|
ابعد عنها؟ ... فى حالة واحدة .... لو معايا تيجيبولى
الحسين والسيدة والموسكى ........... وخان الخليلى *********** وصنايعية بتدقدق وتقول مواويـــــــــــــــــــــــــــــــل تعمل لوحة أو تعمل للجامع قناديـــــــــــــــــــــــــــل ********** و أوعوا تنسوا قهوة الفيشــــــــــــــــــــــــــــاوى ... اصـــــــــــــــــل أنا غاوى اسمع حكاوى وكمان غناوى *********** وشاى خمسينة وكباية ميه فيها عودين نعناع ومغنى قاعد عالناصية وبيعزف عالعود أوجاع *********** ومطعم بيبيع كباب وفشة و فتة كــــــــــــــــــــــوارع وزحمة وهيصة واللى عليه الدور واقف فى الشارع *********** وعم حسين بياع الترمس على الكورنــــــــــــــــيش .... والواد سيد راكب العجلة وعلي دماغه قفص العيش ... وجنب الجامع منصوب حلقة مليانة بذكر الدراويش وقهوة صغيرة فى الزاوية وعلى حيطانها صورة لناس بمنشة ولابسين طرابيـش وحمادة ابن أم حسين شايل الشنطة ولابس الميرى ورايح الجيش بيصبح على أهل الحتة وبيدعى له عم عليش شاى بوسطة يا واد لحمادة... يدوم العز ياعم جاويش اقعد حبة ..استنى شوية ...طيب حستناك المرة الجاية... بس اوعى تطنش ياحمادة ومتجيـــــــــــــــــــــــش *********** هاتولى الهرم ويايا .... هاتولى النيــــــــــــــــل هاتولى القعدة واللمة وقلوب صافية لنص الليل ************ هاتولى رمضان بالزينة والفرحة والفوانيـــــــــس هاتولى عيال ماشية تغنى ولمة العادة فى قراطيس ************* وصوت الراديو بيلالى اهو جه يـــــــــــــــــا ولاد يجعل أيامكو ولياليكو كلها أعيـــــــــــــــــــــــــــاد كيلو كنافة وحط قطايف واتوصى شوية يا عم فؤاد ومشينى قوام وحياتك لحسن عازم خال لــــــــــولاد مهو رمضان بيحب اللمة وادعى معايا علينا ينعـــاد ومسحراتى عالطبلة يغنى اصحى يانايم اصحى وقول نويت من بدرى صايــــم نقوم نتلم ونتسحر ونوحد الدايــــــــــم ************** هاتولى ثومة وهى تغنى يا ليلة العيد واصحى والاقى تحت سريرى لبس جديد ونروح نصلى انا واخويا وأبويا وعمى سعيد |
شكرا ليك
شعر جميل وكمان مناسب لاستقبال رمضان وكده |
تسلم ع الشعر بجد جميل اوي
|
شكراً ليك فعلاً يا أستاذ بورسعيدي شعر جميل جداً...
وبحبــــــــــــــــــك يا مصر :) |
الله لوحه جميله
دى مش شعر دى لوحه رسمها فنان عن مصر شكرا" جزاك الله خير |
اقتباس:
|
اقتباس:
فى الحقيقة هو مش شعر وانا مش بعرف اكتب شعر ولكن هو كما وصفة الاستاذ جمعة لكنها عبارة عن لوحة تحمل رائحة وحنين مصر الغالية |
شكرا يا استاذ بورسعيدى على الكلام الجميل ده ;) :rolleyes:
|
موضوع رائع وجزاك الله خيرا
|
اقتباس:
شكرا يا عبد الله على مشاركتك واهتماكم بــــ معظم موضوعاتى |
وبحبك يا مصر بكل ما فيكي
بشعبك وطيبته بحكومتك و...... بحبك بكل ما فيكي شكرا يا بورسعيدي لوحة رائعة برعت في رسمهااا ولكن اسمحلي تجاهلت الكثير في اللوحة من معالم شعب مصر وان وصفت ما وصفت بدقة بالغة تحسد عليها |
اقتباس:
يا اخى الحبيب اذا رسمنا صورة كاملة لمصر بنفس هذا الاسلوب فلن تكفينا صفحات وصفحات ,, بل لن تكفينا كتب وكتب وانا اتبع طريقة ( ما قل ودل ) وانا اراعى عدم الاطالة حتى اضمن قرأة الموضوع لانك تعلم يا اخى الحبيب ان الاطالة تجعل العضو او القارئ يهرب من الموضوع ويذهب بسرعة الى كلمة اضافة رد ويكتب مشكور و الى بعدة والى بعده وانت تعلم هذا جيدا |
جزاك الله خير
|
شكرا ليك اخى العزيز وسيتم نقل الموضوع لقسم الادب
|
شكرا يا عبد الله على مشاركتك واهتماكم بــــ معظم موضوعاتى
[snapback]46690[/snapback] [/quote]العفو يأستاذ بورسعيدى اصل مواضيعك جميله اوى |
اقتباس:
وشكرا لنقلك الكريم بس الحقيقة دى مش شعر ولا قصة يارب ما اكونش تعبتك اثناء النقل ,,,,, |
اقتباس:
عندك حق يا بورسعيدي بس ده ما يمنعش انك وصفت الجزء الموصوف ببراعه شكرا |
ياترى انت فين دلوقتى ياشاعر المنتدى
يارب ترجع بالسلامة |
اقسم لك اني شعرت بهزة بجسدي بالكامل حين قرات تلك الكلمات
حين تمنيت ان اقضي لحظة واحدة بوصفك الساحر لما يدور بمصر اه والف اه شكرا استاذنا |
لي سؤال واحد يا استاذ بورسعيدي
مش حاسس ان الموضوع ده ناقصه رد من شخص بعينه ؟؟ :p |
اقتباس:
وحتى لو كانت مصر مش بالشكل ده او انا بالغت فى وصفها فالسبب فى مبالغتى هذه هو حبى وانتمائى لوطنى وبلدى ولو اتيت باى شخص من اى مكان فى الكون لقال مثلما قولت على بلده ويمكن يكتب عنها احسن مما كتبت عن مصر حتى لو كان اسرائيلى فالانتماء والوطنية غريزة فى الانسان مهما كان موطنه ومهما كانت ديانتة مثل غريزة الامومة والابوه والحب والكرة الخ الخ ومثل غريزتك فى انتقاء ردودك وزياراتك الشيك ;) |
اقتباس:
الوطن شيئ والحكومة شيئ تانى يعنى لما بنسب ونلعن مصر مش بيكون قصدنا مصر نفسها ولا ارض مصر ولا تراب مصر لكن بنقصد بكل تأكيد _ الحكومة _ القانون _ اهمال المسئولين _ عدم النظام عدم الاهتمام بمشاكل المواطنين الغلابة ______ كده يعنى شكرا لمرورك الكريم يا عندليب |
اقتباس:
ده ناقص فى موضوعات كتيرة جدا طبعا اى موضوع لا يدخلة زيزو بيكون فى شيئ ناقص مثل الملح فى الطعام _ والسكر فى الحلويات تواجد لابد منه ___ هذا هو زيزو لكن والله انا هاقول لك سر وجودك معوضنى غيابة شوية وكمان انا فى معظم الاحيان وانا باكلمك بيكون هو الى فى بالى ولو انك تزعل منى بس والله دى الحقيقة وانا عارف ان انت وزيزو اخوات يارب ترجعوا بالسلامة |
جميل جدا يا استاذ بورسعيدي
وفعلا احنا مش بنكرهه الأرض احنا بنكرهه النظام والحكومه وكل الحاجات دي اللي مش مفروض اصلا يُطلق عليها مصر ولما بنهرب بردو - الشباب يعني - بنهرب من النظام نفسه كل واحد فينا بيقول انا عندي عمر واحد ولو اتقدمت خطوه محدش بيكمل انا عارف ان في معظم المواضيع دي بيطلع شخص يقولي المهم تكون عملت اللي عليك متهربش وتبقي جبان وكلام كتير غير واقعي ولا هيقدم ولا هيأخر بس عادي هسمع وانا لا زلت مقتنع بفكري في النقطه دي بالذات رغم ذاتيته وانانيته العاليه جدا شكرا ليك استاذي :) |
كما ذكرنا وذكر بعض الاعضاء
انه هناك فرق كبير بين الوطن - الام - الحنين - الارض وبين الحكومة - الشرطة - المسؤولين - النظام الحاكم ومش معنى انى محتج على هذه الحكومات انى كاره لبلدى طبعا مستحيل لان الانتماء شيئ موجود بفطرة الانسان حتى لو كان اسرائيلى شكرا لزيارتك الموضوع الف شكر |
| جميع الأوقات بتوقيت GMT +2. الساعة الآن 10:18 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.