزير التعليم العالى قام بتطوير التعليم المفتوح وجعله مثل الانتظام وهيكون يومين فى الاسبوع بدلا من يوم واحد وتم تخفيض سعر الماده فى التعليم المفتوح 35% وجعل لطلاب التعليم المفتوح حقهم فى ممارسة الانشطه داخل الكليات وبذلك تساوى طالب التعليم المفتوح مع طالب الانتظام. وكل ذلك كان محروم منه طلاب التعليم المفتوح فى ظل وجود النظام السابق الفاسد
|
انتوا بتتكلموا ف ايه ياجدعان التعليم المفتوح ماشى بنظام الساعات المعتمدة حسب مانا شوفت فى التنسيق كان نازل فى المرحلة التانية بمجرد انك تضغط على الكلية بيقولك مصاريفها وكل حاجة كحان تقريبا حسب مانا فاكر كان تجارة القاهرة تعليم مفتوح السنة على بعضها 4000 وكسر تقريبا او كله كان فى الحدود دى مش 1000 و 2000 زى ماانتوا بتقولوا :o حبيت انبهكوا بس عشان محدش يبقى عايش فى الوهم وخلاص :) وانا عن نفسى لسة زيكوا بالظبط والله ربنا يسهل بقى |
اقتباس:
لالالالالالالالالالالالالالالالا كلية التجاره السنه كلها بتعمل حوالى 2500 مش 4000 وانا اعرف ناس فى الكليه وهما بيدفعوا كده ونظام المحاضرات كل يوم فيها محاضرات مش يوم او يومين بس |
اقتباس:
اريد اجابة |
اقتباس:
|
طيب انا جالى تعليم مفتوح عايز اعرف لما بقدم بدفع المصاريف ولا ايه نظام ..............؟؟
ولا ايه خطوات ارجوا السرعه لان جواب الترشيح جالى هناك |
اقتباس:
|
السلام عليكم ورحمة الله وبركاته : اتمنى ان يكون ردي مش متاخر ! لان على حسب ما عرفت انه ممكن تقدم في اي وقت الترم الاول او الترم التاني يعني لو حد مثلا عنده ظروف حاليا يقدر يقدم في الترم التاني ان شاء الله .............................. وبالنسبة للمصروفات فهي بتختلف من كليه لكليه ! المادة عامة تقريبا من 130 الى 150 جنية ! يعني هتاخد 5 مواد مثلا في الترم يعني 150 في 5 وهكذا ! هما 40 مقرر في الاربع سنين انته تقسمهم براحتك لكن اقل حاجة تقريبا 5 مواد في الترم وسالت ناس كتير في ناس مثلا في المنصورة بتروح يومين وناس تانيه يوم وساعات بقرا كل يوم هتسال في الكليه اما تيجي تقدم وهتعرف ان شاء الله ,, والامتحانات بقى بتكون في لجان زي اي لجنة لكن المشكلة بيكون معاك ناس كبيرة ! .... وقريت قريب انهم خلوا في دبلوم كلية حاسبات ومعلومات ودبلوم اثار ! وطبعا في اعلام , لكن الاعلام بيكون في مقابلة شخصية والاداب قسم اعلام كمان في مقابلة شخصية وفي اداب اسباني وفرنساوي وفارسي وانجليزي , وربنا يوفق ان شاء الله , السلام عليكم ورحمة الله وبركاته |
| جميع الأوقات بتوقيت GMT +2. الساعة الآن 07:22 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.