نصيحة 2012
 

السلام عليكم ورحمة الله
حبيت أنصح الطلاب الجدد بالنسبة لمادة المستوى الرفيع فى الأحياء. من نتائج طلاب العام الماضى 2010-2011 طبعا أكثر مستوى رفيع حصل طلابه على أعلى الدرجات هو مستوى العربى مع أنهم بذلوا مجهود قليل بالنسبة لباقى فروع المستوى الرفيع للعلمى. مع العلم بأن هناك عدد معقول حصل على الدرجة النهائية فى مستوى الأحياء ولكنهم بذلوا مجهود كبير جدا بالمقارنة بمستوى العربى ثم مستوى e . لذلك حبيت أوضح لكم ذلك عشان تقرروا صح فى ضوء من سبقوكم. وكل عام والجميع بخير.

السلام عليكم
اذيك يادكتور والله عند حضرتك حق انا اى حد بيسالنى بقوله عربى ده انا اتبهدلت فيه وكنت بروح درس فى قريه اسمها النسيميه تسمع عنها يادكتور؟ بس والله لولا حضرتك يمكن التسعه كانت بقت واحد او نص الله اعلم بقه بس بصراحه العربى مريح جدا وعن تجربه

أكيد طبعا أسمع عنها وعموما مبروك عليك التسع درجات. وعموما أنا قلت وجهة نظرى والاختيار متروك لصاحب الشأن.

عارفه ان حضرتك تسمع عنها طبعا
ساره احمد

بس بجد انا بايد رايك ف موضوع المستوى بعيدا عن الهزار الى فات سورى يادكتور فاضيين بقه

مبروك يا سارة على حصولك على الدرجة النهائية فى الأحياء وكنتى تستحقى أيضا الدرجة النهائية فى المستوى الرفيع ولكن قدر الله وماشاء فعل.

السلام عليكم
بعد إذنكم اريد من الساده المعلمين الكرام وطلبه علمى علوم ان يساعدونى
انا عاوز اعرف افضل كتاب احياء 3 ثانوى
وطريقه مذاكرتها
وطريقه المذاكره عموما حتى اجيب فى كل ماده النهائية
واشكركم

الله يبارك فيك يادكتور وطبعا ده حصيله تعبك بعد توفيق ربنا طبعا وربنا يستر ونكمل على خير اما المستوى فالحمد لله اوووووووووى على التسعه ده انا كنت فاقده الامل فيه اى حد بيسالنى بقوله ابعد عن احياء ههههههههههه
هى كانت غلطه منى بس الحمد لله ماضاعش فيها كتير ياله بقى ودعنا الاحياء بس قلنا نزور القسم بتاعها شويه ههههههههههههه القط مابيحبش الى خناقه ( ثقافه شعبيه)

وانا وانا وانا
قاعدين تكلموا نم غيري ؟
انا جبت ف المستوي 9.5
بس نصيحه يا جماعه الاحياء بهددددددددددددددددددددددددددددددددددددله

الا بهدلة ده انا اتمرمط فيها بس الحمد لله انا ماخدتش مستوى احياء انا كنت واخدة انجليزى وجبت 9.5 بس نصيحة برده ابعدو عنه
خليكو فى العربى

هههههههههههههههههه الموضوع اتملى دكاتره اخرج انا بقه منوره يابسنت انتى والجديده طبعا انا اول كشف عندكوا وفور فرى ان شاء الله تشرفونا فى كليه الطب
ولونى شكه فى الموضوع ده ههههههههههههه(بهزر بلاش زعل)

زى ما أكون فى حصة أحياء والثلاثى موجود. عموما بالتوفيق لكم جميعا. ونسمع عنكم أخبار كويسة باستمرار.

السلام عليكم انا كنت احياء الحمدلله وكنت فى سنة تانية والحمدلله كنت بحب الاسئلة على المنتدى هنا كانت جميلة والله وحتوحشونى

أنا حولت من أحياء لإنجليش ، أحول لعربي و لا ايه ؟؟

شكررررررررررررررررررررررررررا

أنا دخلت أحياء بس بحبها .. مش عارفة أحول عربي ولا إيه
أنا عموما معتبراها مادة سادسة مش بعتبرها مادة مستوى تتزاكر في آخر يومين قبل الأمتحانات بس
مش عارفة اعمل ايه انا في نص الطريق خلاص !!!!!

كان يبقا احسن لو كنت ذاكرت من الاول علشان دة تحديد مصير
[

هل كمية منهج الاحياء زى منهج العربى ولا مين الاقل؟

الأحياء أكبر وأكثر معلومات بكتير.

انا دلوقت متردد اخد احياء ولا اخد عربى
ياريت تساعدونى وتعرفونى كمية الاحياء وهل هى من عندنا فى المنهج الاساسى ولا ايه؟؟

مشكووور مقدما

جزاك الله خير

والله زمان سنة 2001 كنت علمي رياضيات وأخدت مستوى رفيع جغرافيا وكان أسهل مستوى وقتها
يبدو الآن أن النظام تغير وأصبح طالب العلمي يختار مستوى من المواد التي يدرسها فقط

أتمنى لكم التوفيق ، وإن شاء الله تجدون العربي اسهل مستوى من بقية المواد.

الف شكر على المجهود الرائع