تنظيم صفوف المتعاقدين لبداية معركة التثبيت
 

السلام عليكم ورحمة الله وبركاته

يارب تكونوا بصحة وسلامة واتمني اني كلنا نقف ايد واحدة عشان نقدر ناخد حققونا كاملة التثبيت حقنا ومش هنتذلل لاي حد عشان ناخد حقنا هنتذلل لله عزو وجل فقط الساكت عن حق شيطان اخرس لازم كلنا نطالب بكل حقوقنا ونقول لكل الناس والله ياجماعة في ناس مغيبه ومعتقده اني هم اتثبتوا لازم ننظم الصفوف ونرتب الامور عشان نقدر نحقق كل اهدافنا كل واحد فينا يدخل يقول فكرة او مجموعة من الافكار ونحاول نطبقها كلنا مع بعض انا عندي مجموعة افكار لتنظيم الصفوف ياريت تعجبكم وتقولوا ليا رائيكم فيها كلنا هنشتغل مع بعض ومش هنلتفتت لاي حد في المتتدي بيقول اصبروا التثبيت جي ومش جي نبدأ الشغل ونتوكل علي الله وماضاع حق ورائه مطالب معركة التثبيت هتكون طويله لازم محدش ييئس ابداً لازم يكون عندناارادة قوية والعيار الي ميصيش اكيد هيدوش وهيدوش جامد كمان
افكاري هي كالتالي:
اولاً : - تقسيم المتعاقدين الي عدةمجموعات عمل متكاملة سواء في المنتدي او غيره بحيث تحتوي كل مجموعة علي الاقسام التاليه وهي:-
1- المجموعة الاعلامية( تكون متخصصه باخبار وسائل الاعلام الالكترونية والقنوات بمشكلة التثبيت في الازهر
2- مجموعة النشطاء( متخصصه في طباعة كل بيان يصدر عن المتعاقدين وتوزيعه علي كل المعاهد
3- مجموعةالمصممين ( تصميم شعارات وبيانات المتعاقدين خاص بمشكلة المتعاقدين
4-مجموعة البحث الالكتروني( تجميع جميع اميلات الصحفيين المشهورين وبرامج التوك شو وجميع القنوات الفضائية
5- مجموعة اللغويين( مهمتهم صياغة بيانات المتعاقدين وكتابتها بطريقه سليمة وجذابة
6-مجموعة المنتديات وصفحات الفيس بوك( مهمتها نشر جميع البيانات في كل المنتديات التعليمية وصفحات الفيس بوك الخاصه بمجلس الوزاء وعصام شرف والكمبيوتر التعلمي وغيرها)
7- مجموعة القضية( مهمتها ارسال قضيتنا الي المحاميين واستشارتهم في الموقف القانونين من رفع قضية ضد الازهر وطلب تعويضات مادية وادبية نتيجةالضرر المادي والنفسي
8- مجموعة الاعتصام والتظاهر ( مسئوله عن تنظيم الاعتصام وترتيب جميع الامور الخاصه به من مواعيد وتنظيم وغيرها)
ثانيأً:- كل مجموعة هيكون ليها رئيس ونائب رئيس ومجموعة من الاعضاء

انا عندي افكار تانيه كثير بس يارب الافكار دي تعجبكم وبعدين نتفق علي كل حاجه
ياتري يا متعاقد هتفضل سلبي لحد امتي هتقبل بالذل والهوان لحد امتي هتقبل يفضل يتقالك متعاقد لحد امتي لو جددت العقد هتجدده تاني وثالث ورابع يكفينا كذب وسائل اعلام الازهر علينا( صوت الازهر- موقع الازهر التعليمي) لو فضلت سلبي بتظلم نفسك وبتظلم عيالك تقبل يتقال عليك معلم درجة ثالثه اصله شغال في الازهر

وهنطرهك يا ازهر من كل الفاسدين

عجبنى فيك التنظبم

بس فين ال هينفذوا الكلام الرااااااائع دة

ربنا يكرمك شكراً علي مدحك للافكار
الي هينفذوا الكلام ده اخي العزيز اعضاء المنتدي المتعاقدين ان شاء الله ولا دي كمان صعبه والله تبقي مصيبه لو كل متعاقد مش هيقدر يوفر من وقته ساعة واحدة يشتغل فيها من اجل التثبيت قولنا قبل كده المظاهراات الناس بتخاف وسلبيه وبتحسب اننا لسه في عهد الظلم والاستبداد واني عقودهم هتتلغي خلاص ده ب اصبح من الاحلام الشعب المصري مبقاش يخاف طيب شغل علي النت مين هيعرفك معلشي ده يبقي تقصير واستهتار مننا ونستاهل لقب متعاقد الي الابد انا هبدأ بنفسي وباذن الله تعالي من الغد هبدأ بتجميع جميع اميلات الصحفيين المشهوريين وبرامج التوك شو والقنوات الاخبارية وصفحات الفيس بوك وهنشرها هنا في موضوع علي الاقل الواحد يبقي عمل اقل واجب عليه ومكنتش سلبي

انا من كفرالشيخ ومعاك

الناس كلها معك ان شاء الله فعلا لازم وقفه قبل ميعاد التجديد خلال شهر 8

وماذا بعد معاك

ماذا انتم فاعلون مجددون مجددون علي وزن منافقون منافقون( ايام مجلس الشعب)

الله الموفق ان شاء الله

عجبتني اخر جملة
هنطهرك يا ازهر من الفاسدين
وانا معاك ومستعد اعمل جميع شعارات وتصاميم المعركة كما سميتها

ربنا يوفق الجميع

معاكفي كل أفكارك الجيدة ،،،،،،،،،،،،، ويارب يوفقنا جميعا ً

وانا معاك واعمل فى مجال الاعلام وعلى علاقه كويسه جدا بمراسلين لقنوات فضائيه وصحفيين

elshaer.2000***********
 

انا معك فى كل ما ذكرتة علينا ان نقف يد واحدة فى وجة هؤلاء الظلمة

وانا ايضا معكم باى طريقة انتم عايزينها انا تقريبا معايا معظم منشورات الجهاز المركزى للتنظيم والادارة الخاص بالتثبيت

فوضت امرى الى الله
وحسبى الله ونعم الوكيل

ربنا يوفق الجميع
بس يارت تقولولنا هنعمل واحنا معاكم

حان وقت العمل من اجل استرداد حقوقنا

مااخذ بالقوة لابد ان يسترد اكيد بكل قسوة قوة

نبدأ الشغل كل واحد يدخل يقول دوره هيعمل ايه وهيقدر يتشغل في اي مجموعة من المجموعات دي انا عن نفسي ان شاء الله هجمع كل اميلات برامج التوك شو والصحفيين المشهورين وهكتبهم هنا وكل واحد فينا يبعت رسائل علي الاميلات الي هجمعهاغير كمان هنبعت رسايل علي كل الصفحات المتعلقه بالازهر علي الفيس بوك رسائل ال دكتور عصام شرف رسائل الي موقع الازهر التعلمي الي صفحة الكمبيوتر التعليمي الي موقع او اي موقع او منتدي كلنا لازم نعمل كده عشان يحسوا اننا هنقلب الدنيا واننا مش سلبيين ويستحيل نسيب حققونا بداية من التثبيت

أيها السادة المعلمون والإداريون
كفانا ذلا ومهانة
أدعوكم جميعا لوقفة احتجاجية يوم الجمعة القادمة بميدان التحرير
فإذا كان الميدان قد خلا من الاجتجاجات السياسية فلا بد من لفت الانتباه لأهمية المعلم فى هذا العصر
فليس من المعقول أن يكون الرئيس المخلوع قد أكرم المعلم بالكادر وتهينه حكومة شرف وتدرج المكافأة ضمن الحافز ويكون الترقى فى المهنة سببا لانخفاض الحافز
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــ
الوقفة تبدأعقب صلاة الجمعة
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــ
المطالب :
1/منح جميع العاملين بالتربية والتعليم والأزهر حافز إثابة 200 % مثل باقى الجهات والهيئات
2/ عدم المساس بالمكافأة أو الكادر أو الجهود التى تم منحها لهم (وعدم إدراجها ضمن الحافز )
3/ إلغاء جميع اختبارات الكادر ومنح أى معلم سواء حاليا أو فيما بعد الكادر بمرحلتية دون قيد أوشرط
4/ تعيين جميع المتعاقدين فورا .. وأن يكون العمل بالتعليم بعد ذلك عن طريق التعيين وليس التعاقد
5/المطالبة بإقالة حكومة الدكتور شرف الذى أهان المعلم وفضل عليه عمال الهيئات الأخرى
6/ لا مغادرة للميدان حتى تنفذ جميع المطالب
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــ
شارك برأيك وانشرها على الفيس بوك وفى جميع المنتديات التى تعرفها
رابط صفحة جمعة المعلمين والإداريين
http://www.facebook.com/pages/%D8%AC...648097?sk=wall

معاكم طبعا في كل اللي بتقولوه
يلا نبتدي من النهارده قبل بكره
اننا ننشر خبر الاعتصام والاضراب عن التدريس من الان
علشان كل المدرسين يعرفوا
سواء اللي عندهم نت او لا
لازم الكل يعرف

ياريت كل واحد له دور يكتبه لنبدأ التنسيق
وانا اولكم
دوري : مصمم شعارات وتواقيع وبيانات عن المتعاقدين واي شئ باذن الله
طبعا بالاضافة لاني ساجمع كل من اعرفه من المتعاقدين ولا يدخل على الانترنت / وده دور استثنائي الكل المفروض يعمله

هذه بعض التصاميم ..قد تساعد في بدء التنظيم للصفوف..زجار اعداد المزيد
http://store3.up-00.com/Jun11/bpC11549.jpg


http://store3.up-00.com/Jun11/Oly11549.jpg



http://store3.up-00.com/Jun11/8oz12119.jpg

الصور مرفقة

التجديد وصل للجميع الناس مستنيه ايه

معاد تجديد العقود ده هو الفرصة الاخيرة لكسالي الازهر الذين يظنون ان التثبيت سشياتي بدون مجهود
لماذا لا نطالب بعقد اختبار كادر كما فعلت التربية والتعليم اللي ثبتت الدفعة التانية
انا اتسال اين 13 الف متعاقد دخولوا اختبار كادر ونجحوا ليه محصلهمش تثبيت وهما راحو فين اعتقد انهم في اجازة
وعجبيييييييييييييييييييييييييييييييييييييييييييييي يييييييييييييييييييييييييييييييييييييي

الله عليك يافنان هو ده الشغل المفروض كل واحد مننا ياخد الصور دي ويعملي ليها شير وينشرها علي صفحته الشخصية علي الفيس والي يقدر يطبعها يطبعها

الاتحاد يا شباب

بسم الله الرحمن الرحيم
ذي ما وعدتكم وفيت والبداية مع
الموقع الرسمي للصحفي وائل الابراشي ياريت معلم عربي متمكن يكتب شكوي هنا وكلنا نسجل في منتدي وائل الابراشي ونعمل مووضع جديد ونكتب الشكوي دي المعروف عن الصحفي وائل الابراشي محاربته للفساد ووقوفه مع الحق واكيد لو عرف مشكلتنا احتمال كبير يهتم بيها لانه شخصية محترمة ورافضه للظلم
http://waelelebrashy.com/forum/f19-3647.html

هنطهرك يا ازهر ونظهر للعالم كله الفساد الموجود فيك ومش هنسيب حقوقنا ابداً وهنفضل نحارب من اجل معركة التثبيت

الحل بسيط جداً محدش يجدد التعاقد وهنرفع قضية ياريت اي حد يعرف محامي يسئله عن القضية ونكتب كلي الاراء هنا انا عن نفسي عرفت اني القضية هتكون ناجحه مليون في الميه وتجديد التعاقد غير قانوني وباطل
علي وعلي وعلي الصوت الي يجدد يبقي جبان
تجديد العقد باطل