سؤال لاهل الخبرة شباب حاسبات
 

انا طالب جديد في حاسبات القاهرة

ضروووووري ياجماعة بليييييييييييييييييز

انا لسه هدخل السنة دى بس لما سألت قالولى ماتخديش حاجه لان كله بيبقى داخل ميعرفش حاجه وفى الكليه هيشرحولنا كل حاجه بالتفصيل ولو اخدت ممكن المعلومات تدخل فى بعضيها وافكارك تتشتت..................... انا اسفه انا مش من اهل الخبرة بس حبيت اقولك على اللى اعرفه

السلام عليكم

السي بلس بلس والسي شارب قريببين جداااا من بعض
انا لما بدأت بدأت في السي بلس بلس واتعلمت بيها الاساسيات وبعدين بدون مجهود يذكر بقيت اعرف سي شارب
من رأيي تبدأ سي بلس بلس عشان هية الاساس

مع العلم اني ماخدتش كورسات بره الكلية بس بدأت قبل الدراسة بشوية على النت

السلام عليكم هل البداية على النت افادتك فى الكلية ودخلتى على اية اصل انا حاولت بس مقدرتش افهم حاجة

السلام عليكم انا ليا سؤال وارجوكم حد يرد عليا انا عرفت ان احنا هندرس رياضة فى الكلية بس عايزة اعرف هتبقى فى سنة كام وهناخد اية وحاجات زى اللى كنا بناخدها فى رياضة2 ولو زيها هناخد اية من اللى درسناة فى رياضة2 لانى عاشقة للرياضة

انا بدأت من دروس كانت هنا على المنتدى وكانت سهلة جدا الحمد لله
دي كانت المقدمة
http://www.thanwya.com/vb/showthread.php?t=69497
ودي الدروس
http://www.thanwya.com/vb/showthread.php?t=71843

بس هية مع الاسف وقفت فجأة بس اخدنا كمية كويسة وفرقت معايا جدا في الدراسة الحمد لله بس اهم حاجة التطبيق العملي لكل درس ولو في حد عنده اساله يسال في الموضوع

احنا عندنا في عين شمس اربع كورسات رياضة كانوا اغلبهم تفاضل يعني حل معادلات تفاضلية والنهايات وطبعا بناخد طرق ونظريات جديدة (الاربع كورسات بيبقى في اولى وتانية كل ترم كورس)
كمان في كورسين فزيا كنا بناخد في واحد منهم حاجات في الميكانيكا بتاعت رياضة 2 (الكورسين في سنة اولى ان شاء الله كل ترم كورس)
اهم حاجة في المواد دي انك تذاكري اول باول ومتسبيش حاجة مش فاهمها وتحلي كتيييير
هيبقى في صعوبات اول الترم الاول عشان الدراسة بالانجليزي بس ان شاء الله مع الحل الكتير هتتعودي

ربنا معاكم ان شاء الله وتتبقى اربع سنين مفيدة وتستمتعوا فيها :)

شكررررررررراااااااااااااااااااا

طيب ممكن اعرف هل عندكو في عين شمس كورسات خارجية للمواد ؟؟؟

----------------------------------

سؤال تاني هل عندكو بيدو كورسات برمجة للطلبة؟؟ مش شرط يكونو في حاسبات عين شمس القاهرة مثلا

السلام عليكم بعد اذنكم انا ليا سؤال بسيط جداااااااااا اول يوم فى الكلية بيبقى عامل ازاى يعنى بيبقى فى محاضرات؟ وكمان هحتاج اللاب توب من سنة كام؟

طب ياريت ترفعلنا الكتب دي ضروووووري ولك جزييييل الشكر على اعمالك


والف مبروووك وان شاء الله من تفوق الى تفوق :)

بالنسبة لحكاية الكورسات الخارجية مش عارفة اذا كنت تقصد حاجة زي الدروس بتاعت الثانوية؟؟
لو كدة فده موجود بس غير قانوني تماما يعني في معدين سواء من الكلية او مش منها بيدوا دروس في مواد الكلية وطبعا الكلية بتحاول تقضي على الموضوع ده
وطبعا اكتر الناس اللي بيروحوا الدروس بيبقوا مطنشين المذاكرة من اول السنة وبعدين على اخر السنة يكتشفوا انهم مش فاهميين حاجة فبيروحوا يحضروا الدروس دي

بالنسبة لكورسات البرمجة هوة عموما على مدار ال3 سنين الاولى المفروض الطالب اخد كل الكورسات الاساسية في البرمجة
بالنسبة للغات البرمجة احنا في 3 سنين بنكون اشتغلنا في حدود 3 لغات مختلفة او اكتر وطبعا هية لغات البرمجة مش بتبقى محتاجة كورس ممكن اي حد يكتب باي لغة طالما فاهم اساسيات البرمجة
بس الكلية عندنا في عين شمس مبتديش كورسات خارجية في البرمجة معرفش اذا كان في حاجة زي كدة في القاهرة بس عموما انا شايفة ان الطالب في حاسبات مش محتاج كورسات اكتر من اللي اخدها في الكلية وده لو درسها بزمة في الكلية طبعا

هوة اول يووم بيختلف من جامعة للتانية ومن دكتور للتاني
عندنا في عين شمس اول يوم كان يوم عادي جدا بس اول كل محاضرة الدكتور بيخش يتكلم شوية بصفة عامة عن الكلية والمادة وكدة وطبعا اول اسبوع مبيبقاش في سكاشن هوة محاضرات بس وبتبدأ السكاشن من تاني اسبوع
وغالبا في اول اسبوع بيبقى في نشاط من طلاب الجامعة لسنة اولى بيعرفوهم بالكلية وكدة

بالنسبة للاب توب انا جبته في الترم التاني من سنة اولى بس احتجته فعلا وحسيت اني مقدرش استغنى عنه اول ما بدأنا المشاريع العملية بجد وده كان في سنة تانية الترم الاول او التاني مش فاكرة بالضبط

اهم حاجة انك من سنة اولى اي حاجة تخديها في العملي لازم تطبقيها بأيدك وتسالي في اي حاجة مش عرفتي تعمليها او مش فاهمها لان العملي مهم جدا في الكلية ومع الاسف ممكن حد يعدي ال3 السنين وهوة مش فاهم حاجة فيه بس بيتبهدل بعد كدة في مشروع التخرج وفي الشغل كمان :(

ربنا معاكم ان شاء الله وبجد اي حاجة قلقانين منها او عاوزين تسالوا فيها اسالوا انا بحاول على قد ما اقدر اساعد باللي اعرفه :)

موضوع ان الدراسة بالانجلش ده قلقني شوية ... معندكيش اي نصائح لينا ممكن نعدي بيها المرحلة دي بالذات وازاي نتأقلم على الموضوع ده ؟؟؟؟
وطرق المزاكرة وكدة ؟؟

---------- انا اسف جدااااا تعبينك معانا :(

لا ابدا مفيهاش تعب ولا حاجة بالعكس ببقى سعيدة جدا لو قدرت اساعد اي حد:)

متقلقش من موضوع الانجليزي لان ده موجود في كل الكليات وهوة بجد مش هياخد اكتر من شهر او شهر ونص وبعدها لو حد جبلك حاجة بالعربي مش هتفهمها :)
الدكاترة والمعدين بيبقوا عارفين انكم كنتم بتدرسوا بالعربي فبيعملوا حسابهم في الموضوع ده يعني في الامتحانات مش هيجيبوا كلام صعب او احيانا بيحطوا الترجمة لو في كلام صعب
بالنسبة للرياضة هتتعود على طول لان اغلبها رموز وهتتعود بسرعة
الفزيا هتبقى المشكلة في المسائل الكلامية بس زي ما قولت الدكاترة في الامتحانات بيعملوا حسابهم
المواد اللي فيها نظري شوية غالبا مش بيخليكم تكتبوا في الامتحانات بيبقى الامتحانات اختيارات وكدة ولو في سؤال نظري مش بيبقى صعب خالص المشكلة بس في المذاكرة هتبقى بتذاكر وانت فاتح الدكشنري بس طالما فاهم اللي بتذاكره هيبقى الموضوع سهل جدا
اما المواد اللي فيها برمجة طبعا مش بيبقى فيها مشاكل خالص لانها كلها فهم وكتابة كود بس

هوة دايما سنة اولى في كل الكليات بتبقى تقيلة شوية مش عشان مواد كتيرة بس عشان نظام جديد مش متعوديين عليه بس حاول تتعب شوية في الترم الاول وتذاكر بزمة وهتلاقي بعد كدة الترمات اللي بعدها سهلة جدا وبسيطة رغم انك بتاخد مناهج اتقل

وربنا يوفقكم ان شاء الله

الف شكر يا بشمهندس