|
الى كل الطلاب الجدد كليه زراعه جامعه القاهره بعد الموضوع ده هتفهم كل حاجه عن الكليه
بسم الله الرحمن الرحيم
تقريبا كل حاجه عن الترم الاول والكليه بعد الموضوع ده ان شاء الله هتبقى داخل فاهم كل حاجه ومش هتوه :d:d بصو انا وانا فاول سنه ليا في الكليه دوخت كتيير وزهقت كان هاين عليه احول من الكليه بسبب اللغبطه وانى مكنتش فاهم حاجه لكن طبعا كل حاجه اتفهمت وبقت ميه ميه لما لقيت ناس ساعدونى فباذن الله بعج الموضوع ده هتفهم كتيير عن الكليه ومش هتتعب ولا تتحير ------------------------------- ده شرح لنظام الكليه عشان تبقى داخل فاهم في ايه احسن متقعد تلف وتوه جوه الكليه كليه زراعه ماشيه بنظام الساعات المعتمده وده نظام بيتيح ليك انك تختار عدد موادك و مواد كل ترم ويوم الامتحان ووقت السكشن يعنى من الاخر مفيش جدول ثابت لكل مستوى لا كل طالب بيعمل جدوله زى مايحب يعنى ممكن تبقى انت في مستوى اول وبتاخد ماده مع واحد مستوى تالت وانت الاتنين لاول مره بتخدوها عادى خالص هنوضح اكتر ...... بصو في حاجه اسمها وحدات في الكليه وعشان تتخرج من الكليه لازم يبقى معاك 140 وحده تمام الوحده دى بقى بشكل مبسط زى نقط بتساوى موادك يعنى مثلا في مواد ب2 وحده ودى مواد غالبا بتبقى نظريه وفى مواد ب 3 وحدات وده بتبقى ليها سكشن ومحاضره المحاضره بتبقى>>>>> ساعه ونص وبيبقى فيها شرح نظرى ألسكشن >>>>>> بيبقى شرح عملى وشغال بايدك غالبا وبيبقى 3 ساعات ونص بس برضو غالبا مش بناخدهم كلهم محدش يقلق نرجع تانى لنقطه الوحدات طبعا عشان تعدى مستوى اول وتبقى مستوى تانى لازم تعدي 30 وحده ومن مستوى تانى لتالت 64 وحده يعنى دلوقتى مطلوب مننا ناخد في الترم على الاققل 15 او 17 وحده بحيث نرتاح في بقيت الترمات طبعا كل ترم الكليه مديانا ناخد بحد ادنى 12 وحده وبحد اقصى 21 وحده كل واحد وعلى قد مايقدر بس عشان اول ترم لينا لازم منتقلش ونكتفى اننا ناخد16 وحده بس دلوقتى هيطلع واحد ويسال في مخه يعنى اخد16 وحده ازاى دول ؟؟؟؟ هروح رادت عليه يعنى المواد الى تحت شويه هتقابلها هتاخد بيهم شويه مواد يعادلو 16 وحده وزى ماقولنا في ماده بوحدتين وماده ب 3 يعنى مثلا تاخد 4 مواد ب3 وحدات واتنين ب2 يبقى المجموع 16وحده دول 21 ماده اجباريه هيتاخدو في اولى وتانيه يعنى اربعه ترمات لازم هناخدهم كلهم فاحنا هنقسمهم على اربع ترمات كل ترم هناخد 6 مواد او زى مانحب بس اول ترم خليهم 6 بس عشان تكون فهمت الدنيا المهم دلوقتى ان كل واحد ينقى6 مواد عشان ياخدهم اول ترم وبعد كده نكون فهمنا الدنيا في الكليه ونعرف نختار بقيت المواد في الترم التانى وهنكون ذيدنا خبرا دول بقى 21 ماده اجباريه وموجدين في الدليل الى هتشتريه من الكليه ب10 جنيه والدليل ده هيفضل معاك 4 سنين عشان فيه مواعيد كل ماده وسكشن كل ماده والمواد 1- مقدمه في الاجتماع الريفى 2 وحده 2-نبات زراعى 3 وحده 3-اساسيات علوم بستانيه -----------لازم تكون واخد نبات زراعى عشان تخد الماده دى خليها مستوى ثانى 3وحده 4-حيوان زراعى 3وحده 5-كيمياء عضويه 3وحده 6-اساسيات محاصيل---------لازم تكون واخد نبات زراعى عشان تخد الماده دى خليها مستوى ثانى 3وحده 7-ميكروبيولوجيا زراعيه 3وحده 8-وراثه عام 3وحده 9-فيزياء وارصاد جويه 3وحده 10-اساسيات اقتصاد 2وحده 11-اساسيات انتاج حيوانى وداجنى 3وحده 12-كيمياء حيويه ---لازم تكون واخد كيماء عضويه عشان تخد الماده دى خليها مستوى ثانى 3وحده 13- رياضه 2 وحده 14- لغه انجليزيه 2 وحده 15-اساسيات علوم غذاء 3وحده 16-احصاء 2 وحده 17-اساسيات علوم اراضي 3وحده 18-التفكير العلمى واعداد التقارير 2 وحده 19-تشريعاتالزراعه والبيئه وحقوق الانسان 3 وحده 20-اساسيات هندسه زراعيه 3وحده 21-اسايات وقايه نبات 3وحده ------------------------------------ طبعا واحد يقولى يعنى انا فهمت ايه من المواد دى واختار منهم ازاى وانا اساسا مش عارف ايه الصعب وايه السهل والمهم طبعا ناخد مواد متوسطه مش صعبه اوى عشان برضه نكون فهمنا النظام ومنضايقش بعد كده وفوق موضح كل ماده بكام وحده وهناخد مواد ب16 وحده في بقى مواد ياريت منقربش منها اول ترم طبعا اي حد لو ذاكر شويه هيقدر ينجح فيهم بس بلاش اول ترم عشان انت لسه بتبقى جديد فمتصدمش في مواد عايزه مذاكره كتيير او فهم او لقدر الله انت لسه بتبقى مش فاهم نظام الكليه وانك تذاكر ازاى وشكل الامتحانات ايه وكده فاول ترم بيبقى اصعب ترم فبلاش يبقى في مواد صعبه فبلاش تاخد اي ماده من دول اول ترم ------------------------------ 1-مايكروبيولجيا 2- وراثه 3- هندسه زراعيه 4-وقايه نبات 5- اراضي --------------------------- على فكره المواد دى مش صعبه ان شاء الله بس عايزه حبه مذاكره ومش كتيير والله بس خليه بعد الترم الاول ----------------------------------------- ودى مواد انصح بيها مش سهله اوى ولا صعبه اوى وفيها المواد الى تفتح مواد تانيه 1- كيمياء عضويه--- ودى لازم تاخدها عشان تقدر تاخد ماده كيمياء حيويه 7 2-نبات زراعى---- ودى لازم تاخدها عشان تفتح ماده بساتين ومحصايل 15 3- لغه انجليزيه 10 4- اقتصاد 12 5- حيوان زراعى ماده مش سهله اوى بس لذيذه وهتحبها ^^ 3 6- فيزياء 1 الرقم الى بعد كل ماده ده يوم الامتحان يعنى مثلا لو قالو الامتحانات هتبدا يوم 1 /1 يبقى الفيزياء اليوم الاول 1/1 الحيوان الزراعى اليوم الثاالث 3/1 -------------------------------------------------------- دول 16 وحده وبجد مناسبين اوى ----------------------------------------------------------- نيجى بقى لحته الجدول والمواعيد كل ماده من دول بيبقى مكتوب لها في الدليل حوالى 6 مواعيد للسكشن ومعادين للمحاضره انت بتختار المواعيد الى بتناسبك واهم حاجه ان كل ماده ليها يوم امتحان يعنى مثلا ماده الانجلش يوم الامتحان بتاعها العاشر فانت متاخدش ماده الرياضه عشان هي اليوم التاسع فهيبقى عندك يومين ورا بعض امتحانين ومش هتعرف تذاكر كويس انا المواد الى حطتهالكو دلو 6 مواد هتتفادى المشكله دى ومش هتقابلك اي مشكله في ايام الامتحانات وتعارض مواعيد السكاشن ------------------------------------------ الارشاد الاكاديمى ---------------- طبعا لازم تعرف ان اول يوم في الدراسه في حاجه اسمها الارشا الاكاديمى وده كل 5 طلاب بيبقى ليهم مرشد اكدايمى وده عباره عن دكتور في الكليه بتفضل معاه اربع سنين عشان لو احتجت اي حاجه بتسالو وبتسجل من عنده المواد طبعا بيبقى في دكاتره على طول مش موجودين وبيبقى في تانيه مش كويسيسن ميدكش المعلومه كامله وبيبقى في دكاتره كويسين جدا والى تطلبه يعملهولك انت ونصيبك بطيخه من الاخر بس بقى المشكله ان الدكتور عنده المواد كلها سهله وبيبقى في احرج شويه المهم انك لما تقرا الموضوع ده هتبقى فاهم تقريبا كل حاجه هتدخل مع الدكتور وانت فاهم كل حاجه وتعرف تسال وتفهم بسهوله ----------------------------------------------------------------- دلوقتى بقى انت ظبط جدولك واخترت موادك ورايح اول يوم تسجيل هتعمل ايه ؟؟؟؟ اول حاجه هتروح على المرشد الاكاديمى تاخد منه ورقه تسجيل المواد وهتكتب فيها المواد الى هتاخدها والمواعيد بس طبعا لازم تروح بدرى عشان في مواعيد العدد فيها بيكمل وبتقفل وساعتها بتضر انك تغير مواعيد المواد او تلغى ماده والدنيا بتشقلب فاعمل لى عليك وروح بدرى المهم بعد ما بتاخد الورقه وتكتب المواد والمواعيد بتعدى على كل قسم تبع الماده دى تسجل اسمك ويمضولك على ورقه التسجيل وبعد ماتخلص تروح للمرشد يمشيلك وبعدين تروح تصورها نسختين وتدى الاصل للشئون وصوره للمرشد وصوره تخليها ليك على فكره بيبقى اصعب يثوم في الترم يوم التسجيل ده فعاد يوم واحد بس ------------------------------------------------ كده تقريبا انت عرفت كل حاجه عن الكليه وانا اسف على طول الموضوع بس هو شامل كل حاجه تقريبا وهتروح وانت ولا متوتر ولا متلغبط واي سؤال اوى حاجه جد على دماغك مش فاهمها او عايزه توضويح اسئل فورا وانا هرد ان شاء الله ---------------------------------------------------------------------- ويارب اكون حاولت اساعد عمرو حامد مستوى تانى |
الصراحه انا علوم بس حبيت زراعه من التوبيك ده ههههههههه ربنا يوفق كل اللى فيها وبشكرك ع المجـــهود الكبير ده :)
|
وعلوم برده كويسه اوى واحنا عندنا قسم بيوتكنولجى زى الى عندكم بس مش عارف الاختلاف في ايه
|
ايه ده
انت معاهم يا وديع |
هى صحيح انك ممكن تاخز دبلومة وتفتح صيدلية
|
من زراعه؟؟؟
لا على حد علمى انك ممكن تفتح معمل تحاليل طبيه لكن صيديله ده معتقدش |
اقتباس:
|
موضوع جميل ومفيد وانا لسة داخلة اولي مع ان ناس كتير قالوا زراعة ايه ده مش ليها مستقبل .......بس يااااااااااااارب الاقي كلام غير كده
وجزاك الله خيرا علي الموضوع |
طيب الكلام ده لطلاب زراعة القاهرة بس ولا ايه؟؟؟؟؟؟؟؟؟ اصل انا زراعة المنصورة
اكيد هيكون فيه اختلاف |
طيب الكلام ده لطلاب زراعة القاهرة بس ولا ايه؟؟؟؟؟ اصل انا زراعة المنصورة .......اكيد فيه اختلاف
|
اه اكيد في اختلاف في نظام الكليه الى هو الساعات لمعتمده على قد علمى ان المنصوره عندهم جدول معين بيشمو عليه الطلاب يعنى مفيش حوار الوحدات والكلام ده عشان مش ماشيين بنظام الساعات المعتمده القاهره بس الى كده تقريبا
بس اغلبيه المواد هتلاقيها بتكلم في نفس الكلام ممكن تفرق مسميات بدليل ان ممكن ناس تحول من جامعه القاهره للمنصوره او العكس والشهاده في الاخر زراعه |
معلس هو حضرتك متأكد من اننا ممكن نعمل دبلومه ونبقي دكتوره تحاليل زى علوم عادى ؟؟ مفيش فرق يعني ؟
|
بغير دبولمه كمان عندنا في زراعه قسم بيوتكنولجى وده يخرجك تشتغلى في معمل تحاليل طبيه زى علوم بالظبط
بس الفرق ان لو هتقدمى لوظيفه هيفضلو بتوع علوم نظرا لان علوم من اول سنه اولى وانت بتاخدى مواد تخص الكيمياء اما احنا افلتخصص بيبقى من سنه تانيه ده الفرق الوحيد لكن الاتنين نفس الشغلانه وممكن يفتح معمل خاص بيه |
بجد ؟ :d يعني التحاليل ف زراعه من بيوتكنو لجى مش من كيميا حيويه ؟؟
وانا لما عملت سيرش ع اقسام زراعه يعني لاقيت مكتوب بيوتكنولجى زراعيه وكده يعني بيوتكنولجى ف الزراعه وبس وليها دعوه بالنبات والمحاصيل وكده ومش ليها دعوه بالتحاليل وكل ده ولاايه ؟؟ معلس انا تعباك معايا بس اصل بفكر احول لزراعه اريح :d :d |
لو سمحت هى كلية الزراعة من علمى علوم أم علمى رياضة
|
اقتباس:
انا اعرف واحد خريج زراعه وشغال في التحاليل الطبيه دلوقت هكلمو وافهم كل حاجه منه وارد عليكى :d |
اقتباس:
لازم تكون واخد كيمياء واحياء |
بصى انا سالت الدكتور الى سبقت وقلتلك عنه وهو شغال في التحاليل الطبيه حاليا وخريج زراعه
المهم قالى ان عشان اي حد من كليات صيدله وعلوم كيمياء وزراعه وبيطرى يشتغل في التحاليل الطبيه لازم بعد مايتخرج ياخد دبلوم في ميكرو من علوم او بيطرى او دبلوم بيوكمسترى من كلية علوم اسماعيلية او شبين يعنى حتى وانت في علوم بضو بعد ماتخلصى لازم تاخدى الدبلوم ده عشان تشتغلى في مجال الزراعه وده كلام الدكتور وكمان بيقولى مش شرط قسم بيوتكنولوجى او حتى ميكروبيولجى اي قسم نص القانون قايل بالنص كليات صيدله وعلوم كيمياء وزراعه وبيطرى وطب علوم الوحيده الى اشترط فيها التخصص وانه يكون كيمياء ----------------------------------------- وده قانون وزاره الصحه وشرحه بالتفصيل لاحظات على قانون مزاوله مهنه التحاليل الطبيه ---------------------------------------------- الماده 1 من القانون رقم 367 لسنة 1954 ------------------ تنص الماده على انه لا يجوز لاي فرد (غير المقيدين فى سجلات وزاره الصحه) ان يقوموا بالاعمال التاليه: مزاولة مهنة الكيمياء الطبية ابحاث الكيمياء الطبيه تحاليل الكيمياء الطبيه ابداء الرأي فى تحاليل الكيمياء الطبيه و طبعا نفس الكلام ينطبق على تخصص البكتريولوجى و الباثولوجى. اذن بنص هذه الماده من القانون المصري نلاحظ الاتى: اولا انه بمجرد تسجيل اسمك فى سجلات الوزاره يحق لك ممارسه المهنه مباشره بدون اي اشراف عليك من اى جهه ثانيا لو لاحظت ستجد ان اخر بند فى مهامك الوظيفيه و ذلك بنص القانون و هى ابداء الرأي فى تحاليل الكيمياء الطبيه ....... ما معنى ابداء الرأى ؟؟ المعنى واضح ابداء رأى يعنى مسموحلك تكلم مع شخص ما .... مثلا تتكلم مع المريض عن التحليل و شروطه ... مثلا تتكلم مع الطبيب عن التحليل و نتيجته ..... و كل ذلك مسموحلك بنص القانون و ده اللى بيسمى فى التحاليل بالتشخيص المعملى و الذى انت مطالب به بنص القانون مش زى مبيقول الاطباء مش مسمحولك بيه . و التشخيص المعملى المقصود بيه هو مطابقه نتائج التحاليل المعمليه مع المنطق الطبي اولا ثم ثانيا مع الحاله المرضيه قدر الامكان ...... يعنى ايه الكلام ده؟؟؟؟ يعنى مثلا لو طلعلك نتيجه عينه السكر 10 مج/مل و المريض واقف على رجله قدامك ....... يبقى هنا المنطق الطبي يقول ان النتيجه دى غلط و لازم تتعاد طبعا الكلام مش بالسهوله دى ..... ده انت لازم يبقى عندك خلفيه طبيه محترمه لكى تستطيع الحكم على النتيجه و التأكد منها. طيب ليه الاطباء بيقولو ان مش مسموحلك التشخيص الطبي؟؟ لانهم بيخلطوا عن عمد او يمكن عن جهل و الله اعلم بين التشخيص المعملى اللى قولنا معناه و اللى محتاج علم طبي اساسي (زى البيو و الفسيولوجى مثلا) لتقييم النتيجه و بين التشخيص السريري اللى هو شغله الطبيب واللى هو يتطلب الكشف على المريض و ربط نتائج تحاليله و اشعاته بالحاله المرضيه و طبعا زى مهو واضح ده يتطلب علم طبي اكلينيكى (زى الباطنه و النسا و غيره) لتقييم الحاله. اظن كده الفرق واضح تماما و على فكره ...... تعرفوا ان طبيب التحاليل نفسه و هو اهو خريج طب مش مطلوب منه غير التشخيص المعملى يعنى زىه زيك و ده برضه بنص القانون ..... يعنى القانون مش بيديله الحق فى التشخيص السريري داخل المعمل او وصف دواء للمريض الخلاصة .. التحاليل الطبية لا تعتمد على التشخيص السريري .. أنك - في المعمل - تتعامل مع عينة لا مع مريض. ---------------------------------------------------------------------------------------------------------------------------------------- الماده 2 من القانون رقم 367 لسنة 1954 ------------------ تنص الماده على انه يجوز للطبيب البشري أن يجري في عيادته بعض التحاليل الأولية التي تساعده علي تشخيص المرض بالنسبة إلى مرضاه الخصوصيين فقط. خلى بالك من كلمه تحاليل اوليه دى ....... زى ايه .... زى مثلا تحليل حمل بشريط زى تحليل سكر بشريط او بفهلنج ..... انما التحاليل التى تطلب اجهزه لقياسها فطبعا غير مصرح له بعملها داخل عيادته و خلى بالك ان ده الاستثناء الوحيد لاجراء تحليل خارج المعمل ....... بمعنى انه مثلا لا يجوز للصيدلى عمل اى تحليل داخل صيدليه حتى و لو كان تحليل بسيط زى اختبار الحمل. ---------------------------------------------------------------------------------------------------------------- الماده 3 من القانون رقم 367 لسنة 1954 ------------------ توضح هذه الماده الاشخاص الذين لهم الحق فى ان يتم تسجيلهم فى سجلات وزاره الصحه و بالتالي يكون لهم الحق فى مزاوله مهنه التحاليل الطبيه. مين بقه اللى ليهم الحق فى كده: 1- طبيب خريج طب حاصل على دبلوم في الباثولوجيا الإكلينيكية 2- خريج طب او صيدله او علوم (كيمياء) او بيطرى او زراعه بشرط انه ياخد دبلومه كيمياء حيوى او بكتريولوجى او باثولوجى او كيمياء تحليل الأغذية أو كيمياء تحليل الأدوية خلى بالك بقه من الملاحظات اللى جايه دى: لاحظت ان كليه الطب اتكررت مرتين فى الفقره 1 و 2 طيب ده معناه ايه؟؟؟ ببساطه كليه الطب كانت بتدى دبلوم الباثولوجيا الإكلينيكية و الطبيب ده بيتسجل فى سجل لوحده و يحق ليه مزاوله الثلاثه فروع الخاصه بالتحاليل (كيمياء و ميكرو و هيماتولوجى) ........ طيب برضه كليه الطب فيها دبلومات منفصله للكيمياء الحيويه و البكتريولوجى و الطبيب اللى ياخد الدبلومه دى يحق ليه العمل فى نطاق تخصصه فقط (زيه زى باقى الكليات يعنى مش على راسه ريشه) و عشان كده فى البند التانى الخمس كليات موضوعين مع بعض متساوين تماما يعنى مفيش اى فرق بينهم طيب واحد حيقولى يعنى هو الى وضع القانون ده راجل عبيط ..... ازاى يساوى كليه طب بكليه زراعه و لا علوم اقولك يا سيدى الراجل المشرع اختار الخمس كليات دول ليه بالذات (و هوه مجابش لكلام ده من عنده ... لا ده جابه من القوانين الدوليه المنظمه لمهنه ). المشرع اختار الخمس كليات دول بالذات لانهم درسوا فى خلال دراستهم فى الكليه كورسات الكيمياء او البكتريولوجى اللى تسمحلهم باستكمال الدبلومات المؤهله لمزاوله مهنه التحاليل ...... يعنى اختيار الكليات تم على اساس علمى مش مجرد اختيار عشوائى. ملحوظه على الماشى : كليات الطب كلها تقريبا الغت دبلومات الباثولوجيا الإكلينيكية و اصبح الحصول على تصريح المعمل بماستر الباثولوجيا الإكلينيكية. ....... و ده له دلاله مهمه اوى اوى ..... و هى انهم لما فكروا يطوروا مهنه التحاليل عندهم طوروا المستوى العلمى لطبيب يعنى اكيد ماستر اقوى من دبلومه ....... و ده كمان معناه انه ممكن تطوير المهنه بغض النظر عن القانون و نصوصه او محاولات تعديله او الغاء بنود منه كما يريدون حاليا. ملحوظه اخرى : خدت بالك ان كليه العلوم هى الوحيده اللى خصص فيها القسم (قسم كيمياء) انما باقى الكليات سابها مفتوحه بدون تحديد ........ طيب ده معناه ايه؟؟؟ ده دليل هام جدا ان الراجل المشرع الى عمل القانون ده فاهم هو بيعمل ايه يعنى عارف تخصصات العلوم المختلفه و اختار منها اقرب قسم يناسب طبيعه العمل داخل معمل التحاليل (من الناحيه العمليه و ليس الطبيه) ..... بمعنى ان الكيميائي بحكم دراسته هو الاقدر على التعامل مع أجهزة التحليل الكيميائي كالأسبكتروفوتوميتر أو الفصل الكروموتوجرافي أو التحضير الكيميائي للعينات الكيميائية أو الإلمام بالتقنيات الكيميائية في التحليل الكيميائي مثل التحليل التربيديمتري أو الكلاريمتري. و ده اكبر دليل على ان شغل معامل التحاليل تعتمد على استخدام الاجهزه و الكيماويات و لا دخل لها بالعمليه الطبيه ---------------------------------------------------------------------------------------------------------------- الماده 4 و 5 من القانون رقم 367 لسنة 1954 ------------------ هى مواد خاصه بالشهادت المعادله و كيفيه حصولها على تصريح المزاوله و الامتحانات المطلوبه لذلك. ---------------------------------------------------------------------------------------------------------------- الماده 6 من القانون رقم 367 لسنة 1954 ------------------ و دى بقه الماده اللى وزاره الصحه ارسلتها لقسم الفتوى و التشريع بمجلس الدوله لاستيضاح نص الماده (يمكن قصدهم يعنى انهم فى وزاره الصحه مش بيفهموا عربي ) الماده واضحه تماما و ليس بها اى كلام غير واضح يمكن ان يؤول بصوره او اخرى طيب الماده دى بتقول ايه......... الماده بتقول تنشأ بوزارة الصحة العمومية أربعة سجلات لقيد أسماء الأشخاص الذين تتوافر فيهم الإشتراطات المنصوص عليها في المواد السابقة . على أن يخصص سجل لكل من الكيمائيين الطبيين والبكنريولوجبن والباثولوجيين والباثولوجيين الإكلينيكيين من الأطباء البشريين . يعنى ايه الكلام ده؟؟؟؟ ده معناه ان الاشخاص اللى مسموح لهم بمزاوله المهنه طبقا لماده 1 و اخدوا الدراسات المطلوبه و توافرت فيهم الشروط طبقا للماده 3 ......... لازم يتسجلوا فى سجل من اربعه: لو انت خريج كليه من الكليات الخمسه (طب او صيدله او علوم او بيطري او زراعه) و اخدت دراسات عليا كيمياء حيوى يبقي تسجل يا عم فى سجل اسمه سجل الكيمائيين الطبيين ده معناه ان مسمى كيميائي طبي تطلق على اى خريج من هذه الكليات العمليه بعد اخذه دراسات عليا كيمياء حيوى حتقولى حتى بتاع طب كمان !!! اقولك اه ده كمان فيه اطباء بياخدوا دبلومه التحاليل من علوم عندنا عشان يفتح معمل ......... و تخيلوا بيرفع قضيه زيه زيك عشان يفتح معمل لانه اخد الدبلومه من كليه غير الطب ....... اكيد اكيد انت فى مصر طيب لو انت خريج كليه من الكليات الخمسه (طب او صيدله او علوم او بيطري او زراعه) و اخدت دراسات عليا بكتريولوجى يبقي تسجل يا عم فى سجل اسمه سجل البكنريولوجبن طيب لو انت خريج كليه طب و اخدت دراسات عليا فى باثولوجى الانسجه يبقي تسجل يا عم فى سجل اسمه سجل الباثولوجيين و الراجل ده بيفتح معمل باثولوجى انسجه فقط يعنى ميشتغلش اى حاجه تانيه من شغل المعمل زى ايمياء او البكتريولوجى طيب لوانت خريج طب بشري و اخدت دراسات عليا كليناكال باثولوجى يبقي تسجل يا عم فى سجل اسمه سجل الباثولوجيين الإكلينيكيين و خدت بالك ان السجل الوحيد اللى كتب جنبه (من الأطباء البشريين) هو سجل الباثولوجيين الإكلينيكيين .... طيب ليه؟؟؟ اقولك لان طب بيطرى فيها قسم باثولوجيا اكلينيكيه و لكن غير مسموح لهم ممارسه مهنه ال باثولوجيا الاكلينيكيه على الانسان ...... عشان كده المشرع حددها فى القانون. -------------------------------------------------------- شوفتوا بقه قانون المزاوله محدد ازاى و دقيق فى كل مواده و محطوط على اساس علمى و ليس اعتباطا او عشوائيا ...... و عشان كده لما غلبت وزاره الصحه طوال العشرين سنه اللى فاتو فى انها تجد و لو ثغره بسيطه فى القانون عشان تشيل الكليات الغير طب من المزاوله و طبعا مقدرتش فراحت مخترعه القرار العجيب بتاع سنه 94 اللى نصه: "إشراف طبيب بشرى حاصل على ترخيص مزاولة مهنة التحاليل الطبية على الكيميائيين وغيرهم من باقى التخصصات" طبعا احنا ناقشنا مع بعض الست مواد اللى فى قانون المزاوله ...... طيب اللى يقدر يطلع من القانون الكلام اللى مكتوب فى القرار ده مكن ياخد جايزه نوبل و مش بعيد ياخد جايزه بم بم كمان !!!! طيب تعرفوا ليه القضيه بنكسبها 100% ............. شوف تعليق المحكمه على القرار بتاع سنه 1994 و انت تعرف: ووصفت المحكمة قرار وزير الصحة الصادر عام 1994 الذي قصر مزاولة مهنة التحاليل الطبية البشرية على الاطباء البشريين وحدهم بأنه قرار فاقد لمشروعيته ويهدر أي اجراء يتخذ استنادا اليه لكونه لم يلتزم بوضع الشروط والاجراءات اللازمة لوضع احكام القانون موضع التنفيذ، بل تضمن احكاما جديدة تضيف الى احكام القانون وتعدل وتحد منها وهو ما يعتبر تعديلا لقانون بأداة (قرار) ادنى من الاداه التي صدر بها (البرلمان) القانون. |
شكرا لاخلاصك فى نقل المعلومة وأرجو مساعدتى لان ابنى فى هندسة زراعية بالاسماعيلية مستوى ثان ولاأعلم مستقبل هذه الكلية والفرق بينها وبين زراعة حيث كان عامى رياضة ولااعرف الوظائف التى تنتظره وسوق العمل المتاح أمامه أرجو مساعدتى بمعلومات دقيقية صادقة كعهدى بك
|
اقتباس:
حضرتك اولا شعبه هندسه زراعيه ده مجموعها بيبقى اعلى بكتير عن الزراعه العادى يعنى في سنتى وانا في اول كانت الزراعه العاديه واخده من 55 % اما زراعه شعبه هندسه كانت من 91 % واحنا كزراعه عندنا 17 قسم فيهم كل حاجه عن النبات والزراعه + قسم الصناعت + البيوتكنولوجى وهو بيشغل في مجال التحاليل الطبيه وقسم الاقتصاد اما هندسه زراعيه فهما بيبقى مختص في الميكنه الزراعيه وشبكات الري وطبعا مستقبلها احسن بكتيير من زراعه العاديه ومطلوب اكتر مننا لان اغعداد الخريجين اققل منا بكثير ولهم مجالهم ونحن لنا مجالنا اطمئنى باذن الله ابنك هيبقى ليه مستقبل كويس وخصوصا في الايام القادمه ايامن الزراعه :d |
ميــــــــــــــــــــــــــــــــــرســــــــــــ ــــي اووووووووووووووووووووووى بجد يا استاذ عمرو بجد مش عارفه اقولك ايه
ربنا يجازيك كل خيييييييير يارب وربنا يعمل اللى فيه الخير يارب ..ميرسي ع المجهوود تانى :) :) |
لا شكر على ايه ولايهمك
بس استاذ ايه دى دكتور عمرو بعد اذنك ههههههههههههههههههههههه |
هههههههههههههههههههههههههه دكتور واحلى دكتـــــــــور كمان ههههههههههه
|
هههههههههه شكرا اوى
على فكره انا سالت دكتور عندنا في الكليه وكذا واحد في قسم بيو تكنولوجى بيقولو ان قسم بيوتكنولوجى عندنا لما بيتخرج بيشتغل بغير دبلومه ولا بتاع بس ميقدرش يفتح معمل خاص بيه الال ل اخد الدبلومه ولا حيرونى معاهم |
^^^^^^^^^^^^^^^^^^^^^^^^^^
|
uppppppppppppppppppppppppppppp
|
جماعه انا جالى كليه زراعه تعليم مفتوح هى بتبا عامله ازاى ومصاريفها كام ممكن حد يقولى لو سمحتوا
|
اقتباس:
ومصاريفها 720 في الترم غير ان بيبقى ليك 4 تدريب صيفى دول بيبقو بفلوس |
اقتباس:
|
يا جمااااعه
انا جالى زراعه مشتهر(بنها) اقدر احول زراعه القاهره ؟؟؟؟ |
بصى تابعى تقليل الاغتراب طلما انت من القاهره ولو منفعش يبقى تقعدى سنه في بنها وتحولى السنه الى جيه
|
hwa el.mostwa el.tany bibd2 emta ana bsra7a 5ifa awy 7sa kol 7aga m32da :(
|
anta bs 2olt 3la el.level one bs
|
مستوى تانى ايه ؟
انت في مستوى تانى ؟ بصى مستوى تانى ده بيبدا لما تعدى 30 وحده بتبقى مستوى تانى ومفيش تعقيد ول احاجه كل حاجه هتتفهم واي حاجه مش فاهماها اسئلى وهجاوبك بس ياريت توضحى السؤال اكتر :d |
وكمان ده اكونت بتاعى على الفيس لو عايزه تعرفى حاجه بالتفصيل
http://www.facebook.com/amr.saso ,ومتقلقيش من حاجه والله الكليه دى جميله اووى |
Aha M3l4 Y Dr.3mr Ana Kont Mesh 2ret El.Modo3 Koys
Ana Lesa Ra7a 2ola ThnX 3la El.Modo3 Bdl Ma Aro7 W At32d Aktr :D & 3la Ank Adetni Link El.Account Ana 3mltlk Add Y Ret Confirm |
في قسم بيوتكنولجى
هو القسم ده ف القاهره بس ولا في كل الكيات الزراعه |
دبلومة البيوتكنولوجى موجودة فى زراعة عين شمس
هل تعادل البكالوريوس؟ يعنى اللى ياخدها يشتغل فى مجال التحاليل؟ |
شكرااا جدا للايضاااح انا لسه مقدم ومختار اول 19 رغبه زراعه :d فان شاء الله انا عايزها فشكرااا جدا للايفاده
|
السلام عليكم ورحمه الله
انا اولى زراعه جامعه اسكندريه ومش فاهمه حاااجه صراحه بعد ما قرييت الموضوع انا كل ال اعرفه ان اولى زراعه بتاخد زى اولى صيدله وعلوم بس احنا عربى وهما انجليزى بعديين بقى تانيه نبتدى ناخد موادنا ولا ايه وازاى كل واحد ليه دكتور والكلام ده انا بعد ما قدمت قالولى تعالى قبل الدراسه بيومين يعنى 18\9 عشان تاخدى الجدول انا متلخبطه بجد ولحد الان مش عارفه لو فى اختيار مواد اختار ايه ولا جامعه القاهره ليها نظامها واحنا لينا نظامنا |
انا علمى علوم كماااان
مش علمى رياااضه |
طب انا اخترت المواد ده في الترم الاول طب الترم التاني اختار مواد ايه ؟؟
بس عايز يكون قبل الكيمياء الحيويه 5 ايام علي الاقل لانهم بيقولوا انها اصعب ماده:excl: |
طب انا علمي رياضه وجالي زراعه اختار مواد ايه ؟؟؟؟
|
السلام عليكم انا جالي كليه زراعه (علمي علوم ) يعني دي اول سنه ليا و الحمدلله مش عارفه اي حاجه ف اي حاجه معرفش اذا كان ليها مستقبل ولا لا معرفش تكميلاتها يعني ايه افضل الاقسام و كدا . انا كنت سمعت انه ممكن ادخل صيدله اكلينيكيه بعد ما اخلص ؟ بس شكله كلام عادي . ياريت اي حد يعرف اي حاجه يقولهالي ؟؟؟؟؟؟؟
|
ممكن ايميل حضرتك على الفيس او كلمنى هناك على طول abdoelabkare***********
abdulkader elbeltagy ده اسمى على الفيس |
| جميع الأوقات بتوقيت GMT +2. الساعة الآن 08:50 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.