ساعدونى اقتصاد ولا علم نفس
 

انا متهايئلى انكم زهقتوا من السؤال ده انا كنت هاخترت اقتصاد بس صحبتى قالتلى خدى علم نفس لان درجته

مضمونه هو حفظ انا بحب الرياضه بس بيقولو ان الاقتصاد او الاحصاء بيقولو حفظ
وممكن تيجى مساله ف الامتحان لو اقعدت ساعتين تلاته مش هتحلها انا علمى رياضه بس خلاص انا كرهت الثانويه وال ف ثانويه وكرهت مفسى بجد محتارة مش عارفه اعمل ايه ياريت تساعدونى

على فكرة الاقتصاد والاحصا أسهل بكتير من علم النفس لأنه بيعتمد على الفهم مش الحفظ وبما إنك علمى رياضة فالاحصا أكيد أحسنلك من علم النفس
على فكرة أنا داخلة أولى طب وجبت فى الاقتصاد والاحصا 50
وممكن تشوفى الكتابين وتقررى انت

كل واحد ليه رأي مختلف توكلي علي الله في اي ماده تحسي انك مياله ليها وخديها
انا عن نفسي واخده فلسفه

هو واللهي المادتين بيتقفلوا بس علي حسب يعني لو ليكي في الحفظ اكتر خدي علم نفس اما لو ليكي في الفهم اكتر يبقي تاخدي اقتصاد واحصاء وهما الاتنين سهلين انا ان شاء الله ادبي وواخده ان شاء الله في تانيه علم نفس وفي تالته واخده التاريخ ومعاه اقتصاد واحصاء يعني انا هاخد الاتنين فا انتي شوفي انهي اللي حباه وصلي صلاه استخاره وربنا يوفقك

بصى اولا مفيش حاجة اسمها ده اسهل من التانى الاتنين زى بعض بالظبط يعنى الاتنين صعبين من غير مذاكره والاتنين سهلين بالمذاكره يعنى عمر ما فى ماده حتبقى مضمونه من غير مذاكره انتى لو مذاكره كويس خلاص يبقى حكايه اسهل ديه مش موجوده غير بالمذاكره اللى فاضل عليكى انك تاخدى الماده اللى انتى مياله ليها انا مثلا علم النفس بحبه كعلم لكن مبحبش امتحن فيه مش حاسس انى حعرف ازكره علشان كده اخدت اقتصاد واحصاء بس اهم حاجة انك تاخدى ماده انتى مستريحهالها علشان تعرفى تذكريها

ههههههههه شكرا ليكو جدا بس انا شايفه كلكو مايلين للاقتصاد بس ف ناس بتقولى كفايه عليكى رياضه2 وفيزياء وان الاقتصاد بيجى ف تاكات ان علم النفس مش حفظ خالص لا ده حتى باين من اسمه هما بيقولولى كدة وبجد خلاص انا زهقت مش عارفه اعمل ايه

يعنى ايه كفايه عليكى رياضة 2 وفيزياء طب ما انا اخد رياضة 2 وفيزياء واقتصاد واحصاء ورياضة مستوى رفيع كمان يبقى ايه كافيه انتى لو مياله للاقتصاد والاحصاء لازم تاخديها لانك لو دخلتى علم النفس وحتى ولو اسهل من السهوله وانتى مش عايزه تدخليه مش حتعرفى تذكريه وباذن الله ربنا يوفقك للى فيه الخير

علم النفس احسن انا جبت فيه 50 وهو احسن من الاقتصاد والاحصاء

هما قالولى كده والله انتوا حيرتونى ناس تقولى تضمنى ال 50 ف علم النفس طب هو علم النفس ده قريب من الفلسفه ولا ايه لانى مش بطيقها اصلا خلاص انا هتجنن قريب

ماانا لا اعرف ده ولا اعرف ده بس بيقولو علم النفس الخمسين مضمونه جدا لكن الاقتصاد لا مش عارف بردو انا هحاول اجيب المنهجين واشوف

بصى انا النهارده كنت فى حصه احياء وكنت بسال المستر قالى ان السنادى مش مضمونه بالنسبه للامتحانات والمجاميع العاليه وكل المدرسين متوقعين الامتحانات صعبه فقلنا انصحكم اللى اخد اقصتاد يحول علم نفس لان درجتها مضمونه اما الاقتصاد ممكن يلعبلك فى الاحصا بمساله تضيعك وانتى برضو ليكى حريه لااختيار

ميرسى ليكى جدا يازوزو وخلاص انا قررت انى هحول علم نفس وميرسى لاهتمامك

ههههه انا بقى لسة مقررتش وهتجنن قريب خاااااااااااااااااااالص

بصى انا كنت زيك كده برضو فى الاول وكنت ناوى على اقتصاد بس قلت اروح درس علم نفس
وسالت مدرسه علم النفس اللى باخد عندها قالتلى لو هتحفظ وخلاص يبقى علم نفس انمه لو مش بتعرف تحفظ وبتحب تفنن وتفهم اللى بيتقال يبقى اقتصاد واحصاء وانا من النوع التانى وهدخل انشاء الله اقتصاد السنادى
ومن الاخر كل اللى بيقولو امتحان علم النفس اسهل من الاقتصاد دول عمرهم مادخلو فيها امتحان على الاقل ماذكروش المادتين وعرفو الفرق فى الامتحان وكل الخوف ده من الاقتصاد لان فى سنه 2008 محدش على مستوى الجمهورية جاب فيها الخمسين وده لصعوبة الامتحان ساعتها بس مش هتتكرر تانى وانا متاكد من كده ولو اتكررت هتبقى عليا وعلى غيرى
انما لو ضامنه درجه علم النفس ف ده اى كلام لانك لازم تكونى حافظاها صم عشان تقفليها واللا ايه
وباين من كلامك انك مش بتحبى الحفظ ((زيى كده)) يبقى احسنلك اقتصاد واحصاء لان مافيهاش حفظ خااااالص
انا قولتلك رايى وانتى حره بردو

يالهوووووووووووووووووووووووووووووووووووووووووووووو وووووووووووووووووووووووووووووى هما بيقولو مافيهاش حفظ بيقولو باينه من اسمها علم نفس يعنى بتدرس الانسان وتصرفاته وطبعا مش حفيظه انا ف الحفظ ده كويس انى حفظه اسمى بس الاقتصاد بيقولو مش مضمون اعمل ايه انا بقى

مش مضمونه ازاى يعنى امال اللى بيقفلوها دول كلهم بيقفلوها ازاى

يالهووووووووووووووووووووووووووووووووووووووووووووى والله حرااااااااااااااااااااااااااااااااااااااااااام انا اتخنقت بقى طب انا مش بحب احفظ واحب افنن

ماهو ال يغيظك يالولو ان علم النفس حفظ وتفنين يعنى بيقولو ال بتكتبيه بتاخدى درجته و يا احمد هما قالولى كده ومش كل الطالبه زى بعضها طبعا بس بيقولو ممكن تجى مساله تعجز الطالب وبدل ماامسك ليله الامتحانات ورقتين واتشتت امسك ورقه واحد انا شكلى انفض للتنين واريح نفسى

بصو يا جماعه انا رايى ان امتحان علم النفس هيبقى صعب السنادى غير كل سنه لان مش معقول كل سنه هيجى سهل واللا ايه

انما الاقتصاد والاحصا اكيد هتيجى هايفه السنادى لان السنه اللى فاتت كانت رخمه شويه

انما لو عن المزاكره فطبعا علم النفس بياخد وقت اطول بكتير لانه حفظ

الاقتصاد حوالى ثلث علم النفس والاحصا بتتراجع قوانينها ف عشر دقايق

ولو حبتها هتجيب الخمسين وانت مطمن

ومفيش حاجه مضمونه بردو :)

ورقتين ازاى ماهو علم النفس ورقه نفس وورقه اجتماع

بصى يا منمن هما الاتنين بنفس المقدار والا ماخلوناش نختار مابينهم او يكونو بياخدو نفس الدرجه

الحكايه كلها عايزه مزاكره ف الاتنين وانا مش متفائل بامتحانات السنادى لازم هتيجى صعبه وطبعا لان الاغلب علم نفس اكيد هييجى صعب

سوال بس طب انتى ليه مش مقتنعه بكلامى اكيد اللى اخد علم نفس وقفله حيقولك ده سهل واكيد اللى اخد ااقتصاد واحصاء حيوقلك ده اسهل وهو يعرف منين التانى عامل ايه يعنى اللى درس علم نفس عارف منين ان اقتصاد واحصاء اصعب او العكس متسمعيش كلام حد ممكن واحد يكون اخد علم نفس ويقولك ده مضمون طب مضمون ازاى يعنى ممكن يكون بالنسباله مضمون علشان هو زاكر وبالنسبه ليكى اانتى لا والاقتصاد والاحصاء واحد يقولك ديه سهله واسهل من علم نفس طب ما اكيد سهله علشان هو ذاكرها بس بالنسبالك ممكن متكنش سهله بردوا الاحصاء ممكن تيجى صعبه بس انتى لو مذاكره المنهج كويس وحلا هل مش حتعرفى تحلى اكيد حتعرفى طب تقوليلى ده ممكن يجيب حاجة متتحلش او من بره المنهج حقولك ان ده عليكى وعلى الكل يعنى مش انتى لوحدك وعلم النفس واحد يقلوك ده كل سنه بيجى سهل طب مهو حيبقى سهل للى مذاكر ويوقلك ممكن السنه اللى جايه حيجى صعب طب ما هو صعب للى مش مذاكر بردوا ولو جت حاجة من بره المنهج حيبقى عليكى وعلى غيرك بردوا
خلاصه القول زى ما قولتلك الاتنين صعبين جدا من غير مذاكره بس لو رعيتى فيهم ربنا وزكرتيهم كويس مفيش حاجة حتبقى صعبه فى منهجك الفكره الى فضلالك انك تختارى اللى انتى مرتحاله مش اكتر علشان يبقى عندك قابليه انك تعرفى تذكريه

ممكن تجيبى كتاب الاقتصاد والاحصاء وكتاب علم النفس وتقررى
لان دة حسب حبك للمجال دة او دة ..ومحدش ينفع يفيدك ممكن يقولولك المنهج حلو
وفى سنتنا الامتحانات تيجى صعبة لا قدر الله..اقصد ان مفيش مقياس غير تقبلك للمادة دى او دى

مين قال انى بفتى انا مش بفتى والله انا زيى زيك بس مختار اقتصاد وكل اللى حوليا بيحبطونى ويقولولى خد علم نفس

انا بس بفكر بصوت عالى

تعالو فكروا معايا كده

احنا عندنا كام ماده ادبيه نختار منها ؟؟؟؟؟؟؟

هما ( تاريخ-جغرافيا-فلسفه-اقتصاد-علم نفس)

التاريخ : حفظ وصعب وزباله وطويل ومحدش كده كده هيخدو (يبقى التاريخ بره)

الجغرافيا :مش صعبه بس حفظ كتير ودش ومليانه ارقام ونسب والذى منه (بره بردو)

الفلسفه : اصعب من التاريخ ده غير انها ملهاش معنى وكفر والحاد كمان (يعنى بره)

علم النفس : ماده سهله فى الحفظ لكنها طويله والفاظها بتلخبط لانها متشابهه وسهله النسيان (بره للى ملوش فى الحفظ او للى ربنا شال من دماغو الحته اللى بيتحفظ بيها زى حالتى :) )

يبقى فاضل ايه يا حلوين

الاقتصاد والاحصاء : ودى بقى الماده الادبيه الوحيده اللى فهم ودى بتدينا امل فى الحياه لانها لو مش موجوده انا هنتحر :)

وبالعقل كده لو واحد مش بيعرف يحفظ خالص وخد علم نفس يبقى هيكرهها ومش هيجيب فيها 40

انما لو خد اقتصاد هيحبها لانها مش حفظ والامتحانات جت صعبه موت هيجيب 48

يبقى انهى احسنله ؟؟؟؟؟؟؟؟؟؟؟؟؟؟؟؟

بس فيه احتمال انك تحبي علم النفس حتى لو مش بتحبى الحفظ وبالتالى هتجيبى الخمسين بس عشان تتاكدى لازم تروحى درس علم نفس حصتين كده وشوفى هتعرفى تذاكريها واللا ايه وابقى قوليلنا حصل ايه

طب انا جاتلى فكرة انا هروح زى ماقال احمد حصه علم نفس وهشوف ايه الاخبار بس المشكله ان دروس الاقتصاد بتتاخد اخر السنه المهم انا هحضر حصه وخلاص وشكرا ليكم بس لا ميز الاقتصاد انه بيتاخد ف الاواخر يعنى كام حصه والسلام لكن علم النفس هزاكروووووووووووو من الاول وزى ماقال مصطفى كل واحد بيقول رائيه من حسب الماده ال خدها وشاف انها سهله بالنسبه له عموما ربنا يقدم ال فيه الخير وشكرا لك اهتم بالموضوع

اوك كلام جميل

احب اعلق بس على حكايه الجغرافيا
فيه جغرافيا مستوى ودى للادبى بس
وفيه جغرافيا ماده ادبيه وديه اختيارى زى علم النفس وزى الاقتصاد

وبعدين انتى بتشككى فى كلامى واللا ايه :040vk0:

:p

هو ده الكلام اخيرا فهمتنى يا وديع

المهم ربنا يوفقك للى فيه الخير بس على فكره درس الاقتصاد بتاعى هيبتدى فى شهر تسعه مش عارف بقى المدرس اللى سالتى عليه بيتاخر واللا ايه

هههههههههه اه فهمت ياوديع بس انا مسالتش مستر هو اصلا الاقتصاد والاحصاء بياخدوها ف الاخر اخر شهر او شهرين انت ازاى هتبتدى بدرى كده

تعليق بس الفلسفة عمرها ماكانت كفر ولا الحاد

ماهو احنا هنمشى فيها بالراحه خالص ناخد فكره يعنى عشان اما نذاكرها يبقى عندنا فكره عنها:049gc0:

حرااااااااااااام عليك يا راجل (انشاء الله) انت عارف انشاء تعنى صنع هو ربنا بيصنع

انا عارفه انك غصب عنك بس حتى الغلط مرفوض

وبعدين يا بشمهندس انا مشفتش التوبيك بتاعك

ولا يهمك يا بنتى انا بهزر معاكى

المهم انا سالت فى حكايه الاقتصاد والاحصا دى وقاللى التالى

بص يا بنى بالنسبه للاقتصاد هياخد مزاكره شهرين بالكتير لو خدت معايا حصتين فى الاسبوع

اما الاحصا ف دى اسهل بكتير وهتاخد شهر ونص

يعنى الحكايه كلها تلات شهور ونص ولو رخمت هتبقى اربع شهور (( وده لو حصتين بس فى الاسبوع ))

وبقيه الوقت هنحل تدريبات ومسائل والذى منه

انا مش بقول تحولو اقتصاد والله انا مش هستفيد حاجه وعلى فكره لو ناويين تقفلو الخمسين فيها لازم تحبوها وتزاكروها كويس اوى وفيه وقت ليها الحمد لله لانها ماده صغيره يعنى على مهلنا خاااااالص ومش محتاجه اكتر من فهم ومناكفه وهتعدى وحكايه الامتحانات خلاص الثوره قامت ومعدش فيه اسئله فوق الطالب الممتاز :006et4:

بصو احنا ننفض لللاتنين ولا ناخد لاده ولاده ايه رائيكو مين معايا

وبعدين هناخد ايه ؟؟؟؟؟؟؟

ولا اى حاجه

تصدقى عندك حق سيبك من الماده الادبيه وادخلى على الانجليزى من التوبيك ده وقوليلى رايك

http://thanwya.com/vb/showthread.php...99#post3863599

اها فكرتو حلوة يااحمد بس مالقيتش غير انجليزى مالها الرياضه يعنى وايه نظاط اول وحده ف الانجش سهله ولا زفت قلى

بصراحه

كلمات الانجليزى الوحده الاولى نصها جديده وصعبه بس كل حاجه بالتكرار بتهون

والرياضه فكره حلوه هو انتى رياضه اتنين زيى واللا ايه ؟؟؟؟؟

وانتى ياdew drops* جايبه كام ومكمله ايه وانت بردو ياحمد دوله انت جايب كام ومكمل ايه ماتخافوش مش بقور انا بحسد بس هههههههههههههه

اها انا بردو رياضه اتنين بس مجموعى مايشجعش يمكن انت عرفت جايبه كام لانى مشرده نفسى ع الموقع كله بس هعمل ايه الحمد لله وورغم مجموعى مايشجعش بس هكمل لانى مش بحب الادبى

هههههههههههههه

انا عن نفسى جايب 99.51% ويارب اجيب اكتر السنادى وهكمل رياضه 2

بس بلاش تقوير والنبى خليها حسد بس ;)