لكل المهندسين اتفضلو ادخلووو
انا لسه فى تالته ثانوى بس كان عندى سوال بخصوص الهندسه عشان انا علمى رياضه
ايه هى مميزات البترول و الميكانيكا من حيث مجال العمل وطبيعته ولو ناوى اخش واحده فيهم ادخل ايه يعنى ايه الافضل انا بطرح السوال ده لانى عرفت ان اللى دخل البترول من الاوائل على الحمهوريه تلاته من اصل عشره والباقى هندسه عاديه انا مش بتكلم على الفلوس والمرتبات لاتى عارف ان ده رزق وكمان المرتبات بتاعت القسمين متقاربه انا بسال على فرص العمل الموجوده وايه هو العمل ده يعنى لو بترول هشتغل ايه ولو ميكانبكا بردو ؟؟؟؟؟؟؟؟؟؟؟؟؟؟؟؟ وابقى شاكر ليكو ( يا بشمهندسين ) لو عرفتونى المعلومات دى لان فكره التحويل لعلوم عماله تدور فى راسى وبالذات ان مجموعى ف تانيه 99.5% :frown: مستنيى ردودكو :022yb4::022yb4::022yb4: |
السلام عليكم
اولا تعديل بسيط ان اللي دخل بترول 1 بس من اصل عشرة اوائل علمي رياضة لان البترول اصبح مجاله ضيق جدا ينحصر في شركات البترول فقط علي عكس بقية اقسام الهندسة زي الميكانيكا اللي انت سألت عليها فمجال شغلها اوسع بكتير وفرص عملها اكتر بكتير وواحد منهم هو قطاع البترول وبصراحة لو معاك واسطة خش بترول وانت مطمن غير كده فالشهادة ملهاش اي قيمة ولا تتعجب اذا رأيت انهيار في الحد الادني للقبول بكلية هندسة البترول في الاعوام التالية اي استفسار |
اقتباس:
|
هندسة نووية مش موجودة غير فى كلية هندسة اسكندرية
|
اقتباس:
|
شوف يا صاحبي و يارب تفهمني بوضوح .
ميكانيكا طبعا و انت مغمض و تحط رجل على رجل , زي ما فهمت البترول حلاوتها في حاجة واحدة بس . معاك الاوائل و بتستفيد منهم . في المقارنة بقا بترول السويس : - مفيهاش غير قسم واحد و مش بيدخلوا اي حد و هو قسم الحفر . لو دخلتوا تبقا حاجة كويسة جدا بس برضوا هتحتاج تقدير و برضو واسطة عشان تشتغل . في مجال العمل بقا : - هتبقا فقط مهندس بترول يعني مش هتشتغل غير في البترول لو مالقتش شغل يبقا هتشتغل في اي حاجة تانية ملهاش علاقة بالهندسة . نجي للهندسة العادية قسم بترول : - كدراسة معروف هندسة السويس افضل بس مهندس بترول القاهرة احسن من مهندس بترول السويس لان برا و في الخليج بيعترفوا بجامعة القاهرة عن جامعة قناة السويس . و يا سلام لو جامعة بريطانية هندسة بترول اما الميكانيكا خصوصا ميكانيكا باور دي المستقبل لحد ما نموت . يا باشا مهندس ميكانيكا بيشتغل في البترول , السيارات , الطيران , التبريد و التكييف , و كل حاجة ليها علاقة بالمكن ولعلمك الي بيقوم شركات البترول على رجلها هوا مهندس الميكانيكا وسبق و شرحتلك انو لما مثلا شركة بتتولى موقع فيه بترول الي بيظبط المكن و البريمات و الاماكن هوا مهندس الميكانيكا و الكهربا و المدني . و هوا الي بيحدد اسعار المكن و هوا الي بيعمل الصيانة و بيكون في فريق الحفر و بياخد اعلى من مرتب مهندس البترول و جوز بنت خالتي نفس الشغلانة دي وقالي , فا يا صاحبي اتمنالك الخير و ميكانيكا و نصيحة مني عشان تعملها هات مجموع البترول و ما تدخلهاش كدا تبقا رضيت غرورك انك جبت مجموعها و دوست عليها . و اجتهد و خوش ميكانيكا |
هندسة نووية ما اعرفش طبيعة الدراسة فيها
اعرف انها في اسكندرية و اعرف انها في امريكا تعيش ملك غير كدا كأنك معهد لاسلكي ههههههههآآ فا سيبك منها من الاخر |
بص أنا جيبت 98.9 السنة دى وI can't hide it أنا كان ليا مزاج فى هندسة بترول من الأول ... بس لظروف شخصية مش هقدر أسيب بورسعيد ... وبعد كدة الحمد لله إكتشفت إن كويس إم أنا ما إخترتهاش .... أنا جاتلى هندسة بورسعيد وإن شاء الله أنا ناوى على مدنى بس أنا عارف إن عمارة كمان حلوة وكمان ميكانيكا باور بس أنا اللى قريته عن المهندس المدنى والــ duties بتاعته عرفت إنى ممكن أحقق فيها تفوق عشان طبيعة عملها بينسجم مع طبيعتى وقدراتى الخاصة ............... وفى الأخر كل واحد بياخد نصيبه ربنا يوفقك ويوفقنى ويوفق الجميع. وشكرا لك لسعة صدرك وردودك على أسئلتى.
اقتباس:
|
السلام عليكم
مع احترامي لكافة المهندسين الموجودين بس انا شايف ان انتم لم تنصفوا كلية البترول اولا هندسة بترول وتعدين السويس مش بتاعت بترول بس زي ما معظم الناس فاكرة الكلية فيها 5 اقسام تقريبا (حفر-تكرير-فلزات-جيولوجيا-مناجم) وفيه قسم استكشاف بس بفلوس اي قسم من دول مش لازم يشتغل في البترول حتى مهندس الحفر ممكن يشتغل في حفر ابار الميه و كمقارنة بسيطة بين بترول السويس و بترول القاهرة بترول السويس بتاخد 99.4 و بترول القاهرة فيه واحد صاحبي قالي انه بياخد ناس شايله مواد في اعدادي بس المشكلة في السويس ان الاقامة بتبقى صعبة قوي قوي وفيه ناس كتييييييير ما بتستحملش وبتحول منها فانا نصيحتي ليك انك تتوكل على الله وتشد حيلك في المذاكرة قوي و تجيب مجموع عالي و بعدين تشوف ميولك و تعمل استخارة وانت بنفسك هتقرر يعني من الاخر سيبك من الموضوع ده دلوقتي و ركز في مذاكرتك و بالنسبة لموضوع علوم ولا رياضة فانا مستغرب من الكلام ده لانك المفروض عارف انت بتحب ايه حتى لو هتدخل ادبي المهم تدرس الحاجة اللي بتحبها عشان ربنا يوفقك |
اقتباس:
ممكن تخش على ويكيبديا واكتب بترول و تعدين السويس و انت هتفهمني |
انا قاري من زمان عنها في ويكيبيديا . و معروف انو فيها كذا قسم بس الاقوى الحفر .
بس لحد دلوقتي مش عارف اصحح معلوماتي في ايه بالظبط ؟ |
علي فكرة من اللي رد سواء انا اوissac-newton
عارفين وقرأنا كل حاجة عن البترول بحكم انه بيقي اول فكرة لطالب داخل علمي رياضة ويافرحتي بأقسام كتير احنا بنتكلم عمليا وبعد بحث كتير وسؤال لاهل الخبرة يرجي التوضيح اكتر |
شكرا ليكو يا شباب على المعلومات المهمه دى
بس انا ملاحظ ان مفيش مهندسين بيدخلو يعلقو اعتقد ان هما هيبقو عارفين اكتر مننا |
عموما لكل واحد وجهة نظر .... وإختلاف الأراء لا يفسد للود قضية ......... الحمد لله على كل شىء
|
تمام , , ,
بس حضرتك تقصد مهندسين متخرجين . او مهندسين بيدرسو . اصل انا مهندس مستجد . |
على فكرا عايز اقول انو كانت طموحي بترول , بس فرقت معايا على 1 في المية بس الحمد لله
بس لما جيت راجعت نفسي لقيت نفسي كنت عايز ادخل بترول لاسباب دي و الله و من غير اي مزايدة . - كنت حاطت لنفسي صقف اجيب اعلى حاجة في الرياضة دا حتى والله كانت الفكرة الي مسيطرة عليا انو اجيب مجموعها و ما دخلهاش - عشان يتقال عليا اني في هندسة البترول - عشان استفيد من اوائل الجمهورية الي هيكونو معايا . اما حكاية الشغل فا سامع من زمان انها مش سهلة |
اقتباس:
انا وقفت معايا علي 2 % ومكنتش عاوزها + Like |
بُص، مهندس البترول لو لقي واسطة تشغله بيبقي له قدره وثقله وبياخد فلوس جبارة ما شاء الله من أول ما يتخرج..بس هل إنت هتستحمل تعيش ٢٨ يوم في الشهر في الصحرا بعيد عن أهلك ومنعزل عن الناس ؟
أنا إللي أسمعه إن مهندسين البترول بيبقوا ساديين ومش بيعرفوا يتعاملوا مع الناس (بالبلدي) لإنهم منعزلين عنهم وعايشين في الصحرا مع الحيوانات والجروب الضيق بتاعهم الهندسة العادية مجالاتها كتير و واسعة وبرضه شغلها متوافر بمرتبات ممتازة والميكانيكا هي أساس كل الهندسات في كل حتة، بس إنت شوف كل الآراء وأحكم حسب ميولك وقدراتك الشخصية..بالتوفيق |
مهندس مدني ناجح = مهندس بترول بيشتغل
|
اقتباس:
|
طيب انا سمعت ان لو مهندس البترول وهو لسه بيدرس وكان شاطر يعنى بيجيب تقديرات عاليه شركات البترول بتحجزه قبل ما يخلص
وبعدين لو دخلت بترول انهى الافضل بترول السويس واللا بترول القاهره ومن حيث الانعزال اعتقد انهاة متفرقش والله |
بترول السويس طبعا طبعا طبعا , معاك الاوائل + ليها اسمها .
بس برا جامعة القاهرة بيفضلوها علشان ليها اسم بس تخيل نفسك في بترول و معاك الي جايبين 100 في المية ولا في القاهرة و معاك الي طالع اعدادي بمادة شوف انتا بقا |
اقتباس:
تعالا يبني هندسة القاهرة وملكش دعوة بالناس دي :d مالها هندسة القاهرة انا ليا 3 اصحابي جايبين فوق الـ 99.5 ودخلوا القاهرة معايا :) |
طيب اوك
انا شكلى اصلا هخش هندسه عاديه وهتخصص ميكانيكا ايه رايكو فى جامعه القاهره بس هندسه عاديه.؟؟؟؟؟؟؟ |
اقتباس:
بالنسبة للأوائل أنا معاك بس مش دايماً أوائل الثانوية العامة بيكونوا أوائل في الكلية..أنا أعرف واحد كان جايب 99.8% وعاد إعدادي سنتين وبينجح بالعافية والأمثلة كتيرة برضه، بصراحة بعتبر ملف الكلية مختلف تماماً عن ملف الثانوية لإنك في كل الأحوال مش هتلاقي الحياة وردي في السويس وممماعكش عيل رزل يخنقك في عيشتك من الأوائل برضه :d نصيحة يابني :d .. ركز الأول في تالتة وحط الهدف الرئيسي قدامك إللي هو إنك تطلع من الأوائل لحد أما تحققه إن شاء الله، وبعدها شوف نفسك مايل لإيه وقيّم الأقسام كلها من حيث الدراسة والشغل وإسعي إنك تكتب لنفسك شهادة التفوق في أي حتة تروحلها بالتوفيق،،، |
اقتباس:
وعن تجربة شخصية كان ممكن اجيب اعلي بكتير من اللي جبته بس مش شديت جامد زي تانية بس الحمد لله اني حققت حلمي ثانيا لو ناوي علي هندسة عادية يبقي عين شمس معانا الافضل وده بعد تقصي طويل وربنا معاك وتفرحنا السنة الجاية باحلي مجموع :022yb4: |
بجد شكرا ليكو على النصايح المفيده دى
|
اقتباس:
ومين يشهد للعروسة :d اهلا بيك يا ريس كل اصحابي ف هندسة القاهرة وعين شمس احسن اتنين هندسة ف مصر ( رأيي ورأيهم ) لما ادخلها هقولك ان شاء الله مميزاتها وعيوبها :) |
اقتباس:
|
يا باش مهندس عمرو
انا بقصد تدخل بترول السويس , , , , الي بياخد من 99,4 ولا تدخل بترول القاهرة الي ممكن تشيل مادة او اتنين في اعدادي و تدخلوا فاهمني , جامعة القاهرة لا غبار عليها واحنا طالع عينا عشان نحول ليها + دخلت في الترتيب الصيني من افضل 500 جامعة + هيا اصلن في الترتيب الانجليزي |
اقتباس:
|
طب ايه رأيكم فى جامعة اسكندرية هى افضل و لا القاهرة من ناحية التعليم الهندسى؟
|
اقتباس:
|
انت طمنتنى اصلى كنت اسمع اقاويل ان القاهرة و عين شمس احسن الجامعات و ان اسكندرية مش واخدة ترتيب زيهم و احتمال ميكنش معترف بيها دوليا صح الكلام دة و لاتخاريف؟؟
|
اقتباس:
أشهر الخريجيين رشيد محمد رشيد وزير الصناعة والتجارة الخارجية السابق يحيى المشد عالم مصري يسري الجمل وزير التربية والتعليم السابق. وعلي فكرة الدكتور يحيي المشد يعمل بالخارج بشهادة هندسة الاسكندرية قبل حصوله علي الدكتوراه المصدر ويكيبديا |
اخر ترتيب لكليات الهندسة المصرية
1 - هندسة القاهرة 2 - هندسة عين شمس 3 - هندسة اسكندرية 4 - هندسة المنصورة 5 - هندسة اسيوط |
اصلى ببحث على النت مش لاقيها من الجامعات المصرية المعترف بيها دة حتى لقيت الاكاديمية الخاصة افضل منها!!!!
و حتى لو الترتيب صحيح هل القاهرة و عين شمس افضل بفرق يستاهل التحويل؟؟ و شكرا كثيرا للتجاوب |
اقتباس:
|
اقتباس:
انا قصدى بقى لو القاهرة افضل فى القسام زى مدنى او ميكانيكا افضل بفرق يستاهل التحويل؟؟؟ |
أما بالنسبة للكليات دى فهر مكتوبة فى ويكبيديا باسم"قائمة كليات الهندسة فى مصر" دون ترتيب!!!
|
الكليات مكتوبة بدون ترتيب وده اكييد
|
والدليل فين هندسة اسيوط اول هندسة مصرية تاخد الجودة
|
لا طبعا مترتبه بالمكانه وكمان مترتبه بتاريخ الانشاء ولو دورت هتتاكد من كلامى
وبالنسبه للتحويل ده كل كليات العالم تقريبا بيدرسو نفس المنهج فى اى تخصص فملوش لازمه خد اللى اقربلك انما انا كنت بقول ان القاهره احسن لانها فى الترتيب الصينى والانجليزى هى الوحيده فى مصر بس يعنى تعتبر بره احسن شهاده يعترف بيها من مصر |
ياجماعة مفيش شهادة مصرية معترف بيها بره اعرفوه واتاكدوام من كده كويس
|
ولو اعترفوه هيبقي الكل سواسية من اسكندرية لاسوان بتفرق بالكفاءة بس
|
لا طبعا كل الشهادات المصريه معترف بيها بره
انما جامعه القاهره ليها الاولويه والاحترام الاكبر عن بقيه الجامعات حتى فى البترول |
ماينفعش حد يقارن نفسه بحد تانى لان كل واحد ليه دماغة
|
انا زيك 99,5 بس انا ميولى رياضة و مش بفكر ف موضوع علوم خالص و خسارة مجموعك و مش عارف ايه
و مش عاوز اخش بترول و انا من بورسعيد و مش عاوز اخش بورسعيد و ماشى بلا هدف :d |
في آلخليج آلشهآدات آلمصرية معترفي بيهآ .
آمآ في آوروبآ آمريكآ , , , آنسآ يآ عمروآ . جآمعة آلقآهرة : - ليهآ ترتيب في جآمعآت آلعآلم في آلصيني و آلآنجليزي . |
جميع الأوقات بتوقيت GMT +2. الساعة الآن 02:46 PM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.