|
اللى ميعرفش يقول عدس !!!!!!!!
طبعا فيه ناس عماله تتكلم فى موضوع الفلسطينين وبتنقد ما فعله الجنود المصريين
طب مسالوش نفسهم الجنود دول عملوا كدا ليه كانوا يستكتوا وهما شايفين الهمجيه بعينهم كانوا يسكتوا لما يلاقوا علم بيترفع على ارض بلادهم غير علمهم فعلا صدق من قال اللى ميعرفش يقول عدس |
اقتباس:
اقتباس:
عدس :D ما علينا سوال لحضرتك شوفتى حضرتك العالم وهو بيترفع ؟ يعنى خضرتك شوفتى المووضع ده على شاشة قناة ولا سمعتيه من حد ولا ايه بالظبط |
بص يا اخ جايد فيه حديث للرسول صللى الله عليه وسلم فى ما معناه
كفى بالمرء اثما ان يحدث بكل ما سمع وانا عمرى ما اقول حاجه الا اذا كنت متاكده منها عموما شكرا لمرورك على اى حال |
اشكرك على مو ضوعك الجميل
واللي ميعرفش يقووووووووول عدس ههههههههههه تقبلي مروري استاذه رانيا |
وبالمناسبة حضرتك
وذنب اللى بيموته هناك دول ايه الاطفال والشباب والشيوخ والنساء ذنبهم ايه الناس اللى ماتت على الحدود بسبب الحصار ذنبهم ايه الحجاج اللى فضله اكتر من شهرين ممنوعين من الدخول وماتوا من البرد ذنبهم ايه المواطن الفلسطينى اللى قتل امبارح على الحدود برصاص جنودنا الابطال ذنبه ايه لا فعلا اخوات واولاد عم صحيح |
اسمع يا اخ انت محسسنى اننا مجرمين حرب
والله المصريين اغلب من الغلب ودايما بيضحوا وبعدين انا مع كل هذا متعاطفه معاهم بس انا من حقى انقدهم واقول رايى وعموما الاختلاف فى الراى لا يفسد للود قضيه شكرا على مرورك |
شكرا على مرورك أخ عبد الله
|
ماشى يا اسلام
هما دخلو عنوه او لا بس دخلو رفح و الحمد لله ليه يحطو علم فلسطين يعنى اكنهم بيقولو رفح بتاعتنا يعنى اما حد يدخل بيتى و يقولى البيت ده بتاعى و يمسح اسمى من على باب البيت و يكتب اسمه ازاى ده بقى |
الله ينور عليك يا إيمو الحمد لله ان الصورة اتضحت
شكرا على مرورك ومع ذلك والله انا متعاطفه معاهم بس معلش كل شىء وله حدود |
اقتباس:
اقتباس:
لا ابدا بس مش عارف انا شايف من حضرتك تحييز واضح لفريق ضد فريق وانا عارف ان المواطن المصرى اغلب من الغلب اللى عايز اوصله لحضرتك ان بصى للموضوع من زاوية وحده ايه اللى يخالى الناس دى تعمل كده يضحه بحياتهم علشان يعده الحدود |
همه غلطوا بس في رفع العلم
|
اقتباس:
اقتباس:
معاك حق والله وعلشان كده انا رايح بكرة غانا وهاخد العلم المصرى معايا مهو اى حد شال علم فى بلد غريبة يبئا احتلال رسمى :D طيب ما انا ساعات بلبس الكوفيه الفلسطينية معنى كده ان معايا الجنسية ولا انا فلسطينى ثم ما المخيمات الفلسطينية اللى فى كل لبنان والاردن وسوريا الاعلام الفلسطينية فى كل مكان فيها محدش فى الدول دى اتكلم ليه العلم ده رمز للانتماء مش معنى انى ازرع علم فى ارض زى ما بتقول ان خلاص دى بقت ارضى طيب ما عندنا امريكا او ما طلعت القمر حطيت العلم الامريكى عليه منعت اى دولة تانية من اكتشافه ولا الهبوط عليه مش عارف انتوا بحد مدين الموضوع اكبر من حقه |
اقتباس:
دلوفتى هما دخلو رفح ارض مصريه يبقى تحت رعايه حكومه مصريه يبقى مينفعش يحطو علم فلسطين على ارض غير فلسطينيه و بعدين جرب كده و روح خد علم مصر و حطه على ارض غانا:D لو رجعت انت و البعثه المصريه كلها من غير ما حد يكلمكو ابقى قولى:D و بعدين تفرق انى البس كوفيه فلسطينيه او انا فلسطينى عايش على ارض مصريه و حاطط مثلا علم فلسطين على سططح بيتى او مخيمات تفرق برده ان هما داخلين جماعات من على الحدود و يحطو علم فلسطين على اول ارض مصريه تقابلهم يارب تكونى فكرتى وصلت |
نسيت اشكر حضرتك يا استاذه رانيا على الموضوع:)
|
اقتباس:
وزى ما انتا قولت مش اى حد يحط العلم بتاعه فى اى مكان خلاص المكان ده بئا بتاعه بوضع اليد الامور مش بتمشى كده |
اقتباس:
يعنى انا قبل موضوع العلم ده كنت شايف ان المفروض مصر تفتح الحدود ده كمان شايف انه واجب عليهم كده و لحد دلوقتى بقول كده بس هوا الموضوع تم بشكل عفوى زى منتا قلت و يمكن اللى دفعهم لكده انهم دخلو الحدود بعد عذاب |
متشكرة على ردك يا ايمن بصراحه ردك عجبنى جدا لان حسيت انك فهمت قصدى
وكل الشكر للاخ اسلام و الاخ عبد الله على المشاركه اتمنى اعرف راى باقى الاعضاء فى المنتدى وشكرا لكم |
واتمنى محدش يزعل من كلامى
انا اللى اثر فيا رد فعلهم ورفع العلم بجد زعلانه اوى |
انا معاكى انسه رانيا بس عاوز اسال حضرتك سوال
ليه الفلسطنين عملوا كده بصى انا مع الحكومه المصريه والجيش واللى عملو فيهم بس دول شعب عاوز ياكل عاوز شرب هيعملوا ايه حطى نفسك مكانهم وشكرا على الموضوع الدكتور تامر المصرى |
بسم الله الرحمن الرحيم
السلام عليكم ورحمة الله وبركاته استاذه رانيا المحترمه انتي استاذه فاهمه وواعيه لا تجعلي دعاية رفع العلم كل همك يعني همه لمن رفعوا العلم يعني احتلوا مصر حاجه بالعقل يمكن اللي رفعوا العلم هؤلا ء ناس قذرين لا يستحقون الا يواء ولكن البقيه ذنبهم ايه ايه ذنب الا طفال اللذين يتشردون ايه ذنب الشيوخ المسنين اللذين لا يجدون لقمة العيش بصراحه انا اقلك لا تشيليش هم العلم وشيلي هم المساكين احسن فهؤلاء لا يستطيعون احتلال مصر بهذي السهوله تقبلي مروري / البرفسور http://tbn0.google.com/images?q=tbn:...file_57fb1.jpg http://tbn0.google.com/images?q=tbn:...img/242178.jpg http://tbn0.google.com/images?q=tbn:...ldren-dead.jpg http://tbn0.google.com/images?q=tbn:...pload/6408.jpg |
شكرا يا استاذ رانيا
بس يا جدعان الضباط اللي اتضربوا في الحدود دول ذنبهم ايه برضه ..هما مش دول اخوتنا واصحبنا وحبايبنا ولا دول ناس مستوردن!!!!! اللي حصل كان مهزله ...صحيح هما بيتبهدلوا كتيير في بلدهم لكن لو هيعدوا الحدود الموضوع ميبقاش كده لا وكمان يرفعوا علم تاني غير علم مصر (( معلش يا جدعاان اصل الحته اللي هناك دي حساس اوي موضوع الاعلام ده)) انا الفلسطنيين بيصعبو عليا اوي لكن مش دي الطريقه المناسبه لمساعدتهم وده امن حدود دوله يعني مش لعبه اللي عاوز يعدي يعدي!!! ولا ايه رأيكو انتو ......... |
وربنا محد فاهم حاجة
|
من لهذا العجوز المسكين غير المصريين
http://www.iraq-amsi.org/ali2/020/images/Picture2.jpg هل يجوز تركهم يموتوا لا يهمنا رفع العلم من ناس قذرين ولكن تجد بينهم ناس طيبين تحلوا بخلق نبينا الكريم http://www.iraq-amsi.org/ali2/03/images/3.jpg تقبلي مروري / البرفسور |
يا جماعه الموضوع مش كده
انا بس مش عارفه ليه في ناس كتيرر مش هاممها الضباط اللي اتصابو هما دول مش مننا ولا ايه والفلسطنيين على رأسنا من فوق ======================================== وربنا محد فاهم حاجة ........ ماشي انا مش هرد هنا تاني عشان مبفهمش في الكلام ده ... والله احسن برضه |
اقتباس:
الله ما فى برضه فلسطينى مات وفيه 14 جريح فى المواجهات نفسها |
مش حضرتك بتقول محدش فاهم حاجه
معلش بقى اصلي مش فاهمه تقول ايه |
يا اسلام انت فاهم وجهه نظرى
وانا فاهم وجهه نظرك و مقلتش ان انت غلط دول معذورين ماشى انا معاك بس غلطو فى الطريقه و الاسلوب و بالنسبه للبروفيسور انت معاك حق طبعا وانا اما كنت بتكلم كان قصدى على الناس اللى رفعو العلم فى فلسطينيين داخلين عادى ياكلو و يشربو و كل اللى طالبينه الامان و فى غيرهم بقى هما دول اللى انا قصدى عليهم يعنى فى خبر انا سمعته بس صراحه انا مش متأكد اذا كان صح ولا غلط ان مسكو فلسطينيين مسلحين فى بنى سويف بعد عبورهم من المعبر بيومين عارف بنى سويف يعنى ايه؟:d يعنى ييجى 700 كيلو عن رفح يعنى يومين كمان و كانو وصلو اسوان:d هوا ده اللى انا قصدى عليه و يا اسلام عيب اما تقول محدش فاهم حاجه انا متأكد انك فى السياسه معلوماتك اكتر منى بس لو فى حاجه عايز تقولها تفهمنى و تفهم الموجودين توضح وجهه نظرك مش تقول و الله محدش فاهم حاجه ليه يعنى الناس معندهاش مخ ولا ايه |
اقتباس:
يا ايمن انا اللى اقصده ان الكل بص للموضوع من وجهة نظر وحده زى المثل ما بيقول سبنا القاتل ومسكنا فى القتيل او سبنا الحمار ومسكنا فى البردعه كل ده علشان فلسطينى رفع علم فلسطين فى مصر اعدوه اشنقوه واقيموا عليه الحد ياسيدى انزله شارع جامعة الدول العربية وشوفه كمية الاعلام اللى هناك ولا لف فى مصر ما انتا عندك 14 معبد يهودى فى مصر نجمة داود برزه فيهم بروز الشمس محدش اتكلم وى اعترض ليه الفلسطينى رفع العالم على ارض مصر وفى الاخر نقول احنا عرب اشقاء افتحوا الحدود الوحده العربية القومية الجيش العربى البرلمان العربى شعب عربى واحد ولما واحد رفع العلم كل ده سقط والشعارات اختفت اعدموه اشنقوه ولتسقط شعارات القومية العربية |
الله عليك يامرشد بجد انت ردودك كلها فى الجون بصراحه انا معجب بطريقه كلامك وطريقه عرض موضيعك
|
شكرا ليكم يا جماعه على مروركم الكريم وكلامكم بس يا جماعه والله انا متعاطفه معاهم
كل ما فى الامر انى زعلانه من رد فعلهم شكرا لكم مرة اخرى شكرا دكتور تامر شكرا بروفسور شكرا اخت نانيس شكرا اخ اسلام وارجو متكنش زعلان شكرا اخ ايمن |
اقتباس:
اقتباس:
لا طبعا ازعل ازاى ده نقاش وكل واحد فينا بيحاول يثبت وجهة نظره |
هما دول المصريين طيبين وحنينين
كل الردود اللى موجوده دى عجبتنى حتى مع اختلافى معاها فى بعض الامور
لكن اللى فرحنى فعلا انى اتاكدت اكتر واكتر ان المصريين طيبين وحنينين وفدائيين وفعلا صدق الزعيم مصطفى كامل لما قال لو لم أكن مصريا ******** لوددت أن أكون مصريا الحمد لله على نعمه الاسلام وعلى الجنسيه المصريه جزاكم الله خيرا شكرا نانيس شكرا د/ تامر شكرا أيمن شكرا اسلام شكرا لكل من رد على الموضوع |
اقتباس:
جزاكي الله كل خير |
| جميع الأوقات بتوقيت GMT +2. الساعة الآن 07:33 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.