|
مجرد أقتراح
بسم الله الرحمن الرحيم بعد اذن مشرفينا الاعزاء عندي اقتراح ممكن يرفع جودة المواضيع ويعمل تنافس شريف بين الاعضاء وهو: يختار مشرف كل قسم موضوع كل اسبوع ليكون افضل موضوع بس بشرط المشرفين هما اللي يختاروا مع احترامي لكل الاعضاء لانني اثق في نزاهة المشرفين والاعضاء بس بشرط يكون فيه جائزة معنوية مثلا العضو الذي فاز يأخذ عدد معين من المشاركات الاضافية او حتى موضوع شكر من مشرف القسم او ما يحدده المشرفون. وانا اعتقد ان هذا سوف يزيد من جودة المواضيع ويعمل روح من التنافس بين الاعضاء علشان الجائزة طبعا هههههه وهذا الموضوع ليس من اجل زيادة المواضيع ولكن من اجل اضفاء لمسة جديدة لهذا المنتدى المتكامل وارجو من كل عضو يقرأ هذا الموضوع يترك رد سواء ايجابي او سلبي المهم نوصل للهدف المنشود وهو الارتقاء بالمنتدى . |
فكرة جيدة
لكن ماهى معايير الحكم على الموضوع الجيد؟ هل هو عدد الردود ؟ ام عدد المشاهدات؟ ام رأى المشرفين؟ |
اعتقد يا كنارة المجاملات والميول الشخصية لضعاف النفوس هتتدخل فى مثل ذلك
|
وهل تكون مواضيع منقولة ؟ أم من أبداع العضو ؟ والمواضيع في أي مجال ؟ أم في كل المجالات ؟
|
اقتباس:
والله يااستاذ محمد انا شايفه ان الموضوع اللى الناجح هو اللى فيه مشاركات جاده لمناقشه الموضوع بعيدا عن الاكتفاء بكلمه شكرا وهو ده المعيار اللى نفسى يتم عليه الاختيار ولو فيه حد عنده اقتراح تانى يتفضل |
اقتباس:
الاختيا من المشرفين مع توضيح الاسباب ومش تقلق احنا كاأعضاء موجودين لمراقبه الشفافيه والنزاهه ولو حاسيت بأن فى مجاملات تقدر تقول ويشتكى أكتر من عضو ويتم أعاده الاختيار |
اقتباس:
مش مهم الموضوع يكون منقول أو من أبداعك المهم يكون بيحقق فائده وبيضيف شئ جديد ومش مجرد حاجه مكرره الموضوع مش مقيد بمجال واحد فى اى مجال المهم يكون له فائده |
وانا مع هذا الاقتراح طالما سيزكي روح التنافس بين الاعضاء واقصد بالتنافس التنافس في طرح الموضوعات التي تثري ثقافتنا بصورة حقيقية وليست مجرد مواضيع يدخلها البعض مجاملة لاصحابها دون الالتفات الي المضمون وان كنت أري المعيار الذي سيحدد جودة الموضوع ويحدد الموضوع الفائز بالجائزة المعنوية كما اقترحت اختنا الغالية كنارة وهذه بعض المعايير من وجهة نظري التي نقيم الموضوع الفائز بناء عليها *** 1- الموضوع من نتاج فكر العضو وليس منقول 2- وصول عدد المشاركات في الموضوع الي اكثر من 10 مشاركات كلها تحوي نقاش واستفسارات جادة وليست كلمات شكر من قبيل دام لنا نزف قلمك 3-ان يقوم العضو بعمل ردود ومناقشات لكل المشاركات ال 10 في موضوعة ولا يكتفي بمجرد شكر المشاركين 4-والتفاضل بين الموضوعات المشتركة فربما يصل عددها الي اكثر من موضوع ففي هذه الحالة يلتفت للموضوع الذي يطرح قضية جديدة او باسلوب سلس 5- يجب ان يكون التنافس في مجال يجيدة كل الاعضاء وليس بعضهم فلا يجب ان نميز موضوع عبارة عن قصة او خاطرة شعرية لان البعض لا يجيد تلك الفنون لذا فعلينا ان نبقي التنافس في مجال واحد وهو الموضوعات التي تطرح قضايا اجتماعية او انسانية 6- تكوين لجنة حيادية من قبل بعض المشرفين وبعض اعضاء الحجرة لاختيار الموضوع الفائز 7- الفائز يحصل علي لون مميز ووسام تميز لمدة اسبوع او شهر كما تري اللجنة او بأضافة عدد من المشاركات كما اقترحت كنارة وان كنت اري ان تأتي مشاركات الاعضاء نتيجة جهدهم في الرد او في طرح الموضوعات . |
من حيث المبدأ انا موافق
بس شوية ضوابط علشان نعرف على اى اساس يكون الاختيار |
اقتباس:
والله اقتراحاتك جميله وكلها فعلا نالت أعجابى وانا موافقه عليها وياريت كل الاعضاء يوافقوا على المعايير دى بس يامحمود الاقتراح الاول 1- الموضوع من نتاج فكر العضو وليس منقول كده هانبقى بنضع الجائزه فى يد أعضاء معينين وكده مش هايكون فيه تغير يعنى مش مشكله يكون منقول الاهم ييكون بيناقش قضيه ويكون موضوع مهم يارب مش أكون طولت عليك وكده هنلاقى الجائزه مرت على كل الاعضاء |
اقتباس:
وأنا بدوري اؤيد اقتراحك لاننا عاوزين نخلق اجواء تنافسية بين الاعضاء الله ينور يا كنارة موضوع يستحق التثبيت عن جدارة دومتي بكل الود |
اقتباس:
أحنا قولنا اللى عنده اى أقتراحات يقولها ومحمود أقترح معايير للاختيار وانت لوعندك أى اقتراحات قول |
فى اى المجالات ولا هتكون فى كل المجالات انا بقترح اننا نحدد لكل اسبوع مجال بحيث فى النهاية نكون اسكملنا كل المجالات لتعم الفائدة |
فكرة رائعة والله يا كنارة
بس يا ريت المشرفون يحطونى فدماغهم لو كسبت فمرة تبقى الجايزة موتوسيكل هههههههههههه لا والله فعلا فكرة رائعة بس يا ريت تتنفذ |
اقتباس:
انشاء الله تتنفذ ياسيلفانو ويختاروك ويجبولك الموتوسيكل اللى نفسك فيه هههههههههه لو عندك اى اقتراحات اكتبها |
أقترح يا كنارة بما أنك صاحبة فكرة الموضوع أن يكون هناك جائزتين جائزة لأفضل موضوع منقول وجائزة أخري لأفضل موضوع من أبداع صاحبه لكي لا نظلم صاحب الأبداع علي جهده وتعبه في ابداعه ، مارأيك في هذه الفكرة؟
|
اقتباس:
الفكره يااحمد ان نخلى الجائزه للموضوع سواء منقول او من ابداعك ان احنا مش نظلم بعض الاعضاء وبعدين فكره ان يكون هناك جائزتين واحد للموضوع المنقول وواحده لابداعك الشخصى اعتقد ان جائزه الابدع الشخصى هانبقى مقتصريين فيها على أعضاء معينين ومش هايكون فيها تغيير عشان كده أفضل انها تكون جائزه واحده بحيث ان الجائزه تنتقل من عضو الى عضو ويكون هناك تغيير |
اقتباس:
|
احييك يا كنارة على الاقتراح ولكن ليا تحفظ بالنسبه للموضوعات المنقولة ايا كانت فلا داعى لاعطائها جائزة ليه بقى؟ فى اعضاء محترفين فى نقل الموضوعات المميزة ووضعها فى المنتدى وطبيعى هاياخدو الجايزة باقل جهد حتى لو تم النقاش فيه انا من رائى الابداع الشخصى لا بديل عنه انا اصلا مش عندى ابداع لا خاطرة ولا قصه ولا موضوعات بس مش زعلانه لو اللى اخد الجايزة كان غيرى ولا باشجع نقل الموضوعات لا جملة ولا تفصيلا دى اسمها سرقه موضوعات وبتدايقنى انا شخصيا فما بالك بصاحب الموضوع الاصلى؟ تحياتى للاقتراح واتمنى الالتزام والتنفيذ وترك الفرصه للاقلام المبدعه فى الظهور والتنافس واثراء المنتدى حتى لو على حساب موضوعاتى الناس دى عارفه نفسها |
اقتباس:
بصى يالوجين النقطه اللى انتى بتكلمى فيها دى كانت من المعايير اللى قالها محمود وانا أتناقشت فيها والفكره ان احنا مش نقتصر على الابداع فى الموضوع عشان مش نقتصر على عضو معين او خمسه أعضاء لان كده المنافسه هاتكون بين الخمسه دول فقط ومش هايبقى فيه تغيير فى الغرفه لكن لو اهتمينا بكل المواضيع هتلاقى التنافس بقى فى الحجره كلها بس اللى ينقل موضوع يقول انه منقول واللى موضوعه من أبداعه برده يقول وتحديد افضل موضوع هايكون فى أيد المشرفين |
اقتباس:
بس للاسف انا متمسكة برائى كما ان المشرفين تواجدهم فى الحجرة نادر شويه يمكن بيكتفو بالمتابعه فقط مش هاينفع كمان نحملهم تشجيع ومشاركة ولو انه دورهم فعلا فى اقسام بيحتد فيها النقاش وتتطلب تواجدهم انما الحجرة وتنظيمها فدى فى ايد اعضاها المؤسسين سويركى طلب التنظيم وانا بردو يعنى خلينا نكتفى بالتبليغ فى حاله خروج الامر عن السيطرة ولو انى افضل الالتزام الموضوع الرائع بيستحق التثبيت وبيفرض نفسه على ساحه النقاش نكتفى اثناء التعليق باننا نقول موضوع رائع ويستحق التثبيت |
اقتباس:
بس هنا هاتكون فى مجامله بين الاعضاء وبعضهم وعشان مش نكون السبب فى زعلنا من بعض ( حقنا للدماء ) عشان كده انا قولت انها تيجى من المشرفين واحنا نراقب شفافيه ونزاهه الاختيار وكمان عندى فكره. الموضوع اللى يتم أختياره يتثبت لمده أسبوع لغايه عوده الاختيار مره أخرى وبكده هاتكون فيه مساواه بين الاعضاء |
بس لحد دلوقتى مفيش مشرف دخل واحنا عمالين نقول اقتراحات
يعنى اساسا الناس اللى هتنفذ الفكرة مش موجوده او مش مهتمه المفروض يبقا فى رد اما بالرفض او القبول عالاقل احتراما للفكرة نفسها حتى لو مش هتتنفذ |
اقتباس:
فى اكتر من قسم فى البوابه مهتم بالجوانب دى من الموضوعات سواء بالتشجيع او التثبيت للموضوعات كده احنا بنحمل مشرفى اسوأ قسم وده لما فيه من مشادات اعباء زيادة مع احترامى ليهم برضو لما بنبلغ عن موضوع هما بيتصرفو كويس واحلى تحيه لمشرفى القسم اللى بيهتمو بموضوعات الحجرة انا يمكن ناكرة جميل :( يمكن جيت عليهم فى مشاركتى بسبب تقصيرهم فى الردود على الموضوعات بس دلوقتى مش متحامله عليهم والله الجماعه مش بيقصرو معايا ولا معاكم |
اقتباس:
ماشى هو انا قولت تقصير انا بقول رد بدل محنا تاعبين نفسنا وعمالين نقول فاقتراحات حد بس ييجى يقول يا اه يا لا واكيد هيبقا بسبب يعنى وهنحترمه ده قصدى مش اكتر |
اقتباس:
انا هاعفيهم من الرد عليا ياسيلفانو البوابه عندك روح تصفحها وابدع وسيب الحجرة للغرض بتاعها دانا منزله موضوعات تهنئه وده اصلا مش مكانها شايف التجاوزات ;) |
اقتباس:
هو كل موضوع بقا ينزل فالحجرة نقول عليه الموضوع مش ملائم مع الحجرة هيه حجرة الموت دى ولا ايه عايز افهم الحجرة بقا مواضيعها ايه بالظبط عشان نتكلم وننزل مواضيع تخصها ومنجبش حاجة تانية غير اللى الحجرة عيزاة وبعدين محنا بننزل موضوعات شعر وقصص ودة مش قسم ادبى دى اسمها حجرة المعلم المساعد انا مبقتش فاهم حاجة طيب يعنى انتى يا لوجين مع موضوع كنارة ولا ضده ولا ايه بالظبط يعنى يتنفذ ولا ميتنفذش |
اقتباس:
ليه الاحراج ده بس مانا قولت مع الابداع وليس نقل الموضوعات وماعنديش مانع من التنافس بس اصلا كل واحد يلعب فى ملعبه فى ناس اسلوبها حلو فى الكتابه او الخاطرة او الموضوعات او حتى المشاركات يعنى مش هانوحد الابداعات او هانيجى على موضوعات لحساب موضوعات تانيه ثم انى اخاف من الشلل اللى ممكن تتكون عشان طبيعى مافيش نزاهه 100% يبقى الاولى نسيب اصحاب الابداعات تبدع ونكتفى بالمشاركة والتعليق للموضوعات الافضل واحنا عارفين بعض وهانعرف المجامل واحتمال رد المشرف يتاخر اديك شايف المظاهرات وشايف اللى بيحصل فى سيناء الموضوع اكثر من رائع ولكنه فى غير موعده المناسب |
اقتباس:
والله يا لوجين انا مبقتش فاهمك هههههههههههههههه هو ايه الموضوع حلو بس فغير موعده المناسب وايه دخل سينا والمظاهرات فموضوع كنارة اقولك انا مليش دعوة بالموضوع ده خالص اللى عايزين تعملوه اعملوه وانا معاكوا قلبا وقالبا وبعدين انا بسألك بما انك الراس الكبيرة فينا يعنى هههههههههه |
اقتباس:
الا انه بعد الكلمتين دول انا هاستنى وهاعمل موضوع لجبر قصدى لدمج خواطرك بعد مرور اسبوع وهادمجها لغيرك بمجرد نزول موضوع جديد ليه:p وهما عارفين نفسهم بس مش هايزعلو لانى باعزهم بس سيلفانو غير :) |
اقتباس:
ويوقفلك ولاد الحلال يا لوجين يا بنتى والله الواحد مش عارف يودى جمايلك دى فين احطها فالتلاجة ؟ بس المهم عايزين نشوف موضوع كنارة ده عشان فعلا هيعمل تنافس كبير فالابداعات وخاصة الادبية شوفلنا حل بقا بما انك متصله بالجهات المعنية فالمنتدى :d |
اقتباس:
عشانك انت بس فى انتظار رد طاقم الاشراف |
أنا بأقترح أن كل عضو يشارك في المسابقة يكتب علي موضوعه ) مشارك في المسابقة الأسبوعية ( وتكون من أبداعه أو منقولة وفي أي مجال يختاره مثل الخواطر أو مواضيع متنوعة ومن حقه الأشتراك بموضوع واحد فقط للمسابقة وبخلاف المسابقة يشارك بمواضيعه العادية في الحجرة
|
| جميع الأوقات بتوقيت GMT +2. الساعة الآن 11:47 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.