|
مين اللى قال ان احنا تبع نقابة العلميين ؟؟؟ادخل لتعرف الحقيقة
اية العجن اللى الناس بتقولة دة . مال كلية الحاسبات و المعلومات بنقابة العلميين . كلية الحاسبات و المعلومات تقع فى شعبة الحاسبات و المعلومات فى المجلس الاعلى للجامعات ولا تقع فى شعبة العلوم الاساسية مع كلية العلوم . و كمان نقابة العلميين نقابة قديمة فى السبعينيات تقريبا مكنش كلية الحاسبات و المعلومات اتفتحت اساسا و مكنش قانون نقابة العلميين فية لفظ حاسبات و معلومات ومكنش فية فى مصر اساسا كلمة حاسب الى فى اى كلية يبقى ازاى بتضموا كلية الحاسبات و المعلومات لنقابة العلميين الكلام دة غير صحيح بالمرة . مش عارف نقابة العلميين واقعة فعاوزة كلية محترمة تسندها فقالت يلا ناخد حاسبات و معلومات معانا بقمارة اية مش عارف . عموما مجال تكنولوجيا المعلومات وهندسة البرمجيات مجال كبير وضخم على اى شعبة فى اى نقابة انة تنظمة او تديرة و كمان خريجين كليات الحاسبات و المعلومات مش عاوزين يتضموا لا لنقابة المهندسين ولا لنقابة العلميين ولا لاى نقابة تانية . كل خريجين حاسبات و معلومات عاوزين نقابة منفصلة ليهم ترعى شئونهم و تنظم المهنة . احنا كخريجين حاسبات و معلومات اية يحشرنا مع بتوع الكيمياء و الجيولوجيا . نقابة العلميين ليها توجهات اخرى واولويات اخرى . واية كمان يحشرنا مع نقابة المهندسين مع بتوع الكهرباء والميكانيكا والكلام دة احنا مالنا و مال الكلام . احنا مقدمين قانون نقابة مهندسين البرمجيات لخريجين حاسبات و معلومات لتنظيم المهنة فى مصر. حاجة غريبة اوى انت عاوز دكتور زى دكتور على حبيش مع كل الاحترام والتقدير لة يقعد مع بيل جيتس لما يجىء مصر هيقولة اية . الموضوع صعب . على فكرة لو الدولة دفعت بينا فى اى نقابة هنرفع قضية فى القضاء و هنعمل مشاكل كتيررر احنا قدها و هنرفع بيان لرئيس الجمهورية (القادم) و هننزل الصحف والمجلات و الجرايد و هنعمل مشاكل . وبعدين مين قال لنقابة العلميين تتكلم عن خريجين حاسبات و معلومات مصر دى حاجة غريبة و اية الاثبات ان كلية الحاسبات و المعلومات تتبع نقابة العلميين دى نقابة اساسا مبنية قبل ما كلية الحاسبات و المعلومات تتفتح ومكنش فية تخصص للحاسب الالى فى مصر وقتها فى اى كلية . دى حاجة غريبة اوى والله
نقابة العلميين لما تفتح شعبة الرياضيات وعلوم الحاسب تدخل فيها خريجين كلية العلوم قسم رياضة وعلوم حاسب او احصاء وعلوم حاسب لكن مش تدخل كلية الحاسبات و المعلومات معاها . انتم ليكم حق تدخلوا اى شعبة فى كلية العلوم معاكم لكن مش تدخلوا كليات اخرى . و عموما مفيش تعارض نقابة العلميين فيها شعبة الكيمياء و نقابة المهندسين برضو فيها شعبة الكيمياء و مفيش اختلاف او تعارض . لكن مش من حق نقابة العلميين ان تتكلم عن كلية الحاسبات و المعلومات لان مفيش دليل علمى انها تتبع كلية العلوم لان كلية العلوم فى شعبة العلوم الاساسية فى المجلس الاعلى للجامعات و كلية الحاسبات و المعلومات فى شعبة الحاسبات و المعلومات و خريج كلية الحاسبات و المعلومات بيحصل على بكالوريوس الحاسبات و المعلومات شعبة كذا و ليس بكالوريوس علوم حاسب الى و دة الرسمى المكتوب فى شهادة المؤهل و كذلك شهادة المعادلة للكليات و المعاهد الخاصة من وزارة التعليم العالى . على فكرة لو نقابة العلميين تحدثت عن كلية الحاسبات و المعلومات سنرفع قضية على نقابة العلميين و هذا للتنبية فقط لاغير وبالنسبة لكلمة اخصائى دى بتطلق على اى مهنة ملهاش نقابة . اخصائى خدمة عملاء و اخصائى اجتماعى واخصائى علاج طبيعى و كمان الطبيب اسمة اخصائى كذا . دة رقم واحد . ثانيا مفيش حاجة تثبت فى نقابة العلميين اننا ننتمى ليها لا علميا ولا اجتماعيا . ثالثا اغلب خريجين حاسبات مش بيشتركوا فى نقابة العلميين و اذا كانوا بيشتركوا فدة لانهم مش عارفين وثالثا اللى هما جامعات خاصة و عادى . كمان نقابة العمليين عملت زى نقابة التجاريين بتاخد اى تخصص عشان تجمع فلوس . يعنى نقابة التجاريين بتاخد اى حد فى شعبة التنظيم و الادارة اى تخصص او اى كلية يعنى لو طبيب مدير قسم او مدير مستشفى هيدخل نقابة التجاريين شعبة التنظيم والادارة لانة مدير . طيب خريج علاج طبيعى اسمة اخصائى علاج طبيعى و بيدرس سنين لية نقابة العلميين مش اخدتة معاها . ثالثا الدولة مش مصنفانا تبع نقابة بعينها مفيش دليل على كدة . احنا عاوزين نقابة العلميين تجبلنا اثبات . عموما احنا قدمنا قانون نقابة مهندسين البرمجيات لمجلس الشعب والحمد لله عدى مرحلة اللجان وفاضل المناقشة العامة ويبقى لينا نقابة لوحدينا . خلى بالك ان مينفعش شعبة فى نقابة تنظم مجال تكنولوجيا المعلومات لانة مجال استفحل على شعبة فى نقابة . مجال تكنولوجيا المعلومات بقى فية مشاكل كتيرة زى الجرائم المعلوماتية حقوق الملكية الفكرية المعلوماتية و قوانين تنظيم العاملين فية . هديلك مثال قانون ممارسة المهنة اللى عاملة نقابة العلميين مبدائيا كدة لا يتفق مع مجال تكنولوجيا المعلومات لان باختصار فية ناس كتيرر بتشتغل من كليات كتيرر وانت كدة هتقفل بيوت الناس دى هههههههه . وكمان عاوز توقف خريجين هندسة حاسب واتصالات والكترونيات من العمل فى المجال وبالتالى نقابة المهندسين مش هتسكت . للاسف مفيش نقابة العلميين بعيدة كل البعد عن مجال تكنولوجيا المعلومات . مفيش رؤية صحيحة وكذلك نقابة المهندسين نفس حال نقابة العلميين . لو سمحت محتاجين احنا محتاجين اثبات فى قانون نقابة العلميين الذى وافق علية مجلس الشعب عند انشائها يثبت اننا نتبع نقابة العلميين و كذلك اثبات علمي . احنا نقع فى شعبة الحاسبات و المعلومات فى المجلس الاعلى للجامعات و كلية العلوم تقع فى شعبة العلوم الاساسية كمان احنا عاوزين اثبات قانونى . احنا تصنيفنا علميا فى المجلس الاعلى للجامعات فى شعبة الحاسبات و المعلومات ثانيا احنا بناخد بكالوريوس الحاسبات و المعلومات تخصص كذا لكن قانون نقابة العلميين بيقول بكالوريوس العلوم احنا مش بناخد بكالوريوس علوم حاسب احنا بناخد بكالوريوس حاسبات و معلومات تخصص كذا . كمان احنا كلية منفصلة . احنا محتاجين سند قانونى . اما بخصوص ان نقابة العلميين كرمت خريجين حاسبات فدة تخطيط من نقابة العلميين انها تدرج خريجين حاسبات بعد ما قانون تعديل النقابة يدخل مجلس الشعب اللى لسة هيدخل بقى و يبقى فية سند قانونى نستطيع ان نقول فى الأخير اننا لا نتبع لأى نقابة نحن الآن نتبع لجمعية مهندسى البرمجيات برئاسة معتز خورشيد وزير التعليم العالى وفى المستقبل القريب سنسمع خبر سار بخصوص موضوع النقابة المصرية لمهندسى البرمجيات :022yb4: |
ياعم أنا مش عارفة لحد دلوقتى إيه لازمة النقابة من أساسه؟؟؟؟؟؟؟؟؟؟؟؟؟
|
اسألى اى حد قوليله ايه لازمة اى نقابة فى الدنيا هيقولك
|
يا نهار ابيض النقابة دى هى أمنا اللى تايهة بجد النقابة دى هتحفظلك حقوقك زى نقابة المحاميين كده والاطباء ومحدش يقدر يشتغل شغلتك غيرك انتى بس خريجة الحاسبات ودا هيخلى الشركات تتهافت علينا وفرص العمل هتزيد والمرتبات هتعلى الحاجة التالتة من الوارد جدا تغيير اسم الكلية لتصبح ( هندسة الحاسبات والمعلومات) لأننا ندرس كل شئ خاص ببرمجيات الحاسب الآلى بطريقة هندسية الحاجة الرابعة مجموع الكلية دى هيعدى حاجز الهندسة وهينافسها كل عام الحاجة الخامسة النقابة بتوفرلك خدمات كلنا نعرفها زى العمرة والمصايف والرحلات والامتيازات التانية الكتير سادس حاجة وضعك الاجتماعى هيفرق كتير جدا لأنك تنتمى لنقابة سابع حاجة النقابة لها القدرة على سن القوانين ورفع القضايا بعكس جمعية مهندسى البرمجيات التى لا حول لها ولا قوة تامن حاجة النقابة دى زى الشلة اللى بتجمع الأفراد اللى ليهم نفس الهوية والمهنة ومن خلال تجمعهم يستطيعوا تبادل الخبرات ومساعدة بعضهم البعض فى مجال العمل والنقابة لها فوائد اكثر من ذلك بكثير ولكن ذلك الحاضر الآن فى ذهنى
|
بصوا انا هقولكم على حاجه...مع اني فكليه علوم ...بس هقول الحق
المفروض ان خريجي حاسبات ومعلومات ينضموا لنقابه المهندسين لان كليه الحاسبات والمعلومات من كليات القطاع الهندسي |
اقتباس:
بجد انت راجل بتفهم :078111rg3: مش زي ناس داخلة تفتي وخلاص وهما ميعرفوش اسم مادة واحدة بندرسها فحاسبات ياريت اللى عارف يتكلم اللى مش عارف يسكتت ...... |
اقتباس:
|
اقتباس:
بس بصراحة مينفعشى ينضم لنقابة المهندسين ولا حتى نقابة المهن العملية المفروض تتعمله نقابة خاصة بيه لان هو مش مهندس ولا زيه زي خريج علوم . بس صحيح أنا واحد صاحبي بيقولي هدخل علوم حاسب من كلية علوم الكلام ده صح ؟؟ |
اقتباس:
|
[quote=the spider mido;3919546]اه فيه قسم علوم حاسب فكليه علوم[/quoإ
إيه ده وهيكون زي بتاع حاسبات ولا إيه ؟؟؟؟ |
[quote
إيه ده وهيكون زي بتاع حاسبات ولا إيه ؟؟؟؟[/quote] اه طبعا....اصلا القسم ده فكليه علوم قبل ما تتفتح كليه حاسبات القسم ده فكليه علوم من الثمانينات |
المجلس الاعلي للجامعات للي قايل كده
|
اقتباس:
اصلا-احنا-بندرس-كل-حاجه-تخص-الكليه-فى-4-سنين-دول وبعدين-هندسه-بتدرس-اكتر-من-حاجه-والتخصص-بعدين- فطبيعى-يكون-فى-سنه-زياده-ووهى-الاعدادى-وملهاش-لازمه-غير-فى-التنسيق-الداخلى-للكليه يعنى-من-غيرها-بردو-هتبقى-4-سنين مش-معقول-يا-جماعه-هنقفل-دماغنا-على-4-سنين-او-5 المهم-بندرس-ايه-وبنعمل-ايه-فى-الكليه-وطبيعه-الشغل |
اقتباس:
شكرا ليك جدا يا أستاذ لان صاحبي كان بيقولي كده وأنا كنت فاكره بيعيش الدور بس طلع كلامه صح . ألف شكر |
قسم علوم الحاسب وتكنولوجيا المعلومات كلية علوم بورسعيد
http://sci.psu.edu.eg/index.php/2010...9/77--20112010 |
اقتباس:
ألف شكر[/quote] لا يا جماعة بكالريوس حاسبات ومعلومات مش زي بكالريوس علوم قسم حاسب آلى والا مكنتش وزارة الاتصالات وتكنولوجيا المعلومات عملت الكلية دى ولا كانت ضافتها لكليات القطاع الهندسى وكانت ضافت تنسيق علوم قسم حاسب لبتوع الرياضة 2 زى تنسيق علوم/رياضة ومكنش دكتور معتز خورشيد - وزير التعليم العالى ورئيس الجمعية المصرية لمهندسي البرمجيات- قال ان النقابة المصرية لمهندسى البرمجيات على الأبواب وهى متاحة فقط لخريجى الحاسبات والمعلومات ....:039uw8: |
يعني بالتقريب كده لو ان شاء الله ربنا سهل موضوع نقابة مهندسي البرمجيات هتتعمل على امته تقريبا؟؟؟
|
قريب ان شاء الله
|
لو اتعملت النقابه هتكون لخريجين حاسبات بس أو الشهادات المعادلة من الاكاديميات والجامعات الخاصة .
إنما حاليا مدام خريج علوم وخريج حاسبات في نفس النقابة يبقى اعتقد إنهم بيشتغلوا نفس الشغل وإلا مكنوش في نقابة واحدة . بس بصراحة لو اتعملت النقابة هتمنع خريج علوم إنه يشتغل زي خريج حاسبات والكلية هيكون ليها مقام تاني خالص . |
اقتباس:
|
اللى قال ان خريجى حاسبات ومعلومات تابعين لنقابة المهن العلمية هو دراستهم فى الكلية وتصنيف المجلس الأعلى للجامعات للكلية
ونقابة المهن العلمية دى نقابة مهنية يعنى مش بتضم ليها أى حد وخلاص زى ما البعض بيقول ، طبعا دا كلام غلط وغير قانونى لأن النقابات المهنية حاجة والعمالية حاجة ثانية فالنقابات المهنية ماتقدرش تضم ليها الا أصحاب نفس المؤهل العلمى والدرجة العلمية ، ودا معناه ان مؤهل كلية حاسبات ومعلومات على نفس التصنيف العلمى لكليات العلوم وغير كدا بيكون أمر غير قانونى ومفيش نقابة مهنية تقدر تضم أكثر من مهنة أو تصنيف علمى ودا طبيعى لأن قسم علوم الحاسب كان أساسا قسم تابع لكلية علوم وتم فصله للاهتمام بيه وزيادة تشعباته وتطويره بعد ذلك وليس لأنه تصنيف مختلف ، وهتلاقى نفس الكلام دا فى كل دول العالم مش فى مصر فقط وبعدين نقابة المهن العلمية افتتحت شعبة جديدة اسمها شعبة علوم الحاسب وتكنولوجيا المعلومات يعنى خريج حاسبات ومعلومات بينضم لتلك الشعبة مش شعبة الرياضيات ، وممكن تسأل أى حد عضو فى النقابة وانت تتأكد من الموضوع دا وكمان ماينفعش يتعمل نقابتين لنفس المهنة أصلا ، يعنى موضوع عمل نقابة خاصة لخريجى حاسبات ومعلومات موضوع مستحيل من الناحية القانونية والدستورية ، لأن دا معناه ان كل شعبة فى نقابة المهن العلمية هى كمان تطالب انها تنفصل وتكون نقابة مستقلة يعنى كأن قانون النقابة مالوش لازمة ودا مستحيل لأن قانون نقابة المهن العلمية أخذ حصانته القانونية والدستورية وأصبحت النقابة هى الجهة النقابية المهنية الوحيدة المنوطة بمهن العلوم الأساسية والعلوم الأساسية التطبيقية وأى كلام غير كدا هو كلام فى الهواء ومالوش لازمة وممكن تسأل أى حد قانونى وهتتأكد بنفسك من المعلومات دى |
وعلى فكرة كليات الحاسبات والمعلومات مش فى القطاع الهندسى
كليات الحاسبات والمعلومات فى قطاع منفصل وكمان أقسام علوم الحاسب اللى فى كلية علوم ماينفعش حد يدخلها الا من علمى رياضة مش علمى علوم يعنى زيه زى كلية الحاسبات والمعلومات وكمان فى معلومة فنقابة المهندسين مش بتضم خريجى حاسبات ومعلومات علشان الفرق سنة زى ما البعض فاكر ، طبعا الكلام دا مش صحيح ، لأن النقابات بتهتم بالتصنيف العلمى وكمية ماتم دراسته بمعنى انك لو درست نفس الكم اللى درسه طالب هندسة فى خمس سنين وأنت درسته فى سنتين مش هيكون عند النقابة مشكلة بس المهم انه يكون نفس التصنيف العلمى للمواد الهندسية وبنفس الكمية ودا مش بيحصل مع كليات الحاسبات والمعلومات لأنهم مش بيدرسوا المواد الهندسية يعنى الكم والكيف مختلف عن شروط نقابة المهندسين |
يا حبيبى دا كله كلام انا عاوزك تجيبلى مستند رسمى يثبت اللى انت بتقوله دا ولا صورة ولا اى حاجة تثبت ان كلية الحاسبات والمعلومات مقيدة فى نقابة العلميين ومش تبع القطاع الهندسى
|
وبعد اذنك لو انت لا تنتمى لكلية حاسبات لا ترد منعا للاحراج
|
وكلمة أخصائى بمعنى متخصص فى كذا
يعنى عندما يقال أخصائى علاج طبيعى يعنى متخصص فى العلاج الطبيعى ، ودا مالوش أى علاقة بوجود نقابة من عدم وحود نقابة لأن العلاج الطبيعى ليها نقابة فعلا ومع ذلك المسمى الوظيفى لأعضائها وخريجى العلاج الطبيعى هو أخصائى مش دكتور لأن تصنيفه العلمى ليس طبيب يعنى المسميات الوظيفية بتعتمد على التصنيف الدراسى والتخصص مش ان فى نقابة أو مفيش زى ما انت بتقول بس قوانين النقابات المهنية بتكرس للألقاب المهنية وبتأكد عليها وتمنع أى حد يستغل اللقب المهنى زى مثلا اتحاد النقابات المهنية بتأكد ان لقب طبيب خاص بمهنة الطبيب البشرى والطبيب البيطرى يعنى الشخص الذى يستطيع أن يحدد المرض ويوصف العلاج وهى بذلك بتمنع أى مهنة أخرى انها تستغل هذا اللقب المهنى ولهذا أيضا فخريج علاج الطبيعى بالرغم من وجود نقابة له لايستطيع الحصول على لقب طبيب أو دكتور لأن طبيعة دراسته ومجال عمله لا يشتمل على الوصف العلمى لكلمة طبيب وهو من يحدد المرض ويستطيع أن يصف العلاج يعنى عندما يقال أن خريج حاسبات ومعلومات أو خريج علوم مسماه الوظيفى هو أخصائى كذا فهذا ليس له علاقة بالنقابة ولكن له علاقة بطبيعة دراسته التخصصية فى علم معين يعنى اللى عايز أقوله ان تحديد مسمى لمهنة بيعتمد على طبيعة دراسة المهنة دى ومجال عملها مش زى ما أنت بتقول بتعتمد على وجود نقابة أو عدم وجودها ومش زى ما أنت بتقول ان كلمة أخصائى بتطلق على أ حد مالوش نقابة .....طبعا كلامك مش صح |
اذا دخلت على موقع نقابة المهن العلمية هتلاقى :-
افتتاح شعبة علوم الحاسب وتكنولوجيا المعلومات بنقابة المهن العلمية واذا دخلت على موقع نقابة المهن العلمية وشوفت الخدمات النقابية ثم القيد بالنقابة ثم الجامعات والمعاهد التى ضمت حديثا للنقابة هتلاقى :- الكليات التى تضم نقابة المهن العلمية خريجيها ومن ضمنها كلية الحاسبات والمعلومات واذا دخلت على موقع نقابة المهن العلمية وحددت الخدمات النقابية ثم القيد فى النقابة هتلاقى كيفية الاشتراك بنقابة المهن العلمية وهى كالتالى :- يشترك فى نقابة المهن العلمية الحاصلين على بكالوريوس العلوم من كليات العلوم أو ما يعادلها وفقا لقواعد معادلة الدرجات العلمية منصوص عليها فى قانون تنظيم الجامعات ، كليات العلوم من جامعات الدول العربية بشرط المعاملة بالمثل ودا اللى موجود فى قانون نقابة المهن العلمية الأساسى ...وهتلاحظ جملة (أو ما يعادلها) والجملة دى مكتوبة فى كل قوانين النقابات المهنية يعنى حتى لو كانت فى كلية اتعملت بعد انشاء قانون النقابة فبينشاف فى الأول تصنيفها العلمى ايه واذا كانت معادلة بكلية العلوم بتضمها النقابة ...والموضوع مش محتاج ان تكون الكلية اتعملت قبل انشاء النقابة ولكن المهم انها تكون معادلة بالكلية الأساسية ومع مراعاة ان نقابة المهن العلمية هى نقابة مهنية فى الأصل وقانونها محدد ليها من تقبله بالتحديد فهذا يعنى أن كلية الحاسبات والمعلومات تم معادلتها وأصبحت على نفس الدرجة العلمية لكلية علوم بغض النظر هى مسمااها ايه أو مسمى الشهادة ايه فالمهم هو التصنيف بدليل ان فى معاهد مسمياتها غير مسميات بعض الكليات ومع ذلك معادلة بيها |
ونفس الموضوع دا حصل منذ عدة سنوات مع خريجى كلية الاقتصاد والعلوم السيايبة عندما تم ضمهم لنقابة التجاريين
بالرغم من أن قانون نقابة التجاريين تم وضعه قبل انشاء الكلية لمن كان الفيصل فى ذلك هو المعادلة لأن قانون نقابة التجاريين فيه برضوا جملة (أو مايعادلها) ولان تصنيفهم هو التجارى فتم ضمهم للنقابة ، لأن جملة (أو مايعادلها ) لم تكن فى صالحهم لا من الناجية العلمية ولا القانونية |
ايوة انت سيبت حتة النقابة قولت تتكلم على المسمى
|
المسمى دا يا استاذ بيتحدد على حسب المواد العلمية زى منتا قولت بس دا لما يكون فيه نقابة وبعدين انت متعرفش المواد ايه اصلا عشان تتكلم و عاوزك تقولى دكتور معتز خورشيد ليه اسس الجمعية المصرية لمهندسى البرمجيات ودلوقتى بيفنش فى موضوع نقابة المهندسين بتاعتنا و ليه مقالش الجمعية المصرية لأخصائى الحاسبات ؟؟؟
|
اقتباس:
أنا برد على كل كلامك فى الموضوع انت اتكلمت على الاثنين ...على النقابة وعلى المسمى وأنت اللى جبت سيرة العلاج الطبيعى فى موضوعك وأنا رديت على الاثنين وانت اللى طلبت الدليل ان الحاسبات والمعلومات تابعين لنقابة المهن العلمية وأنا جبته ليك وقولتهولك وقولتلك ادخل على موقع النقابة وهتلاقى ان كل كلامى صح مش غلط والمسمى اللى انت بتتكلم عنه دا اتحدد خلاص من الكلية وهو مسمى أخصائى حاسب الى يعنى مش أنا اللى قولته أو حددته علشان تقولى انت تعرف ايه عن الكلية أو المواد ، لكن دكاترة المهنة والأساتذة العلماء المتخصصين هما اللى حددوه ولو كان ليك أى مسمى غير كدا كان الدكاترة وأالأساتذة قالوه وحددوه من زمان لأن الحكومة مش بتحدد مسميات وخلاص بدليل أن الطبيب طبيب من قبل مايكون فى نقابة والمهندس مهندس برضوا من قبل مايكون فى نقابة لأن الحكومة بتر جع لتصنيف الكليات والجامعات وهى اللى بتحدد المسميات فى الأصل لكن انت اللى بررت المسمى دا بعدم وجود نقابة وأنا أثبتلك ان كلامك مش صح ودا فى تعليقاتى السابقة |
نقاشكم ملوش لازمة مع احترامي ليكم كل حاجة معروفة بالمستندات وده مش محل نقاش اصل هو مش كلام في الهوا مع احترامي ليكم إنت ال 2 .
الحوار بيكون بفايدة فالنهاية بس أنا شايف إن ديه خناقة مش حوار وفالاخر هتطلعوه بإيه هتكره يا أستاذ om الناس بتوع حاسبات في كليتهم يبقى استفدت إيه أنا كنت زي حضرتك كده وباكتب ردود مش كويسة بس بصراحة عرفت غلطي الناس دول مش زي اخواتي يعني حتى لو دخلوا معهد سنتين مش حاسبات المفروض اديهم جرعة امل وتفاؤل . يا راجل عشان يدعولك بعد كده أنا مش هتكلم عن أي حاجة في اللي أنتم بتقوله كل حاجة معرفة ومش محتاجه الكلام ده مع احترامي لكم . |
اقتباس:
أنا مش بكره حد فى كليته ..الكلية دى ليها مستقبل كويس فى مجالات العمل ومش معنى انهم تابعين لنقابة المهن العلمية ان دى حاجة وحشة لأن النقابة دى خاصة بالعلماء فى كل المجالات ومش عيب انهم يكونوا علماء مش مهندسين بس الغلط انى أقولهم حاجات مش صح على أنه حقيقة وأقولهم كلام يديهم فعلا أمل بس فى حقيقته أمل كاذب لأنى بكدا باللعب بأمالهم وأحلامهم وبيهم هما نفسهم الصح انهم مايسمحوش لحد انه يتلاعب بيهم وأنهم يكونوا مقتنعين بمهنتهم بغض النظر عن وجود نقابة خاصة بيهم أولا |
ههههههههههههه يعنى على كلامك ان احنا اما نقابة مهندسى البرمجيات تتعمل هنبقا اخصائيين حاسب برده
كلام غريب |
اقتباس:
|
اقتباس:
كلامى معناه ان مافيش أى امكانية قانونية لعمل نقابة خاصة فقط لحاسبات ومعلومات لأن المهنة ليها نقابة فعلية قانونها موضوع من زمان هى نقابة المهن العلمية يعنى مفيش حاجة اسمها نقابة مهندسى البرمجيات وعمر ما مجلس الشعب هيوافق على قانون نقابة وفيه نقابة موجودة فعليا ليها لأن دا غير دستورى أصلا يعنى انتم عاملين بتتكلموا فى مواد قانون نقابة ومفيش حد فيكم فكر انه يسأل واحد قانونى متخصص هو القانون دا ينفع أصلا يتعمل ولا لأ من الناحية الدستورية فى ظل انضمامكم فعليا لنقابة أخرى واذا عملتم كدا هترتاحوا من نقاشات كثيرة جداااااااااااااااااااااااا |
اقتباس:
على فكرة الموقع مافيهوش الا كلية علوم بتخصصاتها المختلفة مافيش حاسبات الحاجة التانية وزير التعليم العالى مش بتاع طرشى ووزير الاتصالات وتكنولوجيا المعلومات هو كمان مش بتاع عرقسوس عشان يعملوا نقابة مهندسى البرمجيات من غير ما يسألوا فى القانون والدستور وبيل جيتس مش جزمجى اما يقول ان خريج الحاسبات والمعلومات software engineer >>>> :d:d:d:d:d |
رضيتم ام لم ترضوا نحن مهندسو برمجيات والمناهج هى التى تقول و العالم كله يعترف بذلك ومع السلامة لحسن مش فاضيلكم
|
اقتباس:
لأ الموقع فى كليات الحاسبات والمعلومات والمعاهد المعادلة ليها واذا اتبعت الخطوات اللى قولتهالك هتلاقى الكلام دا على العموم هقولها ثانى ادخل على موقع نقابة المهن العلمية هتلاقى على اليميم مجموعة من الخيارات ، اختار منها الخدمات النقابية هتلاقى فيها مجموعة من الخيارات ، اختار منه القيد فى النقابة هتلاقى بعد مدا فى الصفحة نفسها مكتوب جملة الكليات والمعاهد التى ضمت حديثا للنقابة ادخلها هتلاقى مكتوب حاسبات ومعلومات على فكرة اللى بقولوهلك دا من الذاكرة لانى مادخلتش موقع النقابة دلوقتى ، بس أنا متأكد ان اللى بقوله صح مش غلط |
اقتباس:
فعلا صح وده السايت |
يا حبيب قلبى مافيش اثبات قانونى
|
هما كتبوا الكلية عشان يحطونا قدام الامر الواقع بس مافيش اثبات فعلي وقانونى ان كلية الحاسبات والمعلومات تبع نقابة العلميين
يلا بييس |
اقتباس:
|
اقتباس:
أمر واقع ايه يا أستاذ اللى انت بتتكلم عليه !!!!!!!!!!!!!!!!!!!! هو انت فاكر ان النقابات المهنية دى أشخاص بيعملوا اللى هما عايزينه على مزاجهم ولا ايه دى نقابة مهنية بيحدها قانون نقابة تم وضعه والموافقة عليه من مجلس الشعب وأخذ الحصانة الدستورية و متقدرش تحيد عنه وبعدين مش معنى يعنى حاسبات ومعلومات اللى هتحطهم أمام الأمر الواقع هو من قلة الكليات فى البلد!!!!!!!!!!!!!!! واضح انك مش عارف يعنى ايه نقابة مهنية يا أستاذ مفيش نقابة مهنية فى مصر تجروء انها تضم اليها خريجى كلية مش مصنفين من الناحية العلمية ليهم ومعنى ان نقابة المهن العلمية بتضم خريجى حاسبات ومعلومات اليها ان كل علماء وأساتذة المهنة مش فى مصر فقط ولكن فى العالم كله صنفوها على أنها من المهن العلمية وأنها على نفس الدرجة العلمية ومؤهل كلية علوم وغير كدا ماكنتش النقابة تقدر تضم حاسبات ومعلومات اليها ، يعنى الضم دا تم بناء على قانون النقابة والتصنيف العلمى للمؤهل والمهنة من العلماء ودا أكبر دليل علمى وقانونى وهو ان نقابة المهن العلمية بتقبل حاسبات ومعلومات يعنى مثلا عمرك ماهتلاقى نقابة الأطباء بتضم خريجين صيدلة أو علاج طبيعى ليها لأنها نقابة مهنية وتلك الكليات ليست على نفس التصنيف العلمى ليها وكذلك هتجد كل النقابات المهنية بتعمل كدا بمعنى انها لاتضم اليها أى كلية وبس ، لكن لازم تكون الكلية ودراستها على نفس المؤهل الذى تم انشاء النقابة المهنية من أجله أعتقد انك لازم توسع معلوماتك عن موضوع النقابات المهنية علشان تعرف الفرق بينها وبين النقابات العمالية |
وضم كلية جديدة الى نقابة مهنية مش محتاج تعديل قوانين لأن أساسا قانون انشاء أى نقابة مهنية بيحدد المجال المهنى للنقابة دى وبيحدد خريجى الكلية اللى هتنضم الى النقابة وكذلك أى كلية بتكون معادلة لتلك الكلية
يعنى مثلا عندما تضم نقابة المهن العلمية حاسبات ومعلومات اليها فهذا لأن حاسبات ومعلومات معادلة بكلية علوم ، لأن قانون النقابة بينص على كلية علوم أو مايعادلها واستحالة ان فى نقابة مهنية تغير قانونها علشان تضم اليها خريجى كلية أخرى لأن دا معناه ان الكلية دى أصلا مش معادلة ليها ومش على نفس التصنيف العلمى ليها يعنى أحد الأعضاء قال فى أحد المواضيع ان حاسبات ومعلومات لم تضم الى نقابة المهندسين علشان النقابة تحت الحراسة وماينفعش تغير النقابة قانونها وهى تحت الحراسة طبعا الكلام دا كله غلط لأن قانون نقابة المهندسين بيقول أنها تضم :- (أن يكون حاصلا على بكالوريوس في الهندسة من إحدى الجامعات المصرية أو على درجة علمية يعتبرها المجلس الأعلى للجامعات معادلة لدرجة البكالوريوس في الهندسة ) يعنى لو كانت كلية حاسبات ومعلومات معادلة بهندسة أو على نفس درجتها العلمية كانت انضمت اليها بدون قيد أو شرط كمان زى ما قولت ان مافيش نقابة مهنية بتغير قانونها علشان تضم ليها كليات ثانية لأن كل نقابة مهنية خاصة بمهنة محددة لا يمكن تغيرها أبدا وعدم معادلة خريجى كلية بالكلية الأساسية فدا معناه ان المهنة مختلفة |
على فكرة كمان لو دخلت موقع نقابة المهن العلمية وكتبت فى مكان البحث جملة (شعبة علوم الحاسب وتكنولوجيا المعلومات) وبحث عنها فى الموقع هتلاقى صفحة فيها خبر تهنئة بانشاء شعبتين جديتين منهم شعبة علوم الحاسب وتكنولوجيا المعلومات
|
يا حبيبى منا قولتلك هما عاوزين عوائد وخلاص عشان النقابة دى فاشلة وملهاش اى لازمة فبيحطونا قدام الأمر الواقع والخريج يا عينى مش عارف حاجة فبيروح عشان ميتقالش انه غير مقيد فى نقابة انما على الورق احنا مش تبع نقابة العلميين وأتحداك بأى مستند رسمى تأتى به لتثبت به كلامك ...
مجالنا دا يا حبيب قلبى ( مجال حاسبات ومعلومات فقط ) نقابة المهندسين متقدرش تستوعبه هتستوعبه نقابة العلميين !!!!! متفتح مخك شوية وانا على العموم محتفظ برأيي لأن انا مبقتنعش الا بالشخصيات الرسمية فعندما يقول معتز خورشيد-وزير التعليم العالى ورئيس الجمعية المصرية لمهندسى البرمجيات- اننا مهندسو برمجيات اصدقه وعندما يقول ان الانتهاء من موضوع النقابة بات على بعد بضع شهور اصدقه ايضا ولا اصدق اشخاص عادية لا يعرفون شئ والغريب انهم لا ينتمون للمهنة فبأى حق يتكلمون ؟؟؟ |
انا بصدق وزير التعليم العالى ووزير الاتصالات وتكنولوجيا المعلومات وبيل جيتس الناس الجامدة دى مع احترامى ليكم طبعا
|
| جميع الأوقات بتوقيت GMT +2. الساعة الآن 04:23 PM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.