|
كفانا تواكل ودعاء..............!!
السلام عليكم {اللهم دمر اعداء الدين وانصر اخواننا في فلسطين والشيشان وافغانستان والعراق اللهم..........الخ} الي امته هنفضل نقول الدعاء ده في المساجد ايه الفايده منه بس واحنا مش بنعمل حاجه اساسا احنا بنتواكل مش بنتوكل علي طول الدعاء ده شغال وانا مش فاهم ايه فايدته طيب اللي بيقول الدعاه بيقوله ليه؟ عمل حاجه عشان يدعي المفروض يدعي ان يخرج من امتنا الجبانه ديه واحد يحارب اعداء الله بدل مايدعي ان الاعداء يموتوا كده من غير مايعمل حاجه والمصيبه اللي بيقول انا هساند اخواني في فلسطين والعراق بالدعاء ده علي اساس ان دعائك ده مستجاب كان غيرك اشطر كان كل واحد بلاش يحارب ويفضل يدعي يمكن يكسب الحرب او بلاش نشتغل وندعي هنصحي نلاقي الفلوس تحت المخده ياريت نبطل نقول الدعاء ده لانه ولا هيقدم ولا هيأخر طول ما انته مش بتعمل حاجه واللي عايز يعمل حاجه لاخوانا المسلمين في في فلسطين او العراق او افغانستان او....... يعملها بقلب جامد ولو مش عارف يعمل حاجه يبقي السكوت احسن مش هقول نعمل مظاهرات....... زي قلتها بلاش توهموا نفسكم انكم لما بتعملوا مظاهره بتعمل حاجه يعني لو ليها فايده يبقي حد يقولي ولا الامريكان هيموتوا من المظاهره ولا فلسطين هتتحرر للأسف احنا شعب ضعيف وجبان |
في حاجات كتير ممكن نعملها عالاقل ندعيلهم بقلب صادق؟.....مش قراية جرايد يعني..ممكن نقاطع منتجاتهم زي ما كيمو قال وعمل حملة في المنتدى .......ممكن نبعتلهم معونات عن طريق اي حاجة..لكن الغلط ان احنا نقول مفيش في ادينا حاجة..ما تقنعنيش ان حد هايمسك بندقية ويروح يحارب معاهم ...بس دة مش معناه ان احنا نسكت.....مشكور يا احمد عالموضوع ..........ياريت نهتم بقى
|
اولا جزاك الله خيرا
ثانيا مين قال ان الدعاء ده تواكل كلنا مطالبون بأن ندعو لاخواننا المسلمين في كل مكان واظن ان الدعاء هو الشىء الذى نملكه الان الى جانب المقاطعه هذا هو ما نستطيع عمله في الوقت الحالى |
اقتباس:
طيب وحضرتك عملت ايه للشعب ولا لفلسطين يا شجاع يا مقدام "مش حضرتك مصرى برده؟" صح كلامك كله صح........ نعملهم حاجه بقلب جامد يعنى نعمل ايه فى وجهة نظر حضرتك اقولك احنا ندعى واحنا ماسكين لهم الشباشب او اقولك حاجه احسن احنا نشتغل فى الشعارات بقى ونقول اننا هنروح نحارب ونزود الحجاره حجر ولا اتنين هينفعهم برده:mad::mad: وعلى فكره يا كابتن اللى بيدعى زى حضرتك كده وبيقول هو الدعاء هيعمل ايه يبقى معندهوش حسن ظن بالله والحمد لله ان محدش فينا كده واحنا هنفضل ندعى وهنفضل نقاطع واللى مش عاجبه لا يدعى ولا يقاطع واستنى لما الجيش يتسلح وساعتها ابقى روح حارب يا بطل |
اقتباس:
بس المشكله ان المعونات بتاعتك ديه مش بتوصلهم وبتروح لنا تانيه والمشكله ان في ناس كتير متعرفش الموضوع ده مشكور ع المرور اقتباس:
انا قولتلك لو الدعاء بيعمل حاجه كان غيرك اشطر شكرا علي مرورك |
السلام عليكم اخي زاك الله كل الخير ولاكن
اقرأ هذا الموضوع وبعد قرائته قرائه جيده قول رأيك مره ثانيه http://www.thanwya.com/vb/showthread...665#post360665 |
اقتباس:
المشكله ان كل واحد فاكر لما يدعي فلسطين هتتحرر والدنيا هتبقي حلوه والكلام ده مش هيحصل وبالنسبه ليا كمصري انا قولت اللي عارف يعمل حاجه يعملها واللي مش عارف يسكت احسن وانا اخترت السكوت لغاية لما يبقي قدامي حاجه اعملها وانا مش بتاع شعارات وانا مشتغلتش في الشعارات ياريت تقري الموضوع كويس وبعدين اكلمي براحتك وبعدين انتم بتقاطعوا من امته بقالكم سنين بتقاطعم عملتوا حاجه حسيتوا بفرق مش شايف اي فرق والله وبالنسبه لحسن ظني بالله مين قالك اني معنديش حسن ظن بالله طيب انا هاخدك عي قد عقلك وهكلمك بطريقتك انا دلوقتي راجل مسلم بصلي وبصوم وبزكي إلخ وبصلي في الجامع وكل الحاجات ديه وعندي حسن ظن في الله بس مش بشتغل ودعيت انا ربنا يرزقني بفلوس كتير اوي ايه رأيك في الراجل ده هسيبك تردي علي نفسك |
[لو عال بندقية وواجبي....طيب ماروحتش انت ليه؟؟؟؟؟؟
ولو عالمعونات مش مهم لكن الدعوات بتوصلهم والمقاطعة برضوا بتفيدهم.. ..................اخي في الله ياريت بلاش تقول ان الدعا مش بيفيد استغفر ربنا وافتح المصحف وشوف ربنا قال اية عن الدعاء؟؟؟؟؟؟؟؟؟؟؟؟؟؟؟؟؟؟؟؟؟؟ |
اقتباس:
|
|
اقتباس:
يعني عشان مش قادر اروح واحارب يبقي اعد ساكت وبلاش ادعي لحسن اكون من وجهة نظرك متواكل انما لو سكت هبقي ايجابي ومناضل وجميل اوي حديث عن الرسول صلي الله عليه وسلم فيما معناه ( من رأي منكم منكرا فليغيره بيده فإن لم يستطع فابلسانه فإن لم يستطع فبقلبه وهو اضعف الايمان ) بالله عليك طلعلي حديث او ايه بتقول مندعيش ونعد ساكتين طالما مش عارفين نعمل حاجه |
اقتباس:
مش مستنيك تقولي افتح المصحف يا اخ انا عارف انا بقول ايه المهم يعني يا ريت تقري الفرق بين التواكل والتواكل ولكن علينا أن نفرق بين: التوكل، والتواكل، فالتوكل: هو الاعتماد على الله والثقة بقدرته مع أخذ الأسباب اسـتناداً لقوله -سبحانه وتعالى-:" وما من دابة في الأرض إلا على الله رزقها")، وكذلك: " وقل اعملوا فسيرى الله عملكم ورسوله والمؤمنون"(سورة التوبة-94، وكما قال الرسول -صلوات الله وسلامه عليه-:" لو توكلتم على الله حق توكله لرزقكم كما يرزق الطير تغدو خماصاً وتروح بطاناً" فأوضح بأنها تغدو وتروح في طلب الرزق، أي تجد وتجتهد في طلبه. أما التواكل: فهو أن تقول: بأنك متوكلاً على الله -سبحانه وتعالى- دون أن تأخذ بالأسباب، وهذا ما لم توضحه الآيات والأحاديث الشريفة، وما أرمي إليه عزيزي القارئ هو أنك بمجرد قراءتك لمثل هذه المقالات وغيرها من الكتب الهادفة والاستماع للأشرطة التعليمية، والعمل بموجبها فإنك تكون بذلك قد أخذت بالأسباب المؤدية للنجاح، ويبقى التوكل على الله وتوفيقه -سبحانه وتعالى- بأن يقيض لك النجاح. |
اقتباس:
|
جزاك الله خيرا وياريت تقرأالى كريم قالم عليه هايفيدك
|
لا اله الا الله سبنا القضيه المهمه ودخلنا في حجات تانيه خالص استغفر الله العلي العظيم انا بجد مش عارف اقول ايه
|
اقتباس:
|
والله يا أستاذ احمد انا بحييك جدا لان بكلام حضرتك هتحفز كل الشباب على بذل اقصى ما عندهم فى الدعاء واللى ماكنش هيدعى بعد ما شاف كلام حضرتك هيتضرع لله فى الدعاء وخصوصا بعد ما حضرتك كتبت الفرق بين التوكل والتواكل وياريت قبل ما حضرتك تنصح تطبق النصيحه على نفسك "يعنى قبل ما تقول افهم اللى انت كاتبه ياريت حضرتك تعمل كده الاول":mad::mad: |
اقتباس:
|
http://www.thanwya.com/vb/showthread.php?t=35639
ممكن تقرأ ده وشارك بتصويتك معانا اعلنت وکالة غوث وتشغيل اللاجئين الفلسطينيين ( اونروا ) الاثنين، انها ستوقف المساعدات الغذائية التي توزعها على 860 الف شخص في غزة الاربعاء اذا استمر الحصار الاسرائيلي. وقال کريستوفر جانيس المتحدث باسم أونروا: بسبب نقص النيلون اللازم للحقائب البلاستيکية، والوقود اللازم للسيارات ومولدات الکهرباء سيتحتم علينا يوم الأربعاء أو يوم الخميس وقف برنامج توزيع الأغذية على 860 ألف شخص في غزة إذا استمر الوضع الحالي. الى ذلك، توفي 5 مرضى فلسطينيين على الاقل في مختلف مستشفيات قطاع غزة جراء اغلاق سلطات الاحتلال الاسرائيلي المعابر منذ الخميس الماضي. واكدت مصادر طبية فلسطينية، ان الاقسام الطبية في مشافي قطاع غزة مهددة بالتوقف بسبب انقطاع التيار الكهربائي بعد توقف محطات الكهرباء عن العمل، مشيرة الى ان كافة محطات المياه في القطاع ستتوقف خلال ساعات. وقد اغلقت الافران ابوابها وتعطلت حركة السير نتيجة توقف امدادات الطاقة. وافاد شهود عيان، ان قوات الاحتلال منعت دخول شاحنتين محملتين بالادوية والمساعدات الطبية الى القطاع. الى ذلك اکد خالد راضي المتحدث باسم وزارة الصحة الفلسطينية في قطاع غزة الاثنين، ان وضع المرضى کارثي، محذرا من ان استمرار عدم تدفق الوقود سيؤدي الى وفاة مئات المرضى والجرحى في المستشفيات في قطاع غزة. ويرقد 22 مريضا في حالة حرجة في قسم العناية المرکزة في مستشفى الشفاء، وغالبيتهم من الجرحى في غارات الاحتلال الاسرائيلي الاخيرة، وهم مهددون بالموت اذا توقفت المولدات الکهربائية، حسب راضي. وقال: ان مستشفى الشفاء وهو اکبر مشافي القطاع لديه مخزون من الوقود يکفي ليوم واحد اذا عمل بشکل طبيعي، لکن تم اقتصار العمل بالطوارئ. واضاف: ان " باقي مشافي القطاع لديها مخزون وقود يکفيها لساعات فقط، وتابع: هذا قرار بالاعدام اتخذته اسرائيل ضد مئات المرضى. وتفرض سلطات الاحتلال حصارا تاما على قطاع غزة منذ مساء الخميس، وتوقفت الاحد المحطة الوحيدة لتوليد الکهرباء عن العمل بسبب افتقارها الى الوقود. هذا وقالت منظمات دولية اليوم الاثنين، ان الأدوية والوقود اللازم لمولدات الکهرباء في مستشفيات غزة ستنفد خلال بضعة أيام ان لم تفتح المعابر الحدودية للقطاع. وقالت ميشيل مرسييه المتحدثة باسم اللجنة الدولية للصليب الأحمر: ان اللجنة تحاول اقناع إسرائيل باعادة فتح حدود غزة على الأقل أمام امدادات الإغاثة وشحنات الوقود. وتابعت: " المستشفيات ما زال بها مخزون، ولکنه لم يستمر لأکثر من يومين أو ثلاثة أيام.. إذا لم يتوفر المزيد من المخزونات، يمکن ان تتخيلوا ما يعني ذلك بالنسبة لعلاج المصابين... وستتأثر الرعاية الطبية اليومية " |
ممكن حد يقولي الفرق بين التوكل والتواكل
|
شارك معانا فى الاستفتاء فى هذه
http://www.thanwya.com/vb/showthread.php?t=35639 |
اقتباس:
|
اقتباس:
بس بجد حضرتك بتثبت بجداره انك فعلا راجل متدين وبتصلى وبتصوم وعندك حسن ظن بالله ما شاء الله عليك واحنا وحشين هنروح ندعى وخليك انت قاعد مستنى تشوف اللى هتعرف تعمله ومعلش انا عايزاك تيجى على نفسك وتاخدنا كلنا على اد عقلنا حضرتك برده الكبير العاقل |
اقتباس:
حضرتك علامه ياريت تفهمني بس بسرعه لو سمحت |
الله يخليك يا زومبا
|
اقتباس:
|
اقتباس:
|
انا مش مشوفتش الردود
بس الدعاء اضعف الإيمان وده اللي في ايدينا عندك حل قلهولي ويالا بينا وانت بتقول نسكت احسن كدا يعني حليت المشكلة موضوعك مش منطقي يا ابو حميد مادته ضعيفه ومش هيقدم برده ولا يأخر زي الدعاء - علي حد قولك - شكرا |
اقتباس:
|
اقتباس:
|
ايه مفيش اي واحد من اللي كتبوا ردود وهاجموني عرف الفرق بين التوكل والتواكل
|
اقتباس:
اقتباس:
بس معلش انا هجاوب علي قد فهمي التواكل يا سيدي بالبلدي ييعني انك تبقي قاعد ملكش اي لزمه ومستني الي انت عايزه يجيلك وانت بتدفي اما التوكل فهو انك تعمل وتتوكل علي الله في نتيجة عملك بس كدا:D |
يا جماعة .. احمد قصده اننا لازم ناخد بالاسباب .. لان ربنا جعل لكل شيئ سبب .. يعني احنا لما نعد ندعي على اسرائيل ومن يواليها ........... فجأة كده هنلاقي الارض انشقت وبلعتهم .. طبعا مش بعيد على ربنا بس ربنا قال ( ان تنصروا الله ينصركم ويثبت اقدامكم ) ولو غلطت في الاية حد يصلحها .. طبعا حال المسلمين دلوقتي هو السبب في وصولهم لكده .. والرسول قال في حديث ما معناه .. ( يوشك ان تتداعي عليكم الامم كما تتداعى الأكلة الي قصعتها .. قيل أمن قلة نحن يومئذ .. قال فيما معناه .. بل انكم يومئذ كثير ولكنكم غثاء كغثاء السيل ) .. فغثاء السيل ده لو فضل يدعي في نفس واحد من غير مايعمل حاجة .. يبقى بيضيع وقته .. وفيه قصة مش فاكرها اوي بس باختصار كان صحابي شاف ناس متواكلة .. ولما استنكر عليهم قالوله نحسن الظن بالله .. قالهم كذبتم لو احسنتم الظن لاحسنتم العمل .. واللي في ايدينا دلوقتي فعلا المقاطعة والمعونات بس دي مش بتوصل !!!!!!!!!!
بس .. ومش عايز حد يزعقلي :D |
اقتباس:
زي ما احنا قاعدين مش بنعمل حاجه غير ندعي ومستنين الفرج وان صاعقه تنزل من السماء وتدمرهم هوه ده اللي انته بتعمله |
اقتباس:
|
اقتباس:
يبقي نعمل اضعف الايمان وندعي علي الاقل ولا ايه يا حج بلال |
اقتباس:
|
سلام عليكم
على فكرة كلامك خطير جدا خطر جدا انك تخلط بين الدعاء والتواكل انا فاهم كلامك كويس وعارف انك عاوزنا نشتغل ونعمل عشان يبقى حتى فيه امارة ننصر بيها لكن على فكرة الدعاء ده اعظم سلاح عند المسلم تفتكر ايه اللى بفرقك عن اليهودى او النصرانى الدعاء.....((وقال ربكم ادعونى استجب لكم) وهو مش اضعف الايمان زى ما احمد رضا بيقول ده اقوى الايمان ثم على فكرة عمر الدعاء اللى بتدعيه ما هيخسرك ....انت الكسبان دايما الدعاء يا اما يستجاب...يا اما يرفع بيه بلاء جاى لك يا اما يدخر لك فى الاخرة ثم ان معظم حروب المسلمين..النصر كان بالدعاء مش بسلاح ولا حاجة (قصدى بكترة السلاح مش السلاح ذات نفسه امال هيحاربوا ازاى....يعنى) تتخيل بعقلك ازاى 20 الف مسلم يهزموا 200000 نصرانى فى موقعة ملاذكرد بقيادة الب ارسلان(احفظها الموقعة دى حلوة والله) والله ولا الهوا ..ولا تكتيك ولا مخ ولا اى حاجة..(مع انه مطلوب) فمينفعش نبطل الدعاء حتى ولو كان ده مش قصدك من الكلام لكن ظاهره بيقول كده او الناس فهمته كده يعنى الافضل لو انك اتكلمت عن التوكل والتواكل..(والاتنين عكس بعض علشان اللى بيسأل) لكن انت المشكلة انك خلطت الامر بالدعاء وهو موضوع تانى لكن ما علينا وياريت اننا ندعى ان ربنا يستجيب دعوتنا المتواضعة وسط الركام من البلاوى اللى بنعمله افتكر الكلام ده انتم حافظينه اكتر منى يعنى! كل سنة وانتم طيبين |
اقتباس:
انا بقول في موضوع بلاش نتواكل وياريت تعملوا حاجه مفيده بس المشكله انكم مش هتعرفوا تعملوا حاجه ولو وقفتم علي شعركم لان الامر مش بأيدي وا بأيدك المفروض المقاطعه الصح تكون من التجار مش منك انته والامر في الاخر بيرجع للحكومه ومش عايز اكلم في السياسه |
السلام عليكم اخي صاحب الموضوع بارك الله فيك انا فهمت انت عايز بص ياسيدي فعلا الدعاء مش كفايه والله حضرتك انسان ممتاز وعجبتني اوي انا هقولك نعمل ايه مش نقعد كده زي ما انا قولت لازم كلنا نعمل حاجه مش لازم نقعد نحتار وفعلا الدعاء لايكفي والدعاء والمقاطعه لاتكفي ايه ياعم امال ايه هيكفي انا هقولك احنا ندعيلهم ونقاطع اعدائهم ونمولهم بما نستطيع وهما يجاهدو ويناضلوا من اجل حقهم وبهذا يحدث تكامل هذا رائيي اخي ارجو الاهتمام والرد عليه |
اقتباس:
المسلمين راحوا حاربوا مش وقفوا وقعدوا يدعوا بس عملوا حاجه توكلوا علي الله مش تواكلوا |
اقتباس:
" من راى منكم منكرا فليغيره بيده فإن لم يستطع فبلسانه فإن لم يستطع فبقلبه وذلك أضعف الإيمان " صدق رسول الله صلي الله عليه و سلم متفق عليه يبقي انا مش بتكلم عن الدعاء لوحده بصفه خاصه انا بتكلم علي ان الدعاء يندرج تحت الخيارات من انك تروح تجاهد .. انك تقدر تطلع علي شاشه التلفزيون و تتكلم فبيبقي بقلبك و ده اضعف الإيمان ده اللي كنت اقصده :D |
اقتباس:
اخي تكلم في السياسه لاتخف هههههههههههه بص ياحبي لما انا وانت نبطل نشتري منتج معين ونخلي كام واحد كده يبطل يشتريه اكيد التجار مش هتشتريه والمصانع بتاعه هتفلس ومش هتملعه ومفيش اي شئ بأيد الحكومه لان الحكومه مش بتضربنا علي ادينا وتخلينا نشتري وانا موجود ومستعد لاي نقاش مع حضرتك |
اقتباس:
|
قولي بس يا ابو حميد
وانا هنهيلك الموضوع ده و اديك المفيد انت عايز ايه من اننا مندعيش ؟ جاوبني و هقولك ع المفيد |
يا جماعه اسمحولى اشرحلكوا على اد فهمى طبعا اللى احنا عمالين نلف وندور عليه من الصبح المشكله...... اليهود اللى بيتغلغلوا فى بلادنا يوم بعد التانى زى مرض الجزام فى الجسم الحل ...... اننا نروح نحارب طبعا او وحدة المسلمين وطبعا الاتنين يعتبروا احلام يقظه الامكانيات ...... مستنين الفرج اللى احنا بنعمله دلوقتى ........ الدعاء والمقاطعه ومفيش بايدينا اكتر من كده نعمله واكيد ده احسن من اننا نعد ساكتين الا اذا حد عنده رأى تانى بس انا عن نفسى شايفه ان الحكايه دى مش محل للجدال واخر حاجه عايزه اقولها عشان بجد انا حسه انى عماله الف وادور ومش بنوصل لحاجه فى الاخر ان ربنا سبحانه وتعالى بيقول"لا يغير الله ما بقوم حتى يغيروا ما بأنفسهم" وده اللى شيوخنا الافاضل بيحاولوا يعملوه وينصحوا المسلمين والمؤمنين بس هما اللى بيستجيبوا وبيغيروا من نفسهم ولو كل واحد استجاب للكلام ده بجد هنتغير وكل اللى حولنا هيتغير |
اقتباس:
ياتشتري الدوا وابنك يعيش مع ان الدوا امريكاني يا بلاش وابنك يموت هيه كده |
بسم الله الرحمن الرحيم
أولا أبدأ معاك من العنوان اللى انت اخترته للموضوع "كفانا تواكل ودعاء " ففى رأيك ينفع تعطف الدعاء على التواكل......شتان بينهم اعتق ان انت عمك ما قريت اى حاجة عن الدعاء اساسا ومش عايز اقول ما قريتش عنه فى القران على الاقل الكثير من الايات تحث على الدعاء وتامر به وطبعا السنة الكثير من الاحاديث تأمرن بلدعاء فى كل الاوقات والحالات والدعاء سهم الله النافذ فى قدره.وليس موضوعى الان ان اذكر فضل الدعاء .ولكن انت وضعته فى موضع غير مناسب اطلاقا فالدعاء ابعد ما يكون عن التواكل ولا ايه رأيك؟؟؟ فأنت بكده اتكلمت دون ادنى علم عن الموضوع اللى انت بتتكلم فيه ..... بل انت وضعت كلامك وكأنه حقيقة لا تنكر . كان اضعف الايمان ان تضع الموضوع كأنه سؤال منك عن فائدة الدعاء للفلسطينيين وواجبنا نحوهم ووووو....الخ ولكن بهذا الشكل الذى وضعته افرض حد ليس عنده معلومات فى الموضوع ده واخد كلامك على انه صدق هل تتحمل ذنبه تذكر....من افتى بغير علم فليتبوء مقعده من النار...........اضعف الايمان ان تبحث فى الموضوع قبل ما تكتبه ............فالدعاء سلاح فتاك وانا ادعوك وادعوا كل من قرأ الموضوع ان لا يبخل بالدعاء ويستمر فى الدعاء ما استطاع ولو حتى كل سجود او كل صلاة عسى ان يكون فينا عبد صالح يستجيب الله منهولا ننسى بقية المساعدات لهم من دعاء وتبرع ومن استطاع اكثر من ذلك فليفعل واجره على الله واخيرا اذكرك من افتى بغير علم فليتبوء مقعده من النار.ابحث فى الموضوع قبل ما تكتب فيه والسلام عليكم ورحمة الله وبركاته |
لا حول ولا قوة الا بالله بجد حاجة جميلة جدا جدا جدا
انا عاوز اقول كلمتين وخلاص .... قال تعالى : { ادعوني استجب لكم } { واذا سألك عبادي عني فاني قريب اجيب دعوة الداعي اذا دعاني } فيا استاذ احمد نحن لا نستطيع ان نقول انه بما اننا لا نملك ما نفعله اننا لا ندعي فالدعاء سلاح ذو قوة عظيمة لتتذكر اخي ماذا فعل الدعاء في غزوة الاحزاب هبت على المشركين رياح عظيمة لتتذكر اخي قول نوح عليه السلام { ربي اني مغلوب فانتصر } انا مش بقول ندعي وبس بس طالما مفيش في ايدينا حاجة غير الدعاء يبقى ندعي ونفضل ندعي الى ان نملك ما نفعله خباب ابن الارت رضي الله عنه عندما اسره المشركين وحانت له فرصة للهرب بان اتى له ابن من تأسره في بيتهاوكان معه موس لم يهددهم بقتله حينما صلبوه لم يتصارع ولم يحاول الفرار ولكنه دعى ( اللهم احصرهم عددا واقتلهم بددا ولا تغادر منهم احدا ) والقصة طويلة وقصص قوة الدعاء كثيرة جدا يا اخي ولا نستطيع انكارها وشكرا واسف لو الكلمتين طولو |
اقتباس:
بس اعمل حاجه والمشكله ان كل الاسلحه بتاعة المقاطعه والمظاهرات مش نافعه خالص شغاله من زمان ومش شايف اي تغيير لو تعرف تساعدنا في ابتكار سلاح جديد ياريت .......... |
| جميع الأوقات بتوقيت GMT +2. الساعة الآن 10:35 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.