جروب المعينين بادارة شرق الاسكندرية
 

وانا معاكى

طب وبعدين؟؟؟؟؟

وبعدين نتبادل المعلومات لكل جديد ويكفى ان نصبح اصدقاء

اللى عندة معلومات جديدة يدخل ويقول

معاكي وشاكة ان حضرتك اخصائية صحافة يا صفاء صح والا تخصصك ايه

لا يا استاذة شهد انا اخصائية مكتبات

على فكرة انا رحت الادارة النهاردة وهما شاغلين فى تخصص رياض اطفال ومعلم فصل والمكتبات 30-10

ياريت والله لحسن الاداره ده نهبا نا مش سرقانا

طب واخصائيين الصحافة امتى؟؟؟؟؟؟

معنديش اى معلومات واللة ياشهد عن تخصصك

انا كمان ادراه شرق بس انا كنت عايزه اعرف الطلبات اللي الاداره طلباها عشان التثبيت حد عارفها وشكرا

أنا كنت في الادارة النهاردة صحافة 25/10 يدينا ويديكم طولة العمر !!!!!!!!!!! والآن شغالين في اللغة العربية والانجليزي 18/9 الكلام دا كله في شرق وكمان طلعت لمدام سميرة في الحسابات لأسأل على الحافز قالت لي أول ماتمضي علي التعيين وتأخدي الجواب ابعتيلي مع السكرتيرة المالية ولأنا أصرف لك ال 75% بس لازم تكوني اتعينتي فعلا مع ان المنتزة صرفت من حوالي أسبوع ومن غير مايكونوا اتعينوا بس صرفوا كمان 425 مش فاهمة ايه بالضبط اللي بيحصل!!!!!!ّ!!!!!!!

عفوا حدث خطأ من ال keyboard ادارة المنتزة صرفوا 42% كحافز مش 75%

المكتبات اخر حاجة 30-10 ومعنديش اى معلومات عن الحافز دة وبعدين ادارة المنتزة احسن مننا فى كل حاجة هما بياخدوا السبت اجازة واحنا لا

بالنسبة للاخت ماهيو تقريبا الاسم كدة يعنى الطلبات هى الفيش وجواب عمل واقرار الذمة المالية المؤهل اى سى دى ال 4صور شخصية 4ملف كرتون ظرف اصفر كبير التامين الصحى شهادة الميلاد الكميوتر اخلاء طرف من المدرسة بس دة فى الاخر

هو ليه حضرتك مش بتاخدي اجازة السبت مش شرق كلها بتاخدهادي المنتزة اللي كانت مش بتاخد بس على فكرة السنة دي الناس كلها حتاخد السبت اجازة حتى الفترتين دا اللي سمعته من اكتر من مصدر

لا يا شهد السبت الجاى وعلى طول بقى هيبقى دراسة وشغل لكن فى المنتزة جتلهم نشرة وهايخدوها على طول اجازة واحنا لا

الاستاذة فرح معرفش حاجة عن الدمغات دى خالص

السلام عليكم انا كنت اسة امبارح هناك وبقيت كل التخصصات مفتوحه فى وقت واحد
وبخصوص الدمغات هتلاقيها مع العمال هناك ب3ج
وشكرا

فعلا التخصصات كلها على بعضها انا مكتبات وقدمت خلاص بس ايه زحمه مووووت