|
ب 12 ونص
السلام عليكم ورحمة الله وبركاتة كل سنة وانتوا طيبين ورمضان كريم نخش في الموضوع علي طول انا كنت امبارح رايحه اشتيري هدوم العيد ( ما العيد قرب زي منتوا عارفين:p) كنت ماشيه مع امي في الشارع و بنتفرج علي اللبس فجاه لقينا واحد بيزعق بصوت عالي و قدامه فرش عليه تشرتات شباب و بيقول ب12 ونص كله ب12 نص كبعا حتقولوا فيها ايه يعني يا ناصحه فيها ان الراجل كان بيزعق بطريقة هستريه جدا و ماسك الاكياس بتاعت الهدوم و يقطعها و يرميها علي الي رايح و الي جاي ( بجد واللهي مش بهزر ) لدرجة ان في ناس خدة الهدوم وجريت:p طبعا رحنا نشوف الراجل ده بيبيع ايه بالظبط لقيناه بيبيع تشرتات ب 12 ونص ويقول هي خسرانة خسرانة لو مش حنبيع يبقا نبيع بخساره طبعا بزعيق لدرجة ان الناس اتلموا عشان بس يعرفوا الراجل ده بيبيع ايه بالظبط و لاحظة كمان ان في خمس ست شباب كده واقفين حوليه انا في الاول افتكرتهم بيشتروا لكن دول طلعو معاه و اقفين يلموا الفلوس بصراحة كان موقف غير حضاري بالمره انتوا ايه رايكو في الي حصل ده و هو كان بيعمل كده ليه |
بعد ما شوقتينا للنهاية تقوليلنا ايه اللى حصل :d هو شكله كدا اتنصب عليه في بضاعة ولا حاجة او يظهر التوقيت مأسعفهوش وكان مضطر انه يبيع بخسارة عشان يلم اي حاجة لما ستة واقفين بيبيعوا بـ 12.5 للتي شيرت امال حياخدوا هما كام من الليلة دي لما تتقسم عليهم ^^ بس انا اللى مستغربله حاجة مادام بيبيع بخسارة اشمعنى اختار 12.5 دي :d |
اقتباس:
ما يتهيقليش لان ماما خدة واحد لاخويا و كان نوعيه رديئة جدا ده غير ان كان في فرش تاني جمبه بتاع استيكارات و لعب اطفال فروحنا نشتري منه فماما راحت سالة الراجل الي علي الفرش بكام ده راح باصص للراجل بتا ب12 ونص ده وقالوا ونبي يا .......بكام ده يعني الفرش الي جمبه بتاعوا برضه يعني يتهياقلي انو كان بيلفت النظر بس مش اكتر بصراحه انا تفجعت لما لقيت اول رد ليك قولت حدخل الاقي الموضوع محذوف :pولا حاجه لكن جت سليمه :p و شكرا علي مرورك العطر |
لا حول و لا قوة الا بالله
الناس اتجنت ممكن تنزلى تانى و تشوفى ايه الى حصل و تقولى لنا عشان انا فضوليه جدا بس بتوقع انه اتنصب عليه بس اشمعنى 12 و نص ليه مش 12 او 13 يلا ربنا يهديهم |
عادي يابنتي هو حب يعمل خير :d شاف الناس متبهدلة والحال على قده :d بس غريب 12 ونص دي واشمعنى النص يعني دقيق اوي الراجل دا :d موقف غريب بصراحة والله اعلم ايه وراه بس المهم الناس اشترت :d |
اقتباس:
انزل تاني ده ايه انا اتهرسة في وسط الجماهير الغفيره و انتي تيجي تقوليي انزلي تاني ده انا ما صدقة اروح حروح هناك تاني برجليه انا اعتقد انوا كان بيلفت النظر مش اكتر و شكرا علي مرورك العطر نورتي الموضوع يا صوفيا |
اقتباس:
ممكن بردوا :p يتهيقلي عشان تمشي معاه وهو بينادي يمكن حاول يقول ب 2 ونص لكن لقا كده حيتخرب بيته فخلها ب 12 ونص |
...................................
|
هوه حضرتك دول البائعين ;)
ومفيش بائع بيخسر غير لما يكون ظرف دقيق يعنى واعتقد ان البائع مش خسران ولا حاجة لانه داخل على موسم ;) هيبيع ليه بالخسارة وحضرتك ابقى هاتى الملابس دليفرى احسن :p شكرا ع الموضوع |
اقتباس:
وللهي فعلا الدلفري احسن بكتير المشكله اني فعلا في الاول كنت مصدقة انه خسران لكن روحنا مره نزور عمي فبحكيلو علي الموضوع و كان هما كمان راحو يشتروا هدوم العيد بعدينا بشوية لقيتوا بيقولي اه الراجل بتاع ب12ونص المجون ده يعني بيعملها كل يوم عادي |
لا حول ولا قوة الا بالله
حتى لو كان خسران مفيش مبرر ان هو يعمل كده وفى الاخر الناس هى اللى كسبانة:d اختى ارجوا تعديل اقتباس:
تقبلى مرورى |
اقتباس:
فعلا لا حول ولا قوة الا بالله و هو مش خسران ولا حاجه هو واخدها و سيلة للفت النظر بس مش اكتر و شكرا علي النصبحة الغالية اختي الغالية و بارك الله فيك |
اقتباس:
لاء هي الظاهر حبكة علي النص جنية و شكرا علي مرورك الكريم |
.....................
|
هوه فى بياع يبيع بخساره!!!!!!!!!
ده البايعيين دول يودوكى البحر ويرجعوكى عطشانه!!!!!!!!! هوه بس بيلفت النظر مش اكتر تقبلى مرورى |
اقتباس:
فعلا و الهي هو في بياع بيبيع بخسارة ! شكرا علي مرورك العطر |
الله أعلم يمكن يكون إستعجال على الرزق
|
السلام عليكم الاخت مريم انا اعيش فى بلد تجارى القنطرة غرب ال انتى قولتى عليه ده عادى عندنا خالص مش فى رمضان والعيد لاء فى كل الايام ال بيزيد فى رمضان قفل الشوارع كل واحد بيجيب خيمة وبيعمل مكان فى الشارع وواحد وراى واحد الشارع بتاع السوق يكون يادوب للماشين على رجليهم انا معاكى انه مش موقف حضارى البلد لسه عاوزة كتير ربنا يسترها |
اقتباس:
ما انا مقتنعه من الاول انه مش خسران ولا حاجة لكن بيلفت النظر ليه مش اكتر و فعلا والله هو مظهر غير حضاري ابدا يارب البلد حالها يتصلح بقا شكرا علي مرورك العطر استاذي الكريم |
اقتباس:
انا بس حبيت اعلق على كلمة ((ولهى)) هي بتكتب ((والله)) وفى عضو قالك قبل كده بس انتى مخدتيش بالك اما بالنسبة تعليقي عالموضوع فكتير من الاعضاء قالوا اللى كنت هقوله بشكرك على موضوعك |
عندى فكرة بمناسبة العيد وهدوم العيد ، قمت أنا وبعض الزملاء المدرسين بقريتى بتجميع الملابس المستعملة على مستوى القرية وطبعا إنهالت علينا سيول من الملابس المستعملة وحتى ربنا أكرمنا بأحد التجار وجاب لينا ملابس جديدة بالتكت وهنعمل سوق خيرى للملابس يوم الجمعة القادم إن شاء الله بعد ما جمعنا حوالى 2000 قطعة ملابس بحالة ممتازة وفيها كمان ماركات عالمية وهنبيع الملابس دى بأسعار رمزية بين جنية ،5 ،10،15،20 ، جنيه .
أنا عارف إنى خرجت بره الموضوع واعتذارى لصاحبة الموضوع ولكن حبيت أعرض فكرة بسيطة بالنسبة لموضوع الملابس لم تأخذ وقت كبير للإعداد لها ولا التجهيز وتوفر ملابس جميلة للمحتاجين كما أنها تعود بدخل كبير وخصوصا لان هذه الملابس عبارة عن تبرع . |
هي الانسه من تركيا ؟؟ هههههه
|
اقتباس:
لاء اصلي كنت عايشة برده مصر من وانا عندي 3 سنين :006et4: و لسه راجعة مصر من كام شهر كده و دي اول مره اشوف فيها مصر بجد مش في التلفزيون :p فامصدومة شوية من الي بشوفه :o شكرا علي مرورك العطر :blush: |
ههههههههههههههههههههههههههههههههه حلو الموقف ده اوى يا مريومه بس ديه همجيه اكيد وهو اتعود ع الهمجيه ف حياته فعادى بالنسباله لو قدام مليون انسان
|
لربما فيه اختلاف في النوعية
وكاين اللي يزيدو هادوك نوكل عليهم ربي مي قوليله في وجهه رجدت عند اخر اقضل منه و بسعر اقل ؟؟؟؟؟؟؟؟هدا حقي |
| جميع الأوقات بتوقيت GMT +2. الساعة الآن 07:25 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.