|
اخيرا رجال اسوان تحركوا
اخيرا وبعد طول انتظار
رجالة اسوان تحركوا حيث تجمع اكثر من خمسين معلم ومعلمة من المتعاقدين من مركز دراو وكوم امبو واسوان - في ديوان منطقة اسوان الازهرية بعد الاتفاق المسبق تليفونيا - و رفضوا تجديد التعاقدات المهينة - والغريب اننا وجدنا ترحيبا من موظفي المنطقة بذلك وشجعونا علي المطالبة و دخلنا مكتب وكيل الوزارة وكان غير موجود فقابلنا مدير مكتبه ثم قابلنا وكيل المنطقة و تحدث معنا وعرضنا مطالبنا وهي 1- عدم التجديد 2- سرعة انهاء اجراءات التثبيت الفوري للجميع 3- احتساب مدة سنوات الخبرة 4- صرف كل المستحقات المالية باثر رجعي 5- انشاء نقابة لمعلمي الازهر و عرض مساعدتنا فيالاتي 1- ارسال فاكس لشيخ الازهر من المنطقة بكل كلباتنا ووقع عليها 72 متعاقد من العاملين بالمعاهد و بديوان المنطقة 2- مساعدتنا في عدم منعنا من الاعتصام في المنطقة لحين تحقيق مطالبنا و غدا نواليكم بالاخبار و الصور وصور الاوراق |
اسف علي الاخطاء الاملائية - والتعديل هو
اخيرا وبعد طول انتظار رجالة اسوان تحركوا حيث تجمع اكثر من خمسين معلم ومعلمة من المتعاقدين من مركز دراو وكوم امبو واسوان - في ديوان منطقة اسوان الازهرية بعد الاتفاق المسبق تليفونيا - و رفضوا تجديد التعاقدات المهينة - والغريب اننا وجدنا ترحيبا من موظفي المنطقة بذلك وشجعونا علي المطالبة و دخلنا مكتب وكيل الوزارة وكان غير موجود فقابلنا مدير مكتبه ثم قابلنا وكيل المنطقة و تحدث معنا وعرضنا مطالبنا وهي 1- عدم التجديد 2- سرعة انهاء اجراءات التثبيت الفوري للجميع 3- احتساب مدة سنوات الخبرة 4- صرف كل المستحقات المالية باثر رجعي 5- انشاء نقابة لمعلمي الازهر و عرض مساعدتنا في الاتي 1- ارسال فاكس لشيخ الازهر من المنطقة بكل طلباتنا ووقع عليها 72 متعاقد من العاملين بالمعاهد و بديوان المنطقة 2- مساعدتنا في عدم منعنا من الاعتصام في المنطقة لحين تحقيق مطالبنا والغريب ايضا ان هناك من كان يذهب للتجديد والمفاجأة الاخري ان الكثير منهم اقتنع بعدم التجديد بسهولة ووقفوا معنا و غدا نواليكم بالاخبار و الصور وصور الاوراق |
ربنا ينصركم اخوانا فى اسوان وعقبال باقى المناطق
|
رجالة 72 مدرس فقط لكن عملتوا حاجة
على فكرة سوهاج خارج نطاق الخدمة النهاردة محدش راح خالص انا رحت منطقة سوهاج الازهرية بس ملقيتش حد حتى المنسقين مرحوش |
ربنا معانا ان شاء الله
|
النصر قريب والله اكبر اخيرا اسوان ثارت وارجوا الاعتصام الاعتصام وان غدا ستكون الاعداد اكبر واكبر والتصعيد فى الاعتصام مهما كان الثمن
|
الله مع الحق والحق مع متعاقدى الازهر
|
اقتباس:
|
ميعادنا بكره ان شاء الله الساعه 8امام المنطقه وربنا يوفقنا انا كلمت ناس كتير وقالوا ان شاء الله هيحضروا
|
الحمد لله .. انا معاكم بكرة يارجاله
|
الله علي الرجاله انشاء الله النصر قريب
|
دى البداية
|
|
اقتباس:
وبعدين والله نار التعاقد اشد من نار الشمس واحنا والله لو عندنا مصلحة اقل اهتماما من كدة بنروح والدليل علي كدة ان الناس جايين من كل حتة يجددوا العقود المهينة طيب ما من باب اولي نيجي علشان نطالب بحقنا و بعدين في المنطقة متعاونين جدا و طبعولنا الفاكس بتاع ال8 محافظات فقلنالهم ان احنا ده عارفينه فوعدونا ان حيطلبولنا منشور رسمي برضه بيقول ان من حقنا كل الاجازات حتي بدون مرتب وحتي لو اجراءات التثبيت ما خلصتش وخلينا ورا الكداب |
اقتباس:
|
العدد يا جماعة اللي جددوا قليل جدا
بس ياريت يا جماعة كفاية كدة لان اي نعم هي حرية شخصية لكن لازم نساعد انفسنا ولازم نضع الحكومة في موقف محرج واعتقد ان اللي جددوا فيهم ناس عندهم الرغبة في سحب تعاقدهم قبل ارساله للقاهرة بس لو العدد كبر واحنا معاهم بدمنا لو فعلا اثبتوا انهم رجال بجد وفتيات مثقفات فعلا لو عملوا كدة |
[quote=ايادممدوح;3877959]هو حضرتك كنتي النهاردة في المنطقة ؟[/quot
اه انا كنت هناك وان شاء الله بكره هروح |
ربناااااااااااااااا معااااكم
|
لا بصراحه النهارده كان الموضوع مختلف مش عارفه اوصف للحضراتكم اعداد الناس اللى حضرت كانت ملونيه بمعنى الكلمه وكنا مش عارفين نوقف فين من كتر النا س
فعلا لنا الله والكل بيقول اعتصمو انتو وانا اتعييين باشكر الناس اللى حضرت والناس اللى مش حضرت براحتها جدا احنا مش هنخاف على مستقبلكم اكتر منكم |
علي فكرة محاولة واحدة مش كفاية
ولازم اعادة المحاولات بدون يأس و اكيد فيه اسباب لقلة اعداد المقتنعين بفكرة الضغط الشعبي ومن اهمها عدم التنظيم والاعداد الجيد و عدم وجود وعي لدي المتعاقدين بحقوقهم وامكانية و كيفية تحقيقها وما حدش يقول هما ادري بمصلحتهم لان هما فعلا مش عرفين مصلحتهم أو خايفين أو كسلانين أو جاهلين او مش مصدقين أو محبطين أو مش مقتنعين أو راضيين كل دي اسباب فكان لازم لكل سبب اجراء لازم نتخذه طالما احنا ما عندناش كل الاتجاهات دي ولازم نساعد زمايلنا في التخلص منها بالاقناع زي ما احنا اقتنعنا بالتحرك للمطالبة بحقنا و لازم برضه نستغل نقاط القوة اللي ظهرت لينا زي مثلا قوة و ثقافة المعلمات ومساعدة وتعاطف الكثير من المسئولين بالمنطقة بالرغم من سوء تصرف بعضهم و جروب ملتقي معلمي الازهر باسوان |
ياريت جات على المتعاقدين كمان دا احنا فى المنطقه اتهزانا وانطردنا بره
فلو فيه محاوله تانيه اسف انا مش معاكم احنا يااستاذ اياد حاولنا النهارده مع ناس كتير وقولنا لهم اقفوا معانا قالو لا نجدد وبعد العيد نعمل يوم ونعتصم وفهمناهم انهم هما اللى محتاجينا ومش هيقدروا يعملو حاجه لكن للاسف اول ما الاستاذ اللى اتكلمنا معاه امبارح طردنا وهددنا انه اللى مش هيجدد يطلع بره ومش هسمح انه يدخل تانى يجدد العقد راحوا على طول دخلوا جددوا العقد رغم ان الاستاذ كان تصرفوا امبارح حضارى جدا ورحب بينا ودخلنا وكان على اهب الاستعداد لمساعدتنا لكن سبحان مغير الاحوال من امبارح للنهارده ملحوظه النهارده لما انطردنا واتهزانا كنا بنات بس علشان كده الاستاذ جيه علينا جامد |
استاذ اياد ممدوح -------الاستاذة داليا مصطفى
من الواضح انكم بذلتم مجهود كبير ولكن لا داعى لهذا الياس لانه يكفي شرف المحاولة ولانه لا يضيع حق وراءه مطالب وانا اقدر مدى التعب والمجهود خاصة مع الصيام فى هذه الشمس المحرقة جعله الله فى ميزان حستاتكم وانتم حاولتم الحصول على حقكم فى التعين انتم افضل كثيرا ممن لم يحاول |
اقسم بالله رحت الساعه 11ونص ملقتش حد وقفت شويه برة على المتوتسيكيل ومشيت رحت المعهد اقبض ملقتش الصراف مشيت
|
تم احتلال منطقة بنى سويف الازهرية وغلقها ومنع رئيس الادارة المركزية من دخولها وعلى المحافظات الاخرى مساندة اخوانهم فى محافظة بنى سويف واغلاق جميع المناطق الازهرية فى جميع المحافظات على مستوى الجمهورية فى هذا الاسبوع وقبل العيد حتى نكون ورقة ضغط على شيخ الازهر ويصدر قرار التعيين قبل العيد
ننتظر تحرككم يا رجال المحافظات الاخرى مساندة لمحافظة بنى سويف وكفر الشيخ والبحيرة وقنا واسوان |
اقتباس:
المشكلة ان كتير من زمايلي اللي اعرفهم وشفتهم فعلا بيعملوا كدة انهم بيحوموا حوالين المقام و يشوفوا لو فيه زحمة يدخولوا لو ما فيش يقروا الفاتحة ويروحوا وكأن الزحمة هي اللي حتتثبت وهما مجرد ضيوف ما ينفعش يوقفوا لوحديهم وانا والله قلت للناس اللي جت بدري انتظروا ما حدش صبر لاني كنت متاكد ان الناس اللي قالت جاية حتيجي لكن علشان الدنيا صيام الناس بتيجي متأخر الملاحظة الغريبة ان المعلمات هما اللي جم بدري واتجمعوا وانطردوا واحنا جايين الساعة عشرة لازم نعترف بأخطائنا ونصلحها |
انا عارف ان رحت متاخر بس انا مش عارف انت واخد بالك منى ليه ... ..فى معلومة صغيرة انا تعاقد 2009 يعنى كده كده مكملتش 3 سنين بس عاوز اسمع الناس اللى فى المنطقة صوتى ويعرفو ان معدش حد هيسكت على حقه
|
اقتباس:
لانك الوحيد اللي من اسوان او اللي عندك الشجاعة تقول انك من اسوان مع اني متأكد ان فيه اعضاء كتير في المنتدي من اسوان - لكن بيخافوا يقولوا علشان ما حدش يقوللهم تعالوا - - وبعدين حتي لو انت تعاقد 2009 ما مصيرك حيكون زينا لو سكت علي حقك - مع خالص تقديري لك |
اللهم ثبت قلوب المعتصمين
|
| جميع الأوقات بتوقيت GMT +2. الساعة الآن 03:43 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.