يا ادارة الحقينى من الظلم
 

يا جماعة حد يرد على الأستاذ زيزو ولو غلطان تقولو غلط فى ايه
ولو مش غلطان ترجعولو العضوية القديمة!

مثل هذه التصرفات ان صدق الاستاذ تسئ الى المنتدى والمشرفين وهى من اساليب العصر البائد

اخى الكريم انت دائم الصراخ وليس لك غير تغير المشرفين اما بالنسبة للعضوية القديمة تم ايقافها اكيد لانك قمت بشى مخالف وقلت لك قبل ذلك مرات عديدةتوقف عن اسلوبك هذا.............وعيب ان يصدر ذلك منك الرجاء من حضرتك ان تلتزم بقوانين المنتدى وقد قمت قبل ذلك بالرد عليك وليس المرة الاولى ان تكتب موضوع مثل ذلك عيب توقف

استاذ محمد حضرتك كنت مشرف وعارف أن طب استعادة العضوية مكانها مش هنا
وحضرتك عارف أن الايقاف من الإدارة مش من المشرفين
وليس لدينا صلاحيات استعادة العضويات
استاذ محمد بدل ما تشجع أصحاب الصوت لعالى والعويل ساعد الاشراف وقف معنا

ثانيا طالما تم ايقاف العضوية فأكيد تم انذاره أكثر من مرة حتى تم ايقافه

العضو ليس مشترك بقسم معلمى الأزهر بل مشترك بأقسام منتدى الثانوية العامة والايقاف بيكون عن جميع الأقسام وهنا قسم للطلبات أو السؤال عنه على الخاص


فهمت استاذ محمد ؟؟؟؟؟؟؟؟؟؟؟

كيف تصدر لأحكام بدون ان تسمع إلى جميع الأطراف
أسلوب الأستاذ اللى كاتب موضوع ده أسلوب مدرس أصلا
ثانيا والأهم أنكم لم يتوقفش لعضو ترجعوا تطالبوا بالايقاف
دعونا نعمل

الموضوع مكتبوا من بعد الفطار ارحمنا واحنا هنقعد 24 ساعة على النت
وثانيا أنا اللى حذفت الموضوعات لأن مكانها مش هنا مكانها الطبيعى طلبات واستفسارات الأعضاء

وتحذير أخير إذا لم تتوقف عن هذه الموضوعات سيتم ايقاف عضويتك للأبد

كل ده فالفاضى ولا حد هايرجعلك عضويتك وسال مجرب
وكل عام وانت بخير

استاذ ايهاب انا مش بشجع لا اصحاب صوت عالى ولا واطى انا بشجع الاهلى، والاستاذ زيزو عمل اكتر من موضوع بدون رد شافى من حد وانا عن نفسى طلبت منه فى المواضيع اللى اتحذفت انه يكلم الادارة فى قسم صوت الاعضاء والراجل حسب كلامه مخدش افادة عشان كدة انا طلبت تشوفوا مطلب الراجل وتحلوا مشكلته أو حتى توجيهه مش اكتر بدلا من التجاهل..

فهمت استاذ ايهاب ؟؟؟؟؟؟؟؟؟؟؟

راسل الأستاذ الفاضل ممدوح الأنصارى مدير المنتدى وإن شاء لو لك حق هتاخده

شوف ياسيدى الفاضل
أنا عضو على هذا المنتدا من قبل امتحانات الكادر الاولانيه بتاعة المعلمين الاساسيين
يعنى من نهاية 2007 تقريبا وكانت عضويتى تقرب على 1000 مشاركه كنت اجتهد بموضوعات مفيده مش رد وخلاص
كنا فى البدايه كلنا ورا احمد الطيب ولما ثبت ليا انه صوفى بدات اهاجمه لانى مش بحب الصوفيين
ولكنى كنت لا اقول الا مايرضى ربى
المهم المعلمين وخصوصا خالد غباشى وقفونى بدون انذارات
وعملت عضويه جديده باسم ابوزيد وكمان وقفونى بس الى وقفنى ايهاب
ولازلت على عهدى وانتظر الايقاف
فلا تقلق وتوكل على الله

ياجماعه الخير بالمنطق والعقل
هل يعقل ان اكتب موضوعات ومشاركات بدون تجريح ولاتهكم
على احد ويتم ايقاف عضويتى !!!!!!!!!!!
طبعا هذا كلام لايعقل اكيد هناك سبب لذلك
ولكنى مع العضو فى معرفة سبب الايقاف
وياريت يكون اعلان السبب على العام
وكتابه موضوعه سبب الايقاف
ليعرف العضو وجميع الاعضاء السبب
ورمضان كريم

ليعرف الجميع أننى لم أوقف أى عضو بالمنتدى

وبعدين أستاذى الفاضل من هو خالد غباشى هل تعلم من هو الأستاذ خالد غباشى لتتحدث عنه بهذا الشكل لولا الأستاذ خالد لم يكن هناك أقسام للأزهر
أين مجهودات بالمنتدى أين دورك الحقيقى فى خدمة طلابك من أبناء المنتدى


أين دوركم يا أساتذة الأزهر ادخلوا الأقسام التعليمية للأزهر واتحدى 99 من رواد قسم معلمى الأزهر الشريف ليس لهم أى دور هم يستفيدوا فقط

الاستاذ الكريم هناك اصول للنقد وعندما لايعجبك احد مش تشتم فية وبس انتقدة بموضوعية واى موضوع مخالف لسيادتك برضوة هيتم وقفة اما الاستاذ صاحب الموضوع انا رديت علية قبل كدة

شكرا لك يامسيو ايهاب الاستاذ الى بيقول خالد غباشى دة ليس لة اى مشاركات تعلمية كل الناس دى دخلت المنتدى كى تستفيد ماذا قدم للمنتدى واين الاحترام الاستاذ الكريم الفاضل دةعاوزة يجيب موضوع واحد قدمة للطلاب هما دخلين يستفيدو من المنتدى ويهاجمو اى حد وبس .....سامحهم الله

الأستاذ اللى بيطالب باستعادة عضوية دخلت وبيشتم الإدارة

اللى الأستاذ محمد فوزى بيطالب بالرجوع إلى الأستاذ ممدوح رجع ودخل وقال

كل من يخرج عن قواعد المنتدى سيتم ايقاف
ولا نرضخ للأصوات العالية
والايقاف مش من المشرفين من الإدارة
أحنا درنا مراقبة الموضوعات وابلاغ الإدارة وهى التى تأخذ قرار الايقاف

عزيزى مسيو إيهاب أنا لست طرف فى الموضوع، انا نصحت الأستاذ زيزو بعمل موضوع فى قسم صوت الأعضاء حتى تحل مشكلته ولما كرر نفس الموضوع هنا أكثر من مرة طالبت الإدارة بحل مشكلته لا أكثر، أما التجاوز بشكل عام فأرفضه تماماً لكن موقع المشرف يفرض عليه هدوء أكثر وحل مشكلات الأعضاء وامتصاص غضبهم طالما لم يخرجوا عن حدود اللياقة.

استاذى الفاضل فليسوف المنتدى
استاذ محمد فوزى
تعلم أن هناك أعضاء يعتقدون اننا نرضح للصوت العالى
وهذا لم نتعود عليه
فالعضو قام بعمل أكثر من موضوع وتم الرد عليه قبل الحذف
وسبب الحذف انه ليس المكان المخصص لطلب العضويات الموقفة
وحضرتك تعلم انه لا يتم ايقاف عضوية الا بسبب ومش أى سبب لازم يبقى عاملة مصيبة بالمعنى الأدق

استاذى محمد هل ترى أن العضو لم يخرج عن حدود اللباقة والأدب فى الطلب !!!!!!!!!!!!!!!!

شكرا لك مسيو ايهاب انك وضحت الصورة

ياعم انا ولا فيلسوف ولا حاجة انا اقل واحد فى المنتدى، بس اللى عايز اقوله ان العضو ده عامل زى الزبون والزبون دايماً على حق لكن عند التجاوز لازم يعرف ان فى قواعد واصول بالتنبيه ثم التحذير ثم الوقف المؤقت ثم الوقف النهائى إذا لزم الأمر. لما كنت مشرف كنت بنقل أى موضوع يتعلق بالمشاكل أو الإحتجاجات إلى قسم صوت الأعضاء وهناك نتفاهم ونحل المشكلة بالود والإقناع ونرجع لذاذ تانى زى الأول ولازم كدة لأن أكثر شئ بيضايق أى عضو فى أى منتدى هو إحساسه إن الإدارة بتتعالى عليه وبتعامله كأنه تلميذ أو بتنفضله بمعنى أصح. عموماً لازم كلنا نستحمل بعض أكتر العملية مش مستاهلة والله .. وكل عام وحضرتك بخير.