|
ماما انا عاوز اطلع زبال
السلام عليكم ورحمة الله وبركاتة انا هدخل فى الموضوع مباشرة بدون مقدمات ذهبت عند اختى وكانت بتذاكر لطفلها عمره ثمانى سنوات لكن الولد مصمم انه ذاكر لما تفتح المدرسة وكفاية الدروس الخصوصية وانه كمان صايم وتعبان لكن عنده استعداد انه يخرج يلعب مع اولاد الجيران وهنا عنفته اختى وقالت له انت لازم تذاكر عشان تكون دكتور او مهندس او ضابط فكان رده انه مش عاوز يكون لا دكتور ولا مهندس او حتى ضابط لكن عاوز يطلع زبال اه والله ويسافر ايطاليا تفتكرو الولد اللى كان بيطلع الاول على المدرسة عاوز يبقى زبال ليه؟ بسبب تكالب الناس على الفلوس ولا لانه شاف قريب له متخرج من الطب ومش لاقى شغل ياترى ايه السبب اللى يجعل طفل يفكر بالاسلوب ده |
والله مش عارفه ارد على حضرتك واقول ايه؟ بس دلوقتى فعلا بقا معظم الاطفال كده! بردو ابن بنت خالى كان زمان اللى هوه قبل الثوره يقول لمامته عايز اطلع ظابط! انما دلوقتى يقولها لأ اطلع ظابط عشان الناس تضربنى;) الاطفال اذكيه جدا ما شاء الله عليهم:o بجد والله:d والله مش اللى متخرج من طب بس هوه اللى مش لاقى شغل البلد كلها مش لاقيه شغل! بس ايه الحكمه من انه يختار زبال:( لأ وكمان يسافر ايطاليا طب ليه حضرتك مسألتيهوش اشمعنا زبال؟ او يمكن بس من ضغط المذاكره او انه مش عايز يذاكر وعايز يلعب رد الرد ده ملقاش غيره اصل مامته اقلتله.. اقتباس:
بس مدام الحكايه فيها ايطاليا يبقا فى حاجه..:bosyht9: حاجه تحير:frown: تقبلى مرورى.. |
طفل لسه عنده 8 سنين وبتذاكروا ليه من دلوقتى..:o يعنى دى اجاازة وصاايم خليه ياخد نفسه..:d ماهو احناا اللى بنعقد الاطفاال فى الدراسة والعلم بطريقتناا عموماا انا اختى الصغيرة بتقولى انهاا عايزة تطلع بيااعة فى محل ملاابس ..:d طموووووووح .. وممكن جداا يكون قاال كدا علشاان يحااول يخلص من ضغط مامته عليه واصرارهاا بانه لازم يذاكر فى الاجاازة .. شكرا لحضرتك ع الموضوع تقبلى مرورى.. |
اقتباس:
شوفى يا مرموور اولا شكرا على الرد انا لما اتكلمت معاه بعيد عن ماماته عرفت منه السر ان له صديق وباباه مسافر ايطاليا وعمل اقامه لابنه والولد بيسافر معاه وحسسه انه بيلف الدنيا اما ابن اختى هو اسبوع الصيف فى اسكندريه اما بخصوص المذاكرة بيقول انه المدرسين بيشتغلو فى الدروس من شهر 8 واللى مش بيحجز ويرحو مش بيلاقى مدرسين وان لاقى فيكون الوقت مضغوط وبالليل انا حسيت انى بتكلم مع شاب مهموم مش طفل لا حول ولا قوة الا بالله |
تسمحى لى إنى أقول لك إنه طفل غريب؟
ممكن مامته تشوف هو عايز يطلع زبال ليه وتطابق المواصفات اللى هو عايزها فى مهنة الزبال مع مهنة تانية وتحببه فيها |
اقتباس:
|
اقتباس:
هو بابا صاحبه ده بيشتغل عامل نظافة ؟ ولهي معتش فيه حاجة اسمها اطفال خلاص اليومين دول الطفل بيكون ضغير و فاهم الدنيا دي بحلها احسن من اي حد كبير |
اقتباس:
آه الحكايه كده:d ايطاليا واسكندريه فرق كبير:bosyht9: يعنى ليه حق قالك اروح انشاله لو هطلع زبال بس المهم اروح:d بس فعلا ده من ضغط المذاكره:o عشان كده بيقول الكلام ده;) بس خلى مامته متشدش عليه وتفك عنه شويه:friendsxs3: وربنا يوفقه ويحميه ويحافظ عليه من اى شر:) |
طب والله الواد ده بيفهم
الزبال في ايطاليا انضف ميت مرة من دكتور عندنا :d هو احنا نطول اصلاً عملنا ايه بالمذاكرة غير اننا بننساها :d |
اقتباس:
يمكن برضو وجهة نظر من بعد ماخلصنا كلية و نسينا اللي درسناه ، أنا عن نفسي برجع للكتب تاني لو مش عارفة إجابة سؤال عشان الطالب ميحرجنيش:friendsxs3::bosyht9::blush: |
اقتباس:
احب اقول لك ان الدروس بتبدأ من شهر اغسطس من كل عام والتلميذ لازم يروح عشان يلاقى مكان والا مش هيلاقى حد كويس يروح عنده اما بالنسبة لضغط امه انتى عندك حق لكن مش هوه ده لوحد انا اتكلمت معاه وعرفت انه يعرف حاجات كنت اظنها كبيرة على سنه الاطفال دلوقتى بقت بتفهم كل حاجه والبركه فى الدش والنت شكرا على المرور |
الشغل ده نصيب بس ياريت يروح اليونان بدل ايطاليا لانه اسمه هناك مهندس الصحة فى برنامج خواطر 6
|
اقتباس:
على فكرة الطفل مش غريب لكن هو شاف حال البلد وحال الشباب لما يلاقى خريج تربية بيشتغل فى محل فول وطعمية او واحد معاه بكالوريوس تجارة سائق وطالب طب زهقان من الدروس الخصوصيه ولو مش هياخد مش هينجح وشاف ازاى ابو صديقة سافر وجاب فلاس وعمل شركه وهو مش معاه شهادة الطفل دلوقتى بقى فاهم اكثر من اطفال زمان شكرا للمرور |
اقتباس:
مرورك اسعدنى |
اقتباس:
هو ماديا وادبيا معاك حق لانهم هناك اى مهنه لها احترامها وخاصة المعلم هناك اما عندنا حدث ولا حرج هههههههه بس المذاكرة والعلم بتوسع الافق لكن فى مصر مجردة شهادة والمؤهل ليس له علاقة بالعمل حتى الاوائل اللى المفروض يتعينوا مش بيحصل الا نادر شكرا على المرور |
اقتباس:
ايوة يا مريم بس فى ايطاليا مس هنا فى مصر عندك حق الطفل الايام دى فاهم كل حاجه تعرفى انه سألى عن اليورو بساوى كام جنيه مصر؟ شكرا للمرور |
اقتباس:
عندك حقولو اننا بنحترم كل المهن لان اى عمل شريف لابد ان يحترم كان حال البلد اتغير بس للاسف احنا بنبص للمظاهر فقط وشكرا على المرور |
اقتباس:
عندك حق وشكرا على المرور |
خليه يعيش حياته :d يعني الدكاترة ولا المهندسين عملوا ايه ؟ العيال اتعقدت خلاص دروس ومدارس حتى فالاجازة وفالاخر كلو واحد ومافيش حاجة نافعة فيروح ايطاليا احسن :d ع الاقل الزبال ليه قيمة هناك |
نقاء الروح اسعدنى مرورك
بصراحة نصحية حلوة بس لو عدد محدود اللى يعمل بيها اما لو الكل يبقى مصيبة |
هههههههههههههههههههههههههههههههههههههههههههههههههه هههه
زبال ليه خلاص الطموح بقى زبال ياااااااااااااااه الولد ده يا اما كان بيهزر يا اما كان طموح اووووووووووووووووووووووى طبعا مش لانه عايز يطلع زبال لالالالالالالا لانه عايز يطلع ايطاليا |
اقتباس:
ايوة فعلا هو عاوز يسافر بس لاقى ان معظم اللى بيسافرو بيشتغل كده شكرا على المرور |
اقتباس:
أتمنى إن الثورة تصلح كل دة |
اقتباس:
اتمنى اننا نتغير بجد ولو كل واحد غير نفسه ممكن نبقى افضل ان الله لا يغير ما بقوم حتى يغيرو ما بانفسهم وشكرا على المرور |
ماشاء الله الجيل الجديد طموح واقولك رايي احسن حاجة خدي اللي بيتقال بهزار ومتفكريش فيه احنا بقينا في مهزله
كان زمان اي طفل بيتمنى يطلع دكتور او ظابط دلوقتي الموازيين اختلت |
اقتباس:
والله لو كان شاب مثلا كنا قولنا انه مش لاقى شغل ففكر فى السفر لكن مع طفل صغير بيطلع الاول على المدرسة يبقى فعلا الموازين اختلت وفيه حاجة غلط اتمنى ان الثورة تصححها ويوضع كل شيء فى نصابه اسعدنى مرورك |
السلام عليكم اسمحى لى ان ابدى اعجابى بابن اختك لانه ولد زكى لانه عرف ما يريد ان يكون ونحن نجد من يشرف على الانتهاء من الثانوية ونسأله ماذا تريد ولكن الاجابة ال يجيبه ربنا كويس انا طبعا مش مع فكرة الزبال بس انا بحاول ابص على الجزء المليان فى الكوباية طب والسؤال هنغير فكرة ازاى لازم نبدأ من بعيد بتحبيبه فى ما نريد ونترك له كيف يغير فكرة اذا عنفناه عن الفكرة سيتمسك بها وتذكر دائما ان الممنوع مرغوب اسف على الايطالة |
اقتباس:
الاستاذ احمد حضرتك فعلا عندك حق لان الطفل عندى جدا لابد من توجية من بعيد ده اللى قولته لاختى اما اسلوب الاوامر اصبحت غير مجدية مع اطفال الان لان اطفالنا متفتحين اكثر على العالم خاصة مع النت وشكرا لمشاركة حضرتك والحل كمان |
يمكن يكون مكنش عاوز يذاكر ساعتها فقال كدة
هههههههه بس جديدة انه يسافر ايطاليا دى .. عقد عمل بقى وشغلانة كنتى سألتيه يا استاذة بدل ما نحتار كدة يا ريت بجد تساليه وتقوليلنا قال اى |
اقتباس:
اولا شكرا على المرور ثانيا لو تعرفى هو قال ايه مش هتصدقى ان ده طفل قال انه شايف ابن عمه طالب الطب محتار يعمل ايه بعد ما خلص الكليه وان ابن الجيران معاه بكالوريوس تجارة وسائق بختصار اللى بيتعلمه شيء واللى بيشتغله شيء اخر وبعدين ماماته مصممه انه لازم يذاكر فحب يضايقها زى ما هيه بتعمل معاه (عند يعنى) |
اقتباس:
هههههه شكله ولد عسول وذكى قوليله آلاء بتقولك متقلقش وذاكر بعد الثورة مفيش الكلام دة خليك مصراوى بجد وشد حيلك ويا ريت بجد لو يعرف ان العلم يكفى ان يكون هدف وليس وسيلة للأسف الاغلبية العظمى ومش هقول الكل بيستخدمو العلم وسيلة اما لفخر او وظيفة ومال |
اقتباس:
حاضر يا ألاء هقول كل اللى عايز بس يارب يقتنع وانتى عندك حق فى ان الاغلبية العظمى بيستخدمو العلم وسيلة اما لفخر او وظيفة ومال وشكرا للمتابعة تحياتى لكى |
اعتقد ان لما طفل 8 سنين يقول كدا غالبا هى كلمه عفويه ومش فاهم كويس اللى حضرتك قلته لكن السبب فى الكلام الموجود فى الموضوع هو احساسك انت بالوضع الحالى ليك لانى من كلم سنه سألت ابن عمى وهو فى نفس السن تقريبا عايز تطلع ايه قالى زبال ودلوقت لما دخل ثانوى دخل علمى رياضه وعايز يبقى مهندس
|
السلام عليكم ورحمة الله
أستاذتى الفاضله طبيعى ده يكون رده بس على فكره ممكن حضرتك تلاقى السببين مجتمعين بس غالبا لان اغلب اللى بيتخرجوا مش بيلاقو شغل وكلهم قاعدين على الطرق او بيغسلوا صحون لكن شهادته معلقها على الحيط سواء دكتور او مهندس او مدرس او غيره ربنا يسترها علينا جميعا ويغير حال البلد دى ويعنا على التغيير |
[quote=منار على;3875085]اعتقد ان لما طفل 8 سنين يقول كدا غالبا هى كلمه عفويه ومش فاهم كويس اللى حضرتك قلته لكن السبب فى الكلام الموجود فى الموضوع هو احساسك انت بالوضع الحالى ليك لانى من كلم سنه سألت ابن عمى وهو فى نفس السن تقريبا عايز تطلع ايه قالى زبال ودلوقت لما دخل ثانوى دخل علمى رياضه وعايز يبقى مهندس[/quote
الاخت العزيزه منار التليفزيون والنت جعل الاطفال تعرف وتفهم كل اللى بيدور حوالينا يعنى انا مثلا عملت كلمة سر على الجهاز ومع ذلك ابنى اللى عنده 7 سنوات بيعرفها ماشاء الله وبيعرف انا بعمل ايه على الكمبيوتر اما ابن اختى فهو عنيد فحب يضايق ماماته وفى نفس الوقت هو فاهم هو بيقول ايه وان شاء الله هيكون مستقبله كويس زى ابن عمك تحياتى لكى |
اقتباس:
امين يارب العالمين نتغيير الى الاحسن واسعدنى مرورك جما الروح |
اولا موضوعك بصراحه عجبنى جدا بصى هو ممكن بيحب بلده ولما نزل وشاف الشوارع كده فكر انه ليه ميشتغلش زبال وينضف شوارع بلده انا بتكلم بجد والله مش بهزر اكيد هو ده السبب انه لقى انه بلده ف حاله مهزله
|
اقتباس:
هذة رواسب النظام السابق الفاسد المنحل وعلشان شايف قريب لة متخرج ومش لاقى شغل وعلشان بيسعمل عن الناس بتسافر الى ايطاليا علشان الفلوس |
هههههههههههههههههههههههههههه انا مش عارفة الاطفال دول بيفكروا كده ليه
حتي ابن خالي كان ف سن صغير نقوله عاوز تطلع ايه يقول انا عايز اطلع ميكانيكي !! وبعدين بعد اما ظاهرة التكاتك نتشرت قال انا عايز اطلع سواق تكتك !! هههههههههههههههههههههه معرفش ليه ممكن فعلا عشان هما مش حابين يتعلموا ولا يتعبوا وكارهين الدراسة وكده |
ها اقول رايي صراحة مش ينفع الضعط على الطفل وخصوصا ان عنده 8 سنينخلاص لما يكون في الدراسة اوك يذاكر
لكن اثناء شهر 8 اظن احنا بتوع الثانوية مش طايقين نفسنا لما ابتدينا بدري هو ممكن مامته تغير اسلوب النقاش في حكاية المذاكرة يعني مش على طول تقوله يلا روح حذاكر يلا كذا لان والله ها يعاند ومش ها يعمل اللي هي عايزاه يعني انا مثلا لما بكون قاعدة على الجهاز وبابا بيقولي روحي ذاكري انا بطهق من نفسي وانا اصلا عارفة امتى اذاكر وامتى مش اذاكر وحتى عشان كده ها يكره المذاكرة معليش طولت عليكي |
اقتباس:
فعلا عندك حق تحياتى لكى وشكرا على المرور |
اقتباس:
والضعط على الطفل بيولد الانفجار شكرا للمرور |
اقتباس:
شكرا للمرور |
اقتباس:
|
اقتباس:
واتمنى ان البلد تتغير للاحسن شكرا للمرور |
اقتباس:
الدروس الخصوصيه من أولى ابتدائى إالى 3 ثانوى تبدأ فى شهر 8 معلشى هانت ربنا يوفقك أنا سعيده بمرورك |
هو بجد اكيد متعقد يعنى 8 سنين وبيذاكر من دلوقتى وصايم كمان
ثانيا الولد رد الرد ده لانه شايف انه عشان يطلع دكتور او ظابط او اى حاجه كبيرة لام يذاكر ويطحن ويمتنع عن اى ترفيه ليه ويبطل لعب ويركز فالمذاكرة فقال اطلع زبال احسن ومش اذاكر واوجع دماغى فتقريبا ممكن يكون فكره كده ومش عشان قال زبال تبقا مهنه وحشه او حاجه بالعكس دى اهم مهنه ولولاها كانت هتملانا الامراض ومش بعيد تقضى علينا ونفقد حياتنا فأحنا بنبص للاسف للمظاهر بس لكن بننسا المهنه دى فيدتها ايه فحياتنا ومن غيرها حالنا هيبقا ازاى والله بجد موضوع جميل جدا تحياتى لحضرتك |
اقتباس:
اسعدتنى برأيك السليم تحياتى لكى |
طفل عايز يطلع زبال!!
ممكن طفل حلم طفولته يكون دكتور و في الآخر لقى نفسه زبال .. لكن طفله بنفسه عايز يبقى زبال دي غريبة حبتين ماعتقدش انه هو واعي للي بيحصل حواليه علشان نقول انه شايف ان خلاص مابقاش في فرق بين دكتور و زبال .. و لا حتى واعي لدرجة انه يفهم قد ايه الجنيه مهم في حياة الإنسان و قد ايه في ناس بيقتلوا بعضهم علشانه! ضغط المذاكرة عليه في سن زي ده أكيد هو اللي خلاه يكره المذاكرة علشان كدة شايف انها حاجة صعبة انه يبقى دكتور او مهندس لأنه لازم يذاكر و ممكن يكون سمع من حد كبير واعي للي بيحصل ان خلاص البلد دلوقتي الزبال اتساوى فيها بالدكتور و كمان الزبال أحياناً بيبقى افضل من الدكتور العاطل و كذلك بردو موضوع السفر لإيطاليا |
اقتباس:
تحليلك سليم يا اميرة اسعدنى مرورك |
| جميع الأوقات بتوقيت GMT +2. الساعة الآن 06:09 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.