اعمل ايه شويه نكت بدل الغم وحرقه الدم !!!!!!!!!!!!!!!!!!!!!
 

- فلاحة اول مرة تروح للكوافير بيسالها سشوار ولا صبغة قالتله لا فلينى

- مذيعة بتسال بنهاوي احمد زويل اخد جايزة نوبل فى ايه قالها فى علبة قطيفة حمرا

- صعيدى حران ومعندوش تكييف ولا مروحة اخذ لبوس خافض الحرارة

- مرة واحد صعيدى قابل واحدة اجنبية سالها انت منين قالتله:وااات ?قالها اجدع ناس الوتاوتة دول

- استاذ سأل طالب فى اى فصل يسقط المطر قاله فى الفصل اللى ماهوش سقف

- غبى دبح امه وابوه سالوه ليه قالهم اصل المدرسة عاملة رحلة للايتام

- طنطاوي خبطته عربية اخد تعويض 50000 وقف ادام القطر قاله خش عليا ياابو الملايين

- واحد شايل انبوبة غاز قال لمراته ادعيلى قالتله روح ربنا يفتحها فى وشك

- عجوزة سمعت ان الدش حرام قالت الحمدلله انا طول عمرى بستحمى من الجردل

- الشرطة بتتخانق مع مسطول هما يقولوله اركب وهو يقولهم لا انا عايز اسوق

- موجه عربى بيقول للمدرس ليه العيال بينطقو الجيم دال قاله هو ده اللى مدننى

- حمار وحشى وحمار عادى بيتسابقو بدأ السباق فالحمار العادى مجريش سالوه مجرتش ليه
قالهم والنعمة مانا جارى الا لما تجيبو لى ترننج زيه

- صعيدى رجع من الشغل لقى مراته مطبختش زعل ودخل نام فحبت تصالحه

قالتله اعملك مساج قالها عليا الطلاق لو عملتيه لارميه بحلته فى الشارع

مرسى لحضرتك

هههههههههههههههههههههههه نكت جميله زى حضرتك

كويس نسيتنا الهموم شوية

كويس جدا لحسن الحوافز غمتنا

هههههههههههههههههههههههههههههههههههههههههههههههههه ههههههههههههههههههههههههههههههههههههههههه
نكت جمييله خالص
انا هقول واحده
مره صعيدى راح كوفى شوب فالجنسونيره بتقوله انت منيييييين ,, قالها وانتى بسكويته

هههههههههههههههههههههههه نكت جميله زى حضرتك

بصراحة وبدون زعل كلها نكت بايخة جداً ليس لأني من الصعيد -وأفتخر بذلك - لكن لأنها تفتقد إلى الحس الفكاهي للنكتة

حسنى مبارك لقى مصباح علاء الدين
طلعله العفريت
قال: يا ريس اطلب و انا انفذ
الريس قال : عايز كوبرى علوى يربط مصر بامريكا
العفريت قال : صعبه قوى ياريس شوف حاجه اسهل
الريس قال : خلاص خللى اعضاء الحزب الوطنى شرفاء وعندهم ضمير و ما يسرقوش
رد العفريت : انت عايز الكوبرى رايح بس ولا رايح جاى يا ريس

والله ضحكتنا فى وسط الهم اللى احنا فيه

حلللووووةةةةةةةة

متنسوش :
مليونية المعلم 10 سبتمبر