|
كل سنة وانتوا طيبين العيد خلص وكله يربط الحزام للإستعداد ،،، محطة اطلاق صاروخ الهندسة
بسم الله الرحمن الرحيم السلام عليكم باش مهندسينا :022yb4: أسعد الله صباحكم ومساءكم وأياكم وكل عمركم هنيئاً لمن انتهى من الثانوية العامة ودخل الكلية الحمد لله معظمنا خلص تقديم واللي لسه مخلصش أكيد بندعيلو ربنا يسهله كلنا متحمسين للكلية ومستعجلين عليها أوي ( ولا ندري ما وراء الباب ) جبتوا الأدوات ؟ طب وفروا شوية فلوس عشان نشتريها مع بعض :d عرفتوا موادكم اللي هتخدوها ؟ طيب هو ده موضوعي النهارده اللي عايزكم تشاركوا بعض فيه الموضوع للجميع ،،، عايزين نستعد للكلية استعداد جميل أدوات و مراجعات وتنظيم و ،،، و ،،،، أكيد الباش مهندسين القدام عارفين ده كويس وان شاء الله يساعدونا كما أدعو بعض اخواتي الفضليات للإنضمام معنا في التنظيم الباش مهندسه هاجر والباش مهندسه ضي والباش مهندسه هاجر 2 :) متستعجلوش بس مش ناسيكم والله باش مهندس أحمد رزق باش مهندس محمد عبد الناصر باش مهندس أحمد سعيد (حج أحمد سعيد) باش مهندس عمرو الطويــــــــــــــــــــــــــل يلا اللي عارف حاجه عن المواد عن طريقة المذاكرة الحضور السكاشن والمحاضرات والغياب والمراجع الخارجية مشكلة الانجليزي أي حاجه تخص الكلية يقولنا وازاي التقدير يلا يا جماعة الموضوع بتاعكوا أنا بس كتبته مش أكتر بالتوفيق ،،،،،:022yb4: ******************************* |
ازيكوا كل سنة وانتوا طيبين والسنة الجاية ان شاء الله كل واحد يكون حقق اللى بيتمناه
وان شاء الله تكون سنة سعيدة علينا كلنا وكلنا نجيب امتياز وكل واحد يدخل القسم اللى هو عاوزها انا معاكم ان شاء الله ومستنيه اشوف الاخبار منكم ياريت حد يفيدنا احنا لسه داخلين جديد وان شاء الله لما نبقى خبرة هنفيد اللى بعدنا يالا بقى حد ابن حلال كده يدخل يطمنا ويفتح نفسنا على السنة الجديدة (يفتح نفسنا مش يسدها) شكرا ليكوا كلكوا وربنا يوفق الجميع |
ازيكم ياجامعة كل سنة وانتوووا طيبين وعيد سعيد عليكم انا هندسة الشروق باذن الله ورياريت الى معاه حاجة يجطها كنز بقا ماشى
سلام يلا |
اقتباس:
وانتي طيبة يا باش مهندسة ودايماً كده متفائلين يارب وباذن الله نشوف أيام بيييييييييييييييييييييييييييييييييييييييييييضااااا ااااااااااااااااء يارب طمنونا بئه |
اقتباس:
ازيك انت يا هندسة وانت بالصحة والسلامة باذن الله ننتظر باقي المهندسين يظبطونا :022yb4: |
السلام عليكم
انا ممكن افدكم شويه عشان اخويا فى هندسه وعنده شويه نصايح اولا نحضر كل المحاضرات والسكاشن ونكتب ورا الدكاتره واكيد نحاول نفهم ونرجع نذاكر اللى نخده عالطول ونحل كتير اوى وبيقولى هنلاقى كتب للتدريبات للحل فى مكتبه الكليه وبيقولى كمان لو اى ماده وقفت معانا فى اعدادى بالذات وبقى الموضوع مصتعصى معانا فى الماده ناخد كورس فىالماده ديه بس نتاكد الاول احنامش فهمنها خالص وبس |
إيه يا عم جو دريم بارك إللي هب علينا ده :d
إن شاء الله نبقي عون لبعض، وإللي عنده أي حاجة يقدر يفيد غيره بيها يعملها علي طول إن شاء الله كل سنة وإنتوا طيبين |
بسم الله الرحمن الرحيم
يا جماعة انتوا مستعجلين ليه لسه قدامنا شهر إن شاء الله نستمتع بيه وننسى الخنقة اللي كنا فيها في الثانوية العامة ويعني غيرنا دخل هندسة واتخرج زي الفل ومكنش داخل عارف حاجة فبلاش نخنق نفسنا من دلوقتي بالمراجعة خلينا بس ناخد خلفية بسيطة عن المواد والادوات ودي خلاص عرفناها من المنتدي |
اقتباس:
تمام يا باش مهندسه هاجر الله يبارك فيكي و وفي اخوكي يعني اتعفينا كده من الكورسات طب كويس أوي |
اقتباس:
أهلا بيك يا باش مهندس أيمن شرفتنا والله وجهة نظر محترمة بس برده لازم نعرف أكتر عشان منتوهش ودي مش خنقة زي ماحضرتك بتقول دا مجرد علم بالشئ وبعدين احنا مش هنذاكر زي ما حضرتك متصور يعني من دلوقتي ولا ايه ؟ :028ja7: |
اقتباس:
ههههههههههه دريم بارك مين يا أحمد بس وانت بالصحة والسلامة ويارب نقدر نفيد بعض ومعلوماتك وانت داخل يا معلم:stickjo4: |
طــــــــــــــــــــــــــول عمرك سبآق يآ بآشمهندس طآهآ . آنآ ممكن آفيدكم في حوآر آلآنجليزي بآلنسبة للنآس آلي هتلآقي آلدرآسة آنجليزي صرف . آلمصدر : - بآشمهندس آلآمير آستآذ في كلية آلهندسة جآمعة آلمنصور قسم ميكآنيكآ آنتآج . آلآنجليزي مش مشكلة خآلص في هندسة آلشرح بيكون بآلعربي و معظم آلجمل تركيبهآ بسيط هوآ ممكن يقف معآك كلمآت كتير و آلحل آنك تنزل قآموس آلكتروني و وقت لمآ تقف عليك آلكلمة على طول تترجمها و تعرف معنآهآ و تحفظوآ و هتتحل آلمشكلة . مآ تخدش كورس آنجليزي آثنآء آلدرآسة عشآن هتضيع وقتك على آلفآضي و يجب آنكم تآخدوه في وقت آلفرآغ عشآن دآ مفيد جدآ ليك في آلمستقبل في كلية هندسة و في حيآتك آلعملية . :078111rg3: لـــــــــــي عـودة في موضوع آخر |
شكرا على المعلومات الجميله دى يا بشمهندس
|
السلام عليكم ... جزاك الله كل خير يا باش مهندس طه وكل المهندسات والمهندسين اللى بيحبوا يفيدوا غيرهم ... سبحان الله انا كنت بنزل صور للادوات اللى هنحتاجها فى الغالب ولاقيت موضوع محترم جدا فى احد المواقع وهو موقع طلية معهد الهندسة بشبرا " للامانة العلمية " بس ان شاء الله ربنا يجازينى على نيتى .. + مع بعض الزيادات منى عن الاسعار مثلا وكمان ادوات زيادة علشان الموضوع يكون اكتر شمولا .. بالاضافة ان الاسعار ممكن تكون متغيرة لكن هى فى الحدود دى .. ادوات الرسم الهندسى 1- مثلث 45 درجة واخر ثلاثينى ستينى ويفضل النوع الشفاف ولا يشترط ماركة روترنج الالمانية مثلث ارسطو اللى هو 45 درجة بـ 14.5 2- مسطرة مدرجة 30 سم ودى الروترنج منها حسب ما قرأت فى موقع نفسك بـ 7.5 جنية مصرى 3- مسطرة حرف تى 80 سم الروترنج منها تقريبا فى حدود 60 جنية من سمير وعلى بـ 20 جنية " طبعا فرق بس بتاعه سمير وعلى اسمع انها على يادوب الاعدادى " على قدها يعنى " " http://www5.0zz0.com/2010/09/22/14/522287759.jpg 4 - برجل واحد فقط ومتسمعش كلام حد خالص يقولك هات طقم براجل لانك مش هتستعمل غير البرجل ده والروترنج منه تقريبا بـ 46 جنية .. 5 - قلمين من نوع روترنج نص مللى مش شرط روترنج بس علشان الروترنج هى احسن حاجه " كمان الاقلام اخويا بيقولى بتضيع من الواحد بسهولة جداا " 6 - استيكة بس يكون نوعها حلو روترنج او ميلان الحمراء او اى نوع كويس 7 - سوليتيب 8 - لوحة رسم ويمكن الاستغناء عنها بالرسم على مكتبك او ترابيزة السفرةانا اسمع ان البودرة الصغيرة تقريبا بـ 50 او 60 جنية 9 - فوطة صفراء علشان تبقوا تمسحوا اللوحه من الرايش بتاع الاستيكه علشان ما تسودش اللوحه ثانيا : ادوات خاصة بالورش والمعامل http://illiweb.com/fa/i/smiles/icon_exclaim.gif 1- بالطو ازرق او رصاصى للورش 3 - الة حاسبة لجميع العمليات الحسابية الاله دى عندى اخويا جابها من المكتبات المواجهة للكلية بتاعته " كليه هندسة عين شمس " وكانت تقريبا بـ 115 تقريبا " مش مضروبة زى اللى بـ 50 وكدة " دى منقلة 360 درجة روترنج بـ 11.5 جنيه دى اسطمبة دواير روترنج بـ 34 جنية دى اسطمبة دواير خارجية روترنج بـ 36 جنية -------------------------------------------------------------------------------- ملحوظات هامة ....من خبرتى المتواضعة http://illiweb.com/fa/i/smiles/icon_farao.png -------------------------------------------------------------------------------- لا داعى لشراء البالطو الازرق ويكفى ان تاخذه من احد زملائك بالفرقة الاولى الا اذا كنت ستدخل قسم ميكانيكا فانصحك بشراءه فطلبة قسم ميكانيكا يحتاجونه فى الورش. -------------------------------------------------------------------------------- بالنسبة للمسطرة اذا كنت تريد دخول قسم كهرباء فلتكتفى بشراء مسطرة 80 فلن تحتاج المسطرة اطلاقا فى قسم كهرباء اما اذا كنت ستدخل اى قسم اخر فلتشترى مسطرة 120 ــــ طبعا هتلاحظوا ان الماركات روترنج او كدة .. لكن مش لازم روترنج زى ما هو قال ..ممكن اى حاجة تقضى الموضوع بالذات للناس اللى مش ناويين يكملوا عمارة او مدنى لان غالبيتها ادوات رسم + ان سعرها غالى مقارنة بغيرها من الادوات اللى سعرها اقل وتمشى .. ـــــــــــــــــــــ اهم حاجة محدش يجيب حااااجة لأن فى دكاترة مش بتطلب حاجات ممكن نعملها بأدوات بديلة " زة مثلا الاسطمبة بتاعه الدواير دى عبارة عن دواير مظبوطة ممكن الواحد يرسمها بالبرجل وهكذا " مثلا الفوطة الصفراء ممكن نستبدلها بأى قماشة عادية ونضيفة بديلة عاادى . كمان البوردة اللى بنرسم عليها لو فى البيت اى سطح مستوى يبقى ممتاز وبديل ليها . البرجل اللى فوق ده ده تقريبا من ابسط انواع البراجل فى حاجات تانية واسعار اعلى .. كان نفسى انزل حاجات تانية بس دى للبداية .. :) |
جزاكي الله خيرا يا باشمهندس هاجر روعة . . . .
|
اقتباس:
والله يا بنتي انتي اللي سباقة بالخير بجد فرحتيني بمعلوماتك دي اوي جزاكِ الله خيرا ً يارب وبارك فيكي |
اقتباس:
بل أنت من علمني (( اوعى تنسى )) بجد مجهود رائع يا باش مهندس أحمد متشوق للمزيد من خبرتك :d |
أنا بس بقترح حاجة يا شباب..
ياريت مشاركتنا في التوبيك ده تكون في نطاق الإفادة العامة وبعيد عن الرغي بتاعنا والكلام الودي إللي بينا |
اقتباس:
والله يا أحمد الكلام ده ساعة ما الدراسة تبدأ لكن اللوقتي عادي ممكن ترفيه عشان نحب الحاجه شوية مش وش كده اسلوب علمي متأدب :022yb4::022yb4: منتظرك يا باشا :006et4: |
جزاكم الله خيرا
بجد دة اكتر منتدي استفدت منه و بالصور و حاجة يعني تمااام بس هو احنا نشتري الأدوات دي قبل الدراسة و الا اما نبدأ بإذن الله ؟؟؟ بس محدش يطنشني عشان انا متعقدة اووووووك ؟؟ ردو عليا انا قلتلكم اهه |
اقتباس:
بصى يا ستو هى وضحت فوق ان لازم تستى لما الدكتور يطلب منك الحاجات ان فى حاجات بتجبيها وانتى فى غنى عنها يعنى بتستبدليها باشياء تانية بتعمل نفس العمل يعنى بدل ما تكلفى نفسك على الفاضى :d وربنا يوفقك |
الصبرمفتاح الفرج
Patience is a remedy for every grief |
اقتباس:
العفو يا باش مهندس احمد ... واياك يا باش مهندس وكلنا بنفيد بعض ... :) اقتباس:
آمييــــــــــــــــــــــــــــــن يا رب وربنا يرزقنا دايما السعادة والفرح .... اقتباس:
تمااام .. انا قولت كدة بردو :d طيب انا بس رديت علشان اعرف تحبوا نجمع معلومات عن ايه تانى .. انا شايفة ان اقتراح الباش مهندس طه فى بداية الموضوه اننا نجيب دروس عن المواد وكدة صعب يعنى ... احنا فى اجازة .. + لو درس تكون حاجات خفيفة كدة وده مش متوفر فى اعدادى ... علشان كدة لو فى اقتراح تانى ياريت تقولوا علشان نحاول نستفيد بأكبر قدر ممكن " مثلا لو افكار بسيطة عن تنظيم الوقت " هنزلها ان شاء الله ..... |
اقتباس:
طيب بصي يا باش مهندسه وبصوا يا جماعة أنا مش قصدي دروس بس احنا فعلاً ف أجازة واللي هيعيش ياما يشوف ،،،،، غرضي والله اننا ندخل صح ونبتدي صح من أول يومممممم منضيعش وقت خالص في التأقلم مع الوضع أكيد عارفين أصحاب كتير فحكاية الجو الجامعي هتبقى بسيطه باذن الله عايزين برناااااااااااااااامج لينا في الكلية عشان اللي نعرف نراجع موادنا مش بس نذاكرها هنروح الكلية مثلاً 8 الصبح (على حسب المحاضرات أكيد ) أنا عن نفسي هنزل كل يوم 7 :cool: هنتقابل ونسلم على بعض وتمام وندخل القاعات عادي جداً هنختار مكان للرؤية حلو قدام أو زي ما تحب:) يكون معانا اسكتش مثلاً أو أي ورق نكتب فيه اللك بتاع الدكتور ممنوع الكلام أثناء الشرح ننزل نصلي الظهر ولو في محاضرات نحضررررر منروحش لما نخلص ننــ1ــجز نــ2ــركب نــــ3ـــرجع البيت نبيّض المحاضرات ونرقمها ونسميها ونعلمها ونلمها في سلك كبير عشان يكون ده مرجع لينا أخر التيرم ولأي امتحان شفوي أو QUIZ الكلام ده كده هخلص حوالي ع المغرب اياك تنام من المغرب للعشا هتدوخ جامد مانت يا معلم تكون نايم كويس بالليل ومريح جسمك وعنيك شوية المهم هتصلي المغرب وترجع تتغدى ايه ده هو أنا متغدتش أول ما رجعت ولا ايه ؟!!! :angry2: براحة بس عليّ لو أكلت هيحصلك وخم ومش هتركز في اللي قاله الدكتور لأن الكلام هيكون لسه سخن و هيحل محله الأكل :d يبقى تبيض المحاضرات وتبقى تصلي المغرب وتتغدى براحتك ويا سلام لو تصوم اتنين وخميس رائع بعد ما تتغدى هتبتدي تذاكر بئه كويس جداً اللي أخدته وتربط باللي فات وتدون ملاحظاتك و كلمة الدكتور عنها و شكل ضحكته (على فكرة فكر نفسك بحاجات زي دي كان قاعد ازاي بيضحك ازاي دا لو بيضحك أصلاً ) العشا اذنت وما ذكرتش الا ربع المحاضرة !!!!! :( انسى بئه اللكاعة بتاعت ثانوية عامة و مش هقولك حاول استخدم دماغك لأ انت أكيد لازم تستخدم دماغك في انك تنجز مواضيعك وتجيب المغزى من الكلام بسرعة ومع الوقت ، الغير كافي ، هتتمرن ع النقطة دي :) صلى العشا وارجع ادي بوسة وداع للمحاضرات لغاية الساعة 10 أو 11 كده وبعد كده تسأل نفسك سؤال واحد بس أنا دخل دماغي ايه النهارده ؟ في ناس دخل دماغها معلومات قيمة في الهندسة (المحاضرة) في ناس حفظت المحاضرة صم (50% يعني مقبول يا باشا لو مفهمتهاش) في ناس قربت المحاضرة من حياتها العملية وفكرت في مجهود السابقين من العلماء وقالت سبحان الله عقل مفكر ورب مدبر (امتياز باذن الله) لا أعرف شئ في الهندسة اسمه خير الأمور الوسط سألت نفسك ؟ بجد ؟ طب احلف كده ؟ مصدقك يا عم خلاص :d الساعة كام دلوقتي بئه ؟ 12 تمام أوي لو عندك نت يا عم بقول لو عندك هتغابى عليك اهدى لو عندك وتعرف تتحكم في نفسك وانك متلعبش أو تدخل شات تضيع بيه مجهود يوم كامل ادخل وحضر نص ساعة بس للمحاضرة اللي بعد كده (اسأل الدكتور عن اسمها ) حوالي نص ساعة أو اللي يقدر يبقى ساعة يا سلام يا سلام المعلم اللي يقرا ويكتب عناصر اشطه بجد خلاص صدعتني نام بس متنساش تجهز لبسك وورقك وأدواتك لليوم باذن الله والله يا جماعة مع الأيام هتكسلوا تكووا قميص مش بهزر أنا شوفت بعيني اخواتي المهم حضرتك كده هتصحى ع الفجر تصلي وتنام تاني لغاية 5،30 كده وتصحى 5،30 بدون تفاهم تاخد دوش صيف بئه برد حر شتا أي حاجه تدخل تاخد دش اسمع الكلام واسكت تظبط نفسك وياريت تنجززز يا باش مهندس هتذاكر حاجة امبارح تاني ع السريع قاعدة الفجر دي مراجعة مش مذاكرة يعني كده ضربنا عصفورين بحجر (اتصالات) وربنا يوفقك وتبدأ من حيث البداية أتمنى روتين محمد طه يعجبكوا |
اهلااااااااا يا بشمهندسييييييييييين مصر .. اولا انا فى تجارة للاسف :d انا جبت 90 للاسف تانى مره المهم انا كان عندى شوية حاجات عاوز اقولها كده من اللى بسمعه من اخواتى الكبار و اللى كنت بقراه عشان بحب المجال ده جداا .. اولا نمسك الموضوع واحده واحده .. احنا باقى دلوقتى شهر على الدراسه طب نعمل ايه فى الشهر ده ؟؟؟؟؟ اولااااااااا العبوا على اد ما تقدروا و دى نصيحه والله مفيده جدا :D لسبب .. ايه هو السبب ؟ بص انت داخل كلية صعبه اصعب من الثانوى بمراحل مش من ناحيه الدراسه بس كمية المواد .. امتحانات على طول .. عندك مواد سنه اولى اللى هى : فيزيا ورياضه وميكانيكا وكيميا وهندسه انتاج وحاسبات ورسم هندسي ولغه وانسانيات . ممكن مواد تختلف اختلاف بسيط من جامعه لجامعه .. طيب بردو مش هنلعب اوى الشهر ده و نفسنا ندووس فى المجال من دلوقتى .. طب يا عم جهز قاموسك بتاع الانجليزى و لو تعرف تجيب قاموس مصطلحات هندسيه يكون تمام .. و ادخل شوف برامج الرسم الهندسى و الاوتوكاد و الحاجات دى خد فكره كويسة عنها .. انما تقولى اشوف كيميا فيزياء بتنجان دلوقتى .. متعصبنيش ياد :D انا دلوقتى اول يوووووووووووم داخل الجامعه بقى و مش فاهم اى حاجة و كله لابس الحته اللى عل حبل ( اول و اخر يوم كله بينضف فيه و بعد كده كله بيجى بالشبشب ههههههه ) اوعوا تعملوا زى بتوع تجارة داخلين الجنينه و هتقضوها امال هتسيبولنا ايه بقى :D ههههههههههه انت طبعا داخل تايه فى الجامعه و هتلاقى اللى اكبر منك بيضحكوا و بيتفكروا ايام ما كانوا هم فى اولى .. بص اولا خليك / ى جرئ اسال اللى اكبر منك و دوس فى كلام مع اى حد يكون شاطر و عنده خبره اساله اذاكر ازاى .. اخد كورس كذا عند مين اجيب ادوات ايه ازاى اجيب تقدير .. كل قسم بياخد تقدير ايه ؟؟ الحاجات دى تسال فيها و خليك رخم و اسال كذا واحد عشان تاخد او تاخدى معلومات اكيده .. احنا دخلنا من الباب ! دلوقتى احنا فين يا ملعم .. ؟؟ احنااا جوه المدرج اللهم صلى عل نبى ايه الزحمه و التوهان ده ههههه جوه المدرج عندك اللى بينام و اللى بيسمع اغانى و اللى بيدور و يشوف البنات تقعد فين عشان يرشق هناك و ده فى هندسه عادى زيه زى تجارة الدنيا بايظه عادى :D :D انت حاول او حاولى تقعدى فى الاول حتى عشان الدكتور او المعيد يتعود يشوفك كده و تعرف تساله دايما و تكتب و تسمع كويس .. انت لازم تحضر جميييييع المحاضرات و تكتب و تروح البيت تبيض المحاضره يعنى تكتبها كلها بتنسيق و فكك من حوار الانجليزى سهل جداا مجرد في بعض المصطلحات جديده هتتعود عليها .. الاهم ان يكوووووون ليك هدف فى الكلية مش معنى انك خلصت الثانوى و دخلت الهندسه يبقى كده خلصت اللى عليك بالعكس انت كده بدات تشيل مسؤولية الحقيقية .. لازم تجيب اعلى تقدير عشان تعرف تدخل القسم اللى انت عاااااااااااااااااوزه .. بس و قبل كده تقوى الله و الصلاة فى وقتها و غض البصر و خصوصا فى الجامعه و حاول يكون ليك نشاط و تروح رحلات بردو متع نفسك مش هتكتأب يعنى .. عادى جداا اخيرا اللى عاوز حاجة فى هندسه , طب , تجارة عندنا كل الكليات فى البيت هههههههههههههه و بردو تجارة و هندسه ايد واحده ههههههه :D ربنا معاكم يا بشمهندسين و بشمهندساااات المستقبل و ترفعوا راااااسنا دايما كده بالتوفيق يارب لحد ما تتخرجواااا و انتوا جايبين امتياز على الاقل :D هااااه و السلام ختااااام |
شكرً يا ضي الفجر علي ردك
كدة فهمت و بجد الموضوع دة ممتاز و احلي ما فيه يا مشاء الله التفاعل يعني مثلا موضوع هندسة القاهرة دة مهجوور لكن دة في ناس بترد و ناس بتتكلم يعني مش خرص ^^ |
متابعة معاكم ان شاء الله
|
نورتي الموضوع ويارب تستفيدي يا باش مهندسة
ملحق بلاش تضايقي نفسك بنفسك خليكي متفائلة احنا جايين على ايام حلوة باذن الله ولا انتي ايه رأيـــــــــــك؟ |
اقتباس:
بصراحة أنا لساني عاجز عن شكرك يا ميدو والله مش لاقي كلام أقوله أشكرك بيه بجد والله مش بهزر انت شخص قليل ما نجده :friendsxs3: ليك في موضوع تطوير الذات والتنمية البشرية أوي وأهم حاجه ركزت على اللي بينفع الشخص 1-الدين 2- العلم 3- لا تنسى نصيبك من الدنيا أترك الشكر لله كي يجازيك خيراً على كلماتك الغالية لك مني كل الاحترام والتقدير دمت في رعاية الله أخي :022yb4: وأرجو منك أن تتابع معنا في المشاركات القادمة:) |
شكرااا لكل من ساهم فى خدمة جميع اللى داخلين كلية الهندسة و انا منهم طبعا و جزاهم كل خير ... و يا ريت يستمروا على ادائهم هذا و لا يقصروا فيه .... اخوكم الباش مهندس احمد ميمو
|
اقتباس:
نورت يا باش مهندس أحمد والله نتمنى تكون استفدت من المشاركات وياريت تكون معانا على طول في المشاركات القادمة في حاجات حلوة باذن الله يلا يا جماعة شدوا حيلكوا شوية اللي عنده ملحوظة أو أي مساعده أو نصيحة يقولها عسى الله أن يتقبلها:d |
عايز يكون ده مش جو إعدادي والمواد إللي هناخدها فيها، بس أنا وقع في إيدي الموقع ده وعجبني جداً ده هنلاقي فيه كلام عن التخصصات المختلفة وممكن يساعدنا في إختيار الأقسام المناسبة لينا
http://www.njaah.com/ar/majors/engineering |
اقتباس:
fantastic engineer ahmed:friendsxs3: |
اقتباس:
|
اقتباس:
ألف شكرا يا ميدو . |
"اعدادى سنة سهلة ومش هتلاقى فيها مشاكل وهتعدى عادى خالص فمتقلقش خالص" دى انا سمعتها من ناس اكبر مننا فاطمن ................ ولا اقولك اقلق لتقول انا الى قلت كده وضحكت عليك.
|
اقتباس:
تمام يا باش مهندس محمد بس أنصحك يكون عندك اتجاه واحد بس |
اقتباس:
|
بسم الله الرحمن الرحيم : بالنسبه لمواد الفصل الدراسي الاول : 1)رياضة (ا) وهي عبارة عن جبر وتفاضل 2)فيزياء (ا) وهي عبارة عن الضوء والكهربيه 3)الحاسب الالي (ا) وهو عبارة عن مقدمه في الحاسب الالي 4) ميكانيكا هندسية (ا) وهي تشمل الاستاتيكا 5)الرسم الهندسي والوصفية (ا) 6)الكيمياء وهي تشمل الكيمياء الهندسية والكيمياء العضوية * 7)التقارير الفنية * بالنسبة لمواد الفصل الدراسي الثاني : 1/رياضة (ب) وهي تشمل التكامل والهندسة الفرافية 2/الفيزياء (ب) وهي تشمل خواص المادة والديناميكا الحراريه 3/الحاسب الالي (ب) وهي تشمل لغة البرمجة 4/ميكانيكا هندسية (ب) وهي تشمل الديناميكا 5/الرسم الهندسي والوصفيه (ب) 6/هندسة الانتاج * 7 /مدخل الهندسه* ملاحظات : -بالنسبة للمواد(ا+ب ) يتم امتحان الجزئين معا في نهاية العام وليس لهم خلال الدراسة سوا امتحانات اعمال السنة فقط - بالنسبة للمواد (*) فهي مواد منتهية وتمتحن في ترم واحد فقط - بالنسبة للمواد (الكيمياء -الفيزياء - الحاسب الالي - وهندسة الانتاج ) فان لها امتحان عملي يضاف للمجوع الكلي مع ملاحظة وجود امتحان عملي في كل ترم لمادتي الفيزياء والحاسب الالي دة طبعا يا جماعة باختصار شديد يعنى اللى قدرت اجيبه اعذرونى كنت عايزة اشارك فى الموضوع بحاجة اكبر :006et4: بس انتظرواا وشكراا يا باااش طه على الموضوع الاكثر من رائع :d |
انتوا عندكوا فى هندسة كام قسم (ميكانيكا - سيارات - عمارة - مدنى - اتصالات - انتاج - كهرباء - طبية - كمياء - ميكالكترونيك - نووية - الكترونية - طيران ) دى كل الاقسام اللى موجودة فى مصر...... تعالوا نمسكهم واحد واحد : - ميكانيكا: 2. لو عايز تدخل ميكانيكا لازم تعرف ان كتاب الفيزياء بتاع ثانوية عامة اللى درستة حتلاقى كل فصل منة بقدرة قادر بقى مادة ولا اثنين فى القسم وعلى فكرة مش معنى ان القسم اسمة ميكانيكا انك حتاخد ميكانيكا لغاية لما تموت.... لا القسم اغلبة مواد فيزيائية و تصميم...... 3. لازم تعرف ان قسم ميكانيكا هندسة المطرية اقوى و افضل قسم ميكانيكا فى مصر على الاطلاق .... وانا بقول كدة من واقع الشغل والحياة العملية اللى برة الكلية..... 4. لو دخلت القسم دة حتفضل فى المطرية 5. نطاق شغل مهندسين ميكانيكا برة كبير و مراتبتهم حلوة - سيـــارات: 1. القسم دة قريب جدا لميكانيكا و بنصح بية الاولاد بس... بس على البنات حيقكون صعب شوية .... الا اذا كنتى ناوية تتجوزى و تقعدى تربى عيالك 2. برضة لو عايز تدخل القسم دة حتفضل فى المطرية 3. القسم دة مفيش منة الا عندنا و كليتين كمان بس ...يعنى عدد المهندسين السيارات اللى بيتخرجوا كل سنة فى مصر كلها ميعدوش 300 مهندس ودة عدد قليل جدا و ميزة طبعا 4. ممكن بعد ما تخلص ميكانيكا برضة تشتغل فى مجال سيارات. 5. المواد اللى فية كلها تتعلق بالصيانة و محركات الاحتراق الداخلى و الفيزياء - بس مش زى ميكانيكا طبعا - وأنظمة التعليق وعلى فكرة المواد بتاعتهم قريبة قوى قوى من ميكانيكا بس امتحانتهم اسهل بكتيييييييييييييير - عمارة: 1. قسم عمارة دة بقى قسم البنات او الاولاد 2. القسم دة بنسميه تجارة هندسة علشان محدش بيسقط فية ولا حتى بيشيل مادة..... دة اللى بيجيب جيد....جيييد... بيعيط..!!!! ودة ميزة للى عايز ينجز و يخلص. 3. طبعا القسم دة المذاكرة فية قليلة خالص بس المجهود البدنى فية عالى جدا... يعنى لو كنتى بتاعة بابى و مامى ونونو.. متفكريش فى القسم دة خالص 4. يعنى ممكن ايام المشاريع تقعدى شغالة مثلا لغاية 11 ليلافى الكلية و الكلام دة كان بيحصل على يدى وانا مش بكبر الموضوع 5. لو عندك حس فنى و قدرة على الابتكار ادخل القسم دة على طوول... و لو عايز تدخلوا منظرة او علشان تفرح بالمسطرة اللى حتكون اطول منك ...بلاش.. مش حتسقط حتنجح برضة و حتجيب جيد.... بس حتتخرج من الكلية علشان تقف على "عمارة" تحرسها -بواب يعنى- 6. عيب القسم دة انه مجال عمله لا يسمح بوجود انصاف المواهب... يعنى لو عندك موهبة حتطلع تشتغل فى احسن الاماكن و بمرتبات خرافية.. بس لو موهبتك عادية حتشتغل بقرشين.... 7. برضة ميزة فية انة فى المطرية. 8. مواد القسم اغلبها رسم و مواد من قسم مدنى وهى مواد تتعلق بخصائص المواد و الانشائات و المساحة وحاجات بسيطة و لذيذة - مـــدنـى: 1.برضة ميزة فية انة فى المطرية. 2. القسم دة بقى جمع المعادلة الصعبة ومسك العصاية من النص...يعنى لا هوة صعب قوي زي ميكانيكا وكهرباء ولا هوة سهل اوى زى عمارة.....لا مجال عمله واسع اوى زى ميكانيكا و كهرباء و لا ضيق زى عمارة...و دى ميزة للى بيحب المعقول 3. القسم دة مشكلتوا ان تسليم الشيتات بيكون تقريبا اسبوعى طول السنة 4. و المواد فية كلها بقى خرسانة و طبيعة مواد و سدود و سكك حديد و مساحة و هندسة انشائية.... 5. الفرق بين المهندس المعماري و المدنى ان الاول بيرسم و التانى بينفذ .... يعنى الاثنين بيسلموا لبعض 6.مجال شغلة مش بطال بس فية سنة بهدلة شوية 7. واللى نفسة يبنى عمارات و سدود و كباري و انفاق يدخل مدنى على طوول - اتصالات: 2. لو حابب اتصالات و عايز تتدخلها و عندك حد يشغلك برة مصر....تبقى عبيط لو مدخلتهاش..... اما لو حتفضل جوا مصر فلازم تعرف ان مجال اتصالات ضيق للغاية و يكاد يكون منحصر فى شركات الاتصالات و المحمول و البترول فقط.... وشوف بقى كام الف مهندس اتصالات بيتخرج... 3. مواد اتصالات تشبة مواد كهرباء اوى لان اتصالات جزء من كهلرباء اصلا ... 4. اغلب مهندسين الاتصالات فى مصر بيشتغلوا فى الاخر يا اما مهندسين كهرباء او مهندسين كومبيوتر .... طيب ما تدخل كهرباء او كومبيوتر من الاول و لخص.... - انتاج: 2.طبعا مجال الانتاج دة من اكثر المجالات الرهيبة جدا و اللى مش اى حد شغال فيها و مرتباتها عالية جدا طبعا لو طلعت مهندس فاهم و حتبقى استشارى فى حدود 7 سنين من تخرجك 3.ولازم تعرف ان انتاج اصعب قسم فيكى يا هندسة على الاطلاق..... وانك احتمال 85% حتسقط سنة ولا اثنين فى النص 4. الدراسة فية طبعا شبيهه بدراسة ميكانيكا قوى ولكن مع تركيز كبير على مجال الانتاج....يعنى 50% من القسم ميكانيكا و 50% انتاج..... والانتاج هوة بالضبط اللى اخذتوه فى اعدادي بس بتوسع 5. مجال العمل يكون فى المصانع و تشغيل الماكينات فى الورش الصناعية الكبيرة و احيانا فى مجال تاكيد الجودة. - كهرباء: جسر السويس وشرق القاهرة كلها.... 2.مهندس الكهرباء بيستلم من مهندس اميكانيكا و من المجالات اللى مجال شغلها واسع جدا زي ميكانيكا 3.و مواضيع دراستها تتلخص فى كل ما يخص الكهرباء و قليل من الالكترونيات.... يعنى لو مش فاهم كهربية اعدادى او حاسس انها تقيلة على قلبك.... اياك تدخل قسم كهرباء يااما للاسف ممكن ماتطلعش منه..!!! 4.حيكون نطاق عملك فى كل حاجة و اي شركة هندسية حتكون فيها مهندس كهرباء 5. انا عمرى ما كرهت فى حياتى قد مادة الكهرباء - طبية: 2. اولا لازم تعرف انه فى سنة من السنين التنسيق بتاع هندسة طبية وصل لـ 72%......!!!! وانا مش عارف ازاى اصلا تجيب نسبة زي دى..!!! 3.طبية هى عبارة عن خليط من مواد قسم ميكانيكا على كهرباء.... وقسم طبعا مش سهل...بس طبعا كلامى دة ميفرقش كتيير مع اللى حيدخلوا... دة حيكون من المتفوقين.....يعنى ياكل الزلط 4. طبعا مفيش غير حلوان و القاهرة اللى فيهم طبية يعنى اقل من 100 مهندس طبية كل سنة بيتخرج و دى طبعا ميزة 5.طبعا مفيش كلام على القسم.... بس واللى تجيلوا و مايدخلش يبقى عبيط.... بس ورينى يا حدق انت و هية حتجيبوا مجموعها ازاى - كمياء: 1. اولا القسم دة موجود فى القاهرة و فى هندسة العاشر.... 2. قسم انا شايف انة مالوش مستقبل لانك لا حصلت مهندس بترول و ولا جبت علوم قسم كمياء.... يعنى ممكن تدرس كمياء فى مدرسة خاصة لما تتخرج. 3.مواد دراسته تتلخص فى كتاب الكمياء اللى تخذته فى اعداداى حتلاقية بقدرة قادر بقى مواد و كورسات و كتب و اتمط و اتوسع و بدل ما حتخده فى ترم حتدره فى اربع سنين ... - ميكالكترونيك: 1.اعتقد ان مفيش كلة حكومية فيها القسم دة... و افتكر انة موجود فى هندسة العاشر... 2. قسم جميل يجمع بين ميكانيكا و الكترونيات فى دراسته 3. مجال عملة محدود فى مصر يعنى من الاخر فى الغالب حتطلع تشتغل فى ميكانيكا او الكترونيات مش الاتنين مع بعض زي ما هوة مفروض 4. اما لوكنت حابب الموضوع وابدعت فية مش عايز اقولك انك حتبقى اية... 5. حط فى دماغك هل اهلك يقدروا يدفعولك 11 ولا12 الف جنية سنويا علشان سيادتك تدخل القسم دة فى كلية خاصة..؟؟ ولا ويا سلام بقى لو سقطت سنة.... - نووية: 1. القسم دة موجود فى هندسة الاسكندرية فقط.... 2.طبعا قسم حكاية و رواية وشوف بقى المجال النووى والذرى فى العالم وصل لغاية فين فى جميع المجالات 3.لما تتخرج من القسم دة حتلاقى مستقبل مشرق فى المكان الوحيد اللى بيشغل بتوع الذرات فى مصر - مع الاعتذار لجورج سيدهم - الا و هو المركز القومى للطاقة النووية و طبعا مرتب رهيب حوالى173 جنيها و لما تتجوز حيراعوا دة وحيزودوك حوال 6 جنية . 4. اما لوحتسافر برة بالتحديد امريكا انسى بقى مصر لانهم مش حيخلوك تشفها تانى بس روح بقى هناك و تبقى عالم كبير و مش بعيد تعمل قنبلة نووية.... بس لما تقف على ديلك مش حترجع مصر تانى 5. مجال دراستها ينحصر فى الفيزياء الكلاسيكية -اللى زى اللى درستها فى اولى ثانوي- و الفيزياء الحديثة طبعا الكلام دة كان موجود هنا فى المنتدى بس انا قولت اجيبه يمكن حد مش يكون شافه :d اعذرونى بردو انا عايزة بس اشارك بأقل حاجة :) تقبل مرورى |
ياااااااااااااااااااااااااااه يا ضي
فينك يا بنتي مشاركتين ممتازتين علموني الصبر هههههههههه منتظر ابداعك ونورتي الموضوع وأكيد دا موضوعك اتقبلي انتي مروري |
يا جماعه عايزة اسالكوا فى حاجه هى عمارة بجد حلوة ولا ايه
اصل انا عايزة ادخل عمارة بس بشوفهم فى التليفزيون عمالين يرسموا ويمسحوا ويعملوا فى عنيهم ودماغهم يوجعهم من كتر التركيز فى الرسم وحاجات كده تخوف وانا بصراحه بدوخ من اقل حاجه ومش بحب اقعد مركزة كده كتير حد يفيدنى ارجوكم |
اقتباس:
ياباش مهندسه في معادلة ظريفة بتقول نجاح في عمارة = بعرف أرسم والنتيجة مش هبقى متفوق لأن كده كه هتعرفي ترسمي حتى لو مش بتعرفي هتتعلمي كمان لكن موهبة رسم وتخيل = تميز في عماره وهتتلاقي على طول مكاتب المهندسين بتتخانق عليكي وعمارة ده قسم البنات :bosyht9: زي مانتي عارفه لكن مش أي بنات بنات بتعرف ترسم !! وبرده حكاية الشغل دي بتاعت ربنا لكن هو قسم بجد سهل أوي وممكن ده أسهل أقسام هندسة على قد معلوماتي المتواضعة اما بئه حكاية قلة التركيز دي فترجع لعوامل صحية في الأول :d هنقلب طب بئه ههههههه ومحدش يضحك اعملي تحليل دم وشوفي نسبة الهيموجلوبين في الدم و كمان التحيلان المعتادان ان شاء الله تشوفي كل خير لكن هتاخدي أقراص سيراجران لو في لاقدر الله نسبة أنيميا ومش شرط أكون رفيع عشان يبقى عندي أنيميا اشربي لبن على قد متقدري أو مشتقاته لو مش بتحبيه ولو بتحبيه يبقى اللبن ومشتقاته كل يوم كوب حلبة في ال3 وجبات وبلاش شاي أو منبهات (كابتشينو:bosyht9:) و في اليوم على الأقل 3 معالق عسل نحل (نضيف مش من عند الحج محمد اللي ف أخر الشارع):d ولما تغسلي شعرك دلكية كويس وانتي في وضع يكون الدم متركز في الدماغ (وضع الركوع في الصلاة ) العبي شوية رياضة برده وهتتلاقي باذن الله الدوخة دي راحت ونسبة التركيز زادت في الأول وف الأخر ده مستقبلك يا باش مهندسة خلي بالك أنا جيت هندسة غلط ههههههه بالتوفيق ،،،،،،، وأسف للإطالة |
اقتباس:
|
اقتباس:
وسيبيها علي الله وإن شاء الله ربنا هيوفقك في عمارة يا باشمهندسة |
اقتباس:
خير الكلام ما قل ودل ربنا يكرمك كلام ممتاز يا أحمد اقتباس:
أرزاق يا حج أحمد ههههههههه |
اقتباس:
|
اقتباس:
أمــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــين يارب والحمد لله حقاً ربنا يبارك فيك يا باش مهندس أحمد وباذن الله أعلى التقديرات :d |
اقتباس:
:) اقتباس:
انا شوفت نتيجة الهيموجلوبين ..لكن دى بتقيس الانيميا ... لكن هل فى علاقة بين الانيميا والتركيز...؟ اقتباس:
اكيد ...كله خير .. اقتباس:
بجد معلومات ممتازة .... هتفيدنا صحيا ... |
اقتباس:
هنقلبها طب باين ;) بصي يا باش مهندسه صلي ع النبي صلى الله عليه وسلم نبذه مختصرة جداً جداً جداً جداً الأنيميا هي انخفاض في نسبة الهيوجلوبين في الدم (فقر دم ) وبالتالي تكسير عدد كبير من كرات الدم الحمراء التي توجد بالبلازما طيب ازاي الربط ببين الأنيميا والتركيز شغل المخ (الجهاز المسئول عن التركيز) والأوتار العصبيه (nerves والحبل الشوكي ) هو اشارات كهربية بسيطه من المخ الى جميع أجزاء الجسم حتى يقوم بوظائفه اللي عارفينها مثل التحريك والreaction وغير ذلك ومنها التركيز الانيميا بئه بتقلل زي ما قولنا نسبة الكرات الحمراء في الدم يعني مفيش دم هيقدر يوصل للمخ لأن الجزء الأكثر بيستغله القلب (نرى انسان مريض عقلياً وقلبه سليم) اذن نقص الدم يضعف التركيز لأن نقصه يقلل من وظيفة الجهاز العصبي ومع الأيام يصعب العودة الى فورمة التركيز (متبقاش ف الفورمة) ومش بس نقص الدم:o في عادات سلبيه تنقص من القدره على التركيز كشرب المنبهات ( هي بمثابه سحب تركيز أكتر من المستقبل يستمر لمده معينه قد تطول أو تكثر ـ ساعة أو أقل ـ) الجلوس امام الmulti media الtv والنت وكل حاجه فيها فيديوهات متحركه .. لأن حضرتك مش بتشغل مخك انت بس بتضحك أو بتخاف لو فيلم رعب أو أي رد فعل غير مادي كذلك الروائح الكريهة تفقد التركيز والريح الطيب يقوي العقل (كلام الإمام علي رضي الله عنه وكرم الله وجهه) نصيحة مني شخصياً : لو عندك كتاب مسائل حل كل يوم مسأله ومتحلهاش وأنت صاحي من النوم و احفظ كل يوم 5 أيات من كتاب الله وداوم على الحفظ يقو عقلك كده جمعت بين التفكير والحفظ والقدرة اللغوية لأن خير الكلام كلام الله للمرة الثانية أسف للإطالة بس انتوا اللي جنيتوا على نفسكم :d |
| جميع الأوقات بتوقيت GMT +2. الساعة الآن 01:04 AM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.