|
تعالووووووووو نتناقش...................
بصو يا جماعة بما اننا مش جيل فاشل و لينا تفكيرنا المستقل عن اباءنا او حكومتنا انا عملت الموضوع ده عشان نناقش فيه قضايانا المعاصرة سواء سياسية او اجتماعيية او..................
و اكيد ان شاء الله ده هيكبر عقلنا اول موضوع انا عايزة اعرف رايكم فيه هيبقى سؤال هو ط ايه رايك فى دخول الفلسطينيين مصر و الطريقة؟؟؟ و هل تعتقد ان ده حاجة عادية و لا وراها ايد خفية |
ازيك يا ارق ملاك
ايه اخبارك شكرا لموضوعك بس اعتقد ان الموضوع ده مش هيمشي زي ما انتي عايزه لان اللي بيأدي فكرتك الركن العام ككل فهماني ؟ يعني في الركن العام بنتكلم عن كل حاجة وقضايانا ومشاكلنا وظواهر بلدنا وسياسه واخبار انتي عايزة تقلصي كل ده في موضوع واحد اعتقد انها فكرة مش هتلاقي قبول في تفكيرك في الفكرة في حد ذاته تصرف جميل جدا شكرا لحضرتك جزاكي الله كل خير |
تعالوووووووووووووو نتناقش
شكرا يا احمد ع التقدير و هو فعلا شكله مش لاقى قبول بس انا كان قصدى نتناقش فى موضوع السياسة بالاخص اللى بيحصل دلوقتى فمش عرفت اكتبه كموضوع لانه هيبقى سطرين
فحبيت اعرف اراءكم ياريت لو تقدر تعمله كموضوع اكون شا**** جدااااااااااااا لانى بجد عايزة اعرف الاراء فى الموضوع ده |
حبيبتى زى ما احمد قالك الفكره مش هتلاقلها قبول كتير واظن ده واضح وبالنسبه لرأيى فى موضوع اقتباس:
انهم مجبورين على كده يعنى دول ناس جعانين وقاعدين فى بلدهم مش لاقيين لا اكل ولا شرب ولا دوا ولا كهربا عايزنهم يعملوا ايه ؟؟ وخصوصا ان الدول العربيه خاصة دول الخليج قاعدين حاطين ايديهم ف مياه بارده وعاملين نفسهم مش شايفين حاجه بس مصر وقفت جمبهم وساعدتهم ولا زالت تساعدهم ورغم انهم دخلوا مصر عافيه الا ان حسنى مبارك قال ان محدش يتعرض ليهم "شخصيه سياسيه بحته ما شاء الله" بس عن جد الفلسطينين فيهم جبروت مش عارفه الصراحه جايبينه منين يعنى انا دخلت فى حوار مع واحد فلسطينى يوم ما الفلسطينين دخلوا مصر "هو اساسا عايش فى القاهره" المهم بيقولى "ان العرب اغبياء ردا على واحد قاله ان الفلسطينين باعوا ارضهم ويستاهلوا اللى بيحصلهم" رديت على حكاية اغبياء بس ده مش موضوعنا المهم هو قال ان مفيش حد بيساعدنا من العرب فالحين بس ياكلوا كبسه ويعدوا يتفرجوا قولتله " واللى مصر عملته ولسه بتعمله معاكوا ده برده من صمن الغباء؟" قالى "عشان ماتفتكروش انكم عملتوا جميله احنا دخلنا مصر بالعافيه " وفى الاول والاخر دول مسلمين واحنا لو دافعنا عنهم هيبقى دفاعنا عشان حرمة الاسلام ومقدساتنا اللى موجوده فى ارضهم سورى على الاطاله |
ردك جميل جداااااااااااااااا يا جيجو و بجد عجبنى
|
انا شايف ان احنا اىل محتاجين مساعدة !!
انا شايف انها بالعامية حركة جدعنه مش ليها لازمة خالص!! |
شايف انه قرار مش حكيم خالص
|
ميدو انا مش فهمت قصدك ممكن توضح شوية
|
يعنى يا جماعة انتو شايفين ان الموضوع ده طبيعى ان الفلسطينيين يعملوه و يعملوه ليه و مين اللى مسئول عليه من السلطة الفلسطينية و
|
اقتباس:
يعنى انتى معترضه على طريقة دخولهم مصر ومش معترضه على تجوعهم ناس جعانه شعب بيموت من الجوع هيعمل ايه قبل تفجير سور رفح بيوم النساء الفلسطنيات قاموا بمظاهرة على بوابة المعبر وتم تفريق المظاهرة بخراطيم المياه احنا ليه ديما نبص على الحقيقة ولا الواقع من زاوية وحده يعنى انتى مثلا مفكرتيش قبل ما تسالى سوال زى ده وتقولى الطريقة اللى دخله بيها تسالى نفسك الاول ايه اللى خلهم يعمله كده ؟ |
اقتباس:
والله سوف اترك الموضوع للفاشلين ليتكلموا مع بعضهم البعض |
اقتباس:
...................... |
اقتباس:
بس لو احنا فاشلين مش كنا فكرنا فى السياسة و كان لكل واحد فينا رايه |
اقتباس:
ان مش اللى محبوسين ف غزة هيسيبو ارضهم و ييجو عشان يدخلو مصر بالطريقة ده ايوة الطريقة غلط لانهم لو هيسيبو ارضهم كانو سابوها من بدرى لاسرائيل و ارتاحو مش الام اللى ضحت بابنها و شافته و هو بيموت قدامها اللى هتسيب ارضها اللى ساقتها بدم ابنها و تيجى عشان تضرب المصريين و مش الزوجة اللى ترملت هى اللى هتعمل كده و الابن اللى بيترفع فى وشه السلاح الابن الطفل البرئ هو اللى هيضرب المصريين و يسيب الاسرائيليين سؤال تانى اشمعنى مصر اللى دخلوها مافى دول تانية ع الحدود زى سوريا و لبنان مش هقول الاردن لان فى بحر بينهم بصو يا جماعة من الاخر كده انا من وجهة نظرى ان فى حد هو السبب هو اللى زرع كده بينا ليه الصحافة شغالة بان المصريين ما اخذوش سينا من اسرائيل عشان يسيبوها لفلسطين فين سلطة حماس و السلطة الفلسطينية تتعاون مع مصر وتنظم الدخول اشمعنى اما اتحبس الحجاج ماعملوش مظاهرة و دخلو رفح!!!!!!!!!!!!!!!!!!!!!!!!! اكيد فى حاجة و بكرر انا مش بلوم اى فلسطينى بس بلوم السلطة و اخر حاجة سووووووووووووورى جدااااااااااا لو الموضوع ضايقكواو زعلكو بس انا قلت رايى و انا لما بدخل ع موضوع حد فيكم مش بتعامل معاه كده:(:( |
نسيت شكراااااااااا يا سادات ع رايك بجد جميل
|
معلش أنا إتكلمت فى أول جزئيه ونسيت الجزئيه التانيه بس رى عليها مش طويل فلسطين شعب بينتهك على مرأى ومسمع من العالم كله من سنين كتير فاتت بصراحه تعبت من عدها حصل فيهم وبيحصلهم كل ما يخطر ببالك من أساليب تعذيب وإنتهاك لكل معانى الإنسانيه كل ده ومحدش حرك ساكن ودافع عنهم والكل بيقول يلا نفسى جايه إنتى تقولى إيه رأيك على طريقه دخولهم مصر بيتهيأى إن ده سؤال أقل من إن حد يجاوب عليه ؟؟؟ |
واضح ان مافيش حد قدر يفهم وجهة نظرى اوكى بس صراحة مش كنت متوقعة ان الردود كده انتو لو كان حد شلف ردى فى اى موضوع عن فلسطين كنتو هتعرفو ان انتو فهمتو غلط
ياريت لو سمحتو الموضوع يتحذف |
اقتباس:
أنا عارف وحاسس باللى إنتى عاوزه تقوليه بس المشكله إن إنتى اللى عرضتى القضيه بطريقه خطأ |
اقتباس:
|
تقصدى إيه بإيد خفيه ؟؟؟؟؟؟؟ |
اقتباس:
|
انا كان كل قصدى انى بجد حاسة ان فى لعب فى الموضوع يعنى حاسة ان فى ناس عايزة توقع بين مصر و فلسطين و الشعبين فعملت كده او عشان تبين مصر وحشة اما تدافع عن ارضها ماهو برضه العقل مش بيقول خالص ان اللى مش لاقيين اكل بقالهم فترة يروحو يقتحمو مكان و يعتدو على جنود معاهم اسلحة
و بعدين اشمعنى مصر من حدود فلسطين اللى يعملو فيها كده مع انها اكتر دولة مجاورة بتساعدهم |
اقتباس:
اقتباس:
اقولك ليه ياستى بصى انا هكتب رد مختصر كده بس حاولى تركزة معايا نرجع بالتاريخ لوره شوية الكونغرس الامريكى قام با ايعاذ من اسرائيل بخفض 100 مليون جنيه من المعونة او بمعنى اصخ علق الجزء ده وكان فيه كلام ان المبلغ ممكن يزيد وده بحجة ان مصر مش قادرة تظبط حدودها مع اسرائيل والانفاق وتهريب السلاح والكلام ده اسرائيل بعد تضيق الحصار على الفلسطينين اتجهوا الى مصر ول تتزكرى مظاهرة الفتيات الفلسطينيان واللى قابلها رجال الامن المصرييت بخراطيم المياه واللى خلت فيه حالة من الاستياء بسبب تصرف قوة الامن معاهم نرجع لوراء تانى شوية زيارة بوش الاخيرة للمنطقة لدفع عملية السلام زار مصر لمدة 3 ساعات فقط لكن لو رجعنا بالتاريخ لورءا نعرف ان بوش كانت مصر ديما محطته الاولى فى اى زيارة للمنطقة وهنا بان دور مصر المهمش والضغط اللى اسرائيل بتمارسه عليها فى اليوم الثانى لمظاهرة الفلسطنيات على بوابة رفح قام مقاومين فلسطينين بتفجير الجدار الفاصل بين غزة ورفح وعبرت الجموع الفلسطينيه الى مصر مبارك حب يستفاد من الحدث ده فى حاجتين الاولى مبارك خرج بعد الحادث ده وقال انه لن يسمح بتجويع الشعب الفلسطينى وهنا هو كسب تاييد الشارع المصرى والعربى من خلال فتح الحدود مع انه فى الاساس مش هو اللى فتاحها ده هو اجبر على فتحها النكسب التانى هو انه بيقول لى امريكا واسرئيل اوراق اللعب لسه فى ايدى وانا اقدر اضبط الحدود واقدر افك الحصار واقدر اشدد الحصار لو انا عايز وان اسلوب التهديد مش بيجيب نتيجه اعتقد ان مبارك كسب كتير جدا من الموضوع الاخير ده والدليل على ده هو ازدياد شعبيته لدى الشعوب العربية فى موقف فك الحصار واحتضان الفاصل الفلسطينيه (فتح - حماس ) ودى وجهة نظرى فى الاول والاخر وياريت اكون اقدرت اوصل فكرتى وشكرا |
فكرتك وصلت يا اسلام و بجد فعلا رايا ممتااااااز جدااااااا _راى محلل سياسى _ بس انا حسيت فيه بكره جامد اوى لمبارك
|
اقتباس:
ده شى طبيعى انى اكره الراجل ده يمكن يكون ليه حسنات بس سيئاته طغت على حسناته بصورة اوضح انا عمرى ما هحب الحصا اللى بيدخل فى جزمتى |
اقتباس:
|
اقتباس:
لا طبعا لان التحليل فى اساسه لزم يكون موضوعى بيعرض وبيشمل كل الجهات والنواحى من زوايه مختلفه فى اى موضوع ثم انا مش متحيز لفلسطين على حساب مصر ولا متحيز لمصر على حساب فلسطين ثم انا مومن بالفكر الناصرى القائم على القومية العربية |
الموضوع كبر وكده الحكايه بقى فيها أمن دوله اقتباس:
|
انا متفقة جداااااا مع السادات خاصة اخر سطر لان فعلا مبارك واكل الدولة اه بس مش هو اللى يسيب بلده و يسلمها لاسرائيل لانه دفع تمن الارض دى التمن اللى احنا مادفعناهوش
|
اقتباس:
انا متفق معاكى فى النقطة دى والدليل على ده ان موضوع بيع اراضى طابا لى مستثمرين يهود الغاء الصفقة والتجاء المستثمرين اليهود الى القضاء الدولى واتحكم ليهم بتعويض ما يقارب 120 مليون دولار رغم انه اشتروا متر الارض فى طابا ب 35 قرش:D |
اقتباس:
|
اقتباس:
مينفعش فى اعتبرات كتير للموضوع ده لو اسرائيل فكرت فى ده احنا لينا التفوق تحبى نتكلم بتوسع فى الموضوع ده ؟ |
اه ياريت يا اسلام نتكلم بتوسع لانى بحب جداااااااااااا اتكلم مع حد فى السياسة خاصة لو واحد فاهم اللى حواليه زيك
|
اقتباس:
بصى ياملاك تعداد مصر حوالى 80 مليون واسرائيل تعدادهم حوالى 6 مليون لو مصر حبت تعمل تعبئة عامة هيكون عندك حوالى 30 مليون مقاتل اما اسرائيل هيكون عندها حوالى مليون ونص التفوق العدادى واضح جدا بالنسبة للسلاح مصر عندها اسلحة من مختلف دول العالم ده بجانب ان الدول العربية اللى ممكن تمدها بالسلاح موجوده واسرائيل نفس النظام امريكا ممكن تمدها بالسلاح برضه وهنا هيكون فيه توازن الى حد ما فى القدرة التسليحية السلاح النواوى هيكون بره المعادلة لان اسرائيل لو فكرت تضرب مصر بالنووى تاثيره هيتمد ليها فا بالتالى النووى بره الحسابات هو سلاح ردع فقط ده بجانب ان الجيش الاسرائيلى مشغول ومتوزع فى الجولان وفى الاراضى الفلسطينيه والحدود اللبنانية لو امريكا ادخلت الوضع مش هيختلف كتير لانها مشغولة بحروبها الخاصة فى العراق وافغانستان ده بجانب انها هتكون محاطة من جانب العرب واسطولاها فى الخليج هيكون فى مرمه النيران المصرية وبطاريات الصواريخ ده بجانب الراى العام الدولى ثم ان مصر عندها اهم ورقة ضغط فى الظروف الحالية وهى (قناة السويس) اللى لو اغلقت فى الظروف دى الاقتصاد العالمى بشكل عام والاقتصاد الامريكى بشكل خاص هينهار لان سعر برميل النفط هيضاعف اضعاف مضاعفة والاقتصاد الامريكى لا يحتمل المزيد من الهزات وهو فعلا فى طريقه للانهيار فى حسابات كتير جدا قبل ما اسرائيل تفكر هى او امريكا انهم يهجمه مصر او اى دولة عربية اخرى ياريت اكون وضحت وجهة نظرى بالشكل المطلوب |
رايك بجد تحفة بس اسرائيل متهيالى الاول هتقلب الراى العام العربى قبل العالمى ع مصر زى موضوع الحجاج الموضوع ده كان فعلا ضغط ع ذكاء مبارك يعنى تخسر مصر دول كتير ممكن تقف جنبها و بعدين تضرب
و بعدين فى حاجة كمان ان اسرائيل دلوقتى بتحاول تفصل العرب عن بعضهم عشان مش يبقى فى تعاون خالص بينهم فطبعا هيسهل جداااااااا دخول اى دولة فيهم يعنى سوريا ولبنان واقعين فى بعض و عايزة توقع بين مصر و فلسطين وما خفى كان اعظم |
اقتباس:
اقتباس:
كلامك مظبوط ده جزء من مشروع الفوضى الخلاقه اللى هى جزء من مشروع الشرق الاوسط الكبير اللى المحافظين الجدد حاوله يروجله تصغير المصغر وتجزاءت المجزاء نفس مشرةغ الاستعمار لكن هنا بيتم تحت شعار حقوق الانسان والحريات انتى عارفة ان المشروع ده تم الاعداد ليه من سنة 91 بعد حرب الخليج بس ده حوار تانى |
إحنا أى نعم كتير ولو رحنا كل واحد طوبه هنخلص على إسرائيل بس متنساش إن فيه حاجه إسمها سياسه دوله وإقتصاد إنت تعرف دخل مصر دلوقتى حرب هيكلفها إيه ؟؟؟؟؟؟؟؟؟؟ هنرجع تانى لأيام العصر الحجرى لا حجرى إيه الجيرى يا إسلام الكلام سهل لكن الفعل صعب لما ترمى30 مليون مواطن يموت من 10 إنت الخسران آلاف مؤلفه بل ملاين من الأسر هتشرد وعلى فكره اللى إنت بتفكر فيه ده اللى إسرائيل وأمريكا نفسهم يحصل ساعتها مصر هتتتلقى درس عمرها ما هتنساه هيردو هزيمه 6 أكتوبر يعنى الألم ألمين إحنا مش مستعدين لأى حاجه لا عسكرياً ولا إقتصادياً إحنا بنقول يا حيطه دارينا على ما نوقف على رجلينا ولسه يا ما هدق على الرؤوس طبول |
فعلا انا عرفت حاجات كتير جدااااااااا من الموضوع ده بجد استفدت منكم كلكم و خاصة اسلام و ان شاء الله فى مواضيع سياسة تانى هنطرحها
احنا اساسا شكلنا هيتقبض علينا امن دولة زى ما السادات قال |
اقتباس:
بص يا سادات احنا اكيد عارفين ان مصر مش حمل حرب تانى بس لو تراجع تاريخ شعب مصر انه بيبقى فى غفلته كالعادة و اول ما ييجى الاستعمار بيفوووووووووووق و يحارب و يصلح فالمو ضوع كله ان اسرائيل هتدخل و نتهزم بعدين تحصل الحركات السياسية فى مصر زى ما حصل قبل كده و ع فكرة اسرائيل عن قريب ان شاء الله فى مصر فجهزو نفسكو |
اقتباس:
كل دولة بتكون فتحه ليها حساب بره فى عدد من البنوك ومن فوائد الاموال دى بتشترى سلاح ده بجانب ان بيكون عندها المخزون الاحتياطى من القمح وخلافه ثم اسرائيل تخاف جدا على الفرد عندها لان المواطن اللى بيموت من الصعب انه يتعوض وكمان اسرائيل بتعتمد بشكل كبير رغم انها دولة عسكريا على المعونة |
حوشيا حواش يا إسلام الشعب مش لاقى ياكل دى الناس بتاكل بعض دا أنا سمعت إنم غلو الزفت عشان المواطن معدش يلاقى حاجه يكولها :( |
اقتباس:
ايوه بئا ب1500 جنيه الطن والزفت ده فى بعض افران العيش بتستخدمه بديل عن البنزين رغم انه ممنوع من الاستخدام با اوامر من وزارة الصحة والتموين وبيسبب السرطان كمان |
اقتباس:
وتقلى نحارب يا راجل صلى على النبى بلا كلام فاضى عيش ندل تموت مستور |
اقتباس:
او عيش حمار تموت في بياكم زى ما قال عالم اغتيل بعد كده :D |
اقتباس:
اقتباس:
الجرى نص الجدعنه وإن كانت المرجله هلاك الشعب بلاشها |
خلاص يامحمد
مرجع للموضوع ولو فيه اى مناقشة عن اى موضوع سياسى ياريت نتكلم فيه |
أوكى يا اسلام ياريت نتكلم عن موضوع سوريا و لبنان نطلع بره مصر شوية و بعدين نرجعلها و لو عندك موضوع احلى ياريت نتكلم فيه
بس الاول معلش هسال سؤال من وجهة نظرك الكل طبعا بيقول ان اسرائيل بنت امريكا المدللة هل تعتقدو ان الكلام ده صح و لا العكس |
اقتباس:
لاكن الموضوع الا جدر بالنقاش هو نتائج الى حصل دة اولا كل الى حصل من تفجير حدود مصر ودخول اعداد كبيرة جدا من الفليسطينيين بطريقة غير مشروعة وعشوائية للاراضى المصرية كان بتخطيط مسبق من حركة حماس هل فعلا كلام هيكل عن خطة اسرائل لاقامة وطن لاهل غزة فى مصر ويخلصو من همها نهائى صحيح لو بصينا للموضوع من اولة هنلاقى ان اسرائيل بدات تقرف اهل غزة وتضغط عليهم بشكل غير طبيعى كان نتيجتها الى حصل على حدود مصر ودة ممكن يجعل الفرض الاخير يتمتع بشيى من المنطقية وبناء على ذللك فان وجود اهل غزة فى مصر لفترة من الوقت شيى مقبول لا وكمان تحتمة روح الاخوة والتسامح فى الاسلام لاكن وجودهم بشكل مستمر ودائم على ارض مصر وبالتحديد سيناء دة شيى غير مقبول لانة يعد اعتداء على سيادمة مرص الا قليمية وفرض سيطرتها على سائر اراضيها كما انة يعد مساعدة للمخطط الصهيونى بالنجاح وللاسف العرب يتحملو قبل اسرائيل مسئولية الى حصل على الحدود مع فلسطين وفى الاخر احب اوجة شكر حقيقى من قلبى للرئيس محمد حسنى مبارك على تعليماتة بعدم التعرض للفلسطينيين وكمان لما اصدر قرارة بارسال كل انواع الوقود للعريش بعد ما نفذ كل انواع الوقود منها مع دخول الفلسطينيين فيها لانة كان ممكن يتخذ خطوات عنيفة ضدد من فجرو الحود واقتحمو مصر بالعافية ومحدش كان هيقدر يلومة لانة ساعتها كان بيعمل على تحقيق قاعدة اساسية من قواعد القانون الدولى والدستور المصرى والى هو اقسم عليها فى اليمين الدستورية لرئيس الجمهورية بحماية امن الوطن وسلامة اراضية |
ردك جميل يا جمال بس هل فعلا كده فى تعدى ع مصر اقولك اه بس مين بقى من الفلسطينيين اللى تعدو او بداو بالتعدى وكمان فى زيهم فى مصر و عايزين السلطة
و الحدق يفهم |
لبنان وسوريا ده رأى الشخصى
هل جزاء الإحسان إلا الإحسان النكر للجميل بقه عادى إمته هنقول شكراً بقه ونقر بالجميل يخرب بيت كده |
| جميع الأوقات بتوقيت GMT +2. الساعة الآن 02:16 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.