|
بنساعد بتوع الصومال ليه و إحنا عندنا فقراء في مصر؟؟؟!!!!
قام جماعة من أهل الخير عندنا في القرية بحملة بعد صلاة الجمعة لجمع الأموال لأهل الصومال و كان القائمين بها أغلبهم ملتحين ومعهم إمام مسجد ( غير ملتحي ) و يتمتع بشعبية رهيبة و بعض الأفاضل من أهل القرية المهم دخلوا أحد الجوامع لصلاة العصر و بعد الصلاة قام أحدهم و هو مسئول عن بيت المال بدعوة الناس إلى التبرع و هم يحملون صورا لأشخاص و أطفال بل هياكل عظمية يكسوها الجلد فقام أحد الأشخاص و قال : لما تأكلوا اللي عندنا في البلد ابقوا أجمعوا لبتوع الصومال. و قام آخر و اتهمهم بالسرقة و أنهم يريدون أخذ الأموال لأنفسهم ( على أساس إن كلهم ملتحين ) وقام ثالث وقال : هتودوا الفلوس للصومال إزاي ؟؟ هاه ؟؟ هتودوها في توك توك؟؟!!
و قام رابع و قال : لو المفتي قال حلال نتبرعلهم بزكاة المال فأنا بفتي و بقولك حرام. المهم خرج الناس من المسجد و استمروا في جمع التبرعات و بينما هم كذلك قابلهم بائع قماش فتبرع لهم فمد إمام المسجد يده ليأخذ منه المال فوجد على يده صليب فأخذ منه الأموال و تعجب !! بعض المسلمين لا يكتفون بعدم المشاركة أو التبرع بل يتهمون أهل الخير بالسرقة و هذا نصراني يتبرع لمسلمين في الصومال طبعا هم قلة و لكن ما الذي أوصل فكرهم لهذه المرحلة من الجهل؟؟ |
سبحان الله بجد يعنى
انا لسه حالا مكلم واحد زميلي عن نفس المشكله دى وقعد يقولى لما الناس فى مصر مش لاقيه تاكل ودول قراصنه وانت اللى عرفك انهم بيموتوا واديتوا صفحه عالفيس بوك ( جسد واحد لنوقف مجاعه الصومال) يقولى انا مش بادخل صفحه الاخوان المسلمين ومش عارف ايه انا كنت عايز اعمل موضوع عن كدا بس سبحان الله حضرتك سبقتني اما بصراحه بالنسبه لسؤالك انا مش عارف هم ازاى بيفكروا كدا وازاى مش بيحسوا باهلهم الصراحه مش هاقدر ارد على السؤال لانى مستغرب منهم فعلا |
هو فيه فى مصر ناس بتموت من الجوع وشكلها عبارة عن جلد على عضم
انا لا اعتقد هناك كلهم فى مجاعة ومينفعش نشبه اى واحد منهم باى فقير عندنا هنا وزى ما المصريين اهلنا الصوماليين بردو اهلنا هم مش مسلمين زينا ولا اى وبعدين دة واجب علينا بدل جماعات التنصير اللى بتروح هناك تشترط انها تديهم اكل بس يتنصروا بس الفكرة كلها ان الواحد يبقى متأكد ان الفلوس دى فعلا ريحالهم وشكرا |
حضراتكو مش بتشوفو صورهم؟ ازاى تشبهوهم بالفقرا العاديين
دى ناس مش لاقية تلبس ولا تاكل لا حول ولا قوة الا بالله |
اقتباس:
اقسم بالله اني شفت واحد نايم في الشارع افتكرته ميت لانه كان فعلاً هيكل عظمي بالظبط زي الصور اللي بيطلعوها دي ..............يعني من الاحر عندنا زيهم لكن بحترم رأيك و بشدة ............و انا اتفق مع ذلك ولن اضيف اليه شيئاً و تقبل مروري السريع علي الموضوع |
اقتباس:
أنا معاك إن في في مصر زيهم بس مش كتير أوي الحاجة الثانية إننا في مصر على الأقل بنلاقي بق الميه اللي يعيشنا هما هناك مش لاقيينه وعلى رأي إمام المسجد بيقول عن الصومال أنها دولة لا نجد فيها امرأة تكشف شعرها إحنا عندنا في البلد جمعوا لغاية دلوقتي ما يقارب 35 ألف |
ربنا معاهم ان شاء الله
كلنا لهم ومعهم |
اقتباس:
اعتقد حضرتك مشفتش اللى فى الصومال بقول لحضرتك مش لاقيين ولا لبس ولا اكل ولا شرب وبلد كاملة لو واحد هنا فقير هيلاقى اللى يديله حضرتك احنا هنا عندنا على الاقل موائد رحمن حضرتك لو واحد قال لحد انا جعان هيلاقى ميت واحد يديله والمية فى كل حتة الحمد لله دة الاكل فى مصر بيترمى فى الشارع رغم ان الناس بتقول البلد فقيرة ومستوى المعيشة منخفض هناك هم مش بيلاقو حتى حشائش ياكلوها ازاى نشبه الصوماليين بالفقرا فى مصر ربنا مع الجميع خلاص متزعلوش نفسكو اكلو الفقرا المصريين واتبرعوا للصوماليين لكن فى ناس تقول احنا ندى للصومال لى وفى نفس الوقت لما تيجى تقول اتبرع للفقرا فى مصر يقولك محدش بيموت من الجوع ربنا مع اخواننا فى الصومال وانا طبعا مع التبرع ليهم الواحد حقيقى مش بيتحمل يشوف اللى هم فيه ولا يتخيله |
يقول الرسول صلى الله عليه وسلم " من لم يتهم بأمر المسلمين فليس منهم"" فواجب علينا مساعدة اي محتاج مسلم في اي مكان. ثم ان فقراء مصر لن يموتوا من الجوع ابدا لوجود الخير في قلوب المصريين مع وجود جمعيات كثيرة تعمل في ذلك المجال ثم ان فقراء الصومال ليس لديهم اي شيء بسبب الجفاف ام نحن في مصر لدينا النيل ولا اعتقد انه فقير في مصر جاع فاكل من فيل ميت او اكل من ورق شجر الغابات التي بدأت تجف. ولعل الله يفتح على مصر ابواب خير وبركة بسبب مساعدتنا لهم رغم ما نمر به من مشاكل
|
اقتباس:
جزااك الله خيرا |
اقتباس:
جزاك الله خيرااا فالمحن تأتي بالمنح و لعل ما تمر به البلاد العربية الآن هو تمحيص و اختبار ومن يدري ؟ فلعل الله قد أذن للخلافة الإسلامية أن تعود |
إن كنا سننظر للقضية دينياً ... فالأقربون أولى بالمعروف
وعندنا في قرى كاملة منعزلة اهلها بالكاد يجدون مكان نومهم وإن كنا سننظر لها إنسانياً ... فسوف نطعم أهل الصومال لأنهم "بشر" وليس لأنهم "مسلمين" في الحالتين انا مش شايف في حد اولى من حد عالاقل اللى في بلدك تضمن وصول المعونات ليهم عن اللى ممكن يكونو بيستغلوا طيبة الاخرين بعرض مثل هذه الصور المشهورة عالنت ! |
حضرتك يا بانزر محسسنى ان الصور دى مجرد مصمم عملها عشان ينصب
بس دة طبعا مش صحيح شيوخ كتير راحو وشافو بعنيهم وبيرجعو يبكو من المنظر ومهما يوصفو اكيد مش هيقدرو يقولو اللى شافوه انا سمعت الشيخ محمد حسان عنهم .. محدش يقدر يتحمل انه يعرف ان فيه مسلمين كدة ويسكت ولازم الصور دى تتشهر لانها صور عن حاجات مش عادية وهيستغلو الطيبة ازاى يعنى سبق قلت ان الفكرة كلها اننا نبقى متأكدين ان الفلوس دى ريحالهم فعلا وسبق وضحت الفرق بين المصريين والصوماليين ودينيا او انسانيا واجب علينا نساعد الاخوة فى الصومال اقتباس:
|
اقتباس:
|
واحد النهارده كان بيوزع بلح على الصائمين فى الطريق وقت أذان المغرب فبيعطى واحد ماشى فى الطريق بلحه
فقال له : شكرا أنا مسيحى . فرد التانى عليه وقاله : يعنى أنا اللى مسلم تحيا مصر وشكرا على الموضوع الرائع |
اقتباس:
الصور حقيقية وموجودة عالنت من زمان مش لسه صور جديدة ودي بتبقى عند المصورين والصحفيين وكدا زي السبق الصحفي مين يحصل على اكثر صورة مؤثرة او صور نادرة وهكذا ومش لازم الصور دي تكون في الصومال اصلاً بلدان افريقيا الفقيرة كثيرة اقتباس:
بس كانوا في ميكروباص :d |
اساسا لازم الشعوب العربيه تساعد بعض مش لازم يستنو لما تحصل حاجه زى المجاعه دى علشان يساعدوهم
انا اسمع ان فى الصومال خير كتير بس للاسف مفيش استثمار طبعا لازم نتبرع ليهم اكيد و فعلا مينفعش نقارن فقراء مهما كان بناس عايشين فى مجاعه ربنا يلطف بالمسلمين و يعدى ازمتهم على خير اللهم ااااااااامين |
mashkooooooooooor 3ala elmawdo3
|
:o:o:oلا اله الا الله هموت واعرف الناس دى لا بترحم ولا بتسيب رحمة ربنا تنزل طب عايزين يتبرعوا يتبرعوا مش عايزين يخرسوا :slap1qk6: استغفر الله من الناس دى :mad::mad: اما بنسبة للمسيحى فده شخص عنده ضمير ومشاعر مش معنى انه مش مسلم انه يكون بلا مشاعر بجد شئ جميل منه ربنا ينصر اخواننا فى الصومال ونجمع اكبر قدر من التبرعات |
مسلم ومسلم وليس مصري او صومالي ومن يحتاج اكثر هو ما يهم
|
انا قرات عنوان الموضوع وفهمتك انك مع الراى ده وبصراحه كنت ناوية ادخل واتخانق اوووووووووووووووووووووووى
بس الحمد لله طلع الكلام اللى فى الموضوع نفس رايى يا جماعه احنا مسلمين ودول مسلمين زينا ازاى اشوف اخويا واختى المسلمين بيموتو من الجوع والعطش والعرى ومساعدهومش حتى بجنيه واحد هو يعنى الجنيه ده هيخسسنى بس جنيه منى ومنك ومنكِ هيفرق مع الناس دى جامد اوى ربنا ينجيهم مما هم فيه ياااااااااااااااااااااااااااارب |
اولا شكرااااا ع الموضوع
ثانيا العرب دول عليهم حاجات غريبه فعلا |
اقتباس:
ثانيا هما بيقولوا رأيهم سواء يتفق او يختلف مع رأي حضرتك مش يديكي الحق انك تغلطي فيهم ثالثا ده مش معناه اني انا معاهم في الرأي ده لكن كلنا نحترم بعض اما رايي في الموضوع فهو موضوع جميل جدا وانا عن نفسي مع التبرع للصومال...يا جماعة دول في مجاعة احنا في مصر هنا مكنش في مجاعة من الاااااااااااااااااااااااااف السنين...الحمد لله ربنا يحفظ مصر واهلها |
الحقيقة يا اخى العزيز ان حالة الفقر التى تسود بلاد الصومال ليست كحالة الفقر فى مصر فهم يعيشون فى مجاعة حقيقية بالاضافة الى الجفاف الذى يقتلهم كل يوم ويهلك اجسامهم انه اختبار من الله تعالى لكل مسلمين العالم بل لكل الاناس لكى يرى من يمد يده لينقذ روحا ممن ينقلب على عقبيه
|
كما قال الشيخ محمد حسان : عار علي كل مسلم يري ويعرف ذلك ولا يفعل شيئاً
أما بالنسبة للي بيقولوا نتبرع للفقرا المصريين أحسن لان احنا عندي فقرا كتير والأقربون أولي بالمعروف اسال أي حد فيهم اتبرع امتي للفقرا المصريين ؟!!! وبعدين الموضوع ده مفيهوش مصري وصومالي ، فيه مسلم موحد بالله ومؤمن برسوله جعاااااااااااااااااااان وفيه اطفال مسلمين بيموتوا من الجوع واحنا بنرمي الاكل في الزبالة وبعدين احنا كلنا هنتحاسب علي الناس دي لاننا قادرين نتبرع لهم ومش موافقين لا ومش كده كمان بنتهم من يجمع تبرعات لهم بالسرقه قال تعالي : " واعتصموا بحبل الله جميعاً ولا تفرقوا " قال رسول الله صلي الله عليه وسلم : " المؤمن للمؤمن كالبنيان يشد بعضه بعضا" قال رسول الله صلي الله عليه وسلم : " مثل المسلمين في توادحم وتراحمهم كمثل الجسد إذا تداعي منه عضو تداعت له سائر الأعضاء بالسهر والحمي" |
موافق حضرتك تماما
معاك حق والله |
اقتباس:
|
| جميع الأوقات بتوقيت GMT +2. الساعة الآن 07:33 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.