|
عاوز نصيحتك
السلام عليكم ورحمة الله وبركاتة انا السنة دى فى تانية جبت 93.4 مع انى كنت بذاكر من اول السنة ذى ما يكون بكرة همتحن لكن انا بنسى بسرعة رهيبة وقبل الامتحانات اتربكت ومفيش مادة الا وانا مش عايز ادخلها (للدرجة دى ) انا مضايق جداً حتى مش ليه نفس ذى الاول انى اذاكر انصحونى اكمل رياضة ولا احول ادبى انا من زمان ونفسى فى هندسة افيدونى ياشباب |
اقتباس:
بس ايه اللى خلاك بتنسى بسرعه او بتنسى ازاى يعنى ؟؟؟؟ طبيعى الناس كلها بتنسى ولكن ايه سبب النسيان الكتير عندك على حد قولك(ممكن توتر؟؟) ؟؟؟؟؟؟ |
والله مش عارف ده حتى اسماء الناس بنساها واسماء الاشياء يمكن
|
((العلم يحلو اذا كررته))
النسيان في الدراسة ليه علاج وطبعا هو تكرار الدرس كم مرة وركز حتى وانت بتحفظه وعلمي رياضة بالنسبة لمجموعك كويسة جدا والرياضة مش محتاجة حفظ خالص ولكن بتبقى بحل تمارين كتيرة ولكن ثق بربك وبنفسك وربنا يوفقنا جميعا |
استخير ربنا وانا من رأيي رياضة انا جبت 92,2 وهكمل رياضة وانا غبية اوي ف الحفظ لكن بالتكرار والحفظ بالورقة والقلم واهم حاجة علاقتك تكون صافية مع ربنا واتخلص من ذنوبك عشان دي اكتر سبب للنسيان والله المستعان
|
شكراً ليكم ياجماعة وستنى اراء بقيه الاعضاء
|
مجموعك حلو بالنسبة لرياضة2
وهيبقى مضمون باذن الله انك تدخل هندسة شد حيلك وان شاء الله ربنا هيوفقك |
طب ماهو طالما بتنسي يبقي ما ينفعش ادبي خالص
|
طبعاااااااا مينفعش ادبى خالص طالما عندك النسيان ده والمجموع مش وحش لو كملت رياضة ان شاء الله تلحق هندسة او على الاقل حاسبات ومعلومات بس شد حيلك وربنا معاك:):):):)
|
يــــــــــــــــــــــــارب
وشكراً ليكم |
انا زيك بنسى بسرعة وجبت زيك 93.4 بالضبط وسبب النسيان بيكون الاكتئاب لو عندك مشكلة
|
اقتباس:
|
ياعم كمل رياضة هتوصل للهندسة إن شاء الله بس إشتغل علي نفسك أحسن
|
مجموعك حلو كمل
|
طبعا طبعا علمى رياضة ده مجموعك جميييل جدا انا فى ناس اعرفها 91-92-93 ومكملة علوم؟ وخلى بالك انه مجموع الهندسة قليل مش زى الطب وكده طب انا السنة دى كيميا وفيزيا لانى كنت فى تانية احياء اما انت رياضة وفيزيا ومعظمهم فهم مش حفظ وربنا يوفقك يا بش مهندس
|
اقتباس:
طبعا تكمل علمى رياضه انا صاحبتى كانت جايبه فى سنه تانيه 93 .8 وربنا كرمها اوى فى سنه ثالثه ثانوى وجابت 97 % والسنتين مع بعض بالمستوى الرفيع جابت 96% ودخلت هندسه الاسكندريه فانت شد حيلك كدا واستعين بالله وركز وان كان على النسيان فكلنا بننسى خصوصا بسبب التوتر وبعدين لازم تجتهد لان لكل مجتهد نصيب وربنا دايما بيقدرلنا الخييير ربنا يوفقك |
والله انا سعيد جداً بالاهتمام دة وجزاكم الله خيراً
|
مجموعك حلو
|
يفول الامام الشافعي :
شكوت الى وكيع سوء حفظى فارشدنى الى ترك المعاصي وقال لـــى ان العــــلم نــــــور ونور الله لايــــــــهدى لعاصى دى اول حاجة تانى حاجة انت لو ذاكرت مناول السنة وفى دماغك الامتحان هتتوتر وبالتالي تنسى تالت حاجة انا انصحك تدخل رياضة لان الريضة مش بتحتاج حفظ زى مواد ادبى نسأل الله لك التوفيق والسداد انة ولى ذلك والقادر عليه |
انت اجتهد و اعمل اللي عليك
مجموعك حلو بيديك فرصة حلوة انك تدخل هندسة السنة الجاية مش هتحتاج تعلي اوي ربنا معاك :) و مادام بتنسي يبقي ادبي مينفعش معاك خالص انسب حاجة ليك علم رياضة |
النسيان ده شىء طبيعيى جدا جدا جدا مش لازم يعنى وانت ماشى يكون المنهج كله امام عينك المنهج عبارة عن معلومات لما بتاخد ورقة الاسئلة (الذاكرة والعقل) بيحصل فيهم حالة اثارة للمعلومات عشان بيكون دافع الاستذكار رهيب فى الوقت ده
|
انا من رايي كملي علمي لانك لو حولت ادبي هتتعب اوي وخاصة انك بتقول انك بتنسي بسرعة والمواد الادبية اساسا كلها حفظ اما الرياضة فا دي فهم وحل مسائل...
وربنا يوفقك |
بتنسى ببسرعه اوعا تدخل ادبى انتا لو دخلت علمى رياضه وجبت زى تانيه هتدخل هندسه بس خخلى بالك من رياضه 2 لانهم لما بيصعبو امتحان رياضه 2 بيبقا زفت
|
| جميع الأوقات بتوقيت GMT +2. الساعة الآن 12:32 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.