هل جزاء الإحسان للفلسطينين الإساءه للمصريين !!!!!!!!!
 

ليه دايما العرب مش بيحبوا المصريين مع ان المصريين يا ما ضحوا علشان العرب

اللى حصل منهم من رفعهم للعلم الفلسطينى على أرض سيناء

تفسره بايه
يا ريت اشوف ردودكم على الموضوع ده

كنتي ماتجمعيش العرب كلهم استاذه رانيا
وأد الناس اللي بيكرهوا المصريين في ناس بيحبوهم
تقبلي مروري وشكرا
تلميذك الطالب / عبدالله القديمي

اسفه مقصدتش كل العرب

عموما متشكرة على اهتمامك وردك

و الله انا من رايى ان الحركة دى معمولة عشان المصريين يكرهو الفلسطينيين و تحصل خلافات بينهم و بالتالى تخسر فلسطين مساند ليها و يسئ الراى العام العالمى لمصر عشان اللى هتعمله للفلسطينيين اللى دخلو ده لو هما بجد كده فهيبقى سهل ع اسرائيل ضرب الاتنين

هيا قصدقها تقريبا الناس اللى مسكوهم فى مصر كان معاهم متفجرات واسلحه ووعلى فكره دول ممكن ميكونش فلسطنين

وشكراااااااااااا على الموضوع يا استاذه رانيا

مصر هى امى نيلها هو ..

انا بامانه مفيش حد بيشكر فى مصر الا انا وشوية ناس كدا هه

وكلامك تمام يااسلام

على فكرة يا اخ guide أنا مش مكبره الموضوع بس هيا دى الحقيقه
طب هسالك سؤال لو احنا اللى مكان الفلسطينينن يا ترى هل هيعملوا معانا زى ما احنا عملنا معاهم
وعلى فكرة احنا برده عمرنا مهنكرهم مهما عملوا لاننا فى الاول والاخر بنعامل الله عز وجل وبنراعى ضميرنا
عموما متشكرة على ردودكم ومروركم

يا ريت اعرف راى باقى الاعضاء فى هذا الموضوع

مفيش حد عاوز يشارك برايه

انا اشارك
شوفى يا سيتى
العرب كلهم كلهم بيكرهوا المصريين وما فيش دولة عربية بتحب مصر لان مصر زى ما انتم عارفين هى زعيمة المنطقة وهم مش عاوزين زعامات

متشكرة اخ بحترى على مرورك الجميل

للاسف هيا دى الحقيقه

الدول دى بتحقد على مصر عشان الناس فيهم اذكى منهم وخاصة الخليج شوفى يا استاذه لما مصرى يروح هناك بيحتكروه لانهم عارفين انه هيتفوق عليهم دا الانجليزى الى هما عارفينه كله مايجيش نص حصيلة واحد مصر (بس لو المصريين شغلوا دماغهم)

لا طبعا انا معلش اعارض الاستاذ هاشم الظلاط والعضو xmtmx2009
اصلا العرب كلهم بيحبوا مصر جدااااااا ومفيش دولة عربية على وجهه الكون مبتحبش مصر
حتى لو دخلتوا مواقع فيها من دول الخليج هتحسوا باللى انا بقوله والله دول الخليج بتجب مصر جدااا وانا ليا ناس من على موقع مشتركة معاه من السعودية او الكويت او الامارات كلهم بينزلوا يصيفوا فى مصر
بصراحة ده رايى

يا جماعه انا اعتقد ان قصدها لما مات من الجنود اللى على الحدود اكترمن 10 واتصاب اكتر من خمسين لما حاولوا ينظموا الموضوع

واحنا على فكره عندها حق اسرائيل تعمل فينا اكتر من كده لاننا وبصحيح العباره اغبياء لان اسرائيل بحركه واحده قدرت تخلينا نموت بعضنا وترتاح هى من القتل وبرضه خلت الفليسطينين يموتوا بعضهم من حماس لفتح للحكومه كله بيضرب بعضه وهى ترجع وتقول ان هى بتفض الاشتباك ...مبروك...... يا فلسطين انتى اديتى الفرصه لاسرائيل تلعب بيكم ذى الشطرنج بحركه واحده كش ملك (مات الملك) وحركه تانيه يحصل مشاكا بين مصر وفلسطين وعقبال التانيه والتالته والرابعه ........طول ماحنا كده بنبص لبعض اننا اعداء وننسى العدو الرئيسى ..وهو نفسنا ثم اسرائيل

شكرا

بصراحة انا شايفة معظم العرب بيحبوا مصر
لكن فى نقطة مهمة جدا

بعض العرب مش بيحبوا مصر لسبب لو نفتكره ونرجع التاريخ لورا شوية
لو نفتكر معاهدة كامب ديفيد بين السادات ورئيس الوزراء الاسرائيلى مناحم بيجن ورئيس الولايات المتحدة جيمس كارتر حتلاقوا من ضمن نصوص المعاهدة "الاعتراف بالحقوق المشروعة لعرب فلسطين من خلال اشتراك زعماء الاردن وممثلى فلسطين على ان يسبق ذلك الانسحاب الكامل للعسكرين الاسرائيلين ووجود الحكم الذاتى الكامل"
لكن للاسف مع معاهدة السلام واعتراف السادات بدولة اسرائيل ادى ذلك الى اعتقاد العرب بان مصر قد تخلت عن القضية الفلسطينية وخصوصا ان الرئيس الراحل ياسر عرفات رفض خضور المؤتمر لكون اعتراف السادات بارض بفلسطين
ومصر كانت على خلاف مع سوريا
وزى ما قالت دودى ان اسرائيل نجحت فى وقوع العرب بينهم وبين بعضيهم
مشكورة اختى على موضوعك وربنا يهدى العرب وقادر يجمع الامة العربية كلها ويوحد شملهم

يا اختى الكريمة اولا بعد المعاهدة حصل مقاطعة وقطيعة بين العرب ومصر وطردت الدول العربية جميع الرعايا المصريين واسفراء عد سلطنة عمان فقط هى الدول الوحيدة التى لم تطر الرعايا المصريين وياريت اللى يحب ان العرب يتحدو ا يدخل معانا فى ارابطة وشكرا