|
عاجــــــــــل : كوميديــا التقديم في هندســـــة القاهرة
السلام عليكم .. هحكيلكم الكوميديا اللي حصلتلي من اول امبارح الصبح لحد من شوية فاتوا كدا .. اول امبارح الصبح كلمني واحد صاحبي قاللي يالا يا عمرو عشان ننزل نقدم قولتله لا مش قادر انزل انت :blush: قاللي طيب انا رايح اقدم .. قولتله اشطا وماله يا حبيبي ;) ( يعني الكلام كان علي التقديم يوم الاحد زي ما قالولنا ) المهم راح و ملاقاش تقديم قاللي دا انت راجل بركة التقديم مفتحش قولتله لما عمو يقولك حاجة تسمعها :p .. امبارح كلم شئون الطلبة قالوله التقديم انهاردة .. زي الـ ....... برضو نزل تاني ( بيفكرني بالصعيدي اللي خد 50 قلم علي غفلة ) :d راح انهاردة قالوله التقديم مفتحش برضو بعد ما كلم شئون الطلبة انا مش عارف ايه الموظفين دول المهم كانت المفاجأة وهو بيكلمني دلوقتي ان التقديم قالوله تعالا بعد العيد ... ولو اني شاكك ف كدا لانه صعب اوووووي .. بس انا متأكد ان صاحبي دا مش اهبل او عبيط انا مش عارف لو الكلام دا صح يبقا ازاي التقديم هيبقا من بداية يوم 4 او 5 سبتمبر والدراسة يوم 17 /9 ...... ملحوظـــة : الكلام دا من واحد لسة جاي حالا من هندسة القاهرة |
عادي يا عمور ,
اصلا هيا مفتوحة لحد قبل الدراسة ب فسافيس ( ثواني ) . فا فكك |
احســــــــــــــــــن تستاهلوا!!! :stickjo4: على العموم انتوا ليه مستعجلين على التقديم يجي برحتوا خالص خالص :d وعلى العموم ابتسم انت فى مصر :006et4: ما فى مواعيد مظبوطة ولا اى حاجة من دى استنوا هى هتيجى لوحدها ومش تنسى يا عمرو التريقة :slap1qk6: |
اقتباس:
|
اقتباس:
انا من ساعة ما قبلت ما روحتش غير مرة واحدة ومش هروح تاني غير ع التقديم |
اقتباس:
وربنا انا مش مستعجل بس الفكرة كلها ف الناس اللي بتروح كل يوم دول وفاكرينها اوروبا يا جدعـــــــــــــــان دي مصـــر والله الموفق والمستعان :p |
اقتباس:
منا برضو مش عارف ليه قالوله كدا يمكن بيرموه ف البحر عشان يبعدوه عن معاد محدد ويريحوا دماغهم وبالنسبة للكريدت انا معرفش فتح امتا بس عموما هما عددهم بيبقا قليل ف مش هتفرق يعني دلوقتي من بعدين |
يا عمور دا انا دلوقتي في المنصورة و نزلت المشوار دا 4 مرات عشان اسأل ع التحويلات
, فا عادي يا باش مهندس يارب بس احول . |
اقتباس:
لو مجتلكش القاهرة يبقا بعد اول سنه عادي وانت تقريبا عاوز ميكانيكا انتاج ودي اللي بيحولوا القاهرة بتكون مفتوحة لهم بس ناس كتير ابتدت تدخلها |
اهو لســه دلوقتي قافل مع ابن عمي
ف تالته هندسة مدني القاهرة وكان هناك وقاللي انا شايف ناس كتير بتقدم عادي !! |
ناس كتير بتقدم , , الكلية دي اشتغالات .
انا ما قبلتش بس هشوف الورقي و هتكون اخر محاولة . انا مش عارف بس غالبا هتكون ميكانيكا , ميكانيكا ايه بقا مش عارف الحاج بيقولي باور . , , , لو حولت القاهرة من تاني سنة اما طيران , تعدين , طبية , ... واحدة رابعة اظن كميا وبس . + هاجي بمواد يعني هتبقا ليلة مش كويسا ربنا يسهل و اعرف احول , وانا نازل بكرا الكلية و هبقا اقولك ياعم اخبار التحويل فيها ايه |
أنا كنت بكلم النهاردة واحد صاحبي بكالريوس هندسة مدني لسه مخلص السنادي، قاللي هي غالباً بعد العيد فعلاً وقاللي بالنص إن شئون الطلبة في جامعة القاهرة هي أسوأ شئون طلبة في مصر
لوووووول مع إني أعتقد إن أي حد قاعد علي كرسي وجنبه تليفون ومابيعملش حاجة زيادة..بتبقي دماغه مريحة ع الآخر ومحدش يتكل عليه مش بس القاهرة يعني |
يعني التقديم اكيد بعد العيد ولا ايه يا شباب
|
اقتباس:
لا لا يا باش مهندس عمرو صراحة كلام ناس عاقلين جداً بتوع القاهرة دول :friendsxs3: انت عارف ان القاهرة عاصمة مصر برده أكيد أكيد (احذر بلاش تشرب بريل دلوقتي مش وقته الرجوله خالص) يوم ما تفكر انها عاصمة مصر لازم يحن قلبك على طول وتقف لبواب الكلية (عم محسن طبعا أو توفيق بتاع السويتش) تقوله تمام يا فندم انت واقف ف أرض الحرية والديمقراطية أكيد :giljotiiniug3: الأرض اللي خلفت شنبات ماشا ءالله يقف عليها كتيبة بقر يميناً ويساراً اطمن ،،،،،،،، انا اللي أعرفه اننا هندخل هندسة وخلاص سواء بتقديم أو من غيره وسبها لله :006et4: بس على رأي الباش مهندسه * ضى القمر * يبقى انت اكيد ف مصر ;) ربنا يوفقنا يا هندسة وأنا مش عاوز أقولك بيحصلنا ايه من الحكومة احم طيب طيب اللهم اني صائم اللهم تقبل |
يا جماعة هو التقديم بيقفل امتى ؟؟؟؟ انا كليه هندسة شبرا والتقديم عندنا فتح وانا مش فى مصر .....فأمتى هيقفل التقديم؟؟؟
لو حد يعرف؟؟ |
ده معروف جدا يا عمرو ان شئون الطلبة اكتر حاجة متعبة فى الكليات وكمان بجد ازاى زميلك كل يوم يروح الكلية ويسأل ؟!!! يعنى لو هم حتى قالوله ما فيش انهارده "بمعنى اصح قفلنا خلاااص "...... ما يروحش تانى وكدة كدة هيقولوا فى الاخبار عن ان باب التقديم اتفتح فى الجامعات وكدة .... اقتباس:
نفسى اعرف هم الناس دول بيحبوا يفسحوا الناس اوى كدة ليه ؟؟؟؟ :d اقتباس:
:bosyht9: مش هتفرق ... هى سياسة تعامل ... هم بيتخنقوا من التعامل مع البشر ... طيب ليه بيوظفوهم ؟؟؟ يجيبوا شباب بدل من الناس اللى قاعدين فى المكاتب "نسبة كبيرة منهم والله جه الوقت اللى يرتاح شوية "ويقوموا بالمهمة دى.... اقتباس:
فى برنامج خواطر 7 كانوا جايبين الموظفين الكراسى بتاعتهم فى مساج ! اعتقد ده اللى محتاجينه علشان دماغهم ترتاح اكتر .... يا باش مهندس احمد بالعكس هتلاقى اكتر ناس بترد على التليفون اكتر ناس مخنوقة من الكلام علشان الاسئلة الكتير وكدة بس دى بردو وظيفتهم ... الـ red tape هى اللى رجعتنا ورا 30 سنة . يعنى بمعنى اصح لف وارجع تانى :romarioxp6: هو ده المنهج المتبع لكن هنقول ايه ! ممكن يكون احنا الجيل اللى هيبقى احسن وان شاءالله نحسن من البلد دى ونكون افضل من الجيل اللى فات "مع احترامنا للى فات واللى جاى طبعا" على العموم شكرا يا عمرو على التفاؤل ده :d |
يابني هقولك الخلاصة انا روحت الكلية انهرده و طلعت على وكيل الكلية لشئون الطلبة راجل ذوق وبيقابل اي حد حتى مش هضطر تدخلوا ممكن السكرتيرة تخلصلك الموضوع و اسأل ع التقديم و هترف الخبر اليقين من عندنا بس نصيحة ادخلو هتحبوا اوي اصلي حبيتو ههههههههههههههههه
|
اقتباس:
والله انا شكيت فى كلمة " حبيتو " دى !! :d ربنا يستر يا باش مهندس احمد روحت انهى كلية بالظبط ! المنصورة ولا القاهرة !!؟؟؟ وعرفت ايه؟؟ |
و الله أنا بدأت أشك فى جامعة القاهرة اللى كنت فاكرها أحسن جامعة فى مصر ربنا يستر
|
اقتباس:
ههههههههه محسسني اني جاي م المريخ منا دايق المرار زيي زيك برضو م الحكومة واضح انه داء والبلد دي مش ناوية تتعدل |
اقتباس:
انا بس بتريأ ع المعاملة والمواعيد اللي كل يوم بكلمة دول انا ابن عمي ف تالتة مدني هندسة القاهرة وقدم قبل الدراسة ب 5 ايام وكان من اخر تلاته قدموا ف الكلية ف انسي حتة التقديم دي لانها خلصانة |
اقتباس:
الف شكررررررر يا هندسه |
السلام عليكم و رحمة الله و بركاته ،
شكرا علي الموضوع دة استفدت منه بس بصو بقي بجد آخر آخر آخر كلام التقديم أمتي ؟؟؟؟؟؟؟؟؟؟؟؟؟؟؟؟؟؟؟؟؟؟؟؟ |
أحسن هندسة فى مصر هندسة العاشر من رمضان بصراحة
|
اقتباس:
انا اخويا فيها علي فكرة يعني عارف بقول ايه |
انا اخويا فى 3 باور هندسة القاهرة وقاللى ان التقديم بعد العيد برضو
ربنا معاكم ... ( انا دخلت فنون جميلة عمارة حلوان يعنى مليش دعوة بالبتنجان ده d: ) |
اقتباس:
فنان فنان يعني :d |
اقتباس:
انتوا تروحوا كدة شلة وتكسروا الكلية باللى فيها ووروهم العين الحمرا من اولها ... انا بهدى النفوس مش اكتر :d |
لا فيك الخير وربنا :d
|
والله يا جماعة المصالح الحكومية في مصر عموماً عايزة فلترة وعملية غسيل مخ تستأصل فيها العقول الحمضانة دي
ربنا معانا إن شاء الله |
السلام عليكم
ازيكم يا مهندسى مصر ازيك يا باشمهندس عمرو فعلا الموضوع فيه حاجه انا رحت لحد دلوقتى تلات مرات لحد ما زهقت وقررت زيك انى لن اذهب الا لما حد يقدم فعلا واتاكد منه وحكايه بعد العيد دى سمعتها كتير ومش مستغرب بس اخر مره حد هناك قاللى ان ادام ورقه الترشيح جابتنى هنا يبقى انا مليون فى الميه هنا فلا داعى للقلق ولو حد عرف حاجه بس يبقى متاكد منها يتفضل يقول |
ENG.HAGAR
روحت هندسة القاهرة كنت بسألوا ع التحويلات و كدا رغم انو صدمني بس راجل ذوق والله ذوق اوي يعني دا اول ما دخلتلو قام وقفلي و سلم عليا و قعدت معاه و كل كلمة حضرتك و يا فندم . |
اقتباس:
اقتباس:
طيب كويس يا باش مهندس عقبال كل الجامعات والمصالح الحكومية فى مصر يااااااااااارب يلا مبروك عليكم يا باش مهندسين القاهرة الناس المحترمة دى ...... :) ربنا يوفقك يا باش مهندس احمد فى اى مكان سواء فى منصورة او كايرو |
يا باشمهندسين متقلقوش
دول بيخلوكوا تتعودوا بس عشان الصدمات اللي هتشوفوها فيما بعد :d |
انا عملت تحويل ورقى هندسة الشروق واتقبل
وقالوا التقديم ودفع المصاريف بعد العيد!! |
التقديم فتح ولا لسه الكشوفات مجتش ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ده لو كانوا بعتوها بالحمام الزاجل كانت وصلت قبل كده باسبوعين |
يا جماعة ايه رايكم ندعيلهم في الصلاة يمكن ربنا يسهلهم ويفتحو التقديم
او ياخدهم او اللي فيه الخير وخلاص اصل هما قاعين علي المكاتب ومش حاسين بمعني المشوار للكلية في الصيام والشمس دي حاجة تفرس والله |
| جميع الأوقات بتوقيت GMT +2. الساعة الآن 08:51 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.