|
التعليم بايظ
http://profile.ak.fbcdn.net/hprofile..._3361629_n.jpg بصراحه باين من الموضوع ان التعليم بايظ على أخره خالص وبان من التنسيق اوى فى ناس اتضربت جامد مثلا يعنى اللى جايب 96.2 % دخل علوم واللى جايب 90.5% دخل نفس الكليه بردو واللى جايب 94.5% دخل اثار زى اللى جايب 88% يعنى بصراحه ناس تعبت جاااامد اوى وفى الاخر مفيش اى حاجه خالص واللى جايب 93.5% كمان ومدخلش هندسه ولا طال اى حاجه مع ان اللى كان جايب 92% دخل هندسه قبل كده بصراحه حاجات تشل غير كده المناهج اللى تشل اوى اوى وبالذات قصه العبقرى طه حسين والفول والبسبوسه والقرشين والارانب والكرنب والترعه والبنت اللى قالها انا بحبك وبعشقك وقلبى ياعينى عليه والمفروض سنه تالته ثانوى اشطه وتمام تذاكرها وتقراها وتمتحن فيها امتحان مستقبلهم دى تعليــــــــــــقات بعض الناس على جروب التعليم بايظ على الفيس http://www.albder.com/acdim/wp-conte...o-facebook.png ودى تعليقات انا شوفتها هنا زى دى مثلا كلوا يمسك اعصابه بس ازاى انا هتجن يا عالم ابقى جايب 82 % علمى و ملحقش كلية و الادبى اليجيب 65 % يخش اى كليه نخش على الفضيحة : اتفضلوا حضراتكوا بالدخول على الحد الادنى للكليات الشعبة العلمية 2011 مش حتلاقوا : حقوق اسكندرية - اداب المنيا معلش هما دول الانا شفتهم انا اصلن مش شايف حاجة و مخنوق من الدنيا كلها و من حياتى و نفسى اموت طبعا فى كليات تانية اكيد منزلتش مش عارف ايه السبب ممكن يكونوا نسوها ولا ايه انا مش عارررررف احنا فى بلد الكوسة و الجزر |
هههههههههههههههههههههههههههههههههههههههههه
لا اله الا الله |
هههههههههههههههههههه
والله انا اتفقعت مع انى عديت الثانويه بس بجد مفقوووووووع منها مووووووووووووت |
للاسف الشديد لو حد اتكلم على مضوع التعليم فى مصر هيتجاوب عليه وهو ايه اللى عدل فى البلد دى !! يعنى بمعنى اصح مبارك ظبط كل المؤسسات الحمد لله علشان احنا بعد ما تنحى او اتخلع بمعنى اصح لاقينا نفسنا غرقانين فى فساد صعب التقليل منه فمابالكم بالقضاء عليه .! مثلا التعليم كلنا عارفين ان فى غش فى الامتحانات وواحد غشاش ممكن يجيب اكتر من واحد محترم "ده مش دعوة للغش ولا حاجة لان كلنا عارفين ان الغشاش ماله حرااام وهيعيش طول عمره تعيس فى حين الشخص المحترم ده طول عمره هيعيش مرتاح حتى لو حياته ماديا صعبة " عارفين الاساتذة اللى قاعدين على ترابيزة بيعلموا بطريقة واللى قدامهم بيعلموا بطريقة تانية فين العدل يا بلد العدل ! وشايفين بعينينا المدرسين اللى بيسمحوا بالغش الجماعى ولا حرج ! وسامعين الطلبة اللى داخلين بسماعات الموب بتاعتهم انا مثلا حصل معايا موقفاتفضلوا اسمعوه " فى لجنة الجبر انا كنت سامعة البنت اللى ورايا شغاله تقول " اه امممم اه " وانا شكيت انها بتستخدم الموبايل بتاعتها المشكلة انى ما عرفتش اتكلم لانى كنت بالكامل بحااااااااول اركز فى مسألة فى الجبر وما عرفتش اتكلم لسبب تانى بردو وهو انى فى اللجنة اللى قبليها بلغت عن بنت بتغش وقولت للمراقبة عليها لاقيت المراقبة بتقولها فى ناس مش عارفه تحل وبتشاورعليا ! فى حين انى لابسه نقاب ولازم اتفتش( ولو ما اتفتشت انابطلب انى اتفتش لانى مش بعمل حاجة غلط ) تخيلوا اللى ورايا بتغش ولابسه 2 طرحة وماحدش شايف السماعة اللى لابساها بس الحمد لله ربنا مش بيضيع مجهود حد انا الحمد لله دخلت هندسة عين شمس وهى ما لحقتش لا هندسة ولاعلوم .ونزلت مرحلة تانية بالرغم انها متفوقة ! الخلاصة لو عايزين نصحح من التعليم لازم نكون كطلبة مهيئين لكدة نفسيا يعنى بمعنى اصح نبطل غش نحترم المراقب علشان هو يحترمنا وكمان نبلغ عن اى حاجة لو شفناها وما نخافش من حد انا اللى خلانى مااتكلمش تانىمرة لانى كنت بحاول اركز جداا فى المسالة والوقت كان ضيق . بجد شكرا جدا على الموضوع يا دوك.شامى |
بجد كلامك مظبوط يا بشمهندسه كلام صح جدا والله
بس التعليم هو سبب الفساد ده احنا لو اتعملنا صح واتعلمنا حاجات مفيده فى المدرسه وبالذات الابتدائى والاعدادى كنا هنكون تمام ونعرف وندى كل حاجه حقها واية مطلوب مننا وعلينا بجد كل الحاجات دى لو اتعملت حاجات كتير اوى هتتغير ومفيش بلد هتتقدم بجد غير بالتعليم الصح والاحترام احنا غيرنا نظام كاااااااااااامل اهوه لكن المشكله مش كلها نظام ( النظام ربع المشكله ) تلت تربع المشكله هو الشعب والناس ونغير نفسنا بنفسنا لكن بصراحه مفيش أمل اللى اتربى على حاجه هيفضل طول عمرها مش هقول النظام السابق هو اللى عمل كده ومش عارف اية لاء احنا اللى عملنا فى نفسنا كده والله اللى تلاقى عنده ضمير ويقدر يغير ويتغير ( واحد وسط ميه ) كل المشكله فى التعليم والله |
No comment
عندك حق ف كل كلمة والله مش عارفة ازاى التعليم عندنا يتغير كل مرة يجيبوا وزير شكل يعك الدنيا اكتر الواحد تعب والله |
اقتباس:
يا دكتور انا اقصد ان بكلامى احنا هنبنى البلد بعدين الاساتذة بتوع الجامعة ان شاء الله هيكونوا مننا دول هيحطوا المناهج بالتالى لازم يكونوا فاكريين ايه اللى كان بيحصلهم لما كانوا فى ثانوى وما يحصلش لهم زهايمر ! فعلا نفس التعليم يكون عامل زى الكورسات كدة فى تخصصات الواحد له ميول معينة عايز يوصلها يكمل فى طريقة وهيبقى ممتاز فيها انا ابن خالى المانى وعايش فى المانى خالى بيقولى الواحد فيهم بيبقى متخصص لمدة كبيرة فى التعليم ما قبل الجامعى مش احنا سنتين واقلب ! اقتباس:
عفوا ليا راى مختلف بعد اذن حضرتك الثورة ما غيرتش نظام الثورة ازالت نظام ممكن يكون له جذور زى الشجرة بالظبط ممكن تلاقى كام جذر ماسك فى الارض وجذور كتيرة طلعت . ريس النظام واعوانه اللى راح ده كان من الجذور الكتيرة اللى راحت لكن فى جذور لسه موجودة زى السلبية والغش والاخلاق السيئة وغياب الدين والوعى وغيره . يا دكتور صدقنى فى امل طالما فى ناس زى الطلبة اللى عايزه تظبط البلد امثال حضرتك اهو عرضت مشكلة وعايز تحلها دخلت طلبة كتير علشان يشوفوا المشكلة ويحلوها وهكذا يبقى فى امل اكيد . واهم حاجة حسن الظن فى ربنا هو مين كان يظن فى يوم من الايام ان مبارك يتنحى او انه يتحاكم! اقتباس:
الرسول صلى الله عليه وسلم كان واحد فقط بدون اى صاحب سوى ابو بكر الصديق . وكان الله سبحانه يؤيده بنصره . والناس كلها بتهاجمه . ممكن نقول ده الرسول واحنا مين ! ما احنا قولنا دول اجانب وعندهم حرية واحنا مين ! واخيرا الحمد لله استمتعنا ببعض الحرية . لو الواحد بص لتحت ,, ضهرة هيوجعه لكن لو بص لقدام ,, مش هيوجعه اتمنى ان الطلبة يقولوا حلول للمشكلة دى مش طرح للمشكلة وبس " ده طلب رجاااء تلبوه " جزاك الله كل خير يا دكتور شامى |
بصراحه يا بشمهندسه هاجر
مفيش كلام بعدك كلام بصراحه جميـــــــل اوى وفكرك عااااااااااااااالى جدا جدا ربنا يكرمك وهنفضل ان شاء الله كده ونستمر منزهقش ونقول مفيش امل زى ما قولتى بالظبط |
هو حضرتك لسه مكتشف النهاردة ان التعليم البايظ
طيب سيبك من المناهج ايه رايك في اسلوب المدرسين اللي كرهوا الواحد في التعليم و بوظوه و في الاخر يجوا يقلولك عاوزين يرفعوا مرتباتهم و اكيد هم عندهم حق بس ايه و سيلتهم بكده انهم يهددوا بعدم المراقبة او يرفضوا التصحيح يعني برضه بيضروا التلميذ انا شايف ان معظم المدرسين لا تهمهم مصلحة التلميذ علي الاطلاق و تنازلوا عن شرف هذه المهنة التي اصبح يعمل بها المتكالبون علي المال و انا لا اقصد جميع المدرسين لكن معظم من تعاملت معه كان علي هذه الشاكلة يعني مثلا تيجي تلاقي مدرس بادئلك دروس من اول شهر 8 يعني قبل الدراسة بشهر و نصف و يضيع علي الطلاب اجازتهم علشان شوية قرشين زيادة و الله اعلم بنيته و ربنا يسامحني لو كنت بظلم حد بس ده اكيد احد اسباب كره الاطفال للتعليم للأسف ضيعوا علينا جمال المدرسة و مكانتها و اصبحت نزهة للطلاب و مكان للعب لا للمذاكرة و كل حاجه يعد يقولك ثورة هههههه ثورة ايه بس و الشوارع مليانة زبالة و كا جمعة مليونية و كل شوية معارك و السرقة علي ودنه و الرشاوي شغالة و الغش عيني عينك و ارتفاع الاسعار و كل ذلك من المشاكل و لا نجد من يعطينا و لو بصيص من الامل |
اقتباس:
العفو يا باش مهندس البداية كانت من حضرتك وفعلا الدال على الخير كفاعله . وحضرتك زى ما بدأت موضوع زى ده وعملت الخطوة الجامدة دى حاول تدعى اصحابك للتوبيك ويدخلوا ويشاركوا فى الموضوع وفعلا اهم حاجةزى ما حضرتك اكدت مش هنزهق ومش هنمل من تنظيم البلد وكدة . طيب ممكن نضع بعض الحلول المقترحة بعد عرض المشكلة . يعنى مثلا هقول المشكلة : طلبة مش بيتعلموا صح وغيرهم فاهم ومش راضى يتكلم ويساعدهم وفاكر ان ده ذكاء او منافسة . الحل : اننا كطلبة نفهم الحديث ده " كان الله فى عون العبد ما دام العبدفى عون اخيه " انا اعرف واحدة عملت كدة وربنا كرمها فى الدرجات وكان الكل فى الدرس بيتلكموا عليها وعلى معاونتها للطالبات وكانت بتروح بدرى للدرس علشان تساعد غيرها وتشيل كتب وكشاكيل زيادة مطلوبة من الطلبة علشان تفهمهم . وطلبة تانين بيحسدوهاعلى ذكائها واسئلتها للدكتور بتاع الفيزياء وما كانتش بتخاف من حسد او كدة لانها كانت فى عون الله كما هو مذكور فى الحديث يا ترى دى طريقة كويس يا دكتور ولا ايه ؟؟ |
اقتباس:
معلش يا دكتورة ليا كام تعليق كدة لو تسمحى بداية موضوع الدروس مش مشكلته امتى بيبدأ هنقول على حاجةتفتكرى منهج الفيزياء اللى اخدناه السنة دى ينفع ناخد من منتصف شهر سبتمبر !!!!!!!!!!!! وبعدين الطالب اولا واخيرا هو اللى عنده الاختيار مش الدكتور ضيع عليه اجازته لا الطالب اختاره وعلى اساس كدة صضاعت اجزة الطالب باختيار منه ماهو ممكن يبدأ الاستاذ مع بداية الدراسة لكن ممكن تكون كل اسبوع3 حصص وما فيش اجازات فى الاعياد وكدة . ومن ناحية ان ده احد اسباب كرة التعليم فعندك حق . اقتباس:
مظبوط بسبب عدم نزاهة بعض المدرسين هقولك على مثال فى استاذ الرياضة هو مشهور جدااا ومحبوب من ناس كتير جدااا والحمد لله عايزه اقولك ان حصته ماكانش بيغيب عنها حد وكان فى طلبة بيجوا من فصول تانية تحضر معاه وكان يا ستى لو حد من الوزارة يعملتقييم او كدة يستغرب ويكتب من مميزات الاستاذ ده هو تركيز الطلبة فى الحصة وعدم الكلام واحترامهم للاستاذ وتفاعلهم معاه بالحل . اقتباس:
انت بدأتى وانا كمان وناس محترمة زيك عازين الشوارع تنضف يبقى هتبقى البلد انضف وم ناحية ثورة ثورة اى بلد لازم تعيش عضر من الفوضى بعد اى ثورة فلازم ما نتعجلش ولكن نبدأ بالخيرمن نفسنا مش نستناه من غيرنا . اقتباس:
ممكن حضرتك يادكتورة تعطيه لينا ولغيرك صح ؟ :) |
شكرا يا باش مهندسة علي تفاعلك و علي فكرة أنا ولد مش بنت
بس للاسف الطالب عندنا مسير و ليس مخير و انا كنت بعطي حكاية الدروس دي كمثال علي سبب كره الطلبة للتعليم يعني مثلا طالب 2 ثانوي خلص امتحانات اخر 7 و النتيجة طلعت علي نصف 7 و يجي يبدأ دروس اول 8 مش ده يعتبر ضغط كبير برضه ؟ ده في ناس تروح في شهر 7 علشان تحجز دروس و تلاقي المدرسين خلصوا هل يعقل هذا؟؟؟ يعني غصب عنه لازم يبدا أول 8 و انا لا انكر وجود مدرسين محترمين لكني الصراحة قلما اجد مدرس يهتم بالشرح في المدرسة و انما بتكلم عما رايته و انا عارف ان اي ثورة لازم تصاحبها هذه الفوضي بس انا رايي اننا مش لازم نرمي كل حاجه علي الثورة لاننا السبب في هذه الفوضي و ليست الثورة و علي كل واحد انه يبدأ بنفسه فقط |
اقتباس:
العفويا دكتور انا متأسفة جداااااا . اقتباس:
هنقول حاجة لطيفة جداا ان الطالب عنده عدة اختيارات وجميعها بالنسبة له صعبة بس هو بردو بيختار وممكن بردو يروح عند استاذ بيبدأ متأخر . مثلا انا كنت باخد حصة واحدة للكيمياء فى الاسبوع وبدأنا فى شهر 9 وكان الدكتور ملتزم فى مواعيده جدااا . اقتباس:
فعلا لا يعقل لكن بردو نقول انها سياسة التعليم لو كان فى تعليم كويس كان الطالب اللى مستواه ضعيف كان هو اللى اخد دروس ودى جزئية الدكتور شامى وكمان حاجة تانية احنا عندنا ايمان داخلى ان الواحد لو ما اخدش عند فلان الفلانى مش هيجيب مجموع يعنى لازم استاذ مشهور وكدة وده حاجة لازم اعترف بيها . اقتباس:
انا مع حضرتك فى النقطة دى لانهم قلة جداا الوزارة مش مهتمة بيهم من حيث المرتبات ولا بالطلبة وهنقول ما هى البلد مسروق انتوا جايين على المدرسين وعايزين نزود لهم المرتبات ! طيب ما احنا قولنا هنبقى احسن ومش هنقبل بالرشوة وهنبقى احسن وهنشتغل ده على سبيل اننا الجيل اللى طالع وان احنا اللى هنمسك البلد ان شاء الله . اقتباس:
تصحيح للمعلومة لما اتكلمت على موضوع الفوضى انا كنت اقصد عدم التعجل بالاصلاح واننا فجاة نلاقى الطلبة فى مصر زى الطلبة فى الامارات الحقيبة المدرسية بتاعتهم عبارة عن حاملة للسيديهات . !! :d انا اقصد يا دكتور ان الفوضى من حيث اننا ما نتعجلش ان فجاة المرتبات تزيد ان الشارع بتاع بيتنا يبقى مشجر ان المدسة تتملى اجهزة كمبيوتر وكدة . لكن الفوضى انى ارمى - اعزكم الله - ورق فى الشارع وكدة دى ما لهاش دعوة بالفوضى دى ليها دعوة بثقافة الانسان . ده اللى قولته نصل بدون تعديل اقتباس:
جزاك الله كل خير على تفاعلك فى الموضوع يادكتور |
لا عادي مفيش مشاكل
و فعلا اي مشكلة عندنا سببها الرئيسي يتلخص في كلمة واحدة - الثقافة - |
اقتباس:
مظبوط غياب الوعى الدينى طيب ياريت نتنقاش اول مشكلةهتكون ايه ؟ مثلا انا عندى عدة اقتراحات بعد اذنكم اعرضها 1- مشكلة الغش 2- مشكلة الطلبة من حيث الفهم وتصنيفهم لتسهيل عملية الفهم 3- مشكلة الاساتذة واختلافهم مع الطبة وتعنتهم معهم 4- مشكلة اتحاد الطبة فى المدارس " ده لو كان موجود اصلا 5- مشكلة وكلاء ومديرى المدارس وتجاهلهم الطلبة 6- مشكلة احترام الطلبة للاستاذ 7- مشكلة نظافة ا لفصول ومساعدة الطلبة فى حل المشكلةدى وممكن نقول جدول مثلا لانهى مشكلة وممكن بردو الطلبة يزودوا المشاكل المعروضة وكدة اعتذر عن التاخير على الرد |
اولا انا اقترح
نناقش مشكله المناهج |
انتو عارفين يا جماعه انا اتعلمت في السعوديه لحد سنه خامسه ووالله معرفتش يعني ايه غش الا لما نزلت مصر ولقيت الms بتغششنا في الفصل اما في السعوديه محدش يقدر يفكر انه يغش
|
اقتباس:
ههههههههههههههههه عسل والله ,, القصه دى كانت مصيبه يا اخى ,, بدل ما كنا ندرس تاريخه بشكل كويس و ملم بالأحداث المهمه بس حاطنلنا البسبوسه كانت بكام على ايامه :d التعليم عشان يتصلح فى مصر محتاج تغيير شامل ووقت طويل جدا ,, سيبك ,, المهم الواحد خلص ثانويه قول الحمدلله و فكر فى اللى جاى بقى . |
بغض النظر عن موضوع التعليم والمناهج انا ليا تعليق على موضوع التنسيق علشان الكلام كتر اوى عليه
انا فعلا مش عارف الناس الى معترضة ديه بتفكر ازاى التنسيق يجدعان بيبقى على حسب اعداد الطلبة الى متقدمة وسعة الكليات يعنى الشعب كله عايز يخش طب وطب سعتها 10 الاف واحد بس .. اكيييييييد هياخدوا اعلى 10 الاف سواء كانوا جايبين 99 او 95 او 75 وده طبعا على حسب مستوى الامتحانات والامتحانات السنة ديه كانت كويسة فبالتالى االتنسيق لازم يعلى متفتكرش يعنى ان الوزير بيقعد يقول اه اخلى طب 99 علشان الواد ابراهيم ابن جارنا ميلحقش .. وهندسة بقى اخليها 94 علشان بنت اختى تدخل .... ما هو اما كان التنسيق قليل كان لان الامتحانات كانت بتيجى اصعب والناس كانت بتشتكى وتصوت من صعوبة الامتحانات اما جابوها سهلة الناس بتشتكى من ان التنسيق عالى مش عارف مفروض يعملوا ايه بصراحة ؟؟؟؟؟؟؟ |
اقتباس:
|
انا اصلا مش معترف بالتعليم المصري ده ده دي مجرد شهادة عشان الجواز وخلاص
|
اقتباس:
|
اقتباس:
ممكن يكون كلامك قاصر على مدرستك . لكن فعلا الشعب السعودى ما فيهوش السرقة اللى هنا لانهم اولا مرتاحين جداا ماديا غالبيتهم طبعا مش كلهم الى جانب ان نسبة كبيرة منهم بتتعلم فى الغرب فمش فارق معاهم المجموع لان اى شهادة فى الوطن العربى مش معتمدة بالنسبة للغرب . ! اقتباس:
!! غريبة شوية !! ^_^ بس لطيف جدا التعليق ده اقتباس:
طيب مشكلة المناهج هنتكلم اولا عن كل يوم عن مرحلة معينة من التعليم هنبدأ بالتعليم اللى هو الكى جى . وياريت يا جماعة ناخد الموضوع بجدية من بداية الكى جى لان دى مرحلةبردو مهمة جدا والله . هنبدأ انهاردة ان شاء الله بس الدكتور شامى هيضع معاد معين ياريت ما يبقاش فى وقت التراويح . وكلنا ان شاء الله هنرضى بيه . |
اقتباس:
|
اقتباس:
اى وقت انا فاضى بصراحه علطول اختارى اى وقت وانا موجود معاكى |
اقتباس:
|
اقتباس:
|
ياريت ما تبصوش للطلبة اللى بتغش على انهم السبب الرئيسى للتعليم البايظ
انا ما مش بنكر انهم ليهم دور فعال بس الاكتر من كده اول حاجة المنهج و طريقة التعليم اللى بتعلمك ازاى تكون غبى بشكل مرتفع وبعد كده المدرسين المتخلفين مع احترام الشديد للقلة للى بتفهم و كمان الدروس الخصوصية اللى بتهيألى لو اتشالت هيتصلح جزء كبير جدا من التعليم انا مش هقولك ان انا كنت الوحيدة اللى فى اللجنة مش بغش انا كنت الوحيدة فى المدرسة كلها اللى مش كنت بتغش الغش فى الامتحانات بقت حاجة اساسية ومش واحد ولا اتنين ده كل الناس يعنى الطالب بقى بياكل ويشرب ويغش ده طبعا علشان التعليم من اوله لاخره بايظ مش علشان الناس كلها بقت وحشة ولا حاجة بتهيألى بطرقتنا دى ممكن التعليم يقعد سنين علشان يتصلح وغالبا مش هيتصلح خالص |
هناك ثورة ياريت الكل يشارك
http://www.facebook.com/event.php?eid=191065487624100 |
فعلا المناهج سبب كبير اوى فى البوظان والغش دة رد فعل طبيعى على عدم المذاكره سواء تقصير من الطالب
اوووووو المواد اللى الطالب واخدها غصب عنه مش عارف يستوعب مش عارف يحل والمواد اللى بيحبها وتأهله للكليه يبقى فيها ممتاز لكن عشان ماده هو ملوش فيها ولا هتفيده فى الكليه المعينه تبوظ عليه مستقبله فيعمل اية؟ لازم يغش عشان يعديها والسلام لعدم قدرته على ايجازها وفعلا التعليم بايظ بس يا جماعه انا بنشر كل ارائى فى كل مكان زى ما الثوره اتعملت احنا كمان من غير ما ننزل هنوصل صوتنا للاعلام ولكل حته وانا بنشر فى الفيس بوك فى كل مكان وفى هذا المنتدى الجميل اوى باعضائه الجميله ومش هتعب انا عديت ثانويه بـــــس عشان اخويا الصغير عشان ابنى عشان اختى عشان ابن عمى عشان عبن عمتى عشان اى حد اصغر منى رايح ثانويه وانا خلاص دخلت جامعه بس بجد مش هنسكت ومعانا ناس هتشترك معانا وهيكونوا اساسين معانا لسه فى التعليم البايظ واحنا معاهم وربنا معانا يارب |
اقتباس:
طيب انا اقتراحى وهو ان الموعد يكون كل يوم الساعة 9 صباحا للساعة 12 صباحا . بس النهاردة علشان نستغل الوقت هنبدأ من بعد العصر . شكل المناقشة هيكون ان كل واحد يطرح رأية فى حل المشكلة مع احترام الاراء التانية وحريته فى التعديل من طريقة حل شخص ما مثلا انا هقول ان فى سنتين الروضة يتم الاهتمام بنطق الحروف بشكل سليم فى اللغتين العربية والانجليزية حضرتك مثلا تقول تعديل : ممكن يتم تصحيح النطق مع تعليم وكتابتها بطريقة سهلةللطلبة . ده للى اقصده كل طالب من حقه انه يعبرعن طريقة حله منغير اساءة لغيره او اضافة كلمات فيها نوع من التحبيط او كدة . كدة هيبقى مرفوض , اكرر مرة تانية ان شاء الله بعد العصر هنبدأ فى موضوع التعليم ما قبل الابتدائى . وممكن فى نهاية كل مناقشة نستخلص الحلول فى نقط علشان يسهلعلينا بعدين معاجلة مشاكلنا وفى النهاية ممكن متطوعين من الطلبة يقدموا الورقة دى لاى مركز باحث فى شئون العملية التعليمية ويدرسها او حتى لديوان عام وزارة التربية والتعليم . ولو فى اى اقتراح تانى اوتعديل انااحترمه جداا . :) |
طبعا لو اتكلمنا عن مشكلة التعليم فالحديث يطول جدا ربنا يرحمنا و يرحم الاجيال اللي جاية انا بس عايزة اعلق على حاجة لاحظتها في مواضيع كتير ليه بتقارنوا بين العلمي و الادبي طول عمر تنسيق العلمي اعلى و التنسيق بيبقى مبني على المجاميع فبلاش الناس تقول الادبي واخد اقل وده ظلم و الحاجات دي ..... كل واحد بياخد نصيبه و منهم لله اللي هم السبب في خراب التعليم
|
يا جماعة انا جيت اهو يالانبدأ " بسم الله الرحمن الرحيم " مشكلة التعليم ما قبل الابتدائى هو ان الاباء بيبقوا مش مهتمين فى المرحلة دى بالطلبة " الاطفال يعنى " الى جانب ان الطلبة فى الفترة دى بيكون طريقة تعبيرهم عن نفسهم مش مكتملة اوى يعنى الطفل بيحاول يجمع جملة واولياء الامور عايزينه قطر قدامهم بمعنى اصح عايزين عنترة واقف قدامهم يتكلم بكل فصاحة او شكسبير كمان . الحل فى المشكلة دى ان يكون فى دايما اهتمام بحضور اولياؤ الاموربتابعوا اولادهم مش مجالس اولياء الامور العقيمة دى مثلا يكون فى فى الفصول نوافذ زجاجية يقدروا من خلالها انهم يطلعوا على مستوى تركيز ابنهم فى الحصة . هدوءه .مشاغب ولا ايه او واخدجنب او مثلا مدايق وكدة . الى جانب نفسيا موضوع ان الفصل كله يبقى عبارة عن حوائط ده بيدى ايحاء ان الواحد فى سجن ! كمان يكون فى كل شهرين حضور لاولياء الامور منتظم يعنى معاد ثابت ولو ما حضرش يتم ارسال جواب للمنزل باهمية حضوره . هكمل تانى بس ياريت فى تفاعل يا جماعة |
هااااااى يا احلى شباااااب
ويا ريت تقبلونى انضم معاكوا فى الحوار دا انا محمد رايح ان شاء الله هندسة |
والله يا باش مهندسة هاجر
انا شايف ان المشكله فى المرحله دى من العمر بتكون فعلا تجاهل الناس لقدرة الطفل وذكاءه يعنى انا هقولكوا قصه صغيرة شوية كان مرة طفل ماشى هو وولدته وكان فيه حارة صغيرة فيها بيت مولع والمطافى مش عارفه تخش من باب الحارة علشان الباب اعلى من العربيه بحوالى كام سم كدا فالولد بيقول لمامته انا اعرف اخلى العربيه تعدى قالتله بس انت صغير ومش عارف حاجه المهم الولد راح قال للراجل بتاع المطافى انا ممكن اخلى العربيه تعدى طبعا الراجل بكل استهزار قاله ازاى قاله انتوا لو فرغتوا عجل العربيه شوية هتقل الكام سم دول وتعدى عادى وفعلا سمعوا كلامه وعدت العربيه ******************************************** فمن هنا لازم نهتم بالاطفال وعلى الاقل نسمعلهم مش معنى انهم اطفال ان ذكاءهم معدوم متابع |
اقتباس:
اهلا وسهلا يا باش مهندس محمد يالا بقى شاركنا بمعلوماتك عن تصحيح العملية التعليمية بداية من مرحلة الكى جى |
اقتباس:
اولا القصة ممتاااااااااااااااااااااااااااااااازة جداا بجد والله انا ما صدقتش نفسى . بس حضرتك بقى كمل بقى المغزى وطريقة الحل للقصة دى بطريقة عملية جداا يعنى حضرتك ممكن تعملها نقط ياباش مهندس وكدة نقدر نستفيد منها اكبر استفادة . |
طب دلوقتي في مشكله وكنت عايز أعرف هل دي تندرج تحت مسمي ايه بالضبط هل فساد تعليم أم فساد دوله ام فساد أنفسلأني بجد كده حرااااااام.
أنا في واحد زميل دراسه هو جاب السنه ده 92.7 في المائه نفس مجموعي بالضبط هو الحمد لله دلوقتي دخل هندسة القاهره , مستغربين مش كده؟!! والله الحكايه بسيطه جدا. والده حاجه كبيره في الشرطه مش فاكر ايه بالضبط جاب له شهاده من نادي اتحاد الشرطه تفيد بأنه بطل ألعاب قوي وأخذ 16 درجه حافز رياضي مع العلم ان الولد ده بيشرب سجائر كماااااااان ومعرفش بطل ازاي بجد مش حاجه تحزن هههههه ابتسم فأنت بمصر العزيزه(أم الدنيا). |
طبعا معروف فى المرحله دى بتكون قدرة الطالب على الحفظ كبيرة جدااا
وللاسف احنا بنمى دا فى الاطفال بدل ما نخليهم يفهموا بنخليهم يصموا وخلاص ويبقوا عاملين زى البغبغان واعتقد ان دا بيستمر معاهم لمراحل متقدمه ودا طبعا بيدفن بدورة قدرة الطفل على الفهم والتحليل والاستنتاج لازم يكون فى المرحله دى اى حاجه تخلى الطفل يفكر اخليه يقع فى مشكله ونشوف هيحلها ازاى مش مجرد ما يعيط خلاص نحقق اللى هو عايزة احنا كدا بنخليه يتعود على التواكل لا التوكل |
اقتباس:
لكن دا فساد ضمير غائب نايم بقاله سنين صعب انه يصحى بالسرعه دى زى ما باش مهندسه هاجر قالت الحل مش هيبقى جذرى واحب اقولك ان مهما عمل وحتى لو خدت دكتوراة فى الهندسه بنفس الطريقه اللى ربنا عايزة هو اللى هيكون فى النهايه انا اريد وانت تريد والله يفعل ما يريد محدش عارف الخير فين كنت قريت مقوله قبل كدا عجبتنى اوى اذا ربنا حققلى حاجه انا بتمناها افرح مره اذا متحققتش افرح مليون مرة لان ربنا هو اللى اختارلى ومفيش بعد اختيار ربنا شئ |
اقتباس:
السنادى الامتحانات كانت سهلة و كله اتساوى و الناس فرحت بس للاسف فى ناس كتييييييييييير اتظلمت كتير اوى كمان يا عزيزى هى مشكلة ثقافة فى الاول مش مشكلة تعليم انه الكل يدخل ثانوية عامة و انه لو دخل مجال تانى مش هيقدم و دى ثقافة مش هتتغير ولا قى يوم و لا قرن حتى و لازم تشجيع من الدولة للمجالات الاخرى فى التعليم ده خطأ اساسى فى المنظومة التعليمية و انت قلت التعليم بايظ و الكلمة مفيش منها اسهل منها و بعد كده جبت التنسيق ايه العلاقة مش فاهم و بالعكس اللى حصل فى التنسيق شايف انه تصحيح لللى بوظوه فى الامتحانات السهلة اقتباس:
و بالنسبة للقصة العقيمة بتاعة العميد طه حسين اللى كنت بحبه قبل ما ادرسه لو هتسأل كان فى قصة احسن من كده لكن اتوقع انهم جابوا القصة المتلغبطة دى برضه لمصالح و المشكلة فى الاول و الاخر مش هتبقى فى القصة يعنى يا نجم معتقدش ان فى حد بيشتكى منها فى امتحانات يعنى و لو عايز تثقف نفسك و مضايقك اوى الموضوع ده الكتب ما أكثرها فى النهاية انت جبت سيرة التعليم بايظ و دخلت الموضوع لقيتك بتتكلم على التنسيق و انا من وجهة نظرىالمتواضعة شايف انه مفيش علاقة بين ده و ده لان التنسيق اللى بيحدده الاعداد مش التعليم ة و بعد التعليم الثانوى اصلا و قبل الجامعى زى كوبرى كده التعليم = مناهج = كيفية دراسة هذه المناهج = امتحانات محترمة تحترم مجهود الطلبة و فى الاخر كل واحد مش هيعترف انه قصر فى المذاكرة لانه فعلا مفيش حد بيقصر الا الضايعين لكن فى حد بيتعب اكتر منك |
اقتباس:
وعجبني جداااا تعليق حضرتك .شكراااااا |
اقتباس:
بجد قصة غريبة جدااا بس بردو لا يقاس عليها يا باش مهندس ." حتى لو مادخلتش هندسة " لك الله يا مصر طيب حضرتك بس ساعدنا فى موضوع حل المشكلة دى بداية من المرحلة ما قبل الابتدائى . وحضرتك خليهافى نقط بردو علشان تبقى عمليه الحصر فى الاخر سهلة علينا . اقتباس:
ممتاز يا باش مهندس محمد بجد كفيت ووفيت +1111111111111 طيب انا هجمعها بعد اذن حضرتك 1- تعويد الطالب على الحفظ وعدم تنمية قدرة الفهم 2- ابعاد الطفل عن مهارة الاستنتاج والتحليل 3- تجاهل اولياء الامور لللاسف لمهارات الاطفال زى الحكاية اللى حضرتك بتقولها . |
اقتباس:
اقتباس:
اقتباس:
اقتباس:
اقتباس:
هل التعليم امتحانات و تنسيق يعنى مثلا فى البيت لو اتعلمتى تطبخى مثلا هل ده فيها امتحانات و تنسيق هل ده يعنى انك متعلمتيش حاجة جديدة !!!!!!! كان من الافضل انكم تعملوا اسم الموضوع التنسيق بايظ كان هيبقى يليق اكتر |
اقتباس:
مظبوط ده فساد ضمير كل واحد فينا يعنى بمعنى اصح لو كل واحد مننا تخيل دكتور فى الجامعة ومثلا استاذ فى المدرسة ولو ادارى فى مؤسسة وضع نفسه انه معد جليل طالع مش هيعمل حاجة غلط . اولياء الامور مثلا لو بجد اهتموا بالطالب او من ا لطفل منذ نعومة اظفاره هيكون واحد متميزجدااا والله لازم يتبع الحلول اللى وضعها الباش مهندس محمد دى طريقة للى عايز يعرف مشكلة الاطفال وانهم ليه من صغرهم بيكرهوا التعليم . ــــــــــــــــــــــــــــــــــــــــــــــــــ ـــــــــــــــــــــــــــــــــــــــــــ بالنسبة للباش مهندس احمد كانو انا شايفه ان كلام حضرتك مظبوط جداا كان فى ظلم للطلبة وطلبة مجموعهم اترفع وفجاة لقينانفسنا وسط تنسيق احنا مش فاهمين ياترى راضيين عنه ولا غضبانين منه بس ياريت يا باش مهندس احمد تضع حلول للمشكلة دى وتشاركنا يعنى بالمكشلة والحل ده هيبقى عملى جداا جزاك الله كل خير |
والله بالنسبه للمشكله ده فأنا شايف انها فعلا أهم من مشكلة الثانويه اللي احنا فيها ده لأن ده اللي بيبني عليها كل حاجه وأعتقد ان نظام الحضانه وكي جي ده نظام فاشل فيها مدرسين غير متخصصين في التعامل مع الفتره الدقيقه ده من العمر انا بيتهيألي انهم مدرسين للرعايه فقط لازم يكون مدرسين علي أعلي مستوي من حيث التعامل مع الطفل نفسيا وذهنيا وبدنيا وفعلا الأعتماد علي الحفظ ده مشكله كبيره زي ما تفضل الباش مهندس محمد يعني ايه الطفل المصري يبقي أذكي طفل تحت سن ست سنوات ليه؟!!! هو بيحصل ايه بعد كده فيه!!! ما هو هو الطفل .وبالنسبه لأولياء الأمور لازم أخليه يحس ان هو مسؤول في البيت ويكون ليه دور في البيت
مش أحسسه ان هو طفل مش يعرف أي حاجه يتبع.... |
اقتباس:
اقتباس:
اقتباس:
|
اقتباس:
بس بعد اذنكوا يا جماعه احنا ان شاء الله هنتكلم فى كل الحاجات دى فياريت دلوقتى نوحد كلامنا على حاجه واحده بس وهى المرحله المبكرة للتعليم ( كى جى ) ( الحضانه ) ويا ريت من المسئول عن القسم يثبت الموضوع |
انت اتعلمت حاجات كتيره اوك ماشى اتعلمت الحروف والارقام ودى ميه ميه
لكن اتعلمت حاجات فادتك فى حياتك العمليه الانسان مش علمى فقط الانسان علمى وعملى ياريت تفهمنى التعليم اوك بنتعلم كل حاجه بس الكل حاجه دى فادتك جامد قولى فادتك فى اية وانا معاك اهوه؟ |
يا جماعه انا بردو بحط اقتراحتكم وافكاركم ومشاركتكم بجد الجامده اوى على جروب التعليم بايظ ( هنــا ) عشان الكل يستفاد ونوصل صوتنا لاكبر مكان ممكن
|
| جميع الأوقات بتوقيت GMT +2. الساعة الآن 01:12 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.