شكلي كدة ....مش عارف..؟؟..
 

اية الاخبار يا شباب عاملين اية في الدنيا الفاكسة دي........بصوا انا عامل الموضوع دة وانتوا اكيد هاتستغربوه لأن دي اول ورة ليا افتح عالرابع بالشكل دة في المواضيع.......بصوا بقى عاوز اعرف حاجات كتييير اوي ..
1- ليه اكتر مخاليق ربنا بتعرف تنسى وانا سبحان الله فاكر كل حاجة حصلت في حياتي ومش عارف انسى اي حاجة بتحصلي سواء كانت قديمة او جديدة
2-لية انا حاسس ان الحياة فاضية اوي مع ان حواليا ناس كتييييييييير اوي
3-ليه كل الناس بقول ان انا بعيش في اوهام كتير مع ان انا حاسس ان انا عايش في الحقيقة بعينها...
4-ليه انا مش برسي على مزاج شوية فرحان بعبط وشوية مخنوق بطريقة بشعة.......
______________________ 5- ليه انا مش عارف اجابة الاسئلة دي؟؟؟___________________

لا اله الا الله ...هو ليه المواضيع الي بتكون مهمة اوي بالنسبة ليا ...مفيش حد بيعبرني فيها...عشر مشاهدات ومفيش حد قال كلمة؟......

انا بعتلك الرد عالخاص يا تامر
ولو عاوزنى ارد هنا انا مستعده بس دا موضوع خاص بالرجالة

أنا شايفه يا تامر إن نظرتك للحياه مكتئبه ليه بس خليك متفائل حتى لو الظروف اللى حواليك صعبه حاول تتاقلم معاها لان لازم نتفائل علشان نعرف نعيش والحياه تستمر
وان شاء الله اكيد بكره احسن من اليوم

قال رسول الله صللى الله عليه وسلم حديث فى ما معناه ( بشروا ولا تنفروا )

ازيك ياتيمو .. سبق وجاوبتلك علي المواضيع دي

وايه عرفك يا تامر ان الناس كلها بتنسي .. تقدر تقول ان الناس مش عايزة تفتكر لكن الناس مش بتنسي صدقني


يمكن لسه ملقتش الشخص اللي يملي عليك حياتك دي ومتستعجلش صدقني والله هتلاقيه .. اسأل مجرب لسه ملقاش الشخص ده ههههههههههه

لو انت مقتنع ان الحاجة دي صح ومش بتغضب ربنا ولا تسئ لحد ولا تسئ لظروف مجتمعنا وتقاليدنا
خلاص انت حر وملكش دعوه بالناس

الفترة اللي انت بتعيشها كدا صدقني .. فيه ناس كتيييييييييير كدا ياتامر متخافش انت طبيعي خالص

غالبا حتي لو الواحد بيحل مشاكل الآخرين
مشاكله هو مبيقدرش يحلها بنفس الكافاة
واسأل مجرب والله

---

المهم متشغلش بالك
هي فترتك كدا
بعد كدا هتلاقي نفسك روقت خالص والله
وهتبقي تمام التمام ياتيمو
ربنا يوفقك ياحبي






س

ماشي يا آية مشكورة وياريت تردي هنا عشان نتناقش عادي يعني.... والموضوع دة مفتوح للكل انا يمكن اكون قولت كلمة شباب بس عادي يعني

بصي يا استاذة رانيا اولا مشكورة طبعا ....ثانيا انا مش متشائم بس مش عاوز اوهم نفسي ان كل حاجة ماشية تمام وانا كل حاجة في حياتي او يمكن اغلب الحاجات ماشية عكس السير....
وحكاية بكرة احسن .....تفتكري؟؟؟؟ دا انا حتى دوقتي مفيش ورايا لا مسئولية ولا شغل بدور عليه ولا اي حاجة خالص وعامل كدة اال لما ابدا ادخل في الدنيا جامد اية الي هايحصل ....عموما مشكووووووووووووورة

منور يا شديد عامل اية يا حبي.....بص بالنسبة للناس الي مش بتنسى....ماشي يا حبي بس انا عاوزانسى كل حاجة والشخص الي هايملى عليا حياتي...ههههههههههههه انا طبعا فهمتك بس انتا برضوا عارف اية ردي عالحكاية دي وانتا عارف ان الشخص دة حد معين ومافتكرش اني ممكن افكر في حد تاني ...وانا فعلا حاسس ان انا عايش في الحقيقة ومش بضر اي حد ....
وبالنسبة للمزاج .....ماشي اديني مستني لما الفترة دي تخلص.... مشكووووووووووووووووووور يا باشا والله انتا معلم وبجد اخويا وبتشرف بكدة اوييييييييييييييييييييي ..... حد ليه حاجة عندنا

شوفت انك متشائم .. الرسول قال ( تفاءلوا بالخير تجدوه ) واحب اقولك ان الدنيا ماتستاهلش دمعة ..

بس انت خليك واثق في نفسك وانت والله هترتاح وملكش دعوة بكلام البشر ومارس هواياتك هتنفس عنك وحط هدف في حياتك وخططله ونفذ الخطة دي عشان تحقق هدفك بكل ثقة ..

وطبعا قرب من ربنا ووالله حياتك هتبقى فل وهتفضل فرحان بعبط على طول :D

اوك يا تيمو .. وصحيح عايز اقولك حاجة بما ان إبراهيم الفقي نقح عليا :D ماتحسسش نفسك دايما انك قليل وافتكر الحاجات والذكريات الحلوة في حياتك مش الحزينة

و انصحك تقرا في التنمية البشرية وانت هتفهم حاجات كتير اوي وان شاء الله هتغير حياتك وهتطورها وهتحس ان ليها معنى وهتقدر قيمتها :)

مشكور يا بلال والله على كلامك ..بس صدقني انا مش عارف ليه بيحصل معايا كدة والحمد لله انا كنت بدات افوق الكام يوم الي فاتوا وحصل معايا حاجة غيرت معايا حاجات كتير اوي بس برضوا الدنيا ورايا ورايا ومش راضية تسيبني وبعتتلي حاجتين ماشاء الله خلوني اتخنقت اكتر من الاول....والله الواحد شكله كدة اصلا حظه مالهوش لازمة في الدنيا....ادعولي بس ربنا يستر في الفترة الي جاية ان شاء الله ....ومشكوووووووووووووور مرة تانية يا حبي

صدقيني يا تيمون والله العظيم انا حاولت كتير وفعلا كنت بدات انجح وبدا يتغير حاجات معايا لكن الدنيا برضوا كبست عليا ومارضيتش تخليني اكمل... وبعتتلي حاجتين خلوني اتعب اكتر من الاول كمان والدنيا ماشاء الله اختارت الحاجاتين صح وحاجات من الي بتوجع اوي ..... انا ماكنتش ناوي اتكلم بس هاعمل اية...الحاجتين دول الاولى في والدتي و واحد من اعز اصحابي واكتر من اخويا الاتنين تعبانين جدا بس انا مش هاتكلم اكتر من كدة ..وانتوا ادعولهم وادعولي ربنا يسهلها ..مشكوووووووورة.. وانا بجد آسف وانتي اكيد فاهمة انا اقصد اية

هقولك حاجه وياريت تعمل بيها <زكر ربنا هو الحل >لكل مشاكلك والسلام عليكم

مشكوووووووووووورة والله على نصيحت وانا الحمد لله والله براعي ربنا على قد ما اقدر ... وعموما مشكوورة مرة تانية

لا حول ولا قوة الا بالله ليه الاكتئاب ده

اولا جزاك الله كل الخير
هو والله ظروفه يعلمها الله كان الله في عونه
بالله علك لاتنساه في الدعاء
جزاكم الله كل الخير

بسم الله الرحمن الرحيم
لا اله الا الله , اسألك يا الله أن تهديه وتفرج عنه كربه . سوف كان الله في عونك أخي الفاضل

هي الدنيا كده ليه عايز تغيرها؟

يا اخي هو مش عايز يغيرها ولا حاجه بس هو تعبان من اللي بيحصلوا ولو انت في ظروفها مش عارف انت كنت هتستحمل ازاي الله يكون في عونه يارب

ادعيله يا اخي بالله عليك
جزاكم الله كل الخير

و النبي كل واحد يخليه في نافسه .... مش عايز رأي حد .... يعني انتا عارف يا كريم ان انا ظروفي صاعبة .... ليه الموضوع الي انتا عامله على كدة ...... بتقول اني نسيتك ... عرفت منين .... ايوة انتا الي غلطان انك حابتني .... وغلطان انك استنيتني .... لأني انا نفسي مش عارف انا هلاقي نفس امتى .....

ممكن اسمح لنفسي انها تتجرأ يا تامر وتكونش في نفسها ؟؟ انا هفترض انك سمحتلي
يا تامر انا كلمتك في الموضوع الي في ابداعات اعضاء وهنا عاوز اكلمك بردو
1- كل الناس مش بتنسى مين قال انهم بينسو في علم النفس يا تامر بيقولك الحاجات المؤلمة في حياتك مش بتتنسى بتفضل في جزء من دماغك الدكاترة النفسيين بيقولو عليه الغرفة المظلمة بتتفتح في اي وقت واي مكان ساعتها بتلاقي الدنيا كلها بتضرب فيك مش انت لوحدك صدقني " الكلام الي قلته ده سامعو من محاضرة دكتور في علم النفس عندنا مش كلامي "

2- لما تلاقي الصديق المخلص بجد هتتملى عليك حياتك كلها وقرب من ربنا هتلاقي الحياة مليانة بدرجة رهييييييبة وخصوصا في ظل الظروف الي انت فيها دلوقتي

3- بص لاي حاجة بتعملها من كل الزواية مش من زاويتك بس ساعتها هتعرف ده وهم ولا حقيقة وساعتها اتخذ القرار

4- كل الناس كده يا تامر شوية وشوية

5 دي كلمة من عندي قال تعالى " لقد خلقنا الانسان في كبد " فدي سنة الحياة ان الواحد يتعب فيها
وقال تعالى " الذي خلق الموت والحياة ليبلوكم ايكم احسن عملا " ودي انت فاهمني
وكلما زاد الابتلاء ده تكفير لذنوبه واختبار من ربنا ليه
وافتكر ان كل ما زاد الابتلاء ده حاجة كويسة فكلما زاد ايمان العبد زاد ابتلاؤه ولا انت مش معايا يا حبيبي :)
وقال تعالى " ولنبلونكم بشيء من الخوف والجوع ونقص من الاموال والانفس والثمرات وبشر الصابرين ( ) الذين اذا اصابتهم مصيبة قالو انا لله وانا اليه رجعون ( ) اولئك عليهم صلوات من ربهم ورحمة واولئك هم المهتدون" ايه رايك في الاية دي يا تامر

وفي الاخر ربنا معاك وغفر ذمبك وشفى والدتك اللهم آمين

الكلام دة كنت بقوله زمان ... دلوقتي ماعنديش كلام اقوله ...

اخى فى الله هذا شيطان او نفسك
فحاول السيطرة عليه ومشكلة النسيان
دى مش مشكلة خااااالص
اى انسان بيحاول يفتكر وانت فاكر

بص يا تمور الملخص كله في جملتين

حاول تحب الحياة
وحاول تنجح في حياتك

بص انا كنت زيك كده وكنت بفكر انتحر علشان حاجات كتير اوي
يمكن تكون همومي اكتر من همومك
منهم ان انا فشلت في الثانويه العامه وحصلتلي مشاكل شخصية
بس انا ماستسلمتش فكرت كتير مع نفسي وحاولت انجح في حياتي
وسمعت دكتور ابراهيم الفقي وعمرو خالد
وانا الحمد لله دلوقتي يمكن لسه برضو في مشاكل بس برضو انا لسه فرحان ومش مضايق
وببتدي احقق احلامي


حاول



بصي يا اخت الاء ده مش حل كافي
يعني هو يحط ايده علي خده ويقعد يزكر ربنا وهتتحل كل مشاكله
يعني الدعوات الي بندعيها علي اسرائيل في الجوامع في كل صلاة الجمعه عملت حاجه
لازم يبقي بجانب كل ده فعل

تعرف لية ؟
لانك زيى بالظبط بس انا بحاول اتجاهل الغلاسة و مقتنع بنفسى

ازيك ياتامر يمكن انا معرفكش لانى انا هنا لسه ده اول يوم ليا فى المنتدى
لكن انا حاسس بيك جدا لانك زى بالظبط ماعدا فى النقطه الرابعه فانا علطول مخنوق جدا وبحس انى مش حابب اى حاجه فى الدنيا مش عارف ليه
تيجى نروح لدكتور امراض نفسيه....... بهزر معاك