|
مساعده لو سمحتم
كان عندى امل كبير ان ادخل علوم بس فرقت معايا ع نص درجه
وطبعا انا مش بحب تربيه دى خالص ولا عمرى هدخلها المهم جاتلى تجارة المنصورة تجارة عاديه بس انا ليا تجارة انجلش بس مش المنصورة وانا عاوزة احول تجاره انجلش طيب هو ينفع احول تجارة انجلش مش المنصورة وارجع احول تانى المنصورة ياريت لو حد يعرف يفيدنى |
هو مجموعك كام بالظبط .. ؟
|
الغرض الأساسي من تحويل الطالب، بعد ترشيحه عن طريق مكتب التنسيق، هو تقليل اغتراب الطالب بحيث يلتحق بكلية في المنطقة (أ)، وليس الغرض من التحويل تغيير رأى الطالب وإعادة ترشيحه في موقع أخر، وتنقسم عملية التحويل إلى نوعين: أولا: تحويل إلى كلية غير مناظرة: · يسمح للطالب الذي تم ترشيحه في عملية التنسيق في كلية ما خارج أو داخل منطقته الجغرافية (أ)، بالتقدم للتحويل إلى كلية غير مناظرة في منطقته الجغرافية (أ) فقط، بشرط حصوله على الحد الأدنى لمجموع الدرجات الذي قبلته الكلية المطلوب التحويل إليها، وبشرط استيفاء باقي قواعد القبول بالكلية مثل النجاح في اختبارات القدرات إن وجدت. ومثال لذلك طالب قبل بكلية الهندسة جامعة أسيوط وهو من محافظة الغربية يمكنه التقدم للتحويل إلى كلية غير كلية الهندسة (العلوم {رياضة} - الآداب – التجارة ... الخ) في جامعة طنطا حيث تقع جامعة طنطا في النطاق الجغرافي (أ)، وبشرط أن يكون مجموعه مستوفى للحد الأدنى للكلية المراد التحويل إليها. ثانيا : تحويل إلى كلية مناظرة: · يتم قبول تحويلات في حدود نسبة مئوية يحددها المجلس الأعلى للجامعات وطبقا للإمكانيات الاستيعابية للكليات. · يسمح للطالب الذي رشح في كلية ما خارج منطقته الجغرافية (أ)، بالتقدم للتحويل إلى كلية مناظرة في منطقته الجغرافية (أ) فقط. · فى حالة وجود أكثر من كلية مناظرة في النطاق الجغرافي (أ)، يسمح للطالب الذى رشح لكلية خارج النطاق الجغرافى (أ) ، بابداء رغبته فى التحويل لأحد الكليات المناظرة داخل النطاق الجغرافى (أ) ويتم تحديد إمكانية التحويل للكليات داخل النطاق الجغرافى طبقا للأعداد والطاقة الاستعابية للكليات وترتيب الطالب بين الطلاب الراغبين للتحويل والطاقات الاستعابية للكليات فى النطاق الجغرافى (أ) للطالب ويتم ترتيب الطلاب طبقا للمجموع ، وتحويل العدد الذى حدده المجلس الأعلى للجامعات. للاسف مش هينفع ان الغرض الاساسى زى ما هو مكتوب تقليل اغتراب الطالب وانتى مش عندك فى المنصورة تجارة انجلش يعنى مش عندك فى النطاق الجغرافى بتاعك اللى هو أ ارجو ان انا اكون افدك :blush: واى استفسار انا فى الخدمة لو عرفت اجاوب :bosyht9: وربناااااا يكتبلك اللى فيه الخير ان شاء الله :d والله الموفق |
368
واقل كليه ف علوم واخده 368 ونص |
انا واحده صاحبتى نفس مجموعى وجالها تجارة انجليزى شبين
طيب ياترى تنفع تحول المنصورة |
هو تقريبا اى سؤال هتسأليه هيكون جوابه فوق فى الرد بتاعى علشان دى يعنى بتاعت التحويل يعنى بالتفصيل اقريها وانتى هتعرفى كل حاجة اوك :bosyht9: واى حاجةانا فى الخدمة:d |
معلشى بس ا لو تعرفى
هيا ينفع تحول من تجارة شبين للمنصورة عادى بس هيا مجموعها مش جايب تجارة انجلش المنصورة |
اقتباس:
اهااااا طيب بصى انا سمعت لو هى اللى انتى بتقولى عليها عايزة تحول لنطاق جغرافى أ تقريبا ينفع بس تكون ناقصة تقريبا نص درجة او درجة دة اللى انا سمعته كدة علشان هما بيبقوا سايبين 10% اماكن فاضية لتقليل الاغتراب وبس :) وخليها ان شاء الله تقدم وتشوف وتسأل تانى وربنااااااا يوفقكم كلكم ان شاء الله :078111rg3: |
يعنى لو كانت ناقصه اكتر من درجه متحولش
حرام عليهم والله بجد التنسيق بتاع علمى عالى جداااااااااااااا واتظلمنا كتير وشكرا ع المساعدة |
يا هجورة انا بقول اللى انا سمعته واانا كمان مش متأكدة اوى وبصى تقدم بالنت حتى لو ناقصة اكتر من اللى انا بقول عليه وان شاء الله مش هتحصل حاجة يعنى مش هتخسر حاجة جت جت مش جت ربنا يوفقها فى كليتها ان شاء الله على موقع التنسيق ان شاء الله بكرة بيقولوا :d |
ان شاء الله وربنا يقدم اللى فيه
الخير اصل بصراحه تبقى صعبه اوووى لو بعد الشر محولتش طيب ممكن اسالك سؤال انتى ايه رايك ف تجارة |
اقتباس:
كويسه بس انا بحس ان تربية احسن بالنسبة للبنات وكدة وشغلها مضمووووووووون اوى وكمان بتخرجى بدرى من المدرسة ومميزات كتييير وكمان بردووووو تجارة حلوه بس بحسها للولاد احسن يعنى الولاد ليهم فرصة يشتغلوا فيها احسن من البنات وطبعا الامر كله يرجع ليكى انتى واللى انتى بتحبيه واستخيرى ربناااا :d وربناا يقدم لك اللى فيه الخير ان شاء الله :blush: |
طيب معلشى اخر سؤال هو انا لو اتخرجت من تجارة عاديه
تفرق ايه عن تجارة انجلش شغلهم بيكون ايه معلش زهقتك معايا |
اقتباس:
بصى انا مش عارفة :blush: روحى للاقسام اللى فى المنتدى الخاصة بتجارة انجلش وتجارة عادية وهما هيفيدوكى اكتر منى وكمان هما هيبقوا فى الكليه ومش تقولى كدة ان شاء الله انا فى الخدمة :d |
علي فكرة ياهجورة انا عندي نفس المشكلة بالضبط
أنا جيلي هندسة زراعية عين شمس وعاوز احول تجارة انجلش ومفيش للأسف غير سوهاج اللي واخده مجموعي أنا جايب 369 والمشكلة انا من دمياط يعني سوهاج مش في منطقتي الجغرافية (أ) بس هما بيقولوا في تحويل ورقي . لو فيه هينفع ان احنا نحول بس لسوهاج بس وبعدين السنة الجاية بقي نبقي نحول المنصورة |
اقتباس:
بس ع فكرة انت ممكن تلحق تجارة انجلش شبين بس بردو هتقعد سنه او حسب مجموعك ف الانجليزى لانها بتتحسب يعنى مثلا لو مجموعك 369 واو انت جايب 50 ف الانجليزى 369+50=419 وكده تلحق تجارى انجليزى المنصورة لانها واخده من 418 |
اقتباس:
لأن اناجايب 412.5 |
يا جماعه لو مجموعكم جايب كليه غير مناظرة للكلية الى التنسيق رشحكم ليها ممكن تدخولها حتى لو خارج النطاق (أ) بس هيبقى تحويل ورقى وممكن تحولوا منها تانى للكلية المناظرة الى قريبه منكم بعد سنة او فى نفس السنه على ما اظن.
وبالنسبة لصاحبتك الى جالها تجاره شبين ينفع تحول للمنصورة على النت يوم الخميس باذن الله وحتى لو النت مقبلش هيبقى فى تحويل ورقى . |
اقتباس:
وايه المطلوب في التحويل الورقي ده |
اقتباس:
طيب وليه الدوخه دى خليك تجارة عاديه وخلاص وانا سمعت ان هما الاتنين زى بعض غير ان تجارة انجلش ب 3000 تقريبا اقتباس:
|
مفيش حاجه اكيده بس بنقول ان شاء الله هو السنين الى فاتت كان فى تحويل ورقى واصلا النت محددين التحويل فيه عشان نحول ورقى وندفع ونغرم فلوس وخلافه وهو بيبقى من الكلية التحويل ده والوروق انا مش متاكد بس هو بيبقى نفس ورق التقديم يعنى والافضل انك انك تتصل بمكتب التنسيق وتسالهم او تروح الكليه الى انت اترشحت فيها وتسال شئون الطلبة عن التحويل يبقى ازاى
|
اقتباس:
ينفع احول تانى تجارة انجليزى المنصورة ولا لازم اقعد سنه كامله ف شبين |
لأ ياهجورة تجارة انجلش أضمن بكتير من تجارة عادية
دي يمكن تاني كاية شغلها مضمون في مصر بعد الطب حتي المهندسين اليومين دول مش كلهم بيتوظفوا |
اقتباس:
وتجارة عاديه لما تتخرج بردو هتشتغل ف بنك |
انا مش متاكد من حكاية التحويل من شبين هيبقى فى نفس السنه ولا بعد سنة لان المشكلة انك مترشحتيش ليها من الاول يعنى لسه هتروحى تقدمى فيها انما الى اترشح ليها من الاول مش هيقدم هيحول الاول وبعدين يقدم فى المنصورة انما انت هتقدمى فى شبين وبعدين المفروض يبقى ليكى تحويل تقليل اغتراب بس مش عارف بقى فى نفس السنه ولا بعد سنه.
|
اقتباس:
هما ديمن بيدوروا علي اللغات طيب ليه كلية الطب بيتعين علي طول لأنه لغات وليه كليات اللغات عاليه دي اخر تجارة انجليزي واخده يمكن من 89.5 |
انا مش متاكد من حكاية التحويل من شبين هيبقى فى نفس السنه ولا بعد سنة لان المشكلة انك مترشحتيش ليها من الاول يعنى لسه هتروحى تقدمى فيها انما الى اترشح ليها من الاول مش هيقدم هيحول الاول وبعدين يقدم فى المنصورة انما انت هتقدمى فى شبين وبعدين المفروض يبقى ليكى تحويل تقليل اغتراب بس مش عارف بقى فى نفس السنه ولا بعد سنه.
|
| جميع الأوقات بتوقيت GMT +2. الساعة الآن 06:04 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.