|
ابشروا حقوقنا المالية وصلت ولكن
الحسبة بسيطة وسهلة ولكن اين حقوقنا الادبية ؟المرتب= المرتب + الحافز العادى 25% + بدل معلم 50 % + بدل اعتماد 50 او 75 او 100 او125 او150 %على حسب المسمى الوظيفى +البدل النقدى فى بعض المحافظات + بدل التغذية لمن اخذ حكم + مكأفاة الامتحانات موزعة على 12 شهر + حافز الاداء لو تم تطبيقه = الدخل الشهرى مثال انا معلم اول على الدرجة الثانية المرتب بالتفاصيل السابقة بدون الحافز الجديد = 1190 + 70 ج حافز الاداء المقرر صرفه =1260 ج اجمالى الدخل الشهرى ونجده مقارب جدا لدخل اى موظف خدمى عالدرجة نفسها انا حسبت الحسبة دى حطيت نفسى مكان وزارة المالية وشوفت بيحسبوها ازاى . احنا مش طالبين اكتر من حقنا لان الطمع مش كويس لكن اين باقى الحقوق؟ اين قانون الكادر ؟ اين الدرجات المالية ؟ اين الترقيات ؟ اين تعب المعلم و المجهود الذى يبذله لا يوجد موظف فى الدولة بيتعب مثله ؟ واين واين .....................الخ وياريت محدش يفهمنى غلط ويراجع ضميره ويشوف مرتبه بعد حافز الاداء وضم المكافاة على المرتب الشهرى ويقولى هل الذى ينقصنا هو المال فقط ام اشياء اهم من المال . |
1190 على الدرجة الثانية
ازاااااااااااااااااااااااااي يعني انا مستحق للدرحة الاولى من سنتين ومرتبي ما وصلش 950 حتى احنا هنألف |
ممكن من اين حصلت على هذه المعلومات؟ |
ميزانية الوزارة تكفى لرفع الحد الدنى للمعلمين حيث إننا تخطينا ( 55) مليار , و لكن لابد من الكشف عن وجوه إنفاق هذه الميزانية الضخمة مع ترشيد الإنفاق فمثلا :
1- مكافآت مستشاري الوزير ما فائدتها للوزارة و التعليم يسير من سييء لأسوأ . 2- تدريب الفيديو كونفرانس ما فائدته أصلا و قد ثبت فشله . 3- امتحانات مهزلة الكادر التى تكلفت ملايين . 4- طباعة كتب لم تعد تدرس و لا يستفيد منها الطالب . 5- الكثير من المؤتمرات عديمة الفائدة ، مؤتمر تطوير الثانوية تكلف الملايين و لم يحقق شيئا . 6- ملايين نقابة المعلمين التى لا نعرف أين تذهب كل عام . 7- مراقبة هيئة الأبنية التعليمية و معرفة اوجه الإنفاق فيها . 8- عمليات الصيانة الوهمية لمدارس جديدة بالفعل و تتكلف عدة ملايين . و الكثير و بعد ذلك يقول الوزير أن الأموال لا تكفي نحن يا سادة لا نحتاج بالفعل لميزانية وزارة المالية ، ( وزارتنا تكفينا ) |
الدخل الشهرى وليس المرتب احسب كل قرش بتاخده من مرتب وحافز وكادر وبدل نقدى وبدل تغذية ولا تنسى المكافأة لانهاحسبتها الوزارة 85% واضف 25% الجديدة اللى محدش صرفها
انا معلم اول بمحافظة اسيوط وانا اشرت لهذا الموضوع لكى نتفق على كافة المطالب المشروعة |
اقتباس:
|
+ حافز الأداء لو تم تطبيقه
الجملة دي توضح إن كل الكلام اللي حضرتك قلتة لمؤاخذه عبط في عبط |
واين هو حافز الاداء حد يا جماعة سمع عنه وما هو البدل النقدى واين بدل التغذية حديقولنا عليه حد يقول يا جماعة اى حاجة |
يا جماعه حد يصحى الاخ ده من النوم بيتكلم عن بدل تغذية وبدل نقدى وحافز اداء هو البيه شغال فين شكلك مش مدرس لايوجد هذه المسميات عندنا ارجوك ارحل علشان لاتضيع صيامنا عليك
|
شكلك تقرب لفتحى فارس او نفس القطعيه
|
يا حلو يا ابو بدل نقدى يا مدلع وكمان بدل تغذيه والنبى مفيش بدل ماتزعل وبدل ماتعيط هههههههههههههههههه
|
بارك الله فيك ، وزادك علماً، وتجاوز عن سيئاتك ، وأسكنك الفردوس الأعلى
|
والله دخلى الشهرى بدون الحافز اللى قال عليه الوزير ( 75% للمعلم المساعد و50% للمعلم و25% للاخرون ) = 1190 ارجوكم اخصموا منه 110 جنيه بدل نقدى وبدل تغدية وانت تعرفوا دخلوكوا الشهرى انا مش بكدب عليكم وانا صايم
انا معلم اول |
الكلام اللى الاخ بيقوله عن مرتبه 1250 دا لو اضفنا الكادر والمكافاة والحوافز شوف اللى فى الزراعة بياخدوا كام دلوقتى 650 مرتب +700 حوافز وعلى الدرجة الثانية برضه يبقىاحنا برضه مظلومين ده غير الامتحانات بتاع الكادر ووقف الترقيات والعلاوات والاسم ان احنا بناخد كادر الله يخرب بيت اللى اخترع الكادر الملعون ده نحن نريد العدل فقط ولابد ان نطالب به فهو حق مشروع
مش كده والا ايه ؟؟؟:022yb4: |
+ حافز الأداء لو تم تطبيقه
الجملة دي توضح إن كل الكلام اللي حضرتك قلتة لمؤاخذه عبط في عبط الصراحة بتزعل ناس كتيييير |
ولكن حط تحتها ميت خط
احنا مش طالبين اكتر من حقنا لان الطمع مش كويس لكن اين باقى الحقوق؟ولكن اين حقوقنا الادبية ؟ اين قانون الكادر ؟ اين الدرجات المالية ؟ اين الترقيات ؟ اين تعب المعلم و المجهود الذى يبذله لا يوجد موظف فى الدولة بيتعب مثله ؟ واين واين .....................الخ وياريت محدش يفهمنى غلط ويراجع ضميره ويشوف مرتبه بعد حافز الاداء وضم المكافاة على المرتب الشهرى ويقولى هل الذى ينقصنا هو المال فقط ام اشياء اهم من المال . |
استاذي دا مرتب العسكري درجة اولي مش واخد اعدادية زاد 400 جنية
|
انا مع كلام اننا نقارن مرتبنا بالعاملين فى الزراعه اوالمجالس المحليه اوغيره واحنا نعرف اننا مظلمون جدا والصيت ولا الغنى كادر ,,,,,,,,,,,,,,,,كاددر,,,,,,,,,,,كل الكلام على الكادر والمكافاءة وفيين العاملين فى الكهرباء والبترول والبنوك وغير ذلك فيين العداله التى قامت من اجلها لثورة وكل سنة وانتم طيبين |
:049gc0::049gc0::049gc0:روح ياشيخ الله يعمر بيتك
|
لنا الله
لنا الله لنا الله |
إلى إخواني الأعزاء
بالنسبة للذي يقوله الزميل من أسيوط وتوضيحا لسادة المشاركين :---
أيها الزميل لا تنسى سيادتك بأنك تأخذ بدل إغتراب مضاف على المرتب أما توضيحا للسادة الزملاء فإنه فى محافظة أسيوط وفى مدارس اليوم الكامل كانت تصرف وجبة للطلاب عند تطبيق قرار اليوم الكامل وبعد بحث المدرسين لهذا النوع تم رفع قضايا ضد وزارة التربية والتعليم بأحقيتهم فى هذه الوجبة أو صرف بدل وجبة لهم وفعلا نظرت هذه القضية امام المحاكم وكان المحامي ينظر القضية لعشرة مدرسين على الأقل وظلت فى المحاكم لمدة لا تقل عن 3 سنوات حتى كسبوها ومن ثم أغلق مرة أخرى وبالتالي يسمع عنها معظم المدرسين . فياسيادة المعلم الأول سيادتك وزملائك اللذين كسبوا مثل تلك القواضي فنحن نريد حقوقنا بدون رفع قواضي فذلك استجداء لحقوقنا ونحن نطالب بما لدينا لما لنا من حق مهدر من الوزارة ولا تقارن سيادتك بالجميع فالمعلمون فى سيناء والله أعلم يأخذون بدل إغتراب أكثر من الجميع ولهم الله فى ظروف الحر و الصحراء التى يعملون بها . |
دى ردود معلمين ؟؟؟؟؟؟؟؟
والله لو منتدى بتوع الطماطم كان يبقى احسن من كدة!!!!!!!!!!!!!!!!!!!!!!!!!!!!!!!!!!!!!!!!!!!!!!! !! الراجل غلط ف البخارى عشان نضيع علية صيامنا وعشان نشتمة وعشان نقل اد........................... حاجة تقرف |
يا جماعة خلاصة الكلام المفروض يتشال نسبة الكادر من حسبة الوزارة لأن هذا الكادر جاء نتيجة لاجتياز إختبارات مهينة للمعلمين
لذلك لابد أن نحصل علي الأقل علي نسبة 100% من النسبة الكليه وتحسب فقط الحافز 25% + 83% المكافأة ونأخذ الفرق والله الموفق والمستعان |
لنا الله وربنا معانا
|
أنا عايز أعرف الــــ 55 مليار جنية دول هيتصرفو فى ايه بالظبط
|
اقتباس:
طباشير ملون 200 الف جنيه لكل مدرسة ماشوفتش فيلم الناظر صلاح الدين |
:040vk0:ما سر اصرار الوزير على عدم منح المعلمين حقهم فى الدرجات المالية زى باقى موظفين الدولة
|
طيب وماحسبتش ليه اعمال الكنترول
والتصحيح ومراقبه الشهادات هتقولى لان بيأخذها اللى بيشارك فى الشهادات بس برضه مكافأة الامتحانات زيها بس للمشاركة فى امتحانات النقل وبما ان كلنا بنشارك فيها كلنا بنأخذها ده اجر مقابل عمل اضافى وطبعا كادر الزفت ده حاجه خاصة للمعلمين لتحسين اوضعاهم مع انه مش جايب مصاريف المواصلات لان 90% من المعلمين متبهدلين فى مدارس بعيدة جدا عن سكنهم ومعظم الوظائف الثانيه اعمالهم بجوار بيوتهم |
ممكن من اين حصلت على هذه المعلومات؟
|
السلام عليكم ورحمة الله وبركاته
اخوتى ما قاله زميلنا من اسيوط عن بدل النقدى وبدل التغذية يصرف لمحافظات بعينها مثل اسوان قنا البحر الاحمر مثلا انا اعمل فى البحر الاحمر يصرف المعلم وكل موظفى المحليات ثمن تذكرة وهو ما يعرف بالمقابل النقدى وقيمته 135 جنيها شهرياً للموظف ولاثنيين من ابنائه يعنى لكل موظف واثنيين من اولاده تذكرة اى المجموع 405 جنيه وان كانت زوجته تعمل لها نفس الحق ثلاث تذاكرة اما بدل التغذيه فيصرف بحكم اى بقضيه وقيمته 90 جنيهاً على التذكرة وبعدد التذاكر اى ان هذه البدلات خاصة بالمحافظات النائية |
سيادة الوزير ممكن توفر مليارات
1-الغي حصص مجال في التعليم العام وظيفة امين مرافق وفني وسائل 2-الغي نظام ث ع نظام سنتين ونجعلها سنة واحدة والغي دور ثاني 3-اجعل دور ثاني في مراحل التعليم لمن رسب فقط في مادتين مع دفع رسم 50ج 4-الغي الجودة والاعتماد والدعم الفني5-قلل عدد حصص بعض مواد توفر مدرسين مثل عربي 6-اعد هيكلة ادارت التعليمية والغي اقسام مالهاش لازمة 7-الغي تدريس انجليزي في الصف اول وثاني وثالث ابتدائي |
:ph34r:ياأساتذة الفاكس وصل الادارات ووقفو تنفيذ فاكس المعلمين
الله هو اعلم جايز وقف هذا الفاكس فية خيرٌ لنا واريد ان اسأل سؤال محيرنى لايوجد ولا مدرس من السويس فى هذا المنتدى لانى لم اسمع عنهم اىشئ بخصوص حقوقنا |
البدل النقدى وبدل وجبة فى المناطق النائية والصعيد مش موجود فى باقى المحافظات
يعنى المدرس الذى لدية اسرة واولاد لية 3 تذاكر بمبلغ 201 جنيه زيادة فى الشهر والمدرس الاعزب ليه تذكرة واحدة 67 جنية يعنى الكلام ده مش موجود فى الوجة البحرى |
والله انت حسبتها حسبة الوزير الخايب، وانا دلوقتى عايز اتأكد ان كلامك ده مش جيلك مكتوب من الوزارة عشان تهدى بيه الناس
انت قبضت كام عشان تنشر الكلام ده؟ وهو انت فعلا مدرس؟ ماحنا مدرسين واقدم منك ومرتبنا موصلش كده ليه؟ وللا انت اخدت حقك وشبعت وبعت القضية؟ جتكم القرف مليتو البلد |
والله الناس دي اكيد بيحسوبها قبل الفطار انا متعين من 12 سنة وعلى الدرجة الثالثة ومرتبي يدوب 730 ج يريت الا بتكلم يدفع لنا الفرق من المرتب بتاعه قبل ما يقول الاشاعات دي ويقلب الناس علينا
:040vk0::040vk0::040vk0::040vk0::040vk0::040vk0::0 40vk0::040vk0::040vk0: |
اى موظف فى مصر بيتعين فى اى جهة بنفس اساس المرتب ويزيد الاساسى بنفس الزيادة وبدون اى فرق فيا اخوانى اذا الحكومة لغت الكادر والمكافاة واعطتنا 200% هتكونوا مبسوطين هيه نفس الحكايه ولامليم زياده سوى الفرق بين المرتب الحالى وما تقرر من حافز اداء 75% للمعلم المساعد ليحصل على الحد الادنى 50% للمعلم ليحصل على الحد الادنى وكذلك 25% للمعلم الاول ليحصل على الحد الادنى والوزير حسبها هو والحكومة كالاتى مرتب معلم مساعد = مرتب معلم مساعد + 50%بدل معلم +25% حافز +85% مكافاة +75% حافزالاداء الجديد = المرتب +235% جملة الحوافز بعد الزيادة اللى تقررت . مرتب المعلم = مرتب المعلم + 50% بدل معلم +25% حافز +85% مكافاة +50%بدل اعتماد +50% حافز الاداء الجديد = المرتب +260% جملة الحوافز التى تقررت مرتب المعلم الاول= مرتب المعلم الاول + 50% بدل معلم +25% حافز +85% مكافاة +75%بدل اعتماد +25% حافز الاداء الجديد = المرتب +260% جملة الحوافز التى تقررت مرتب المعلم اول ا= مرتب المعلم اول ا + 50% بدل معلم +25% حافز +85% مكافاة +100%بدل اعتماد +25% حافز الاداء الجديد = المرتب +285% جملة الحوافز التى تقررت اما المعلم الخبير = مرتب المعلم الخبير + 50% بدل معلم +25% حافز +85% مكافاة +125%بدل اعتماد +25% حافز الاداء الجديد = المرتب +310% جملة الحوافز التى تقررت اما الكبير = مرتب المعلم الكبير+ 50% بدل معلم +25% حافز +85% مكافاة +150%بدل اعتماد +25% حافز الاداء الجديد = المرتب +335% جملة الحوافز التى تقررت انتم هتغالطوا الحكومة اللى بتقبضكوا وبتحاسبكوا بالمليم انا بقول لو لينا مطالب اخرى نرفعها ونتفق عليها زى الكادر ومصايبه زى الدرجات الضايعة ونخلى عندنا ضمير ونحاول نصلح التعليم بعدالثورة انت راض عن نفسك عن ادائك شوف الغش اللى فى المدارس حاربوا الفساد والله لو كل واحد راعى ضميره لو الحكومة عطته 100 جنيه بس هتكفيه وربنا هيدبرها لوحده اما الانسان اللى بياخد اكتر من حقه متبصش عليه لانه لو معملش بيها هتنزع بركتها وكانه مااخد شئ لكن الانسان طماع عايزياخد ومش عايز يدى . |
بدل تغذيه ... السيد الاستاذ الاخ مدرس مصرى ... لو حد فى مدارس زراعة بمكن بياخد البدل دة !!!!!!!
|
يا عم ارحمنا الناس على الدرجة الثانيه فى مجلس المدينه والزراعة بياخدوا حوافز 1000 جنيه بعد حافز 200% غير المرتب بتاعهم ارجوك ارحمنا مش ناقصينك انت راخر وخلينا صايمين بدل ما نضيع صيامنا
|
اقتباس:
|
ا معلمين يا مدرسين تعالوا شوفوا النصب بتاع الوزير والوزاره علينا
الوزارة النصابة واضح ان الوزارة بتاعتنا محترفة في النصب * بتنصب في حساب نسبة المكافاة المكافاة نسبتها 83.3 % دا من غير خصومات بعد الخصومات بتبقي 72% بس طبعا الوزارة وهي بتعد علينا كل مليم حسبت المكافاة على اساس انها 85% وهي في الحقيقة 72% بس مثلا انا قبضت المكافاة 1603 والاساسي بتاعي 183.6 يعني لو المكافاة نسبتها 83% كنت قبضتها 1828 جنيه مش 1603 . وتتجسب كدا : 1% من الاساسي = 1.836 *83% = 152.3 شهريا * 12 شهر =1828 جنيه دا طبعا مبيحصلش بيحسبوها 1.836 *72% = 1603 * نصبت علينا في حافز الاثابة وحسبت المكافاة والكادر * وكمان في حساب الكادر على الاساسي بتاع السنة اللي فاتت مش السنة الحالية وفي الاخر الوزير النصاب يطلع يقولك المعلم متميز عن باقي الموظفين الحوافز بتاعته بتترواح من 235% ل 335 % طيب يا وزير خلينا وراك وادينا زي ما بتقول وبلاش نصب يعني انا معلم معين حديثا عايز 260% يعني لو مفيش نصب مرتبي هيبقي كدا اساسي 219.6 النسبة اللي بيقول عليها الكادر 100% والحوافز 25%المكافاة 85% الحافز ال 50% يبقي مجموعهم 260% من الاساسي = 2.6*219.6 = 571 جنيه وبعدين نضيف العلاولت الخاصة بتاعة 5 سنوات علاوة 2007 15% = 32.94 علاوة 2008 30% = 65.88 علاوة 2009 10% = 21.96 علاوة 2010 10% = 21.96 علاوة 2011 15% = 32.94 يبقي مجموعهم = 175.68 + منحة مايو 10 + 6 للمتزوج وعنده اولاد يبقي المجموع 219.6+571+175+10+6 = 981.6 جنيه شهريا بدون مكافاة سنوية المكافاة متوزعة على الشهور والله تمام بس ناخد كدا لو بدون المكافاة يبقي نحصم 186.6 شهريا وتفضل المكافاة سنوية يبقي الصافي الشهري = 981.6-186.6=795 جنيه برضو كويس بس دا لو شالو النصب والذي منه حكومة نصابة منهم لله النصابين منقول حسبى الله ونعم الوكيل |
اقتباس:
أولا : حافز الاداء أول مرة اسمع عنه ثانيا : البدل النقدى موجود فى المحافظات النائية دون المحافظات الاخرى وايضا هذا البدل النقدى يختلف من محافظة الى اخرى فى مجموعة المحافظات النائية . ثالثا : بدل التغذية ايضا اول مرة اسمع عنه فقد يكون موجود فى محافظات لجذب العمالة لديها . قنااااااااااااوى وهشارك فى اضراب عام دراسى بلا معلم وادعو الجميع للمشاركة فى الاضراب ان لم تتحسن الأمور . |
لو وزارة المالية محتارة ترضى المعلم ازاى ليها حل عندى
المساواة بين الجميع هى قمة العدالة ليه تحير نفسها وتقول المعلم معاه كادر ومكافاة والخ الخ الخ كل اللى عليها انها تخلى استمارة مرتبات المعلمين وحقوقهم بالضبط زى اى مصلحة وتلغى المكافاة والكادر واحنا هنكون مرتحاحين وهى ترتاح |
والله شكل الاخ ده مدسوس علينا
يا اخى حرام عليك روح بقى |
الله معنا ----------------- ان الله مع الصابرين
|
الوزارة النصابة واضح ان الوزارة بتاعتنا محترفة في النصب
|
لامساس بمكافاة الامتحانات والكل ياخذ 200% والغاء قانون 155
|
انا عاوز اعرف الاخ اللى بياخد 1260 جنيه مرتب شهرى بيشتغل ايه وفين ؟ ويا ترى دا حلم ولا علم هو عاوز يقنعنى انه فى نهاية كل شهر بيقبض فى ايده 1260 جنيه وهو على الدرجة الثانية ؟ والله هذا خيال يا ناس
|
قريبي يا جماعة يعمل في الكهرباء تعيين 8/2008 مرتبه بالحوافز تقريبا 1500 , يعني معين منذ ثلاث سنوات بالضبط
أما المعلم فيقضي عمره الوظيفي كله لكي يصل الى هذا الرقم . |
لنا الله لنا الله
|
الثورة لم تصل للتربية والتعليم ولن تصل
|
| جميع الأوقات بتوقيت GMT +2. الساعة الآن 09:13 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.