|
أسف جدا ( خبر غير سار ) يا ريت الكل يحاول يتاكد
إخوانى المعلمين المساعدين وصل إلىّ خبر غير سار نهائي الحكومة تريد إعادة مرتب المعلمين المساعدين اللى كانوا شغالين بالعقد الشامل إلى 120 جنيه كما كانوا قبل ذلك وذلك كرد فعل على المعلمين فى محاولة منها للضغط عليهم والخبر تقريبا صحيح بالله عليكم حاولوا البحث معى عن صدق هذا الخبر لأن الخبر جاء من مصدر يعمل بالحكومة والله العظيم انا بأكرر أسفى بس هذا ما علمته فقلت من واجبكم عليّ أبلغكم لتكونوا على وعى وحذر |
اى كلام فاضى معقول
|
يا اخى الفاضل
يا ريت يكون الكلام فيه نوع من الاهتمام بجد انا قلقان على اخوانى من المعلمين الغلابة احنا كده كده اتعينا والحمد لله انا عامل على باقى الناس اللى عايزين ينزعوا عنهم حقوقهم فهمت فصدى شكرا لمرور سيادتك |
رحم الله علماء الجرح والتعديل. ما حكيته يفتقر لأدنى التوثيق العلمي. أين مصدر الخبر؟! ستقول لي: واحد من الحكومة! أقول لك: هذا الشخص نحكم عليه بأنه مجهول. وخبر المجهول لا يُحتج به. |
اقسم بالله العظيم باتمنى يطلع الخبر كذب
انا هل أكره ذلك لكن ينبغى الحذر لا كلامى غلط وانا فاهم حضرتك ماذا تقصد لكن لما شخص فى الشرطة يخبرنى بذلك حسيت بقلق كبير جدا لأنى بيسألنى اخبار عقدك ايه قلت الحمد لله اتعينت خلاص فذكر الكلام اللى قلته يا اخى والله العظيم من باب قلقى على المعلمين مش من باب بث اليأس |
ايه مصدر الخبر ياريت اي خبر يكون معاه مصدر الخبر او سنعتبر كل ده اشاعات
|
يا رب يطلع اشاعة
انا هكره انا باين غلطان انى نزلت الخبر ده يا جماعة انا عامل علشانكم انا باقول حضرتك انا مش متضرر من كده انا اتعين وخلاص الحمد لله كلامى اقسم بربي علشانكم انتو انا هدفى مش اسبب ضيق ولا حاجة انا هدفى الناس تكون واخدة بالها يا اخوانى افهموا قصدى بالله عليكم انا زيكم اتمنى يكون كدب بس خبر وصلنى اقوله ولا بلاش احذر منه ولا بلاش ؟؟؟؟؟؟؟؟؟؟؟؟؟؟ |
لا الخبرغير صحيح طبعا
|
والله العظيم اتمنى ذلك
|
يا عم صحيح ولا ما هي كده كده بايظة يبقي احنا كنا بنعرف نقبض علشان نزعل اعقلها يوم السبت وتوكل """"" يا رب """""
|
انا حاسه انه صح وكمان متهيألى ممكن يلغوا العقود الجديدة بحجة انها مش واخده موافقة من التنيم والادارة ويعملوا مسابقة وياخدوا فيها الل جيد جدا ولو يكونوا دفعة 2011 واحنا نتركن عل الف دا الل باين من تصريحات صفوت النحاس منه لله
|
اقتباس:
|
شوف ياابو بسملة
تصحيح للمعلومة المحافظة عندى نزلت عقد للى كانو شغالين بالحصة ومن ضمنهم اختى المهم احد البنود بيقول ان المرتب هايكون 120 للمؤهل العالى و110 للمتوسط وانا رحت مع اختى تقدم وقريته بنفسى فعلا شئ محزن مشكور ابو بسملة عالخبر انا مارضيش انزله عشان الناس بتكذب الاخبار وبتطالب بالمصدر للاسف مش اشاعه دى حقيقة اى حد من محافظة سوهاج ممكن ياكد كلامى ياشباب |
فعلا الكلام دا صحيح فى محافظة سوهاج المرتب 120 جنيه للتعاقدات الجديدة التى سبق لها العمل
والله المستعان |
ده نص العقد المؤقت ياشباب
وياريت ماحدش يقولى ارفعيه على المنتدى لانى مش عايزة اكلف نفسي فى حاجة بتعصبنى اسمعو بنود العقد اولا : يبدأ سريان هذا العقد اعتبارا من 1\10\2011 ولمدة عام وقابل للتجديد باتفاق الطرفين لمدة اخرى فى حالة حاجة العمل ثانيا : يستحق الطرف الثانى مكافأة شهرية قدرها 120 جنية للمؤهل العالى و 110 جنية للمؤهل المتوسط وفوق المتوسط بالاضافة الى مكافأة الامتحانات طبقا للقواعد الواردة من الوزارة ويتم تعديل المكافأة الشهرية فى حالة ورود تعليمات من الوزارة او الجهاز المركزى للتنظيم والادارة دى اهم البنود وربنا يستر ياريت اللى سمع بالعقد ده يأكد كلامى عشان الناس اللى هنا تصدق |
دا كمان بيقولوا إنهم هيرجعوهم ثالثةكلية عشان لأن كان فيه #&^**(
وكمان ممكن يرجعوا ثانوى عشان الـ *)&^$%#$% وذلك كرد فعل على المعلمين فى محاولة منها للضغط عليهم والخبر تقريبا صحيح حاولوا البحث معى عن صدق هذا الخبر لأن فيه كده حاجات كده هه معايا هه معايا كفايه كده !!! |
متشكرين عالمشاركة يا استاذ اشرف فتحى
على فكرة توقيعك حلو اوى :022yb4: |
احنا نزلزلنا عقود قريبة من الشكل ده بمعني (1) الغقد يبدأ ببداية العام الدراسي وينتهي بنهايته (2) لك الاحقية في يومين اسبوعيا (3) عدد الحصص لا يزيد عن 24 حصة أسبوعياً وثمنها 3 جنيهات (4) يخضع التعاقد الي نظام تقييم الاداء بمعني ان التوجيه يقيم المتعاقد ويضع فيه التقرير بنهاية العام الدراسي بمعني انك عاوز تظبط الموجه بتعاك وتطيع الاوامر _ ولا أكره في الدنيا دي شئ كد حد يتأمر فيَّ ولو كانت اية مكانته _ علشان يشكر فيك. فمعظمنا رفض فاتعملت مظاهرة امام المحافظة فقالوا في الادارة ان العقود دي اتغيرت بالعقود القديمة اللي هي مميزة ولسه احنا في انتظار الكلام ده وتنفيذه.
|
الخبر ده صحيح فى المنيا اتثبتنا على درجه وحددولنا المرتب الاساسى 219 .60 +75% = 5011
بعد المدارس ما عملت المفردات دى رفضوها وقالو اعملو ع القديم 120 |
فى كفر الشيخ الناس اللى كامو شغالين
اتقدو على 160 جنية وبيمضو على اقرار انه ليس لهم حق التثبيت وان دل هذا على شىء يدل ان الذين يعملون الن واصبحو معلمين مساعدين لا يمكن باى حال الاستغناء عنهم |
(من انتم ) الكلام على مييين بالظبط القرار 75 ولا اللى اقل من 3 سنين
|
الكلام دة صح 100% لان انا لية اختي اخذت تعاقد 120 جنية في محافظة سوهاج
وهتستلم اول شهر 10 |
علشان كده
كنت باقول يا جماعة تفاعلوا معانا الموضوع مقلق وحسبنا الله ونعم الوكيل فى اللي يظلم زملاءنا مش كفاية بياخدوا ملاليم لسه كمان عايزين يدمروهم تانى ينتقم منهم ربنا |
الكلام صحيح عندنا فى المنيا فى ادارة سمالوط رجعوا العقود اللى اتحولت معلم مساعد عشان تقبض 120 بس بدل 420
|
الخبر للأسف صحيح 100%
للأسف يا سادة الخبر ده حقيقي مليون المية لأن عندنا في سوهاج استمارات المرتب تم تحريرها على 120 جنيه فقط
|
استاذ عبده الحلو
انا من سمالوط حضرتك منين بالظبط |
ياجماعه الوزير قل ف صباح الخير انه انتهى من تثبيت 120 الف كانوا بالحصه وكمان انهرده الحمد لله اخدنا 40 ف لميه فرق شهر 8 تيجوا انتوا تقولواكلام ...........ياسر ملوى
|
سيبك يا استاذ يا مربي يا معلم يااااااااااااااااااااااا
ما يقدروش يعملوا حاجة والرزق مكتوب |
انا اتوقع اى حاجه الايام دى لاحباط محاولات المعلمين لاخذ حقوقهم
120 يعملوا ايه؟ اذا كان ال 400 مش بيعملوا حاجه |
اشــــــــــــــــــــــــــــــــــــــــــــاعة
لترهــــــــــــــــــــــب المعلــــــــــــــــــــــــــــــــــمين |
لا طبعا مستحيل يكون صح دا واضح جدا
|
اقتباس:
شكرا على التوضيح يا استاذة لوجين |
اقتباس:
|
فعلا كلام حضرتك مظبوط وحصل عندنا فى المنيا مع اصحابى العقود الشامله للاسف بعد ماتثبتوه وقاللهم هاتخدوه 400.8 رجعوه فى كلامهم وهايخدوه 120 فقط وانا كنت عارفه الموضوع دى بس ماحبتش اقوله عشان زمايلنا مايجلهومش احباط
|
قمة السفالة
تسريب هذه الاخبار المقصود بها النزول الى الشارع .. يعتبروننا قطيع .. لامخ لدينا ، لاتنجرفوا الى الفخ المقصود منه تدمير البلد .. ومن لا يصدقنى يدخل صفحة العميل عمر عفيفى ... انتبهوا ايها السادة
|
ياريت يكون الكلام ده غير صحيح
احنا ياجماعة مش بنلحق نفرح طيب قلنا 120 للعقود المؤقتة ماشى ونستحمل على مايجى المميز والأمور تتعدل بالمرتب الجديد وبعدها امتحان الكادر ثم التعيين الواحد مش عارف يقول إيه والله البلد كده هتولع والحكاية مش ناقصة
|
اشاعة باذن الله
|
اقتباس:
اقتباس:
ده اللى حصل عندنا فى سوهاج ماعرفش باقى المحافظات حصل معاها ايه اقتباس:
اقتباس:
العفو يا استاذ احمد ويارب القرار يتغير ده كده يبقو بيرجعو شغل الحصة تانى بس بطريقة سخيفة شويه |
الكلام حقيقى ف المنيا رفضوا الاستمارات الجديدة و قالوا اعملوا ع القديم 120 ج
|
لماذا المعلمون سيقفون أمام مجلس الوزراء 10/9/2011
http://www.youtube.com/watch?v=koPNk...eature=related |
يا رب ما يكون صحيح هذا الخبر
|
يا أولاد ال................ب ..المفروض ان الثورة بتمحى القديم لكن الحكومة زى ما هى لاجديد شالوا نظبف حطوا شرف ...احنا محتاجين طوفان وبركان وزلزال علشان يحصل تغيير حقيقى نحس بيه عل أرض الواقع ... والله أنا لو قائد الثورة كنت علقت المشانق لجميع الوزراء فى الميادين ،وبالدور والنظام ..... كله هيتعلق ... لنا فى الله أمل كبير ان ينصف شعب مصر المظلوم المقهور
|
ربنا يسترها علينا ..............
|
الله ياجماعه ليا زمايلى فالغربية مكافأه شامله قالوا لى نازل لهم عقود مميزه وصافى المرتب هيكون 376 جنيه ودا من اول شهر 10 فهل فعلا رجعوا فى رأيهم
|
اقتباس:
ولكن استفزاز المسئولين فى التعامل مع المعلمين على فكرة [ تعليقك أحلـــــــــى ] بجد |
اقتباس:
وانا اخدت بالى طب فاطمة دى بنتك؟ وانت تشرف فى اى موضوع احلى تحية ليك |
للاسف انا اتاكد من الكلام ده حالا
ربنا يسترها |
احنا قالولنا اننا هنقبض مرتب 120وهناخد الشهور اللي عدت باثر رجعي وبعدين ده قرار رئيس وزراء ووزير يبقى لما ميتنفذش هيطلع قرار من الوزاره بالغائه
|
وفي المدرسه عندنا كانوا بيعملوا حصر باسماء الناس اللي لسه هتدخل امتحان الكادر من المعلمين المساعدين الجدد
|
حسبى الله ونعم الوكيل فيك يا حكومة 120 جنية ايه دول دة أنا يدوبك أجيب بيهم حلويات لعيالى فى الشهر
|
| جميع الأوقات بتوقيت GMT +2. الساعة الآن 03:55 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.