8/8 يوم كرامة المعلم
 

علي كل معلم حر الذهاب الي مديرية التربية والتعليم من الساعه التاسعة صباحا ويقف وقفة احتجاجية يا ريت كل واحد يبلغ اكبر عدد عن يوم كرامة المعلم
أنتو شفتو لما معلمي قنا الرجاله وقفوا ايه اللي جري
اتحركوا يا معلمي مصر
دافعوا عن كرامتكم

وانا معاك وهعمل حمله لمديرية التربية والتعليم بالغربية

وانا هعمل حملة لمحافظة الاسماعيلية وهيكون يوم الخلاص للمعلم بمحافظة الاسماعيلية ولو وصل الامر الى العصيان المدنى

وانا رايح مديرية الاسماعيلية وعي عشرات من مدرسي فايد يعني موتة ولا اكتر

ارسال دعوة لجميع المدارس علشان الكل يشارك ونقف وقفة رجاله

على فكرة يا جماعة فيه ناس مستسلمة ومحبطة وعايزة تاخد على الجاهز علاوة على ان فيه ناس لاتعرف شيء عن النت فيجب التحرك بالحملة خلال المدارس والمقابلات الشخصية وان لم تقم لنا قومة الان فهيهات هيهات

[quote=احمس_جراند;3785999]على فكرة يا جماعة فيه ناس مستسلمة ومحبطة وعايزة تاخد على الجاهز علاوة على ان فيه ناس لاتعرف شيء عن النت فيجب التحرك بالحملة خلال المدارس والمقابلات الشخصية وان لم تقم لنا قومة الان فهيهات هيهات[/quote

اللي يفكر انه هياخد حاجه علي الجاهز مش هياخد حاجه خالص
انتهي الفليم دا لان القرار طلع خلاص ولو ما وقفناش وقفه رجاله صح
يبقي ماحدش يلوم الا نفسه
مش هتخسروا حاجه خالص يوم واحد بس المهم وقفه في جميع محافظات مصر

رجالة قنا المحترمين هم سبب مانحن فيه الان لان المعلم كان خارج الخطة نهائيا وبعد وقفة أهل قنا الرجاله اتغير الكلام وأخدنا 25% ولو استمرت الوقفة في قنا وعلي مستوي الجمهورية سنأخد كافة حقوقنا
أنتم البداية يا رجالة قنا استمروا يمكن يحس الباقي ويطلعوا يوم 8/8

يا جماعة الجهود المتفرقة لا تؤتى ثمار سرعة
علينا ان نعمل اعتصام امام الوزارة
وان اتفقتم أ انا شخصيا من المنيا ومستعد اسافر الى القاهرة واكون معاكم
بالتوفيق

طيب عايزين نحدد الزمان والكان اللى هنتجمع فيه وننشره على النت والمنشورات تمر على المدارس

لازم نقف وقفة رجاله وكفانا مزلة وهوان ارجوكم الى بيدخل على النت يبلغ الى ما بيدخلش لازم عددنا يبقى كبير لانهم استهتروا بينا قوى

الناس مش محبطه الناس مش عايزة تتحرك اصلا
احنا لازم نكون امام وزارة التربية والتعليم وليس المديريات لا حد يدخل ولا حد يخرج

وزارة التربية و التعليم ليه بتفرق بين المعلمين فى المرتبات حيث يوجد :
1- العلاوة الاجتماعية : حيث يزيد مرتب المتزوجون عن الغير متزوجون 2جنيه .
2- البدل النقدى : حيث يأخذ المعلمين المتزوجون بدل نقدى لهم و للاولادهم فيزيد المرتب زيادة كبير جدا عن زملائهم الغير متزوجين مع انهم يعملون نفس العمل مما يزيد من الاحقاد بينهم
(ليه كده ده حتى المتزوجة بتأخذ اجازات كتيييير ، مش فاضية تعمل وسائل تعليمية زى الغير متزوجة وغيرها من الاسباب ثم ما الغير متزوج عاوز يجهز نفسه علشان يتزوج ثم احنا ما زنبنا اننا ام نتزوج ) مش كلنا بنشتغل نفس الشغل ارجو تحقيق العدالة و اعطاء كل المعلمين اللذين على نفس الدرجة الوظيفية نفس الاجر لا فرق بين متزوج وغير متزوج .

يا عم الاثنين جنية دول ملهمش قيمة أصلا وبعدين إجازة الوضع هذه لصالح الطفل يعنى لما حضرتك تتزوج وتنجب إن لم تكن متزوجا الآن فإن الحكومة مراعاة لمولودك تعطى أمه إجازة وضع هذا شىء جميل ومصلحة ولا ينبغى أن نرفضه امال انت عاوز المولود يتبهدل ويحرم من أمه فى هذه الفترة طبعا هذا لا يرضى أحدا
خلينا فى العاملين فى الوزارة الذين يأخذون مكافآت تزيد عن مرتبك عشر سنين كل شهر .

حراممممممممممممممممممممممم اللى بيحصل دا عمرنا ما تكلمنا عمرنا ماعترضنا عمرنا ماكنا بنقول لا المعلمين دائما متعودين حتى فى النظام السابق على كلمة نعم مرة يطلع لنا صوت ونقول لا لالالالالالالالالالالالالالا دى أسهل من كلمة نعم دى حرفين ودى 3حروف مش حنخسر حاجة نروح 1000 واحد نروح نقف ونقول لا بلاش دى تقيلة نروح نتفرج على بعض

كام مرة حددنا مبعاد وفشل اللهم وحد كلمة المعلمين ولو مرة واحدة لان اللى بيحصل دا اهانة للمعلم يعنى المعلم كلما زادت خبرته قل حافزه وبرضه المعلمين سا كتين

والله انا متفائل جدا بأهل الصعيد

وخصوصا
معلمي قنا وسوهاج

يارب نطلع رجاله ولو مره واحده ونقف امام الوزاره نفسها وليس المديرات