تجمع طلاب علوم المنصورة
 

امل وربنا يستر فى الكليه

الهام وعلى رأى امل ربنا يستر ياريت نكتب الاقسام اللى هانختارها بالمره
انا ان شاء الله احصاء وعلوم حاسب

شيماء والحمد لله كنت عاوزة علوم

انا محمود من السنبلاوين خريج علوم المنصوره
نصيحة محدش يدخلها
ملهاش مستقبل وصعبة جدا جدا جدا

أنا محمود من السنبلاوين
اللي عاوز يعرف حاجة عن كلية العلوم يتصل بيا
0116151807
mahmoudfadl555 *yahoo .com

يا عم محمود انت بتعقدنا من الاول ليه

ياجماعه بليز قولو ناويين على اقسام ايه
وربنا يوفقنا كلنا ان شاء الله وكل الناس بتقول كلية علوم من احسن الكليات وخلاص احنا هانعمل اللى علينا والمستقبل ده بايد ربنا محدش يعرف ايه اللى مكتوب ليه

انا احمد علوم النصورة والحمد لله داخلها عن عشق ووله كبير جدا

ايمان

علوم المنصورة
وربنا يستر فعلا

طه ان شاء الله معاكم ومحدش فاهم حاجه

مع انى مش فاهم حاجه فى الاقسام بس ان شاء الله جيوفزياء ده الى انا ناوى عليه لو ينفع (علمى رياضه )

ايون جيوفيزياء ينفع لعلمى رياضه
وفيه فيزيا حيوى
واحصاء وعلوم حاسب
ورياضه
دول بس الاقسام المتاحه لعلمى رياضه فى علوم
وربنا يوفقنا ان شاء الله

مين رايحة مدينة جامعية

ثانكس الهام على المعلومه

يا جماعة انا روحت جامعة المنصورة وكنت عايزة اقدم بس ميعاد التقديم مش بالوقتي وكان فيه ورقت تعليمات للاوراق المطلوبة بس للاسف مش فاكرها اوي بتهيالي لازم تحضروا شهادة ميلاد كمبيوتر مستخرجة جديدة و12صورة وانا كان معايا اقل ولما سالت قالوا مفيش مشكلة و2 دوسيه وشهادة النجاح و البطاقة تقريبا ومبلغ معين انا هتاكد لما اتصل بالجامعة و جيب المعلومات الاكيدة
الاهم بقي الورقة التانية مكتوب فيها عن التخصصات بس مقرتهاش كويس وكمان انا فتحت موقع الجامعة مكتوب فيه بدء الكشف الطبي
ياريت اللي يعرف عن الموضوع ده حاجة يقولها

انا روحت الجامعة وسألت وزى ما الأخت قالت عايزين 12 صورة و شهادة ميلاد كمبيوتر وصورة بطاقة الترشيح و2 دوسية بلاستيك وبطاقة 2 جند للرجالة وصورة البطاقة الشخصية وبالنسبة للمصاريف فهى 190 جنية + 20 جنية كشف طبى + 5 جنية دمغات يبقى اجمالى المصاريف 215 جنية

يا ريت اى حد عندة اخبار عن كليتنا يتفضل يقولها

u are welcome tito

منة انتى هاتدخلى مدينه؟
انا جهزت الاوراق المطلوبة وسجلت على النت بس مترددة

بصي انا كمان زيك مترددةبس لما روحت الجامعة لقيت المشوار هياخد مني وقت طويل والموصلات بايظة جدا وزحمة مفيش بعدها فالاحسن اختار مدينة جامعية اريح وعلي العموم موجود اربعة منهم في شارع جيهان ودي اللي روحت اسال فيها قالتلي الموظفة ان التحويل علي النت وفيه مدينة الزهراء ودي في الحرم الجامعي وفيه مدينة الجمهوريةومدينة التنمية بس انا هحاول اروح الزهراء لانها اقرب
شوفي اللي يناسبك وادخليها وجربي زي ماانا هعمل وربنا يوفقنا
ممكن تقوليلي انت منين

انا عملت كل اللى انتى عملتيه ده ورحت جيهان علشان التقديم بيكون فيها وفعلا كنت هاختار الزهراء بس المشكلة ان صحابى كانوا هايجوا معايا وبعدين فجأة كلهم غيرو رأيهم علشان كده انا متردده علشان مش عايزة ابقى لوحدى
انا من المحلة وانتى منين؟

السلام عليكم انا ايه 91.6انا من المنصوره رايحه اولى باذن الله ايه معلومه عن التقديم جزاكم الله كل خير من فضلكم الرد سريعا

اهلا بيكى اية
التقديم لسة مش بدأ

ana isa da5la 3lom el Mansoura 2esm bio
ana gbt magmo3 sydla bs ana knt 7aba ad5ol 3lom 3shan akon zai doc. zwel
wrbna ywf2na kolna
ana esme HaGar
w kman 2dmt madena gam3ia

لا هو مش هايتقبل على النت الا لما تقدمى فى الكلية فيه ورقتين لازم تطبعيهم وتقدميهم للكليه فى الموقع اللى انتى قدمتى عليه

انا من المحله برده بس مش هروح مدينه جامعية هاشترك ف اتوبيس تبع الجامعه
المدينه الجامعية مشاكلها كتير :)
انا اسمى منار ......
علمى علوم و ناوية على ميكرو بيولوجى تطبيقى باذن الله :):)

السلام عليكم ورحمه الله وبركاته

معاكوا فى الكليه وبالتوفيق للجميع
وان شااء الله كيميا حيوى
ونتقابل هناك بقا ياابنات

وفى رعايه الله
والسلام عليكم ورحمه الله وبركاته

معلهش اني اتاخرت في الرد النت كان فاصل انا من فارسكور محافظة دمياط و انا كمان زيك مفيش حد من صحابي هيبقي معايا بس دي مش هتبقي مشكلة بعد كده ان شاء الاهم اننا نشوف النظام هناك ونحاول نتاقلم عليه وربنا يوفقنا وميحصلش مشاكل

وانا كمان لوحدى هناك و مفيش حد من اصحابى معايا

ان شاء الله لما ندخل الكلية هانتعرف على صحاب جداد ومش هايكون فيه اى مشكلة