|
ازاى يتساوى المعلم المساعد بالمعلم ؟؟؟؟؟؟؟؟
السلام عليكم ورحمه الله وبركاته انا كتبت هذا الكلام من تعبى النفسى بسبب الظلم الواقع على المعلم المعين حديثا ومش عايز الجماعه المعلمين المساعدين يزعلوا بس ده الحقيقه حتى وان كانت فيها بعض المشاكل , هذا رزقهم ولا جدال ولا شك فى ذلك وليس هذا عيبهم بل عيب من وضعوا هذا الحافز الفاشل ازاى المعلم المساعد يحصل على 125 فى الميه والمعلم يحصل على 75 فى الميه ؟ المعلم الذى ادى كل ما يلزمه من اجل الترقيه الى معلم واستحقاق التعيين بكده فرق ال 50 فى الميه بتوع المرحله التانيه من الكادر اصبحت غير موجوده بالمره ولو تلاحظوا ان كل الناس زادت وفرقت عن غيرها الا المعلم كيف يكون اتنين تعيين مختلف ومسمى مختلف ومرتبهم واحد ,حد يحل اللغز ده ؟ |
وأوضحت "التعليم" أن إجمالى الحوافز، بعد إقرار الزيادات الجديدة، سيصل إلى 235% للمعلم المساعد، و260% للمعلم والمعلم الأول، و285% للمعلم الأول "أ"، و310% للمعلم الخبير و335% لـ"كبير معلمين"، بحساب مجموع كل من الحوافز الحالية وبدل المعلم وبدل الاعتماد ومكافأة الامتحانات ونسبة الحوافز الجديدة.
|
عندنا فى الشرقيه اداره شرق المعلم المساعد فرق الحوافز لشهرين 491ج والمعلم 294ج |
اديني عقلك
|
منتهى قله الدين ؟
|
انا مش فاهم حاجة
انا اللى اعرفه ان المعلم المساعد 75% حوافز مش 125% ذى ما حضرتك اما تقول |
اقتباس:
افهمك يااستاذ ايهاب كل ماهو اقل من 200فى الميه رفعوه الى 200فى الميه احنا كنا بناخد بالكادر والحوفز 125 وصلونا الى 200 فى الميه وزودونا 75 فى الميه المعلم المساعد كذلك بياخد 75 فى الميه كادر وحوافز وصلهم الى 200 فى الميه وادوهم 125 فى الميه وضحت !!!!!!!!!!!! |
افلح الوزير ( فرق تسود )
فعلها بين الاداريين والعمال - والمعلمين والمعلمين فيما بينهم - وذلك لتفكيك وحدتهم رغم انى اخصائ مساعد يعنى معلم مساعد ولكن مش زعلان منك برغم انى خريج 1999 وبتقدير ومتعاقد 2009 واعمل فى مدرستين كاملتين مدرسه اعدادى ومدرسه ابتدائ واقوم بعملى على اكمل وجه وحدى وقمت بعمل الدبلومه التربويه عامين وما ادراك ما تكاليف الدراسه ومع ذلك ( معلم مساعد ) فلماذا لم نقل نريد مرتب اثنين مدرسين لاننا نقوم بعمل مضاعف وكيف انا معلم مساعد وانا اعمل لوحدى ( امال مساعد لمين ) هذا حال كل الاخصائيين المساعدين زملائ فى ادارة ابنوب ورغم اننا نعمل بتخصصنا ولكن اجبرنا على الدبلومه التربويه وفى اللآخر مستكترين علينا ال 40% الزياده حسبنا الله ونعم الوكيل |
يااخى عثمان انا لم اقصد اى تجريح فيك او فى غيرك فكلنا اخوه انا اتحدث عن الفروق بين المعلمين بعضهم ببعض ونحن وانا شخصيا لاانظر الى الزياده لكم ولكن اشعر باننا لم نحصل على مايجعلنا نشعر بكوننا معلمين وهذه فى الاول والاخر ارزاق كما ذكرت سابقا وشكرا على تعليقك |
توضيح فقط .. المعلم المساعد ----> حوافزه 25% + 85% مكافأة + 50 بدل معلم + 75% الحافز الجديد (حافز أداء) = 235% المعلم الحديث التعيين ----> حوافزه 25% + 85% مكافأة + 50% بدل معلم + 50% بدل اعتماد + 50% حافز أداء = 260% يبقى المعلم بياخد أكتر من المعلم المساعد يا باشا .. انت حسبتها غلط ..
|
ياجماعه انا بتكلم بناء على محافظه الشرقيه العكاكه فقط وعن اداره شرق فقط وغير مسئول عن اى محافظه تانيه القصه ملخصها ان عندنا العك على واسع كل ماهو اقل من 200فى الميه رفعوه الى 200فى الميه احنا كنا بناخد الكادر 100فى الميهمرحلتين 1,2 وحافز 25فى الميه رفعونا 75 فى الميه علشان نوصل الى200 فى الميه وزودونا 75 فى الميه المعلم المساعد كذلك بياخد 50 فى الميه كادرمرحله 1 وحوافز 25فى الميه وصلهم الى 200 فى الميه وادوهم 125 فى الميه يبقى هم اخدوا 50 فى الميه من غير امتحان اللى احنا المفروض خدنها نتيجه اجتياز امتحان الكادر كمان اساسيهم 219ج زينا بالظبط دول اللى اتعينوا بالقرار 57 عندنا فى الشرقيه وانا بتكلم على لسان ادارتى ومحافظتى فقط لايعنينى اى محافظه اخرى غير للعلم فقط وضحت !!!!!!!!!!!! |
انتوا عاوزين جنازة وتشبعوا فيها لطم
|
يا استاذ محمد انا من الشرقيه ومن اللى اتعينوا بعد بقرار 75 ورضيت انا وغيري بالحصه 20 جنيه ونحن معانا تمهيدي ماجستير وللاسف قفلوها في وشنا ولم نجد عقود وعلى الرغم يوجد كتييييييير اوي مقبول وتم التعاقد معهم .ربنا يكرم الجميع ياريت حضرتك ما تقارنش نفسك بينا احنا لينا حقوق كتييييير اوي واتظلمنا اوي اوي دور على حقك مش انت نفسك تتساوى بالمعلم المعين من زمان واول ما اشتغلو اصبحوا معلمين ولا في دورات كمبيوتر ولا امتحنات كادر كان التكليف موجود ومعظمهم خريجي دبلوم معلمين ودار علوم وانت بتحس انك افضل منهم واحق منهم طيب شوف بئه حال ناس اوائل كليات ومحضرين دراسات ورضيو ب 20 جنيه في الشهر لسنووواااااات فين العداله الاجتماعيه ولا الثوره دي كان فيها ناس بيلعبو وبيمثلوا انهم شهداء سعد زغلول قلها (( مفيش فايده)) |
اقتباس:
ياجماعه انا هقولها تانى وتالت وعاشر كلنا مظلومين وانا لم اقصد من هذا الكلام اى تجريح ولكن انا بس عايز افهم هل الكلام ده قانونا يمشى ان ناس على مسمى مختلف وتتساوى فى الراتب ؟ هذا هو سؤالى ليس اكثر انا اتمنى انكم تاخدوا افضل شىء ولكن ده مغذى سؤالى وبرده حضرتك احنا ناس جايبين تقديرات عاليه ومشتغلناش بالوسطه ولا حاجه وطلع عنينا يعنى كلنا فى الهوا سوا وربنا معانا كلنا |
مش عارف ليه محسسنى ان ده مرتبه بقى يكفى بعد محصلت الزياده كله كلام فاضىحسبنا الله ونعم الوكيلوش عاوز حد يقنعنى انه بيشتغل شغلانه واحده كلنا فى الهو سوا
|
اقتباس:
|
حسبى الله ونعم الوكيل
|
وهو أيه الفرق بينى وبين سعادتك أنت معلم ومعدى الكادر وأنا معلم مساعد ومعدى الكادر ومش عايزين يبعتوا الجوابات يبقى ليه تفرق عنى فى المرتب مع العلم أن قرار كتابتنا للعقد المعلم المساعد كان واحد . وبعدين هو مش ظلم أن أحنا نكون من 2006 و عملنا كل حاجة من دورات كمبيوتر و دبلوم تربوى و امتحان كادر ولسه متعينتش و مش عايزين يقبضونا شهر 7 فى إدارة عين شمس بالقاهرة ياراجل أحنا مش معلمين أحنا مجاهدين.
|
اقتباس:
ياعم اهدى عليا بس وافهم من غير عصبيه انا لم اقصد المعلم المساعد اللى اجتاز الكادر بتوع 1/4 انا بتكلم عن المعلم اللى كان بالحصه والمكافاه الشامله بتوع قرار 57 (الملغى) ياريت ميزعلوش منى وبعدين انا شغال من 2002 مش من 2006 متزعلش نفسك كل ده ارزاق انما فى عداله لازم تكون موجوده فى التوزيع وشكرا على مشاركتك |
بص يا أخ مجدي كلامك مش مظبوط بالمرة ونظام الحوافز وحافز الأداء واضح وانهاردة اتبعت فاكس لجميع مديريات مصر بتطبيقه بالنمط اللي أنا وضحته لك سابقا وهو كالآتي :
المعلم المساعد ----> حوافزه 25% + 85% مكافأة + 50 بدل معلم + 75% الحافز الجديد (حافز أداء) = 235% المعلم الحديث التعيين ----> حوافزه 25% + 85% مكافأة + 50% بدل معلم + 50% بدل اعتماد + 50% حافز أداء = 260% وهي يعني جمهورية شرق الشرقية هتطبق قبل ما الفاكسات توصل يعني .. عموما لو كان كلامك انت سمعته وصح لازم تسأل بكرة علشان الفاكسات دي وصلت اليوم ... |
استووووب كفاية ياريت كل واحد ينظر لحقه ومالوش دعوة بغيره لأنه مش واكل حقه دا مظلوم أكتررررر بكتيييييير منه اتغصب عليه يعمل دبلومة وicdlوامتحان كادر واتمرمط من 104 جنيه ف الشهر ويادوب بدأت تبتسم له الدنيا ولو انها ساعات بتمطر وتغيم لكن املنا ف ربنا كبييييير
|
حب لاخيك ماتحب لنفسك وبعدين انت ايه مصدرك في الغاء القرار ؟ فيه بيان صدر بالكلام ده
|
وايه معنى العداله عندك انهم ميتثبتوش ولا ياخدو المرتب 7جنيه مثل اول تعاقدهم هو لما يعملو كده تبقى هي دي العداله وهو ده اللي يريحك سبحان الله العظيم
|
على فكرة الزيادة اللي بتقولوا عليها انا معلم مساعد والزيادة هي 82 جنيه على المرتب اللي هو374 والمرتب انا قبضته النهاردة |
اقتباس:
هل أنت تعيين على قرار 75 أم 244 ؟؟؟؟؟؟؟؟؟؟؟؟؟؟؟؟؟؟ وفي أي إدارة؟؟؟؟؟؟؟؟؟؟ |
يا جماعة بش عايزين نختلف الان كلنا والله مظلومين علينا الان انكار انفسنا من اجل انفسنا
|
ياجماعةفى تخبط جامد فىامعلومات اللى وصلت الادارات ومحدش فاهم حاجة ولا حد خد حاجة حتى الان
|
ده الطبيعى مش هى ده مصر بلد العدل اذا كان حسنى سرق البلد 30 سنه ودمرها اقتصاديا واجتماعيا واخلاقيا وسياسيا ومش عارفين يحاكموه وهيميعوا القضيه ,والله لو محصل كده منبقاش فى مصر
البلد ماشيه بضهرها وعمر حال البلد ده ما هيتصلح, وعايزين ترحموا حسنى الله ينتقم منه اللى شرب البلد الفساد فى كل مكان واللى نشر الفاسدين والمفسدين فى كل مكان احنا محتاين تقاوى ناس صالحه متلوثتش قبل كده يمكن نقدر نحصل على جيل اخلاقيا واجتماعيا وسياسيا افضل من الاجيال اللى ادمرت بسبب الفساد الادارى والاخلاقى والسياسى والاجتماعى اللى عشنا فيه حسبى الله ونعم الوكيل |
اللى يشوفك وأنت بتقول مين اللى ساوى المعلم المساعد بالمعلم يقول أنك معلم من 100 سنة ولا حاجة
والله أنت لم تكتب ذلك إلا لسبب من اثنين إما أنك مريض نفسى أو لمرض فى قلبك واعلم أنه من راقب الناس مات هما وغما أسأل الله أن يشفيك من حقدك وغلك من أخيك المسلم |
حسبى الله ونعم الوكيل فى كل اللى يظلم انا بشتغل من 2001 ولسة معلم مساعد علشان الكوسة اللى كنا عايشين فيها
|
اقتباس:
|
ياجماعه مش فارقه ربنا يوسع عالجميع معلم مساعد او معلم اساسي كلنا اخوات وزملاء ودى ارزاق
|
اقتباس:
فى البدايه انت لو اتقلك الكلام ده منى كنت هترد عليا رد قاسى ولكن اشكرك لانك سمحت لى ان اخد ثواب فى شهر رمضان بكلامك المغلوط الكذب الملىء بالحلف الكاذب انت لاتعرفنى حتى تقسم عليا بانى ..............وانت لم تدخل قلبى و نيتى حتى تصفنى بانى اكره الخير لغير ى كل ما اردت ان اقوله اننا جميعا مظلومين وانى اعمل وكثير مثلى من 2002 ومن قبل ذلك ولكن الارزاق التى جعلتنى احصل على معلم قبلك هى الارزاق التى جعلت المعلم المساعد يقبض اكثر من المعلم فايمانى برزقى شىء اكيد لااشك فيه لحظه واحده ولكن انا اتحدث من ناحيه المنطق ليس اكثر وتذكر ان من يظن فى الناس الظن السىء فهو السىء نفسه وشكرا على اهانتك للمره الثانيه ورمضان كريم |
اقتباس:
والله انتى انسانه محترمه فعلا هذا مااردت ان اقوله ورمضان كريم |
انا قلبى هايوقف من اللى بيحصل دة يارب نرتاح بقى تعقبنا قوى
|
على فكرة محدش اتظلم زى المعلم المساعد ويارب تجبر على دبلومة تربوى وicdl وتكع مصاريف فوق طاقتك وقتها هاتحس بينا
|
يا استاذ عثمان الكلام الي قاله الاستاذ مجدي المفروض ما يزعلكش
افهم حضرتك انت الان بتاخد مرتب معين ايه رايك ان بعد التثبيت انشاء الله هتاخد نفس المرتب طب ايه العائد من دخول الكادر اصلا وايه الدافع انك تنجح اصلا الي عاوز اقولة احضراتكم ان الوزارة عاوزة تعدل حال المعلم بشرط ان ما تكلش الحكومة اي فلوس (يعني تضحك علي المعلم الي متقبل اي استكراد منها وترضي الحكومة علشان ما تمشيش) وكانهم بيقولوا لحضرتك امتحنت واخدت دبلومة واتثبتت دي حاجة ترجعلك بس مرتبك زي ما هو يعني بمعني اخر احنا عطفنا عليك بالزياده حتي قبل ما تتثبت |
على فكرة يا استاذ مجدى أنت كلامك كله متناقض والأخت الفاضلة التى تكرمت وأنت تقول لها أنت انسانة محترمة على فكرة أنت لم تتمعن كلامها لأنها فعلا انسانة محترمة وواضح من كلامها انها بتوصلك رساله انك ترضى بما قسمه الله لك تكن أغنى الناس مش تسيب مصر كلها وتمسك المعلم المساعد
حرام عليك كفاية اللى المعلم المساعد فيه وأكيد أنت كنت معلم مساعد وعارف مش وكيل وزارة أنت بتقول انك بتحب الخير للجميع وعنوان الموضوع بتاع سيادتك إزاى يتساوى المعلم المساعد بالمعلم هو المعلم المساعد مبيشتغلش زى حضرتك ويمكن أكتر شوية أنا لم أصفك بالظن ولكن وصفتك من خلال موضوعاتك وكلامك وتطلعك الى ما فى يد غيرك عار عليك أن تدخل فى منتدى المعلم المساعد وتقول ازاى يتساوى................ |
واعلم يا معلم أن كلامك هو المغلوط الملىء بالحقد والحسد وعدم الرضاواقول لزملائى المعلمين المساعدين
اصبر على كيد الحسود فإن صبرك قاتله...... فالنار تأكل بعضها إن لم تجد ما تأكله |
لا تعليق لأن الاخوة تفضلوا وردوا عليك يا أستاذ مجدى
وباين من كلامك أنك مش غلاط ولا حاجة ههههههههههههههههههه أنت بس بتقول محافظة الشرقية العكاكة وقلة دين يا أخى انت دخلت قلوبهم عشان تحكم على دينهم؟ أظن انك شوفت التعليقات على موضوعك ياريت تكون خزيت ولا انت باين .............. |
رساله الى الاخ mmagdyانتا حقود مبدورش غير على نفسك بدون ما تنظر لظلم زملائك انا على سبيل المثال اعمل فى التربيه والتعليم منذ2003 ولم يتم تعيينى حتى الان وغيرى الكثير مثل ما ذكرت الاخت مروه يوجد اوائل الكليات ولم يتم تعيينهم حتى الان احنا كده يوجد مننا الكثير اللى يدور على مصلحت نفسه فقط بدون ما ينظر الى غيره وممكن يكون غيره ده يستحق عنه حرام عليك متقولش اشمعنا قول الاول الحمد لله ان اخوانى اتعينو وبعد ذللك ندور على الحقوق الى فى مصلحت الجميع يا رب تكون فهمت وشكراااااااااااااااااااااااااااا
|
[quote=mmagdy_81;3851454]
يااخى عثمان انا لم اقصد اى تجريح فيك او فى غيرك فكلنا اخوه انا اتحدث عن الفروق بين المعلمين بعضهم ببعض ونحن وانا شخصيا لاانظر الى الزياده لكم ولكن اشعر باننا لم نحصل على مايجعلنا نشعر بكوننا معلمين وهذه فى الاول والاخر ارزاق كما ذكرت سابقا وشكرا على تعليقك أما انت عارف انها ارزاق امال بتحكى فيها لييييييييييييييييييييييييييييييييه؟ أما أنت غريب يا هانى |
اقتباس:
اقتباس:
اقتباس:
اقتباس:
السلام عليكم ورحمه الله وبركاته على العموم انا بشكر كل من وجهه ليا اى رساله نقد دون ان يفهم مغزى موضوعى وده امر عادى لان كل واحد بياخد الكلام على هواه وعلى حسب الضغوط الواقعه عليه ولكن انا ردت مره واتنين والف وقلت ان سؤالى هو فقط عن المنطق ليس اكثر وليس له علاقه بالمعلم المساعد لانى اشتغلت برده معلم مساعد وعملت بالعقد برده من 2003 وحاجات كتير بس المهم والشىء المحزن ان رسالتى لم تصل الا لعدد قليل اما بالنسبه لدخولى لمنتدى المعلم المساعد ووضع موضوع فيه من وجهه نظرك الضعيفه انه ضد المعلم المساعد فده مش من حقك ولا من حقك اى شخص سوى اداره المنتدى فالمنتدى ليس حكر عليك او على غيرك انا بس عايز اسالك سؤال علشان اثبت ليك انك مش فاهم اى حاجه. ليه انت وغيرك كتير قوى زعلوا لما قالوا ان احتمال العمال المحترمين يعدوا المعلمين المعينون والمعلمين المساعدين الجدد فى المرتبات ؟ وكله قعد زعلان ازاى انا معلم بمؤهل عالى وغيره اتساوى بعامل بالابتدائيه والاعداديه ؟ عارف ليه ؟ لان ده الطبيعى جو اى انسان ,انه بيبذل مجهود فى حياته من اجل الحصول على مقابل يعينه على حياته وبغض النظر عن النظام السابق الظالم او اى ظروف تسببت فى تاخير تعيينك زيك زى ملايين شباب مصر فهذا لا يعنى ان كل من تم تعيينه معلم لم يمر بمثل هذه الظروف بل اكثر منك بمراحل ولكنكم قوم لاتعلمون كل واحد بيبص على نفسه على انه الشخص الوحيد اللى اتهان واتظلم واتبهدل وزى مايكون مفيش حد غيره شاف الظلم رغم ان حضراتكم كنتم معانا وشوفتوا الظلم اللى اتعرض ليه كل زملائنا من المعلمين وعلى العموم شكرا برده على ردودكم لانها تعبير عن المعلم الحقيقى:d!!!!!!!!!!!! |
ومين اللى قال لك أننى زعلت لما قالوا أنهم هيزودوا العامل ويبقى أكتر منى بتنجم حضرتك مثلا
اما أنت غريب يا هانى ما يزودوه يا عم أنا هدفع له من جيبى؟ أما أنت غريب يا وائل انا مش زيك ببص لنعمة فى يد غيرى ربنا يرزق الجميع ويوسع على الجميع عامل وغير عامل وبالذات العامل لأن العامل بيشتغل اللى أنت مترضاش تشتغله أما أنت غريب يا محسن وبعدين أنا مش اشتكيتلك عشان تقول أنك عارف الظروف اللى تسببت فى تأخير تعيينى على فكرة أنا تعيينى متأخرش ولا حاجة هقولك عشان تموت بغيظك وحقدك أنا خريج 2008 وبعدين أنا مش عايزك تزعل إن رسالتك موصلتش حد يا ريت تكون رسالة الناس اللى ردت عليك هى اللى تكون وصلتك وتتعلم بعد كده تراعى مشاعر الناس هو أنت معلم من كام شهر أما أنت غريب يا تامر ويا ريت تكتب اعتذار للناس اللى أنت استفزتها بكلامك عشان منزعلش منك يا هانى |
ولو أنت تعبان نفسيا من المعلم المساعد مترجع معلم مساعد
ولو انت تعبان من العامل متيجى نشغلك عامل حتى فى عجز كبير فى العمال اليومين دول أما أنت غريب يا شوقى |
والله المعلمين المساعدين هم الذين لديهم المقدرة على تصحيح ما افسده المعلمون الاساسيون
|
وبعدين انتو زعلانين ليه من المعلم المساعد وبعدين هو مساعد لمين فه من المعقول ان فى معلم حاصل على تقدير جيد جدا او امتياز مثلى او مثل كيمو باشا يكون مساعد لمعلم معاه دبلوم معلمين اوحتى مؤهل عالى بس اتعين ايام الكوسة
|
اقتباس:
اجمل نكته سمعتها النهارده من انسان تافه قوى ههههههههههههههههههههههههههههههههههههههه |
اللى لسى واخد معلم مساعد دة اتبهدل واترممط بالحصة والمكافاة الشاملة سنين وسنين اكتر منكم بكتير كفاية ان لسى اسمة معلم مساعد ومخدش الكادر انتم فى الامان واتعينتوا رسمى اما دول لسى اسمهم بالقلم الرصاص
فعلا ولسوف يعيطيك ربك فترضى كل واحد يرضى برزقة كفاية بقى |
أحبتى
سلام من الله عليكم ورحمته وبركاته لا أخفى عليكم انى قد حزنت كثيرا لما قرأت رأس الموضوع ، ولكننى حزنت أكثر لما قرأت الردود عليه ولأننا نعيش الآن نحن المعلمون والمعلمون المساعدون فى وقت عصيب أو إذا شئت أن تقول بتعبير أدق فى مفترق طرق فإما أن نكون أو لا نكون وغدا إن شاء الله وقفتنا الكبرى أمام مجلس الوزراء ،و هناك لا يمكنك أخى الكريم وأختى الكريمة ان تفرقوا بين المعلم الكبير والمعلم وكذلك المعلم المساعد كلنا إن صح التعبير فى خندق واحد ، وحرام علينا أن نفترق وإحقاقا للحق يجب التركيز على ان النظام الادارى فى الدولة كان دائما يمنح الأفضلية للأقدمية بعيدا عن للكفاءة ولذلك ليس مستغربا ان نجد من يكتب فى مثل هذا الموضوع ولكن يجب ان ننوه إلى ان بيننا نحن المعلمون المساعدون من تخرج قبل عام 2000 فهل على هؤلاء ان ينادوا بمساواتهم بمن هم فى مثل سنهم أعتقد ان هذا مرفوض تماما وأخيرا أود ان أؤكد ان ( وحدتنا سر قوتنا) |
| جميع الأوقات بتوقيت GMT +2. الساعة الآن 05:51 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.