خبر زى الفل يا جماعة
 

انا جيباكوا خبر انهاردة

انا من الناس اللى متقبلش تحويلها و مش عايزة اسال ليه و مش ليه
على طول بابا انهارده راح مكتنب التنسيق اللى ف سموحة عندنا
بابا اتصل بيا على الساعة 10 ونص انا كنت نايمة و قالى ان الناس هنا فى اسكندرية واقفين واقفة اجتجاجية على نتائج التحويل و قالى هو هيقف و يسال الناس على اللى حصل معاهم لان معرفش يوصل هناك الناس كانت قافله طريق البحر كله و مكنش حد يعرف يوصل و المكتب كان مقفول

الخـبــــــــــــــــــــــر بقـــــــــــــــــــــــــــى

التحويل الورقى هيبدا من بكرة وكله ممكن يقدم فيه
جهزوا وراقوا و فلوسكوا و الحاجات المطلوية

1- صورة مش شهادة النجاح
2- وصل نور وماية و تليفون
3-100 او 150 جنيه
4- من 1000 لــ 3000
و انا مش متكده من حكاية الالف لاسنة دى

بالتوفيـــــــــــــــــــــــــــــــــــــــــــ ــــــق

انتى متاكده من الحكايه دى انا سمعت انه الاربع الجاى لسه

ايوة متاكدة
انا بقول نجهز الورق و الحاجات اللى هم عايزنها و نروح نسال بكرة فى المكاتب اللى فى كل مدينة وانا كمان قريت فى رد احد الاعضاء دلوقتى ان بنت خالته عرفت تحول بصراحة محبتش اسال ازاى!!!

هههههههههههه ليه كنتى اسالى ازاى و عرفينا

طب كنت عاوزة اعرف مكان مكتب التنسيق هنا ف اسكندرية بالظبط انا قالولى انه ورا كلية الهندسة

يا ريت لو تعرفى قوليلى معاده امتى

ايوه فعلا كلامك صح انا كمان بابا راح وقال نفس الكلام والحمد لله رجعلنا الامل تانى
هو انتى يا نور كنتى عايزه تحولى من كليه ايه لكليه ايه؟؟؟؟؟؟؟؟؟
اطمنو يا جماعه شباب اليكس واهاليها عاملين احلى شغل ومشرفنا ع الاخر ههههههههه

مممكن تفضلى تكتبى هنا كل الاخبار معانا علشان هنشوف هنعمل اية

ال1000 دى تبرع بينفع تفاصلى معاهم

طيب يا حضرات انا انهردة رحت كلية سياحة وفنادق اسكندرية لقيت اكتر من 400 طالب معاهم ورقة ترشيح انهم قبلو بس محضروش الاختبرات وكمان بتاع 4000 مرلحلة تالتة قدمو ومحضروش الاختبرات مكنوش يعرفو ورحنا للعميد وقالو دي مشكلة كبييرة ومقفلو باب التحويل طيب محدش يعرف حل ووللعم الكلية فيها 160نفر بس ارجو الرد




طيب ممكن نحول لاي كلية تانية وهل يشترط المجموع ارجو الرد

محمد من فضلك انا كنت عايزه احول من الاقصر لاليكس وحعمل تحويل ورقى ان شاء الله بس هو المفروض حيكون ليه شروط ولا مفتوح ؟
وحيكون بكره اكيد ؟ وفيه طلبات نور كتباها فوق (تليفون) يعنى ايه؟
وسؤال صغنون بقه (افاصل معلهم ازاى يعنى ؟؟؟؟؟؟؟؟؟؟؟؟؟؟؟):d

ههههههههه هو التحويل دة عجيب وبعدين زحمة جدا جدا مش سهل يعني وانا سمعت انهردة انو بالفين بس بعد الدراسة بشهر وشوفت المظهرات فعلن ووقفت معاهم وكان في مظاهرة عشان امتحان القدرات بتاع الساياحة

سؤال بكرا ولا يوم الاربع اصلو مشاور صعب للقاهرة , و رزل و بارد .

في القاهرة قالو الاربع برضو

انا متهيالى هيبقى الاربع عو الصح لان بكره ده صعب شويه ع ما التعليمات تيجهم بالظبط و كده

مودى والنبى متقلقنيش ازاى التحويل بعد الدراسه بشهر :(انا مش فاهمه ؟؟؟؟؟؟؟؟؟؟؟
هو مش نروح برده بورقنا بكره لمكتب التنسيق نقدم ولا ايه ؟؟:bosyht9:
هاااااا قول اخر الاخبار يا ابن اليكس

birana
اصدها وصل كهربا او وصل تليفون او وصل مايا او وصل غاز باسم الوالد عشان يثبت انك مقيمة في الاسكندرية
و هوا قال بعدها بشهرين يقصد بتدفعي بعدها
التحويل الورقي بتقبلي فيه قبل الدراسة باذن الله .

على فكرا حكاية بكرا دي عمرها ما هتكون صحيحة لازم الوزير ينزل قرار و الصحف تكتب و غالبا لازم يكون بعد المرحلة التالتة فا اقرب موعد بعد اسبوع , و بكرا انزلو و اتأكدوا

الشرط انك تكونى من اسكندرية اصلا وهتعوزى صورة الاستماره الى خديتها من المدرسة وبتشترى منهم (الكلية يعنى) ورق ب 150 حنيه وهتعوزى وصل نور ووصل "مياه" وصورة بطاقه الوالد (الى مكتوب فيها عنوان فى اسكندرية طبعا) وبعدين يتدفعى مبلغ بس مش متاكد هو صاحبى الى راح سال هناك قالى 20 ولا الفين هبقى اتاكد منه بليل واقولكم وعلى فكره الكلام ده كلام واحد سائل مش تكهنات ولو فى تعديل هقلكم بليل واديكم الارقام لو لاقيتها وحكاية الفصال دى خليها لما اتاكد من حكايه المبلغ الى هيدفع (وعموما اكيد والدك او والدتك بيعرفوا يفاصلوا لان دى بتجرى فى دم المصريين)

اه نسيت اقولكم بالنسبة لمعاد التحويل فهو غالبا هيبدا مع بداية الاسبوع الى جاى لان انا لما سالت على التقديم قالولى يوم 18 بس الحسن تعالى من اول الاسبوع الى جاى اضمن بس برده هتاكد بليل وارد عليكم

يعني ان شاء الله أنا عايزة أروح طب الزقازيق لو رحت يوم الأحد يبقى كويس؟ وايه الفلوس اللي بعد شهر دي؟

يا جماعة متخافوش ان شاء الله كله تمام

هههههههههههههه
احلى كلام طبعا
انا كنت بحول من صيدلة المنيـــــــــــــــــــــــــــــــــــا لصيدلة اليكس

والله انا مش عارفة المكان تحديدا
بس هو فى سموحة و عموما بابا رايح بكرة هكتبلكوا الاخبار على طول

وبصوا ياجماعة بكرة كل واحد يروح يعرف من مكتب التنسيق اللى فى مدينته يمكن فى اختلاف
بس دفع التبرعات بيبقى قبل الدراسة بكام يوم كده

ههههههههههههههههههههههههه

تحفة والله العظيم........هو ده الشعب المصرى وقت الازمات

انا لو فيها فصال عندى اللى ينزلى ال 2000 دول 20 جنيه

واى حاجة انا فى الخدمة هبقى اجرلكوا الشخص ده .........بس بالدقايق بقى :)

ال2000 سهل تبقى 20 (اقسمى على 100) هههههههههه . على فكره انا صاحبى بيحول لصيدلة اسكندرية برده هو راح سال النهارده هبقى اقولكم هما قالوا ايه بالظبط له

انا كنت ف جامعه المنصورة انهارده و قالي يوم الخميس الاسبوع ال جاي

انا رحت انهارده مكتب التنسيق اللى فى سموحه ( انزلوا عزبة سعد و مش هتحتاجوا تسألو انتو هتلاقو افواج متجهه ناحية المكتب :d ) المهم , سألت اخينا البعيد الى هناك و مدانيش عقاد نافع و قالى : لسه معندناش معلومات يافندم عن التحويلات و مش عارفين اساسا هى هتبقى هنا و لا هناك (هناك ده مقصود بيه المدينه الجامعيه بنات و دى جنب مكتب التنسيق ) رحت هناك و الراجل كان ذوق جدا (ده عشان انا داخله تبع واحده هناك:friendsxs3:) قالى نفس الكلام بس بطريقه حضاريه اكتر انى اتابع هناك على طول و أول ما التحويلات تبتدى اجيب الورق و الحاجات اللى انتو عارفينها دى كلها و أروح.
و ربنا يسهل معانا كلنا يا رب و نيجى اليكس :d

تمام يا سمر هو ده اللى بيحصل
بس حنا نعرف واحد فى ادارة الجامعة بابا اتصل بيه و قالنا انهم وصلهم فاكس بفتح التحويل الورقى
بس لسه مش عارفين امتى
بكرة هعرف واقولكم

حد راح المكتب؟؟؟؟؟؟؟؟

انااااااا
http://www.thanwya.com/vb/showthread...=1#post3861244

تمااااااااااااااااااام ..............اخدتى وصل؟

اه اخدته , بس قالولى اسألى كمان اسبوعين , و ده كتييييييييييييييييييير اوى :(

ايوة تمام هو اسبوعين او فترة كبيرة قبل المدارس
متخافيش بس خليكى على طول معاهم
وبعد اسبوعين لما تروحى دى اللى هندفع فيها الـ 2500

المهم اكون اتقبلت !!

يا جماعه انا لما كنت في المجمع والمكتب بتاع عزبة سعد والمدينة الجامعية قالولي مقلقش حتي لو محولتش ممكن احول من حتة لحتة ومن كلية كلية ب الفين جنية بعد الدراسة ماتبتدي بشهر يعني الامل موجود يعني لو حد حقوق وعايز يحول اداب مثلا ينفع

اولا يا سمر مفيش حد بيترفض فى التحويل الورقى........دا انا اروح اعمل جريمة على ال 150 جنيه بتوعى دول

ريرى اانا و سمر عملناها و اخدنا وصل متخافيش بس متروحيش لا بكرة ولا بعده عشان متموتيش من الشمس لان فى اصحابى واقفين من الساعة 8 والله العظيم كلمونى الساعة 4 يا اما انزلى هناك من الفجر

والله يا استاذ مودى مش عارفة بس 80% مينفعش
بلاش احبطك بس اسال احسن

التحويل الورقى فى اسكندرية هيقفل يوم 29 .............احترسوااااااا

يا جماعه انا لما كنت في المجمع والمكتب بتاع عزبة سعد والمدينة الجامعية قالولي مقلقش حتي لو محولتش ممكن احول من حتة لحتة ومن كلية كلية ب الفين جنية بعد الدراسة ماتبتدي بشهر يعني الامل موجود يعني لو حد حقوق وعايز يحول اداب مثلا ينفع




متقلقيش يا بنت اليكس في امل

انت متاكد من الكلام ده يا استاذ مودى؟؟

دة الكلام الى اتقال والله من الموظفين

طيب الحمد لله............انت والله طمنت ناس كتير
بس يا ريت تعمله موضوع عشان فعلا ناس كتير سالت على كلامك ده
ربنا يخليك

[SIZE="5"]يا جماعة انا التحويل بتاع النت بتاعى متقبلش وكنت محولة من حاسبات لهندسة الشروق
المهم روحت النهاردة لاكاديمية الشروق وحولت ورقى واتقبلت النهاردة وكان فى ناس كتيييييييييير النهاردة
ودفعت 100 جنية بس
فالحقوا روحوا الكليات اللى انتوا عاوزين تروحولها[/SIZE
:022yb4::028ja7::022yb4::028ja7::022yb4::028ja7:

مبرووووووووووووووووك يا ياسمين

اوعدنا يـــــــــــــــــــــــــــــــــــــا رب

يعنى ياجماعه انا لو مش جايبه مجموع الكليه ينفع احولها ولالا؟ ولا اييييييييييييييييييييي

حضرتك تقصدى ايه؟