|
خبر سعيد للمعلمين المساعدين فى الدقهلية قرار 244 فى الادارات من الغد
والله انا لسه مكلم محمود عميرة وكيل الوزارة وقالى القرار بتاع 244 اعتمد وبداوا الاثنين فى ارساله الادارات ولما قلتله يعنى لو روحت بكرة هلاقى اسمى قالى ان شاء الله والله الكلام ده حصل لسه متصل بيه انا قولت افرحكوا ولما سالته على فلوس الكادر قالى حاجة حاجة لما تنتهى الاجراءات
|
يا اخي انا لا اشكك في كلامك لكن الزاي ومحمود عميرة نفسه اجتمع اليوم بالمتظاهرين الشرفاء من ابناء الدقهلية وقالهم يوم الاتنين من الاسبوع القادم تيجوا تاخدوا القرار ولو منتش مصدق اسأل الاستاذ محمد فيثاغورس والاخ فداك يا رسول الله
|
انت قرات اليوم السابع اخبار المحافظات الخبر عليها
|
يعنى يه مش فاااااااهم حاجه ممكن حد يوضح
|
والله ده الى حصل بينى وبينه وده رقمه كلموه اضغطوا عليه 0106193573
|
يارب تكون بشره خير
|
اقتباس:
كنت أتمنى انى اشوف حضرتك النهارده |
يا فداك انت ايه رايك في الكلام بتاع ان القرا هيوصل الادارات بكره امال انت كنت فين النهارده انا مين:006et4:
|
اقتباس:
يوم الاثنين الساعه 10 فى المديريه اللى عايز يعرف اى حاجه عن القرارات 244 او المسمى الوظيفى يجى ان شاء االله يوم الاثنين الساعه 10 فى المديريه رامى انا اسف ليك انك مش بستاعدنا اسف ليك فعلا استاذ احمد عشان خاطرى مش تقول تفاصيل اللى حصل عشان فى ناس عايزه كل حاجه على الجاهز اللى عايز حاجه يجى يوم الاثنين بس يكون دا ردك بعد اذنك |
والله عندك حق يا فداك فعلا فيه ناس كتير عاوزة اللي يجيب حقها لحد عندها وهما قاعدين في بيوتهم
بالله عليكم ساعدوا انفسكم بلاش تكاسل مرة واحدة بس خلينا نتعين ما ضاع حق وراءه مطالب وبالنسبة للمعلمات والله كان معانا بنات النهاردة هيه مرة واحدة يا جماعة قبل ما يجددوا العقود وساعتها هنحزن جدا والله باذن الله المرة القادمة فيه خير يوم الاثنين لكن مهم الجماعة يا جماعة يد الله مع الجماعة فلاتتركونا وكونوا معنا من المخلصين |
اقتباس:
وهنتفق اننا مش هنقول اى خبار الا لما نلاقيكم معنا ان شاء الله يوم الاثنين الساعه 10 للتواصل 0129102129 |
ربنا يوفق الجميع ان شاء الله |
ان شاء الله
أرجو تصحيح لفظ الجلالة فى المداخلة السابقة |
اقتباس:
هو ايه اللى عرف حضرتك ان انا جيت ولا مجتش هو حضر تك تعرفنى |
علي
العموم ربنا يكرم الجميع وبعدين اللي بيعمل حاجة بيعملها لوجه الله مش أكتر ماشي يافداك |
اعتصام المدرسين المتعاقدين بالدقهلية أمام مكتب وكيل "التعليم" لتثبيتهم
اليوم السابع
اعتصم عشرات المدرسين المؤقتين أمام مكتب وكيل وزارة التربية والتعليم بالدقهلية، وطالبوا بتثبيتهم أسوة بباقى زملائهم، وحسب قرار وزير التربية والتعليم، وطالبوا برحيل وكيل الوزارة ووصفوه بأنه من فلول الحزب الوطنى. ويقول أحد المدرسين إننا من إدارات مختلفة ومتعاقدون منذ سنوات مع المديرية ويصل عددنا نحو 70 مدرس ومدرسة، وعلمنا بوصول فاكس من الوزارة بتثبيتنا إلا أن وكيل الوزارة يرفض تنفيذه بدون سبب. وطالبوا بفتح تحقيق فى شكاوى إهدار المال العام التى تحمل أرقام 4080 فى 16 مارس الماضى وما بعدها، والتى تدين قيادات المديرية وتكشف تعاملهم الوثيق مع مباحث أمن الدولة المنحلة. من جانبه أكد محمود عميرة، وكيل وزارة التربية والتعليم، أن المدرسين المعتصمين يطالبون بتغيير المسمى الوظيفى لهم وسنقوم بتطبيق اللوائح الصادرة فى هذا الشأن. |
اقتباس:
|
اقتباس:
ماشى يافندم بس ايه اللى منع حضرتك انك كنت تجى عموما جزاك الله خيرا |
مبروك الف مبروك
|
مبروك يا جماعة
|
هو فى جديد حصل
دا احنا لسه هنتأكد يوم الاثنين اللى راح اى اداره ليه سأل و عرف جديد من الادارة نفسها يقول |
الخبر اللى بتقوله عليه صح على لسان محمود عميرة
انا النهاردة كنت فى المحافظة كنت انوى التقدم بمذكرة شكوى لمحافظ الدقهلية لكن مكتب محافظ الدقهلية اجل عرض المذكرة نتيجة انى تكلمت بنفسى مع محمود عميرة وقال لى القرار طلع والمندوبين بتوع الادارات هييجوا يخدوا الاسماء وقال ان سبب التاخير انه كان حالات توزير لبعض المعلمين وانه تم اكتشافهم فاضطررت الموافقة على كلامه حتى اتأكد بنفسى من الادارة والمديرية ولا فنى ساذهب مره اخرى لعرض المذكرة على المحافظ |
اقتباس:
مندوب ادارتنا كان فى المديرية انهارده ولا حصل اى حاجة بيسلا علينا محمود عميرة |
انا بقا بقولك يا فداك ان الاسماء وصلت عندنا فى الادارة انت نازل فيا تقطيع فى المنتدى والله الاسماء نزلت فعلا انت لو انسان كويس مكنتش قولت قبل كده ان احنا هنروح نطالب بحقنا عند المحافظة وهنقدم اسماء الموجودين بس هناك انت يا عم احمد مبتكلمش عيال صغيرة وعلى العموم الى بيعمل خير مبييفتخرش به
|
استاذ رامي انت اي اداره
|
اومال فين ادارة نبروة التعليمية من كل الكلام دا يا جماعه
خلاص السيد يوسف ها يمشي في 30/8 والدوام لله وحده |
اقتباس:
اولا انا انسان مش كويس عشان بنفكر نجرى و ندور على الحقوق ثانيا انا مش قلت ليك انى صاحب قرار ان الناس تكتب اسمهم بس وقولتلك بالظبط ان فى ناس كانت عايزه تعمل كدا زى بتوع المسمى الوظيفى واحنا رفضنا ثالثا عشان انا مش بكلم عيال صغيره انا بستغرب ليه مش بتتجاوبوا معنا وتطالبوا بحقكم وفى ناس جات من المنزله والسنبلاوين و كمان كذا مكان بعيد بس انا ناسى رابعا فين الفخر اللى انا عملته (انى بحاول اجمعكم يبأ دا فخر ) ( شايفنى ماشى كاتب على ظهرى انا مفتخر ) خامسا و دا الاهم اديك شايف ان فى مماطله اهه عموما احنا كلنا رايحين يوم الاثنين ان شاء الله الساعه 10 صباحا الى المديريه للضغط على عميره وارجو ان تكونوا معنا |
احنا رحنا امبارح إدارة المنزلة
والأستاذة ( عيوشة ) قالت لنا اسألوا قبل نهاية رمضان بـــــــــــــــ(5) أيام وطبعا الكلام كده شكله مش راسي على حاجة معينة مع اننا كنا يوم الاثنين فى المديرية الا أننا لم نصل إلى الصورة الكاملة حتى الآن عموما سنذهب إن شاء الله إلى الادارة يوم الأحد وساعتها سوف تتضح الأمور بالنسبة لوقفة يوم الاثنين القادم فى المديرية إن شاء الله |
اقتباس:
ماشى مستنى مداخلتك يوم الاحد ان شاء الله تقولنا ايه اللى تم اوعى تنسى |
ربنا معاكم
|
الأسماء وصلت لادارة طلخا وطلبوا منا صورة البطاقة واقرار قيام بالعمل وصورة المؤهل الدراسى
وقالوا ده للتجديد وليس للتثبيت هذا ما قالوه بالحرف الواحد |
ان شا ء الله وقفة معلمي الدقهلية يوم الإثتين القادم في المدرية.
|
| جميع الأوقات بتوقيت GMT +2. الساعة الآن 07:17 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.